انهض يا وطني

[نقوش على صفحات الورد]

ما يهمنيش
لو حتى راح عمري
انا ما يهمنيش
ما يهمنيش
لو حتى سال دمي
عشان بلدي تعيش
ما يهمنيش
مجنون أنا
والعشق ليكي يا مصر
رمز الكبرياء
مجنون بعشقك يا أميرتي
ومن هنا تهون الدماء
مجنون وعاشق للجنون
يا بلادي غيرك لا مفيش
ما يهمنيش





مصري أنا بعلنها فوق كل الحدود
وبلادي عالم للتاريخ
للحضاره
والتاريخ شاهد على مجد الجدود
هيقولوا دا مجنون أكيد
وبعلنها جنون مستمر
ولا مفر
بعشق بلادي حتى آخر همسات العمر
ويامصر طول ما فيكي ناس بتعشقك
لا ما تخافيش
رايتك هتفضل للسما عاليه يابلدي
مهما كان
رايتك فى قلبي ملحمه
تحميها روحي والكيان
ياطيبه يامؤمنه
ياهبه من صنع الرحمن
بحبك يامصر
بحبك يامصر
بحبك يامصر





ياكل ثوار الكرامه في الميدان
آن الأوان
نرسم لبكره فجر تاني
فجر راجع بالكرامه بالأمان
فجر يتحدى الطغاه
فجر يخلق من هموم اليئس
صلوات للإله
فجر يصنع تاني بشبابنا
معنى للحياه
فجر اخضر
فجر نور
فجر قال للظلم لا
بحبك يامصر
ياكل ثوار الميدان آن الأوان
علشان نرجع تاني مصر
لاعلا مكان
عشان ناخدها من ايديها ونوهبها مهرها
لازم بجد نحبها
لازم بحب نحبها
لازم بود نحبها
كل البلاد دي علينا حق ولازم نوهبوا
ولو دمانا سال عشانها
مستعدين نطلبوا
وتهون حياتنا عشان بلادنا
وحقنا هنقربوا
وتحيا مصر في كل عصر
ويا أعادي إغضبوا

مصري أنا
وكياني في بغداد
وسوريا حبي
والقدس رمز الاستشهاد
يمني السعيد راجع أكيد
ليبي حبيبي حر
رمز الاتحاد

ووطنا يكسر كل معنى للسواد
بايدين جداد
بشباب جداد
الله أكبر يا ولاد
الله أكبر يا ولاد

انهض يا وطني واحنا مستعدين للدفاع
انهض وعلمهم دروس الحب
رغم سنين ضياع
انهض ياوطني
وكفايانا كتير خداع
حكام لئام حكمونا بالسيف والمهانه
بقى مستحيل نرجع لعصر الاستكانه
بقى مستحيل نرجع لخوف
افكارنا حره ومش جبانه
انهض يا وطني
قوم اقف للمعتدين
انهض يا وطني
الموت ما عمروش مرتين
انهض يا وطني
اقسمت بالله اليمين
ما يكون سكوت أبدا على كل الخاينين
المعتدين
الغاشمين
انهض ياوطني
انهض ياوطني
انهض يا وطني
الثوره باقيه ملايين
الثوره باقيه ملايين




الناس بتصنع ثوره واحده
ومصر صنعت ثورتين



انهض يا وطني وكفايانا سنين مزله
انهض عشان نقتل أمور كانت ممله
انهض ومش عايزين تخازل جاي بعله
انهض طاقات الحق راجعه وبينا طله




ياكل جلاد في الوطن آن الأوان
علشان تكون عبره لكل رئيس جبان
علشان نقول لا للخداع
للظلم
للتخويف
لقتل كرامة الإنسان
انهض ياوطني
مستمره ثورتك
يحميك ياوطني الرحمن
يحميك ياوطني الرحمن

[السفيره عزيزه]

بسم الله الرحمن الرحيم
ابدعت اخى والله
مجهود رائع وكل كلمه هنا
فى مكانها الصحيح
ومصر دائما بخير ما دام
فيها شباب مثلك بهذه الوطنيه العاليه
دمت اخى بكل خير
وكلنا فداء الوطن

تقبل مرورى السفيره

[نقوش على صفحات الورد]

اقتباس المشاركة الأصلية كتبت بواسطة السفيره عزيزه بسم الله الرحمن الرحيم ابدعت اخى والله مجهود رائع وكل كلمه هنا فى مكانها الصحيح ومصر دائما بخير ما دام فيها شباب مثلك بهذه الوطنيه العاليه دمت اخى بكل خير وكلنا فداء الوطن تقبل مرورى السفيره

السفيره عزيزه




صاحبة القلم الماسي الرفيع
والمميز
وجودك هنا غاية الشرف لي
وقمة التكريم
اشكرك والله
كل معاني الشكر

[يارات الحب]

تسلم اخي موضوعاتك وابداعك الراقي الزاهي

بااقلامة ذو الزوق الرفيع

[ساحر الأحزان]

جميلة الكلمات نقوش تعبر عن فيض احساس

جميل عن مشاعرنا اتجاة اوطاننا

تحياتى لاحساسك

ولقلمك المميز

[Mind language]

جميل جدا تسلم ايدك
منتهى الابداع واكتر ابيات
عجبتنى وحسستنى اننا
واحد هما دول بغض النظر
عن جمال القصيده ككل
مصري أنا
وكياني في بغداد
وسوريا حبي
والقدس رمز الاستشهاد
يمني السعيد راجع أكيد
ليبي حبيبي حر
رمز الاتحاد

[نقوش على صفحات الورد]

اقتباس المشاركة الأصلية كتبت بواسطة يارات الحب تسلم اخي موضوعاتك وابداعك الراقي الزاهي بااقلامة ذو الزوق الرفيع

يارات الحب



كل شكري وخالص تقديري
لمرورك الراقي
وردك العطر

[نقوش على صفحات الورد]

اقتباس المشاركة الأصلية كتبت بواسطة ساحر الاحزان جميلة الكلمات نقوش تعبر عن فيض احساس جميل عن مشاعرنا اتجاة اوطاننا تحياتى لاحساسك ولقلمك المميز

ساحر الاحزان


شهاده من انسان
يساوي عندي الكثير والكثير
كل ودي
وكل احترامي
وخالص تقديري

[نقوش على صفحات الورد]

اقتباس المشاركة الأصلية كتبت بواسطة doodaer جميل جدا تسلم ايدك منتهى الابداع واكتر ابيات عجبتنى وحسستنى اننا واحد هما دول بغض النظر عن جمال القصيده ككل مصري أنا وكياني في بغداد وسوريا حبي والقدس رمز الاستشهاد يمني السعيد راجع أكيد ليبي حبيبي حر رمز الاتحاد

doodaer






اشكرك جدا
على مرورك العطر
وردك الأنيق
كل ودي