ازاى تعرف المصرى

[بعثرة فرح]

زاى تعــرف المصـــرى من بين 1000 واحـــد ...... ؟
.
.
.
.
... ... ... .
.
.

- لو سألت سواق تاكس على عنوان وبدل ما يدلك قالك امشي ورايا .. يبقى مصري.
وعلى فكرة ساعات بيغير اتجاهه عشان عنده رغبة صادقة يوصلك وخايف تتوه

- لو صليت في مكان وبعد الصلاة اللي جنبك مد ايده وقالك تقبل الله.. يبقى مصري

- إذا سمعته بعد أن يضحك كثيرا يقول " خير اللهم إجعله خير " .. فتأكد أنه مصري ...

- لو إتصلت بيه في التليفون , وقال لك من غير مناسبة " كل سنة وإنت طيب " .. فتأكد أنه مصري

- لما تنزل تلاقي واحد ساند على عربيتك واول ما يشوفك يضحك ويقولك لا موأخذه يا باشا

- لو دخلت عليه وكان بياكل ولو حتى عيش وبصل لازم يقولك اتفضل الأكل ويعيدها عليك ثلاث أربع مرات

-و لما عربية تعمل حادثة فى الطريق الصحراوى أو الزراعى , و فى ثوانى تقف
لها خمسين عربية ينقذوا المصابين و يعدلوا العربيات و لو اضطروا يشيلوهم من
على الأرض .. هم دول المصريين

- لما تلاقي ناس بتقضي العيد فى المقابر مع حبايبهم اللي ماتوا يبقي أكيد في مصر

- لما تلاقي سيدة في الرايحة والجاية عمالة تدعي لأولادها وتخلى الدنيا
تدعيلهم... تبقى دي أم مصرية وطموحاتها وأحلامها الشخصية فى الحياة إن
ولادها يبقوا مبسوطين

- لو شفت واحد وقف فجأة و هو ماشى فى الشارع
و مد ايده على حتة عيش مرمية على الأرض وقام رافعها لراسه قبل مايحطها جنب
الرصيف... يبقى ده مصرى.

- لو شفت عامل اول ماخد اجرته قام رافعها لراسه و بص فوق و حمد ربنا قبل مايحط الفلوس فى جيبه ... يبقى مصرى.

-لو اديت لواحد فلوس وبدأ يعدها بصوت عالي وبدأ بقوله الله واحد .. ومع
الورقة الثانية : مالوش تاني، ومع الورقة الثالثة: العدد ثلاثة .. يبقي
أكيد مصري ابن مصري

- لو شاورت لتاكس ووقفلك فى نص الطريق عشان تركب حضرتك بمزاج يبقي أكيد مصري

- لما تلاقي خناقة فى الميكروباس والأصوات عليت كل واحد فيهم بيحلف إنه يدفع للتاني ثمن التذكرة

-. لما تلاقي ست البيت بتحوش برطمانات المربي الفاضية سنين طوال بدون استخدام يبقي أكيد دي مصرية

- لما يكون عندنا ضيوف ويسلموا عشان هيمشوا ويقفوا على الباب يتكلموا ساعه يبقوا مصريين مصريين

- لما تلاقى اننا شايلين اكياس من جميع الاشكال والالوان تحت المرتبه نبقى مصريين

- ولما تلاقى شعب فى اكبر ازمه بيمر بيها ... مابينساش يضحك ويطلع افيهاااات
ويضحك اللى حواليه وكل العالم يتكلم عليه وعلى خفته
يبقى انت اكيد تقصد ... شعب مصر....

[Ŝmilể Ḿőøn]

لما تلاقي ست البيت بتحوش برطمانات المربي الفاضية سنين طوال بدون استخدام يبقي أكيد دي مصرية


ههههههههههههههههههههههههههههه دى امى



موضوعك زى السكر

[بسمة العمر]

لما تلاقى الجران تود بعضها وتسال على بعضا يوميا
يبق دا مصرى
موضوع جميل
تسلم ايدك

[بعثرة فرح]

ههههههههه
نورتونى والله

[فارس الكلمة]

تعرفى المصري
فى الميدان
وقف ورفع صوته كمان
رمى بنفسى فى وش العدوان
طرد الظالم الطاغى بعد مرور عقود وأعوام
هو دة المصرى
بعثرة فرح
موضوع جميل تسلمى
تقبلى مرورى

[بعثرة فرح]

اقتباس المشاركة الأصلية كتبت بواسطة فارس الكلمة تعرفى المصري فى الميدان وقف ورفع صوته كمان رمى بنفسى فى وش العدوان طرد الظالم الطاغى بعد مرور عقود وأعوام هو دة المصرى بعثرة فرح موضوع جميل تسلمى تقبلى مرورى

الله عليك
فعلا هو ده المصرى

[dяєαм..|♥]

موضوع جميل
شكرا يا قمر
تقبلى مرورى

[AHMED SEVEN]

لما تسألي واحد فى الشارع عن حاجة ويقولك طبعا عارف ويفتيلك فيها .اكيد ده مصري ههههه طبعا بهزر العرب كلهم بيفتوا مش المصريين بس

موضوع رائع منك تسلم الايادي ومنتظر جديدك .. موفقة

[Ahmed Elsyad]

تسلم على المجهود المميز
دمت بخير
ننتظر جديدكــ

[نونا صاصا]

جامدة جدا وننتظر المزيد من الموضوعات