مساواة حريه عداله إجتماعيه

[حنـــــون]

مساواة حريه عداله إجتماعيه

كلمات من أجلها قامت ثوره 25 يناير تغنى بها الجميع من يفهم معناها ومن يشعر بإحتياجه لها

دون معلومته الكامله بمعانى تلك الكلمات ومدى تأثيرها وإحتياج كل فرد يعيش على أرض هذا الوطن

الذى عانى الكثير والكثير من القمع والذل والإستهانه به وبأحلامه وشعوره بأنه إنسان له كرامه وحقوق

فى هذا الوطن

ولكن تتداول الكلمات دون أن نفهم معناها فيكون رد فعلنا دائما بأن نفعل كل ماهو ضد أحلامنا

ونحقق أحلام ومصالح أخرين كانو يريدونها ولكن طبيعه الحال من قبل لم تتح لهم الفرصه

للتلاعب بأقدار شعب اغرقته كثرة المصاعب والمحاولات للعيش فقد مثله مثل أى إنسان طبيعى

تتشتت أفكارى

هل حلمى بأن أكون فى دوله مدنيه أصبح كفر بدينى وعقديتى

أصبح تحرر زياده عن الازم

أصبحت أشجع العلمانيه والفساد الأ خلاقى

هل الحريه بمفهومها الحقيقى شئ من المستحيلات بالنسبه لنا !!!

أنا لاأهاجم الفكر الإسلامى لإنى فى يقين كامل إذا طبق الإسلام على حق لعاش غير المسلم قبل المسلم متمتع

بحقوقه وكافه حرياته

ولكن السؤال

هل ما أسمعه ويشاهده الجميع اليوم هو المنهج الإسلامى الصحيح هو فكر ديننا الصحيح

فكرتى البسيطه والتى فطرنا عليها الله هو الدين لله والوطن للجميع

هل تحجيبى من الخارج يغنى عن فراغى من الداخل

أجسام تختبئ وراء حجاب وداخلها منتهى الفساد

هل من الدين أن تفرض الشعائر أم نتعلم اللأخلاق

هل من العدل والحريه والدين أن تساومنى على حريتى الشخصيه

والفكريه

لو يلاحظ الجميع أن بدايه نزول الدين ليست الصلاه ولا الحج ولا الزكاه

بدايه الإسلام كان الحق والعدل والأمانه والإحترام وتهذيب النفس

ما أراه الأن هو تطبيق شعائر دون غرس قيم تجعلنا نشعر بقيمة تلك الشعائر الرائعه

هل يعقل أن تحجب رأسى وتترك بداخلى فكر مشوه وأخلاق فاسده

أرى أن أمتنا تحتاج الى دعاه تعلم معنى الحياه معنى منهج الدين

لماذا وجد ولماذا شرعه لنا الله

تعلمنا كيف نحافظ على أخلاقنا مهما مرت الأزمان

أتخوف على مستقبل بلدى وأتعجب من أحوال شعبها وفكرهم

هل طالبنا بالحريه وأسقطنا النظام

لنصنع بأيدينا نظام أخر يقهر ويقمع كل الأقليات فكريا ودينيا

تركنا حلمنا الحقيقى والهدف الأوحد من الثوره

وهو بناء دوله قويه يحترمها كافه الدول لها أقتصادها الحر

دوله تحقق لمواطنيها أحلامهم وتخرج من أرضها علماء مفكرين مبدعين

ليغيروا فى تاريخ العالم ويصنعوا حضاره جديده تكمل حضارتنا القديمه

و نتناقش الان عن الحجاب والنقاب والفن وهل ستتهمش المراءه وترجع لما كانت عليه

ستقهر وتتطمس هويتها ويكون مقرها منزلها ام سنبقى كما نحن

هل نرجع الى الوراء ام نتقدم الى الامام ...........

ولكن لا يسعنى سوا أن أتامل الخير وأن يحترمنا الجميع سواء توافقنا فى الرأى أوإختلفنا

وأتمنى أن يسود بيننا فى الفتره القادمه فكرة تقبل الأخر وإحترام فكره مهما كان لايناسبنى

فلنتعايش مع الأخر لنبنى وطن تحتمى تحت سمائه كافه العقول وكل الأديان والتوجهات



فى النهايه ..

اتمنى الخير لمصر وان ارها قريبا دوله يحتمى بها الجميع

[DR.SMA]

فكر متخوف يا حنون
حاله الارتباك الفكري الي بيمر بيها كتير من الشعب
تعرفي لما يكون في بوابه مقفوله وفجأه تفتحيها على اخرها
هتلاقي الي كانو عايزينها تتفتح مش عارفين لما اتفتحت يمشو فأنهي اتجاه
مع انها من الاول لو كانت مفتوحه شويه بس كان كل واحد عرف طريقه
هي مجرد لخبطه فالاول لإدراك الطريق الصح مش اكتر
بعد دقيقه من فتح البوايه كل واحد هيعرف هيمشي ازاي
تقديري البسيط وانا فعلا مش متعمقه اوي اليومين دول فالاحوال
لكن هي مجرد حاله زعزعه بسيطه وخلل مؤقت
بعدها هيكون في استقرار فكري لكل فئه
طبعا هيكون في موافق ومعارض ول حاجه
وده شيء صحي جدا
لكن ارغام بالشكل المعروف ومحاوله الزام فكره خارجيه بشكل معين
مهما كانت لها علاقه بالدين او بالسياسه
او بالملبس او الفن او غيرهم
مظنش هتوصل ابدا لحاله زي كده
كلنا بنتمنى الفتره الانتقاليه الفكريه لينا تمر على خير
تسلمي حنونه

[misho]

موضوع حلو اوي يا حنون
و ربنا يستر من اللي جاي و يكون خير
ايا كان السلطة هتكون في ايد مين
دايما بقول اي حد هيكون قلبه علي مصر
و بيفكر بعقل و هيحكم بعدل
و هيساعد علي تقدم مصر مش تأخرها
اهلا بيه في السلطة ايا كان انتماؤه هيكون ايه
ربنا يولي الصالح ويسترها
تسلمي يا قمر علي الموضوع الجميل
تحياتي

[ساحر الأحزان]

التعايش الفكرى بين الجميع امر مطلوب

من اجل العيش بسلام واعطاء الحريات للجميع

فى التعبير عن رائيهم وان تكون الحريات والحقوق

مكفولة للجميع

وهذا هو المطلوب فى اول خطوات البحث عن الحرية

والمساواة بين الجميع

انتقاء قيم حنون

تحياتى علية

[doiss]

محدش بيرد ؟
هههههههههه
ايوة محدش بيرد !!
محدش بيرد من نفس التيار عليهم ويكون معتدل هي دية المصيبة !!
المصيبة الأكبر ان النظام الان (أنا وابن عمي ع الغريب !!)
وطبعاً كلنا عارفين مين هما الغرباء :cv26: ,,
ايوة احتمال تكون/ي انت/ي ياللي بتقرا ردي متبحلقش :497: ..
بتقول اية ؟
علي صوتك شوية ؟
لأ مش شرط تكون مختلف بالعقيدة .. أنت المرحلة اللي بعد كدة متقلقش :036:
الغريب بالأمر انك بتطلب عدل ومساواة ولو اخويا اخطأ اطبق علية مثل انا وابن عمي !!
طيب عملنا ثورة لية بئي ؟
يبقي عندنا اول نقطة محدش بينتقد الاخر من نفس التيار او شبيهه لو اخطأ !!
طيب نيجي لنقطة مهمة اوي ,,
هو دة تحالف من الباطن ؟
طيب هو التحالف دة علي جثة العدالة ولا جثة مين بالظبط ياريت يحددو !!
مهو فية جثة جاية بالطريق مادام فية تحالف ضد العدالة يبقي لازم فية مراحل ..
يعدوا من اول حفرة بعد كدة يحاربوا الوحش الصغير ويدخلوا يحطوا بنزين ويملوا ذهب بعد كدة المرحلة النهائية
واحد فيهم يقضي ع التاني ويستحوذ علي الأميرة مصر بالاخر..
مهو الاتنين او الثلاثة عاوزين يستفردو بالأميرة بالاخر هي دية قواعد اللعبة زي متعلمنا من قابيل وهابيل :sml41: .

طيب السؤال ..
هو اللي بيقول مش هنعملها قندهار هيستند لأي فقيه من الفقهاء بتطبيق قياس الشريعة ؟
مهو احنا الفقهاء عندنا بيختلفوا مع بعضهم بالشرح باحوال كثيرة وفية منهم متشدد وفيهم وسطي ,,
مع مين هما وهيوكبوا الطبيعة الجغرافية والاجتماعية والتطور الفكري ولا اية ؟

- يعني أية انا وابن عمي ع الغريب ؟
منهج الجماعة الإسلامية المتشددة (التسليح) زي منهج السلفيين (الجوامد) ولا زي الاخوان (سياسيين)

طيب سؤال صغير ,,
ياتري هيكون لينا نصيب من منهج التسليح وضد مين ؟

السؤال الثاني ,, هي الاحزاب المسماة انفسها انها تتبع السلف . تتبع منهج السلف الصالح ؟ مفتكرش ,,
فلم يمر علي إناس شوهوا اخلاق الإسلام مثل المحزبين الإسلاميين !!
بخلاف ان ازاي بينادوا بالعدالة والعدل ويودون دخول مجلس الشعب لسن القوانين ويخالفوها علي ابواب اللجان ؟
فكيف يؤتمن من سيسن القوانين بدخولة البرلمان مخالف للقوانين ؟

السؤال الثالث ,, منهج الاخوان لة نصيب كبير بالمرحلة القادمة ؟
طبعاً احنا عارفين شعارهم (الإسلام هو الحل ) ونفس حال الدعاية والاستغلال
ينطبق عليهم لدخول مجلس الشعب !!
طيب نحط فيديو صغير للوسطي أمامنا فضيلة الشيخ الشعراوي ..


)

خدي دية كمان يا حنون عارفك بتحبي الحاجات دية :biggrin:

*يحكي أنة بقديم الزمان كان هناك قائد عسكري يمتلك زمام البلاد منذ ما يقرب 60 عاماً
وبأحد جولاتة بالسوق إرتدي ملابسة المدنية فنظر لة احد افراد شعبة بغيظ .
فقال :
يسقط يسقط حكم العسكر !!
فضحك القائد وصفق لة .
وأمر بالقبض علية ووضعة بالسجن وتعذيبة مدي الحياة .
ففرح الشعب واطمئن بأنة سيعيش 60 سنة اخري بلا احزاب تكفيرية او مستغلة للدين وتحت راية الديكتاتور العسكري .
فعمت السعادة ارجاء البلاد وانصلح حال العباد .
:762:

[Mo7aMaD 3aLa2]

انا بستغرب والله على حاجات كتير
يعنى المعازف قالوا حرام وجابوا آيات و احاديث تثبت دة
وبعدين الاقى الاخوان فى حملتهم الانتخابية عاملين اعلان ع التليفزيون واحد بيغنى و موسيقى عادى !!
طيب مش دول المفروض بيقولك الاسلام هو الحل
طيب ما الدين الاسلامى نهى عن دة لو هتقولى عادى اى حد معرض للخطأ ومفيش حد ملاك
يبقى خلاص زية زى بقية الاحزاب محدش يقولى دول ناس بتوع ربنا
والسلفيين .. القايمة بتاعتهم نازلة فيها واحدة مكتوب اسمها ومحطوت بدل صورتها فانوس:biggrin:
ولما سألت قالك لا اصلها منقبة
طيب دلوقتى انا هرشح واحدة معرفش شكلها لو قابلتها فـ الشارع وعايز اطلب منها حاجة مش هعرف
حتى كمان واحد فيهم قالى صوت المرأة عورة ..
طيب دى هتتكلم فـ المجلس ازاى ؟!! وطبعا اللى شاف المناظرات بتاعة عمرو الليثى
وكان جايب مرشحين سلفيين يعرف يحدد مدى الفكر السياسى بتاعهم
والله بجد كان واحد جاى قصاد جميلة اسماعيل صعب عليا جدا مكنش مجمع )
وحازم ابو اسماعيل كل ما يطلع يحسسنا ان الحياة ايزى ومحدش هيعترض
وكل حاجة هتبقى تمام
مع انة وهو قاعد فـ البرنامج مع مجدى الجلاد جالة يجى 100 سؤال واعتراض
هو التيار الدينى واخد الاغلبية فـ البرلمان اه
لكن لسة المثلث مش اكتمل ناقص هوية الرئيس
علشان كدة ان بدأت افكر بجدية فى ترشيح البرادعى كرئيس عشان يوزن المعادلة
رغم انى كنت بختلف علية زمان بس بصراحة هو دلوقتى اللى يعادل القوة من وجهة نظرى
نيس توبيك يا حنون ..

[دمعه حائره]

صعب جدا مصر تتحول لدوله دينيه وظلم لفئه كبيره فى المجتمع
وكمان ماينفعش تبقى علمانيه قوى وانفتاح شبيه بالانحلال
الوسطيه اللى تجمع بينهم هى انجح سياسه
والاهم منهم عدم احتكار اى حزب لمجلس الشعب
لان ده هايأثر على سياسه البلد وقوانينها
يسلمو حنون وان شاء الله خير بس نحكم عقلنا فى اختيارنا

[big bốss]

فعلا يا حنون انفصال الشخصيه وسؤ التفكير والتدين الغلط


والارتاك الفكرى مخلى كل الناس مش عارفه تمشي فى انه طريق

فيه الى بيصلى و حرامى وفيه الى متحجبه و اعوذبالله منها


حاجات كتير بتحصل بتؤدى الى انهيار المجتمع


موضوع جميل حنون


لكى منى كل احترام وتقدير

[samer1985]

ميرسي ع الموضوع الهااااام..

[SiLver Spectra]

عبد المنعم الشحات بتاع الدعوة السلفية ,,عمرو أديب كان بيسأله ممكن قبطي يبقى وزير
مارضاش يرد عليه!!
بجد منهتى العنصرية ,,لو هو دا السلف الصالح فهل السلف الصالح كان بالعنصرية دي!!
أنا معرفش شعب عنصري كدا غير اليهود!!
أما الاخواني فرد عليه و قاله احنا بنعين حسب الكفاءة

دلوقتي نسبة الاسلاميين 65%
لسه المرحلة التانية و التالته هتدخل في محافظات ريفية ,,أتوقع نسبتهم ما تقلش عن 70% في البرلمان

سريعا ردا على علاء ,,على فكرة هما مش بيتبنوا فكر تحريم الاغاني
عندهم الاغاني و الفن عادي ,,دا بالنسبة للاخوان
عشان كدا هروح اصوتلهم في الاعادة ههههههه
مافيش غير اخوان و نور
على الاقل الاخواني مسيس شوية و بيفهم مش تحف زي دول


:biggrin: