يوميات اسره مصريــــــــــــه (الحلقه التانيه)

[همسه الجوارح]

المشهد الاول الاب يعود اللى المنزل بعد سهرته مع اصدقائه يدخل الشقه ويجد دوشه واصوات عاليه الاب:ايه ده ايه ده فى ايه ياللى هنا مافيش احترام ولا ادب فى ايه قالبين البيت كده ليه ترد طفلته الصغيره صفاء سناء اقولك انا يابابا الاب:قولى ياختى ماحنا هنا فى مُولد سناء:الواد محمود نزل يقابل صحابه ولبس بنطلون اخويا على الاب:وفيها ايه يعنى مايلبسوا مع بعض انتوا مش اخوات خد ياض ياعلى ياتى على وكله غضب مكبوت على:ايوه يابابا انت عامل الازعرينا دى كلها ليه على :اصل يابابا ماما غسلت الهدوم وهو نزل ببنطلونى وانا عندى شغل دلوقتى ولزم انزل والبيه طلع بعيد مع صحابه وانا هنزل بايه بقا ولا اقعد فى البيت وتصرفوا عليا الاب:وانتى ياست هانم ماقولتلهوش ليه حاجه اخوك نازل بيها الشغل الام:هو كل هم فى البلد يجى جنبى وينسند هقعد انا ع الباب اراقب اللى طالع واللى داخل زى بتوع المطار مش ناقص افتشهم الاب:والله انتى مانافعه فى شى ابدا واخرتها العيال دول هيروحو الاحداث الام بصوت عالى:روح هات وحده تنفعك وتيجى تقعدلك مع عيالك اللى يطفشوا عابد من جنته الابفى سره بتقولى فيها والله لاوريكى) انا ياستى داخل انام والله ماسمع صوت لاسيب ليكم البيت ومارجع تانى الام :ياعم روح انت نام وسبلى الهم انا لوحدى ياوجع قلبى يانى على:يكتم صوته ويتجه لوالدته والحل ياستى الام:روحى ياسناء شوفى الهدم اللى ع الحبل يمكن نشفت وهاتى بنطلون لاخوكى اكويه يشف ويلبسه ينشف عليه على:غورى يابت فى ليلتك السوده دى لاحسن انزل بالشورت واعملكم فضيحه فى وسط الشارع سناء :يادى سناء كل حاجه سناء سنااء يقطع سناء وسنين سناء فى سرها (امتى الواحده تتجوز وتخلص من الاشكال دى) حاااااااااضر ادينى غايره على :اخلصى خلينى امشي اتاخرت ع شغلى يلبس على وينزل لشغله جرس التليفون يرن تررن تررن تررن يتجه اليه مصطفى كى يرد مصطفى :الوووووووووووو المتصل:منزل الاسطى محمود فتحى مصطفى :ايوه مين حضرتك المتصل:انا واحد زميله مصطفى :اهلا بيك اى خدمه المتصل:لا بس ابنكم اتاخد تحرى فى قسم العمرانيه مصطفى:ايه المتصل :زى ماسمعت اخوك متاخد تحرى فى قسم العمرانيه وعاوز حد يروحلوا مصطفى:حاضر هقولهم مصطفى بصوت عالى ماما الحقى الام:خير يابلوه فى ايه..؟ مصطفى :فى واحد اتصل وقال ان اخويا فى القسم الام فى دهشه:قسم ايه ياض مصطفى :العمرانيه تدخل الام غرفه الاسطى تيقظه من النوم الام:قوم ياراجل شوف ابنك عمل ايه يقوم الاب يضجر الاب:فى ايه فى ليلتكم اللى مايعلم بيها غير ربنا مانتوا مايجيش من وراكم غير وجع القلب الواحد مايعرف ينام فى ام المخروب ده الام:ياراجل اهدى شويه واسمع هقولك ايه الاب:قولى يام كلثوم سمعينى ماهو انا ناقصك وماوارايش شغل الصبح الام :ياعم مابراحه عليا شويه انا صَحيِت رئيس الوزراه ولا ايه ماتسمعنى وانت حر الاب:قولى ياختى الزوجه:ابنك محمود... وقبل ان تكمل الاب:محمود تانى يقطع محمود واللى خلف محمود واليوم اللى شفت فيه محمود عمل ايه المره دى اكيد مصيبه اصل انا مابشفش منه غير المصايب الام:اصوت والم الناس تيجى تقول مالى دى اتجننت نبعيه يعنى هو مش ولدنا و لقينه على باب جامع وقدرنا هنوديه فيه اهو مسكينه فى القسم وماعرفش ليه قوم اتصرف شوف هتعمل ايه الاب :بتقولى ايه ..!فى القسم ايوه منا ناقص اقسام هتشلونى قريب والله الام:مش تقوم تروح تشوف فى ايه..؟ الاب:أأقوم اصل القسم بتاع ابويا انا .. الصبح نامى والصبح نشوف هنعمل ايه تخرج الام وهى حزينه لرد زوجها الام لنفسها (اروح فين واجى منين ديما ياولدى واجع قلبى طول عمرك ماشي عِوج لحد ماهتودى نفسك فى داهيه يارب استرها وعدى الليله دى ع خير) تييييييت فاصل وسنعود

[DR.SMA]

واضح ان محمود مش هيجيبها لبر :d
اسلوب سرد القصه وتتابع الاحداث جميل يا همس
تسلم الايادي
في انتظار الباقي يا قمره ,,

[ساحر الأحزان]

جميل الانتقاء همس لليوميات للاسرة المصرية

وهى بها الكثير من الاحداث التى نقابلها كثيرا

اسلوب جميل فى سرد قصتك اليومية

تحياتى وننتظر البقية

[بسمة العمر]

جميل خالص
عجبنى اسلوب القصة جميلة
تسلم ايدك همسة

[همسه الجوارح]

اقتباس المشاركة الأصلية كتبت بواسطة dr.sma واضح ان محمود مش هيجيبها لبر :d اسلوب سرد القصه وتتابع الاحداث جميل يا همس تسلم الايادي في انتظار الباقي يا قمره ,,

لا ده هيعمل مغامرات
ماتخفيش

ثانكس ياقمر ع التواجد

[همسه الجوارح]

اقتباس المشاركة الأصلية كتبت بواسطة ساحر الاحزان جميل الانتقاء همس لليوميات للاسرة المصرية وهى بها الكثير من الاحداث التى نقابلها كثيرا اسلوب جميل فى سرد قصتك اليومية تحياتى وننتظر البقية

ان شاء الله
ثانكس يامسيو امجد
دمت بكل احترام

[همسه الجوارح]

اقتباس المشاركة الأصلية كتبت بواسطة بسمة العمر جميل خالص عجبنى اسلوب القصة جميلة تسلم ايدك همسة

ان شاء الله الباقى يعجبك كمان
ثانكس ياقمر ع التواجد

[رحيق الجنه]

متابعة معكى بشغف
لأعرف ما هى أحوال الأسرة المصرية
تعليقى فى نهاية يومياتك
فى الأنتظار

[همسه الجوارح]

اقتباس المشاركة الأصلية كتبت بواسطة رحيق الجنه متابعة معكى بشغف لأعرف ما هى أحوال الأسرة المصرية تعليقى فى نهاية يومياتك فى الأنتظار

ان شاء الله تلاقى اللى يسعدك
مشكورة اختى ع التواجد

[الخيالى]

جميل يا اختى همس هذا الطرح

فى انتظر المزيد تحياتى