البلطجيةاو الشبيحه ولقاء مع احدهم..كيف خلقت زصنعت

[مهندس النجدي]

البلطجيةاو الشبيحه ولقاء مع احدهم..كيف خلقت زصنعت في مصر ومن هم ؟

هذه اشكالهم
بلطجي: كلمة مصرية من اصل تركي
أصلها Balta بالتركية و تعني ( فأس .
اي حامل الفأس اللذي بمقدوره ان يؤذي غيره .
لكنها في مصر تطلق علي كل منيؤذي الناس و يخاف الناس من
ايذاءه اتقاءا لشره
"البلطجة"..الشبيحه في سوريا
معناها في الاستخدام الشائع: فرض الرأي بالقوة والسيطرة على الآخرين، وإرهابهم والتنكيل
بهم.وهي
اول من استخدموا البلطجية هم العثمانيونأن ظاهرة البلطجية موجودة تقريبا فى كل المجتمعات ففى أمريكا على سبيل المثال كانت هناك "المافيا" الإيطالية ثم ظهرت حديثا "المافيا" الروسية سواء فى أمريكا أو روسيا، ومازالت الجريمة المنظمة فى العالم كله من أكبر المشاكل وتعمل فى مجال المخدرات (كما نرى فى المكسيك وكولومبيا وأمريكا الجنوبية بصفة عامة)، وكذلك تعمل فى مجال الدعارة والقمار الغير مشروع وفى الإقراض العالى الفائدة وغيرها، وكلما زادت البطالة فى بلد ما كلما زادت ظاهرة البلطجة والجريمة المنظمة.

تعالوا بينا نقترب اكثر من واحد منهم شحتة المقص وجهها لوجه.. طول بعرض ولا تمثال رمسيس وبذقنه غير المحلوقة ويضع طاقية صوف خضراء مضلعة ويكبسها فوق إذنيه، لا بسا جلبابا كستور ويبدو أنه كان نائما، وعندما فتح فمه ليتكلم ظهرت أسنانا بنية من أثرالسجائر والقهوة، كما ظهر أيضا إختفاء بعض الأسنان،وأثر جرح عميق أسفل الرقبة.
من السويس عنده 30 سنه نشوف ايه حكايته
أنا كنت عاوز أعرف إزاى بدأت الشغلانة دى؟
- إيه مالها الشغلانة دى، أنا باكل من عرق جبينى.
- أيوه إزاى بدأت؟
- أنا أتولدت هنا فى حى الأربعين، فى نفس السنة إللى إتقتل فيها السادات، ودخلت المدرسة هنا ويادوب بأعرف أفك الخط وأعد الفلوس.
- يعنى سبت المدرسة وإنت صغير؟
- أنا يادوب كملت الإبتدائى، وكنت بأكره المدرسة موت، أبويا كان عجلاتى، لما شاف إنى مش نافع فى المدرسة خدنى معاه المحل، وفى يوم لقيت عجلة راكنة جنب محل عم حسنى البقال، فخدتها على المحل ولما أبويا شافها ضربنى علقة وراح مرجع العجلة لعم حسنى، وقال لى لو عايز تسرق ما تسرقش من الأربعين، روح حى الأفرنج.
- ومن ساعتها بدأت أخرج برة الأربعين ألقط رزقى.
- تلقط رزقك إزاى يعنى؟
- يعنى أسرق عجلة من هنا وساعات كنت أروح أبيعها لحسابى من ورا أبويا، ولما أبويا إكتشف الحكاية طردنى من المحل ومن البيت
- وبعدين عملت إيه؟
- فى الوقت ده كنت إتلميت على الواد حسن الموس، وكان أكبر منى بأربع سنين ومنه إتعلمت كل حاجة.
- أى حاجة زى إيه؟
- إتعلمت منه ضرب المطاوى، والسنج، والموس، وبعدين كان فيه عملية دخلنا على واحد مريش، ضربناه وأخدنا فلوسه، وطلع مسنود فالبوليس قبض علينا وأخدت فيها سنتين، وطلعت بعد سنة واحدة فى العيد الكبير، وفى السجن إتعلمت حاجات كثيرة قوى، كنت لسة صغير، وكنت واخد حقى بدراعى وبعدين كنت فى حماية معلم العنبر.
- ومين معلم العنبر ده؟
- ده المعلم سيد اللومانجى، كان معظم وقته فى السجن كان عنده ييجى عشرين سابقة، بس كان لا مؤاخذة ..... وأنا عجبته وخلانى أنام معاه فى العنبر، المعلم سيد ده كان أهم واحد فى السجن بعد اللواء المأمور، وكان كل الضباط والعساكر يعملوا له ألف حساب، كان قلبه ميت ما يهموش أى حاجة. المعلم سيد كان بلدياتى من السويس وعرفت منه كل رجالته وأول لما خرجت إشتغلت معاهم، وكنا بنشتغل شغل كبير، وتقريبا إستولينا على حى الأربعين
- طيب كنتو بتعملوا إيه مع البوليس؟
- ساعات كانوا بيطلبوا منا نساعدهم فى القبض على واحد قتل واحد، أكثر حاجة تضايقهم كانت جرائم القتل والإغتصاب، لأن دى بتعمل شوشرة جامدة فى الجرايد، وطول ما كنا بساعدهم كانوا بيسبونا فى حالنا.
- وإيه كان أكثر نشاط بيكسب؟
- أكثر حاجة كانت بتكسب هى شغل الشقق والأراضى.
- أزاى؟
- ناس عاوزة تاخد شقة فاضية، ناس تحط إيديها على أرض، أو ناس يكونوا أخذوا حكم بإسترداد شقة ومش عارفين ينفذوا الحكم، الفلوس فى العمليات دى كانت بالالآفات، ده مرة إستوليتا على أرض فى طريق مصر الصحرواى لحساب واحد من التقال وأخدنا فيها مبلغ جامد، وبعدين طلع صاحب الأرض راجل مهم جدا فى الحكومة، فطلب مننا إن إحنا نرجع له الأرض تانى، وحصل، وخدنا فلوس من الإتنين، كانت عملية آخر جمال، كنا زى المنشار طالعين واكلين نازلين واكلين.
للحديث بقيه لنشرح كيف تطورت الفتونه بالمطريه الي بلطجه عيني عينك البلطجيه لاشرف ولا ضمير ولا يحكمهم الا حب المال
ولعلني شرحت جزء من مقابله احدهم من السويس
لتعرف انه اخطر من الاسرائييلين علي مصر
انها اخطر طبقه اطالب بتصفيتها جسديا
حتي نرتاح منهم
واخرهم بلطجيه انابيب البوتاجاز
م/ النجدي