مشــــــواركـــ يــــا مصــــر ( بقلمي )

[Şα3Đ..♥]

يا مصر يا صوت الدفا يا حضن اولادك


طول عمرك فيكي الصبا وعزمك وجهادك


كتبتي بققلم شعبك تاريخك وامجادك


وسطرتي علي ورق الزمن فخر لاحفادك


وانا كل ما اقول فيكي الاقي الكلام زادك


بكتب مشوارك يا مصر كلمه ورا كلمه


ده احنا ياما سهينا وياما عنك غفلنا


جه الوقت اللي نصحي فيه ضمايرنا


سنين ساكتين ع الظلم والقهر وصبرنا


بكتب كفاح بلدي في سطور من دهب


كلمه ورا كلمه تلاقي سطر اتولد


سطر بيوصف شموخ وصمود البلد


سطور توصف قد ايه شعبنا صمد


غفلنا عنك وفجأه صحينا من الغيبوبه


صحينا لقيناكي مسروقه ومنهوبه


وحبال الصمت كانت علي رقابنا مشدوده


حكمين علينا شويه غجر بقوانيين مكتوبه


شوفنا فيكي ظلم وايام كانت سوده


ولو قولنا فين الحريه يقولوا موجوده


ما هو غصب عني يا بلدي دي النفس مغصوبه


سكتنا كتير ع القهر والظلم والفساد


لحد ما شمت فينا الاعادي والحساد


سوؤا سمعتنا قدام كل البلاد


وفضلنا ساكتين وشوفنا الفساد زاد


لحد ما فوقنا وصحينا للاوغاد


وبصوت كان مكبوت صرخنا ف كل الكلاب


ده صوت الحريه عمره ما ينقفله باب


نادي بيها وعلي صوت الشباب


فاكرين شببنا غفل من اللي عملوه


فاكرين ان الضمير بفلوسهم اشتروه


وحطوه ف مقبره وف التراب دفنوه


لا يا شاب اهتفوا , علووا الصوت علوه


صوت ينهز ليه الجبل يصحي ف الاموات


صوت بيقول انزلوا ياللي ف البلكونات


وكل ما يعلي الصوت يزود الاعداد


يا سلام علي سحرك وجمالك يا الميدان


بقي ليك تاريخ كانك وطن من الاوطان


وشكلك حلي بشيوخك وشبابك والصبيان


شيخ نفسه لما يموت يندفن ف تراب نضيف


وشاب كل حلمه يلاقي نومه ورغيف


وطفل نفسه يكبر ميلاققيش نفسه ضعيف


صرخوا بصوت عالي صوت طاهر عفيف


وانتوا جدعان اوي اضربوا معدناش خلاص بنخاف


مسلحين وسلاح ينهز من الرعشه والارتجاف


اضرب زود جرايمك شهدائنا عدوا الااف


بتضرب مين ياغبي ده اللي واقف ده اخوك


ويمكن تكون امك او حتي يمكن ابوك


ياخساره ضحكوا عليك وبالاوامر غموك


ولو فجأه المركب غرق ف لحظه هيسيبوك


امسك عصاك واضرب اضرب كمان وكمان


اضرب وقول مأمور ماهو اللي امرك جبان


مستني ايه من واحد عايش علي قوت الغلبان


اصحي وفوق لنفسك هتلاقي نفسك نفسك غلطان


تعالي كتفي ف كتفك تبان معني الوحده


نصرخ نقول الجيش والشعب ايد واحده


وايدينا ف ايدين بعض ع الحلوه والمره


وكمان كلمه فتنه ننساها بالمره


فاكرين هيفرقونا بخداعهم والالاعيب


يندسوا ف وسطينا وينشروا الاكاذيب


وياعيني علينا من الفتنه جايه من قريب وبعيد


وقال ايه بيلاعبونا بنظام سيب وانا اسيب


ماهو حل من الاتنين ياترحل يا اموت شهيد


نزل بقاياك نزل املا بيهم الميدان


خلي دمي يسيل يملي كل الاركان


بروي بدمي ودمعي ميدان ترابه عطشان


دمعي اللي سايل علي ضحكه شهيد فرحان


كان كل همه يلاقي حريه وعيشه ف سلام


كان مناه يسمع بنفسه كلمه سقط النظام


سقط النظام يا شهيد نام ف الجنه وارتاح


ومتخفش حقك هيرجع وحق الشهدا اللي راح


هرجع بلدنا اجمل هخلي جراحكوا افراح


واهو رحل النظام وصحينا وانت ف مكانك مرتاح

[دمعه حائره]

صح لسانك وسلم لنا قلمك
على تلك الرائعه عبرت بها عما يجول بخاطر
كل مواطن مصرى عانا من الظلم والفساد
وداق طعم الحريه وعمرة ماهايتنازل عنها تانى
تحياتى وتقديرى لك ارفقها بالتقييم والتثبيت

[big bốss]

جميله تلك الكلمات التى تحدثت عن مصر


عاشت مصرلا حره ابيه وحفظها الله من شر الغادرين


قصيده جميله يا محمد عن مصر


تسلم ايدك

[Şα3Đ..♥]

اقتباس المشاركة الأصلية كتبت بواسطة ♥ دمعه حائره ♥ صح لسانك وسلم لنا قلمك على تلك الرائعه عبرت بها عما يجول بخاطر كل مواطن مصرى عانا من الظلم والفساد وداق طعم الحريه وعمرة ماهايتنازل عنها تانى تحياتى وتقديرى لك ارفقها بالتقييم والتثبيت

متشكر اوي اوي يا استاذه ع التقييم والتثبيت
وميرسي اوي لكلامك ده
نورتي الموضوع

[الرحــاال المٌتَمرد]

الكبيـــر أوى
صرخه مدويه ... سطرتها أحرفها هنا
بقلمك المبدع ... صوبت على كافه الأحداث
كل الشكر لما قدمه قلمك هنا من أبداع
وكل التمنيات بدوام التوفيق
ومزيد من الابداعات

[Şα3Đ..♥]

اقتباس المشاركة الأصلية كتبت بواسطة nour magic moon جميله تلك الكلمات التى تحدثت عن مصر عاشت مصرلا حره ابيه وحفظها الله من شر الغادرين قصيده جميله يا محمد عن مصر تسلم ايدك

الاجمل هو مرورك والله يا نجم
ومتشكر اوي علي كلامك
نورتني يا غالي

[special girl]

آلسلآم عليكم ورحمة آلله
آخي محمد
نعم لقد عمّ آلبأس ، ألوهن كثيرآ على مصرنآ في آلآونةآلآخيره !
ولكن صبرآ على كل ظآلم فيسجآزى ولو بعد حين ،
رآقتني كلمآتك كتثيرآ
دآم قلمك ,

[ساحر الأحزان]

مهما يحصل ومهما يكون فمسير الايام تعدى

وكل واحد ياخذ جزائة على الى عملة

والشعب الابى حيظل طول عمرة

رايتة وكلمتة مسموعة

جميل اختيار

تحياتى علية