الرجاله عايزين ايه

[*دموع القمر*]

السلام عليكم ورحمة الله وبركاته وب ما إن الستات نص المجتمع، وفيه ناس ما زالت شايفاهم كائنات معقدة ومش سهل أنهم يفهموها، كان لازم ما نهملش النص التاني برضه اللي فيه ستات شايفين إنهم معقدين وصعب فهمهم والتعامل معاهم، ولأني مش ضدهم، ولا جوايا أي اضطهاد ليهم، ولا أي مشاعر سلبية، علشان كده حاولت أتوصل لشوية حاجات الرجالة فعلًا عايزينها من الستات، وحاولت على قد ما أقدر أكون منصفة ليهم زي ما كنت منصفة للستات.. أي راجل في الدنيا بيكون محتاج إن الست تكون سنده ونصه التاني في الحياة. تكون سكنه والحضن الدافي له. عايزها ذكية، مثقفة، رقيقة، رومانسية... إلخ من الصفات اللي محدش يختلف عليها. عايزها تشاركه كل حياته، وتقف جمبه في كل خطوة، وتشجعه وتدِّيه دايما الحافز لأنه يكون الأحسن. الراجل عايز الواحدة تكون زوجته وحبيبته وأمه وأخته وصديقته وكل دول لازم يتعملوا بذكاء. وزي ما بيقول الرسول عن المرأة حين سئل: أي النساء خير؟ قال: "التي تسره إذا نظر، وتطيعه إذا أمر، ولا تخالفه في نفسها وماله بما يكره"... وقال صلى الله عليه وسلم: "ألا أخبرك بخير ما يكتنز المرء؟ المرأة الصالحة؛ إذا نظر إليها سرته، وإذا أمرها أطاعته، وإذا غاب عنها حفظته". تعرفوا تبقوا كده؟ وتشوفوا إيه اللي المفروض تعملوه، وإيه اللي المفروض ما يتعملش؟ أكتر حاجات بيكرهها الرجالة في أي ست البنت أو الست المسترجلة.. النوع ده بيضايق الرجالة بشكل غير طبيعي، ودايمًا الواحدة اللي بتبقى عايشة دور الولد وبتتكلم وتتصرف بطريقتهم بتسبب نوع من الاشمئزاز من الرجالة ناحيتها. فخلي بالك إن تصرفاتك المبالغ فيها ودور الولد أو الراجل اللي ممكن تكوني متقمصاه ومتخيلة أنك كده كويسة، بيعمل نوع من أنواع الكره ليكي من جانب الرجالة.. الرغي عمَّال على بطال.. الكلام الكتير والمجادلة بهدف المجادلة بس، ومش بهدف الوصول لنتيجة من الكلام، دي حاجة بتخلق جو من الإزعاج وخنقة للراجل، وخاصة لما يبقى بيتكلم في موضوع مهم جدًّا وعايز يوصل لحل فيه، وأنتي عمَّالة تجادلي وبس بدون ما توضحي وجهه نظرك ولا تقولي رأيك، ولكنك مصممة تتكلمي وتظهري نفسك مش أكتر.. الطبع ده هو اللي بيخلي رجالة كتيرة تتبع أسلوب الصمت الرهيب مع أي واحدة، ويعمل اللي في دماغه وما يفكرش يتناقش ولا ياخد رأي أي واحدة في أي حاجة...:003: اتمنى ان الموضوع يعجبكو وانتظر الرد

[Bnota~Bas~Baskota]

الرجاله عايزين كل حاجه ومش عايزين يخسروا اى حاجه

[الخواجة دراجون]

انتى بتتكلمى صح يا بنت من الصعيد الجوانى بس مش معنى كدة ان الرجالة عايزين كل حاجة ماتنسيش ان الرجالة فى كل مكان هما الامان لحريمهم
مش كلامى مظبوط بردة وبعدين انتى قولتى النص يعنى هوة من غيرك ماينفعش وانتى بردة من غيرة ماتنفعيش وشـــــــكراااااا
انا اسف ماتزعليش منى بس الموضوع شدنى
الخـــــــــــواجة

[سارية فى درب الرسول]

الكلام الكتير والمجادلة بهدف المجادلة بس، ومش بهدف الوصول لنتيجة من الكلام، دي حاجة بتخلق جو من الإزعاج وخنقة للراجل، وخاصة لما يبقى بيتكلم في موضوع مهم جدًّا وعايز يوصل لحل فيه، وأنتي عمَّالة تجادلي وبس بدون ما توضحي وجهه نظرك ولا تقولي رأيك، ولكنك مصممة تتكلمي وتظهري نفسك مش أكتر..

بصى خير الكلام ما قل ودل الزوجه اكتر شخص تعرف طبيعته زوجها تمام
طيب بعد مرور مده من الزواج هتفهم اكيد يعنى هتعرف امتى تتكلم وامتى تسكت
امتى تناقش وامتى توقف النقاش

مش اى وقت واى مجال نتكلم بيه تمام
الطبيعى ان اقصر طريق للوصل للنهايه هى الخط المستقيم يبئه خلاص اجيب من الاخر واتكلم بالمفيد
بس بردو ده بيرجع لطبيعه الزوج نفسه بيحب النقاش ولا لاء

تسلم ايدك يا جميل

[*دموع القمر*]

اقتباس المشاركة الأصلية كتبت بواسطة bnota~bas~baskota الرجاله عايزين كل حاجه ومش عايزين يخسروا اى حاجه

عندك حق بنوته ربنى يهدى

ميرسى على المرورو

[يارات الحب]

الصراحة مش كلهم الرجالة انواع
فية منهم طيب وحنين ويبقي عندة شخصية باحترام

وفية معندهوش شخصية ويعرف يحكم علي الامور بحكمة


فيمكن عصبيتهم بتبقي زايدة شوية

تسلمي اختي ولكي خالص الشكر ولالاحترام

[*دموع القمر*]

اقتباس المشاركة الأصلية كتبت بواسطة bnota~bas~baskota الرجاله عايزين كل حاجه ومش عايزين يخسروا اى حاجه

مش كلامى صح بذمتك الله يبارك فيكى على مرورك

[*دموع القمر*]

اقتباس المشاركة الأصلية كتبت بواسطة يارات الحب الصراحة مش كلهم الرجالة انواع فية منهم طيب وحنين ويبقي عندة شخصية باحترام وفية معندهوش شخصية ويعرف يحكم علي الامور بحكمة فيمكن عصبيتهم بتبقي زايدة شوية تسلمي اختي ولكي خالص الشكر ولالاحترام

احنا بنتكلم على النوع التانى ومقلناش ان كلهم كده وربنا يباركلك ويحفظك

[*دموع القمر*]

اقتباس المشاركة الأصلية كتبت بواسطة ساريه فى درب الرسول الكلام الكتير والمجادلة بهدف المجادلة بس، ومش بهدف الوصول لنتيجة من الكلام، دي حاجة بتخلق جو من الإزعاج وخنقة للراجل، وخاصة لما يبقى بيتكلم في موضوع مهم جدًّا وعايز يوصل لحل فيه، وأنتي عمَّالة تجادلي وبس بدون ما توضحي وجهه نظرك ولا تقولي رأيك، ولكنك مصممة تتكلمي وتظهري نفسك مش أكتر.. بصى خير الكلام ما قل ودل الزوجه اكتر شخص تعرف طبيعته زوجها تمام طيب بعد مرور مده من الزواج هتفهم اكيد يعنى هتعرف امتى تتكلم وامتى تسكت امتى تناقش وامتى توقف النقاش مش اى وقت واى مجال نتكلم بيه تمام الطبيعى ان اقصر طريق للوصل للنهايه هى الخط المستقيم يبئه خلاص اجيب من الاخر واتكلم بالمفيد بس بردو ده بيرجع لطبيعه الزوج نفسه بيحب النقاش ولا لاء تسلم ايدك يا جميل

[color=rgb(178, 34, 34)] الله يباركلك يا اختى وفعلا التعامل مع الراجل بيكون على حسب شخصيته مش كلهم زى بعض [/color]

[*دموع القمر*]

اقتباس المشاركة الأصلية كتبت بواسطة الخواجة دراجون انتى بتتكلمى صح يا بنت من الصعيد الجوانى بس مش معنى كدة ان الرجالة عايزين كل حاجة ماتنسيش ان الرجالة فى كل مكان هما الامان لحريمهم مش كلامى مظبوط بردة وبعدين انتى قولتى النص يعنى هوة من غيرك ماينفعش وانتى بردة من غيرة ماتنفعيش وشـــــــكراااااا انا اسف ماتزعليش منى بس الموضوع شدنى الخـــــــــــواجة

لا والله مش زعلانه ودى وجهه نظر وربنا يبارك فيك على مرورك