ضيف في قسم المصارعه

[Řǻet βanota]

اقتباس اولا : اسفه جدا ع التاخير لانى بجد الدنيا ملغبطه شويه ومشغوله بشويه حاجات ثانيا / انا ادبست هنا غصب عنى وانا اصلا مش بتابع مصارع فمش عايزة تريقه ؛) 1) ماهي نظرتك للمصارعه عموما؟ ريــاضه بدنيه بس عنيفه شويــات 2)ما هم افضل 3 مصارعين بالنسبه لك؟ جون سينا اكيد .. تربيل اتش .. شون مايكل 3) ما هو اكتر شئ بيضيقك في المصارعه؟ ان يكون الى انا بشجعه خلاص هيفوز وحد يدخل يشغله ويخسر بضايق جدا:biggrin: 4)من هو اكتر مصارع بتخاف منه؟ كاليه ..مش عارفه بئا كتبتها صح ولا لا سورى اصلى مش معايا ابتدائيه ^*^ 5)ما وجهه نظرك في المصارع اندر تيكر ؟ وما رائيك اذا عارفت ان اسمه يعني الحانوتي ؟ انا اعرف انو معناه كدا وانا شخصيـا بحبه وبحب اتابع لعبه كمــان 6) قص علينا موقف حدث من احدي المصارعين ادي الي انزعاجك بصى هو كان فى حلقه بيلعبو فيها فى قفص حديدى وبيبئا فى 4 مقفول عليهم و2 فى الحلبه وكل مده معينه بيطلع واحد المهم كان فيها شون مايكل وساعتها اتبهدل بجد وكانو بيخبطوا وشه فى القفص خلوه شوارع اضايقت اوى عليه :biggrin: 7) يطلب منك قسم المصارعه ان تقوم بعمل توبيك في احد قسامه ووضع اللينك هونا عيونى بعملو واجبلكـ اللينك ** 8) من الافضل جون سينا ام روك ؟ سينــــا طبعا بلا نقــأش =) 9)ما هي افضل حركة نهائية للمصارع لديك ؟ حركه اندرتيكــر النهائيه ... 10)من في رأيك من المصارعين ظلم و لم يعطة حقة ؟ امممممم لا معرفش مش متابعه اوى *( 11)من هو افضل مدير عرض مر على راو ؟ دا السؤال الى مش هجاوب عليه من ال16 بئاأ :biggrin: 12)اي من مصارعين الراو يعجبك اسلوبة في القتال؟ ولا ما اعرف راو من غيرها بس عامه بحب اوى سينا طبعا وبحب لعب ريمستريو اوى ،،، 13) من في رأيك من المصاعين اخذ اكثر من حقة في الاتحاد؟ لا معرفش ديه // 14)مارايك في ظهور كين الاخير الى هو انهى دا ؟؟! 15)من هو السؤال الذي توقعت ان اساله ولم تجده توقعت انك ممكـن تسألى انت من محبــى المصارعه ... 16) واخيرا ما مقترحاتك لتنشيط القسم بصراحه ممكن تتعمل مســابقه يكون فيهــا جوايز مغريه وتحاول التوبيكــات الى تنزل يتعملها دعــأيا وبنرات .)*

انا استمعت اوى معاكى بجد يا ميــــرو

بس ياريت ونبى بلاش تريقه لانى بجد مش متابعه

يلا بئا اطيـر انـأ

[وهج الايمان]

كاليه !!!!!
اسمه كالي فضحتيني بس بتخافي منه ليه في ناس ارعب من كده
ههههههههه

بتحبي اندرتيكر بتحبي فيه ايه ده
بدات اغير فكرتي عنك
ههههههه

الموقف اللي انت قولتيه ده جميل اوي
انا شوفت الماتش ده بس ترابل اتش قام بالواجب وزياده
والحمدلله كسبه في الاخر

11)من هو افضل مدير عرض مر على راو ؟
دا السؤال الى مش هجاوب عليه من ال16 بئاأ :biggrin:
يابنتي انت براحتك اعتبرني التوبيك بتاعك واحنا ضيوف

14)مارايك في ظهور كين الاخير
الى هو انهى دا ؟؟!
اللي هو ده

ها قوليلي رائيك بصراحه

انا بجد اسمتعت باجاباتك يا بطوط
يابنتي عادي ده انت كده ممتازه بالنسبه لناس جهم هنا كتير
هههههههههه

بس انا زحلانه منك
مش دبستي حد ليه؟

نورتي التوبيك ياقمري

[Řǻet βanota]

اقتباس المشاركة الأصلية كتبت بواسطة وهج الايمان كاليه !!!!! اسمه كالي فضحتيني بس بتخافي منه ليه في ناس ارعب من كده ههههههههه ههههههههه عشان كبير اوى بتحبي اندرتيكر بتحبي فيه ايه ده بدات اغير فكرتي عنك ههههههه لعبه جامد والله الموقف اللي انت قولتيه ده جميل اوي انا شوفت الماتش ده بس ترابل اتش قام بالواجب وزياده والحمدلله كسبه في الاخر 11)من هو افضل مدير عرض مر على راو ؟ دا السؤال الى مش هجاوب عليه من ال16 بئاأ :biggrin: يابنتي انت براحتك اعتبرني التوبيك بتاعك واحنا ضيوف هههه ربنا يخليكى يا مزة السنين .. عرفاكى مش بتحبى مزة دى :biggrin: 14)مارايك في ظهور كين الاخير الى هو انهى دا ؟؟! اللي هو ده

اقتباس المشاركة الأصلية كتبت بواسطة وهج الايمان ها قوليلي رائيك بصراحه لا مش عاجبنى شكله خالص بصراحه ؟؟ انا بجد اسمتعت باجاباتك يا بطوط يابنتي عادي ده انت كده ممتازه بالنسبه لناس جهم هنا كتير هههههههههه هههههههه طب الحمدلله طلعت بفهم شويات اهو بس انا زحلانه منك مش دبستي حد ليه؟ يالهوى يا قلبى مش اقدر ع زعلك محلشى مش تزعلى نورتي التوبيك ياقمري

دا نورك يا ميرو والله

معلش اتاخرت فى الرد لانى مش بدخل

بدبس ma7moud مشرف الرياضه

ورينى اجاباتك يا محمودى بئا :biggrin:

[وهج الايمان]

اختيار جميل يابطوط
وحمدلله ع السلامه ياقمر
هروح اجيبه وهاجي
انتظروا

ma7moud

[M@HMOUD]

وانا جيت
وشكرا ع التدبيسه يا بطه
وليا عودهـ مع الاجابات

[M@HMOUD]

انا جيت
نورت البيت

اقتباس نبدا 1) ماهي نظرتك للمصارعه عموما؟ لعبه عنيفه جدا بس ممتعه:biggrin: 2)ما هم افضل 3 مصارعين بالنسبه لك؟ سينا مايكل ري مستريو 3) ما هو اكتر شئ بيضيقك في المصارعه؟ مفيش 4)من هو اكتر مصارع بتخاف منه؟ الحمد لله مش بخاف 5)ما وجهه نظرك في المصارع اندر تيكر ؟ وما رائيك اذا عارفت ان اسمه يعني الحانوتي ؟ اعرف من زمان ان هو اسموا الحانوتى وهو مصارع حلو وبعجبنى اوى قلبت العين وانا بعملها :biggrin: 6) قص علينا موقف حدث من احدي المصارعين ادي الي انزعاجك انا بس بستغرب ع الضرب دهـ لان لو اى حد خدوا هايموت هما بيستعملوا ازاى 7) يطلب منك قسم المصارعه ان تقوم بعمل توبيك في احد قسامه ووضع اللينك هونا هاعمل وهاجبلك اللينك 8) من الافضل جون سينا ام روك ؟ جون سينا اكيد 9)ما هي افضل حركة نهائية للمصارع لديك ؟ حركات جون سينا you can see me 10)من في رأيك من المصارعين ظلم و لم يعطة حقة ؟ ع ما اعتقد مفيش 11)من هو افضل مدير عرض مر على راو ؟ تربل اتش ظبط الاداء دلوقتى 12)اي من مصارعين الراو يعجبك اسلوبة في القتال؟ سينا 13) من في رأيك من المصاعين اخذ اكثر من حقة في الاتحاد؟ ايدج 14)مارايك في ظهور كين الاخير مش شوفتها 15)من هو السؤال الذي توقعت ان اساله ولم تجده لا مفيش بصراحه كلوا موجود 16) واخيرا ما مقترحاتك لتنشيط القسم مسابقات كبيرهـ وانا معاكى لو اتعملت

بالتوفيق ان شاء الله

[M@HMOUD]

المفروض ان انا اختار حد
هاختار
do3aa

[DO3AA]

المصارعه دى لعبتى :d
هجاوب و آجى ان شاء الله
ربنا يسامح اللى ف بالى
مصارعه يا محمود؟مصارعه :d

[DO3AA]

1) ماهي نظرتك للمصارعه عموما؟
لا مفيش نظر بحط ايدى على عينى لما اشوفها صدفة :biggrin:
لا نظرتى للمصارعه انها لعبه عنيفه جدا
و عن نفسى مبحبهاش على الاطلاق
لان العنف فيها مش طبيعى ابدا

2)ما هم افضل 3 مصارعين بالنسبه لك؟
ها؟:biggrin:
لا حبيبتى معرفش حد فيهم
بسمع عن سينا ده و حد تقريبا اسمه اتش
لكن مبحبش اشوفهم ولا بحب شكلهم اصلا
مرعب كده

3) ما هو اكتر شئ بيضيقك في المصارعه؟
العنف غير الطبيعى
و ان ممكن حد يموت

4)من هو اكتر مصارع بتخاف منه؟
واحد كده بجد شكله مخيف
تقريبا اسمه فيه حاجة كده زى تيكر
او ما شابه بقى:biggrin:

5)ما وجهه نظرك في المصارع اندر تيكر ؟ وما رائيك اذا عارفت ان اسمه يعني الحانوتي ؟
هو ده اللى بخاف منه:biggrin:
لا ده معنديش وجهه نظر فيه
ده منه له:biggrin:
و اللقب ده حاجة صعبه
لو هو تسبب فى موت حد من المصارعين
يبقى بجد مفيش قلب خالص
و دى حاجة بكرهها فى الالعاب العنيفه
اللاعبين معندهمش قلب ولا احساس تجاه بعض

6) قص علينا موقف حدث من احدي المصارعين ادي الي انزعاجك
لا مفيش مواقف لانى مش بشوف مصارعه ابدا
لو شفت بيبقى صدفه وانا بقلب فى القنوات وبعديها بسرعه
لكن منظر الدم بيزعجنى جدا سواء مصارعه او غيره
و ما اكثر من وجود الدم فى اللعبه دى

7) يطلب منك قسم المصارعه ان تقوم بعمل توبيك في احد قسامه ووضع اللينك هونا
ان شاء الله هعمل

8) من الافضل جون سينا ام روك ؟
لا كلهم وحشين معلش
ومعرفهمش اصلا

9)ما هي افضل حركة نهائية للمصارع لديك ؟
هعتبر نفسى مسمعتش حاجة:biggrin:

10)من في رأيك من المصارعين ظلم و لم يعطة حقة ؟
هو فى حد فيهم بيتظلم؟
معرفش الحقيقه

11)من هو افضل مدير عرض مر على راو ؟
مين راو ده اصلا:biggrin:

12)اي من مصارعين الراو يعجبك اسلوبة في القتال؟
شيكابالا:biggrin:

13) من في رأيك من المصاعين اخذ اكثر من حقة في الاتحاد؟
والله ما اعرف
شكلى بقى وحش..ربنا يسامحك يا محمود:biggrin:

14)مارايك في ظهور كين الاخير
كين مين
انا هعيط:669:

15)من هو السؤال الذي توقعت ان اساله ولم تجده
المفروض يكون فى تنبيه
ان العضو اللى بيفهم فى المصارعه يجاوب
و اللى مبيفهمش منشوفش وشه هنا:biggrin:

16) واخيرا ما مقترحاتك لتنشيط القسم
هو فى تنشيط اكتر من كده
كل عضو بيجاوب بينزل موضوع فى القسم
الله يسهلكو:biggrin:




معلش بقى لو اجاباتى مش مفيدة
بس معلش جاهله بالمصارعه بقى
و لو هدبس حد بعدى
يبقى نقول مثلا كبرياء رجل

[وهج الايمان]

محمود اهلا وسهلا نورت التوبيك بوجودك طبعا

وبعدين بتقول بعجبنى اوى قلبت العين وانا بعملها :biggrin:

مش متخيله اني في حد بيحبه للدرجه

كلنا بنحب حركات جون سينا
you can see me

اختي علطول بتعملها في البيت

ده حتي عملولها اعلان


في رائيك اني ايدج اخد اكتر من حقه
!!!!
ده صعب عليا في الحلقه اللي اعتزل فيها
بس هو كان مصارع كويس
شكلك بتضايق منه
ههههههههه
ربنا يشفيه

16) واخيرا ما مقترحاتك لتنشيط القسم
مسابقات كبيرهـ وانا معاكى لو اتعملت
مابشوفش حاجه في الاخر
ع العموم في مسابقه مستمره هتخلص ونفكر في غيرها ان شاء الله


مستواك كويس اوووووي كنت فاكره غير كده اطلاقا
براقو عليك
واختيار جميل لدعاء
نورت التوبيك كمان مره