حاجه بقت تزهق

[alaadino]

السلام عليكم ورحمة الله وبركاته

انت مع مين اصل لو مكنتش معايا هتبقى عدوى
ونسينا الرأى والرأى الاخر
الان ومايحدث وماحدش عاجبه حاجة ولاحتى واثق فى حاجة


حاجة تزهق


مرة واحد اسلامى دخل الانتخابات
نجح ، قالوا : بسبب الشعارات الدينية.
سقط ، قالوا : خايب ودخلها ليه أساساً .
قاطع الانتخابات ، قالوا : شفتم السلبية وبيتكلم عن الايجابية والمشاركة ؟!!
دخل بأغلبية ، قالوا : عشان يكوش على المقاعد وتبقى دولة دينية.
دخل بثلث المقاعد ، قالوا : عشان حق الفيتو ويعترضلنا في كل حاجة.

دخل بأقلية ، قالوا : شفتم .. ده حجمهم الحقيقى.
ساب لهم البلد ومشى ,قالوا : سابولنا البلد خربانة وطفشوا.
ساب الأرض وراح المريخ , قالوا : شفتم ... حايعمل غزو عربي وينشر الوهابية .
رجع تاني يزورهم , قالوا : عاوز يبقى زي الخوميني ويمسك الحكم .
رفع عليهم قضية سبّ قالوا : بيسئ استخدام الحق العام وضد حرية التعبير واحنا كنا بنهزر
فقد اعصابه وشتمهم قالك شوفت السفاله
سابهم وراح اعتكف قالك شوفت الدروشه
قام راح شغله، قالوا طمعان فى الدنيا
نزل التحرير، قالوا ركب الثورة
سابلهم التحرير، قالوا خان الثورة
ربى دقنه، قالوا متمسك بالمظهر مش الجوهر
حلق دقنه، قالوا منافق
زهق ورمى نفسه ف النيل قالك كافر وانتحر

وعجبى عليكم يامصريين البلد بتضيع ف قالوا وقلنا وقالولك
مش بالذمة تنفع نكتة مااحنا دايما كده لما نزهق قوى ننكت ولوحتى على نفسنا

[لحظة عتآب]

هههههههههههههههههههههههههههههههه
والله معاك حق
البلد دى مش عاجبها حاجة
أصل عمر الــ88 مليـــون مصرى
ما هيتفقوا على حاجة ابداااا
يلا ربنا يستر ع اللى جاى

ميرسى على التوبيك
ف انتظار الجديد

[بنت الاكابر]

اه والله عندك حق
محدش عاجبه حاجه
بس اكيد مصر كلها مش هتتفق على رأى واحد
يسلمو على الموضوع الجميل دا