شارك برائيك تابع لـــ ( قادر وهعملها )

[safera]

البطالة ده موجودة من زمان اووووي مش بس دلوقتي وبدل ما بتتعالج بتزيد
وانا بحط اللوم عالشباب لازم الشاب يكون عنده عزيمة واصرار وتفاؤل يعني ممكن يبدأ شغله بحاجة بسيطة جدا وبمبلغ على قده وييوم ورا التاني يكبر ويبدأ يعمل في مشروع اكبر وربنا ما بيضيعش تعب حد بس أهم حاجة تكون حاجة ترضي ربنا مش أي شغلانة ولا أي كلام وبعض الشباب بيركن للراحة والاعتماد انه الشغل يجي له لحد عنده او بيعتمد على حاجات تانية
وممكن يكون الشباب بيأثر فيه صحابه من حواليه لما يقولو له مستعجل عالشغل ليه تعالى نطلع نسهر او نخرج وسيبك من الشغل مستعجل عالجواز يعني ( يعني هو الواحد لازم يبقى بيفكر في الجواز عشان يشتغل ) ويقولو له خليك جمب باباك يصرف عليك وبعدين تبقى تفكر بعد فترة بالشغل ده وبيخلوه يتراجع عن أحسن خطوة في حياته وهي البداية من الشباب عشان يعيش التجارب من صغره
وكمان أكييد البلد لهم سبب كبير لما بتطالب بالضرايب ومش بتسيب حد في حاله بتخلي شباب كتير يتراجعو في قرار الشغل في البلد
وعن نفسي مش بأيد انه الشاب يسافر لبره عشان يشتغل والله الموضوع نفسه أنا جربت عيشة الغربة متفرقش حاجة والانسان اللي عايش في مصر مبسوط عن المغترب كتير جدا الغربة وحشة اووي
لكن لو الشاب اعتمد على نفسه وبنى حياته على عزيمة أكبر وتفاؤل اكبر اكييد ربنا هيرزقه
وربنا يصلح حال بلدنا يااارب ويعين كل شاب على تحقيق حلمه ويوفقه في طريقه

[سارية فى درب الرسول]

فكيف يكون وجهه نظرك أنت بمشكله البطالة وكيف ظهرت ؟ وكيف القضاء عليها ؟ البطاله ... كلمه معناها عدد الكافيه نت عدد الكافيتريات وعدد صالات البلياردو شباب فراغه قتله وبمنظورى البسيط إِنَّ يتغير كل شيء حتي يغيرنا الله ِإِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ (الرعد 11) لابد من التغيير لابد من استثمار الأراضي الهاويه الخاويه والمساحات الذي ليس لها اي عائد لابد ان ننمي صناعتنا فأذا كثرت صناعتنا وردنا موارد بشريه فتقلل من حجم البطاله لابد من البعد عن الوساطه والمحسوبيات لابد من إيجاد فرص عمل لكل شاب بتخصصه لابد من وجود قلوب تخاف الله تعمل من اجل الجميع فمصر ليست ببلد صغيره ولا فقيره الموارد اغنانا الله وأفقرنا انفسنا مع القري السياحيه الذي ملأت اركان البلاد اين الصناعه اين مصانع تنتج وعمال تعمل و إداريين يديروا وشباب تتعين البطاله لابد لها من حل... لأنها الخطر الغير محسوب منها تنتج مشكله المخدرات وعدم والأنتماء وحب السفر والهجره فالبطاله هي قلب كل المشاكل واخيرا جزاكم الله خيرا لطرحكم هذه المشكله

[big bốss]

البطاله شبح سبب ظهوره انعدام الضمير فى اصحاب المناصب

العاليه المسئوله عن المعيشه المواطنين


وللقضاء عليه يجب بناء المصانع و الاتجاه الى التمنيه


والضمير والاختيار الصحيح للوزراء


وشكرا على الموضوع الجميل


والقلم المبدع

[ريـــــــم]

بصى يا ستى البطاله سببها ان كل واحد عايز يبقى مدير

مافيش حد عايز يشتغل شغل صغير والاهل عليهم عامل كبير

الام او الاب يقول لاء ابن عمك يبقى دكتور وانت تشتغل كده لا

ويرفضو شغل صغير لاسباب اجتماعيه ملهاش اى اساس

ومع العلم لو سافر بره بلده بيمسح البلاط ويبقى مبسوط

المشكله مش هتتحل الا اذا كل واحد اشتغل اى شغله متوفره قدامه
الشغل مش عيب طالما بشرف وحلال

[morshooo]

فى البدايه اشكرك على الموضوع الرائع

بس التحدى لسه مخلص ^_^

انتى فتحتى موضوع كبير جدا ويمكن محتاج صفحات لمناقشته

لكن البطاله موجودة فى جميع دول العالم او معظمها

اتمنالك التوفيق فى التحدى

فى انتظار تنفيذ باقى الطلبات

[شاعرة الرومانسيه]

الله على موضوعك

موضوع شائك وفى كل بيت فى مصر يعانى مشكلة البطاله

وصدقينى حتى لو كتبنا طول الليل ما بنخلص من مشاكل شبابنا

كله من حكومه مبارك الله يجحمهم

ضيعوا الشباب ودمروهم

الله يسترها من الجاى على شبابنا

رائعه ياقمر

[الأميرة رودي]

تسلمي ياملكه

أختارتى فعلا موضوع مهم جدا

وأكيد بيهم كل طبقات المجتمع

وانتى ذكرتى فى موضوع كل شئ يخص البطاله واسبابها واضرارها

لكن كيفيه علاجها دي اللى مشكله لان نسبه البطاله كل يوم بتزيد أكتر من اليوم اللى قبله

وكفايه خريجي الجامعات اللى بيتعبو ويتبهدلو ف دراستهم والاخر مفيش شغل
ده بيأثر على نفسيتهم جداا

لكن نتمنى الايام القادمه تكون افضل وتتغير نسبه البطاله العاليه دي

مع التغيير اللى حصل فى بلدنا

يسلمو ايديكي ياقمر

تقبلي مروري

[كبرياء رجل]

طبعا البطاله شئ يؤدي الى العديد من المشاكل واﻻنحرفات
لكن عاوزين نلقي النظر على حاجه تانيه
زياده العدد السكاني وطبعا دي مكمله لدي
يعني لو في قله سكانيه قتقل البطاله
اتمنى في اﻻيام المقبله القضاء على مشاكل كتير
شكرا على الموضوع دمتي بخير

[۩۩ elMagic ۩۩]

موضوع جميل جدا وطريقة سرده جميله جداا
والبطاله مشكله العصر دلوقت
انا هأكتفى بكلامكـ
مجهود مميز منكـ
ودى واحترامى

[جبل عالي]

السلام عليكم ورحمة الله


احييك على موضوعك وفكرته القيمة جدا وذات الاهمية بحياتنا

اختى موضوعك متكامل وكل ما ذكرته من أسباب ومشكلات

هى ما نواجهه بالفعل وكل من أتى برأيه هنا صحيح وله وزن وقيمة

ولكن لى تعقيب بسيط لكم .... وهو لماذا ننتظر ؟؟ لماذا ننتظر الوظيفة

والفرصة و....و.... لماذا لا نحاول ان نتجه الى تعلم اى حرفة يدوية

نحاول ننتج ياجماعة .... كثيرين اتجهوا لهذا الاتجاه ووجدوا فرصهم

مااعنيه هو لماذا ننتظر الفرصة ولا نصنعها بأيدينا ؟؟؟

بالطبع لا أنفى كل الاسباب والمشكلات المسببة لتلك الظاهرة

لكن لازم نحاول ونحاول ولا ننتظر الحلول من الغير او من الظروف


بارك الله فيكم جميعا وشكرا للموضوع الهادف