حلمك ياشيخ علام ..

[مهندس النجدي]

حلمك ياشيخ علام ..

في حاره جو زقاق
راجل كبير ومهاب
بيبيع الوهم للخلق كلاتهم
وكلامه كله مايرويش
زي السراب كداب
قال ايه فرج سقط
وابو عوف نجح ياشباب
جري الخلايق وراه
لكنه فص ملح وذاب
رد واحد من اللي همه
وعامل نفسه فتوه
ياسلام لو طولته كنت هرسته
وعلقته من الجراب عالباب
عيل صغير سال
وايه يعني فرج ينجح
والا عزيز والا دياب
ماكلهم هليبه..بيدورو عالحصانه
ولا عمر اللي نجح يستقبلك عالباب
عملتو ايه في الانبوبه
والا اللي مش لاقيين سبوبه من الشباب
وحرميه العيش
واللي بيسرق دقيق واللي يبيع سولار
خليتو العقل محتار
خليتو العقل محتار

حتي الديانه قسمتوها شيع واحزاب
اللي يقول لك سلفي
واللي يقولك سني
واللي يقولك اخوانجي
حاجه تحير الالباب
ومطبوعات ..ويفط وصور ..
ولا عمر واحد فكر في كيلو لحمه
يمد ايده يطبطب علي كتف محتاج
رد ابوه راجل كبير وصبور
يابني ده كله ديكور منظر
عشان قدام العالم نبان
وعشان ستنا اللي بتمضغ لبان
ترضي علينا وتدينا رغيف العيش
عرفت ليه دلوقتي فايده البرلمان
لكن ياجدو ليه احنا نعيش تابعين
لاوروبا وستنا بتاعه اللبان ؟
تعبتنا النهارده بكره اقولك والوقتي روح انت نام
م/ النجدي