جولة فى مذكرات المبدعة همسة الجوارح

[دمعه حائره]

أهلا بيكم أعضاء المنتدى الغاليين النهاردة تانى جولاتنا فى مذكرات المبدعين والمبدعات ومعانا المبدعة همسه الجوارح همسات الليل مميزة الأقسام الأدبية اهلا بيكى همسه نورتى البرنامج تحبى تشربى ايه همسه عصير شاى نسكافيه اللى تحبيه قولى ماتتكسفيش اى نوع عصير بس بعيد عن المانجو:1eye: اتفضلى ياقمر احلى عصير فراولة أول جولة هاتكون جولة فى مذكراتك الشخصية عاوزين نتعرف عليك حسب البطاقة الشخصية يعنى اسمك |هدى الهوارى وسنك لو تحبى|عايشه بقالى كتير يعنى قد 21سنه اهو وبلدك\ام الدنيا مصــــــــــر محل اقامتك\الجيزه -هرم الوظيفه\طالبه الحاله الاجتماعيه\ لسه بدور ع عريس عندك عريس عندك كام اخت واخ\ اخ واخت غيرى كام صديقة\زيرو للاسف طبعك هادى ولاعصبية ولا موديه موديه فى حالات ببقى عصبيه جدا وحالات ببقت نيرفز ع الاخر واوقات ريلاكس ليه اختارتى النيم بتاعك ده نيم فيلم لمرفت امين بيتكلم عن المشاعر المكبوته تحت ظروف المجتمع هل العائله عندك تعرف انك مسجله فى المنتدى وبيقروا مواضيعك اختى هاله بس الباقى لو عرفوا هيطخونى:biggrin: تانى جوله فى بروفايلك تاريخ التسجيل من اغسطس 2009 لكن نشاطك الفعلى مابدأش غير بعد سنه ليه سيبتى المنتدى اول ماسجلتى سبته لان بعد التسجيل للاسف وصلت النت كانت بتاعت عمى واخدها ومش كان عندنا وصلت نت ولما بابا جاب وصله خاصه بينا رجعت تانى من جديد طيب ايه شجعك على الاستمرار ونشاطك الملحوظ اولا حسيت بروح تشجيع جميله من الاعضاء والاداره المميزه وبصراحه لقيت الجو المناسب ليه قائمة الاصدقاء فاضيه وهل حزفتى الاصدقاء منها ولو حزفتيهم ياترى ليه اه كانت ملينه وانا حزفتها اولا هام لان اللى بيبعت طلب اضافه بيزود قائمه الاصدقاء وخلاص لكن يسال عن اللى بيطلب منه الصداقه ولا يدور بينهم اى كلام تلاقيها لا انا لقيت انها مالهاش لزوم فحزفت الجميع واللى عاوز يسال اكيد مش محتاج اضاف همسه ماشاء الله عندك اوسمه كتير انتى بتحبى تشتركى فى المسابقات ليه اهو نوع من التانفس الجميل انا مابشتركش كتير بس بحاول اكون موجوده شايفه ان نتائج المسابقات بتكون عادله بصراحه اوقات بتعتمد ع المجاملات والتقديرات الغير مناسبه لكن فى ناس كتير عندها ضمير وبتعامل بضميرها اولا ليه مش كاتبه معلومات فى بياناتك فى البروفايل مش محتاجه اكتر من الموجود هل بيزعجك ارسال الروابط على الزوار لا ابدا عادى لكن انا قليل مابرسل لحد روابط للاهميه فقط امته همسه تقرر تقفل رسايل الزوار لا ان شاء الله مش هقفلها لان تعاملى مع الجميع فى حدود الاحترام تالت جوله فى البوم صورك صورتك الرمزيه كنتى بتغيريها كتير وكانت كل مره شخصيه مختلفة يعنى الاول كانت كل ماتعجبنى صوره احطها اوقات بتشدنى الشكل واوقات الصوره نفسها هل دى كانت فتره تردد بتمرى بيها يعنى فتره وعدت الحمد لله الرمزيه الحاليه بقالها فتره مستقره عليها ياترى بتمثل ليكى ايه وهل تشبهك؟ بتمسل الطاعه والخضوع لله عز وجل والحمد لله ربنا يجعلنا من المطيعين لامره بالنسبه لمواضيعك اغلب الصور رومانسيه وفى منتهى الجمال بحس ان الصوره بتتكلم عن الموضوع يعنى حركه الصورة والشكل بيشد القارئ للموضوع وقرائته هل الصور بتلهمك الصور وتكتبى عليهاولا بتدورى على الصوربعد الكتابه اوقات كتير بشوف صور وتعجبنى فبكتب عليها ووقات اكتب الموضوع وبدور ع صوره مناسبه ليه جوله فى مشاركاتك الرد ده اقتباس طيب فكره حلوه مقارنه بين الحب والمال بس اظن ان دلوقتى الناس تفكيرها تغير وبدور ع اللى يصون من التجارب الكتير واللى كانت عبره لكتير موضوع خفيف وجميل يسلموا عاشق دائما تفاجئنا بكل جديد يسلمو اميره تحياتى وودى عجبنى ردك بس حسيت انه مثالى ذياده لان الايام ده الكل بئا مادى اكتر عاوزة توضيح منك همسه اختى دمعه وسائل الاعلام بما فيها من عيوب وشواز وخروج عن ارض الواقع بس تلاقى المتفرج يتشد اكتر لمسلسل اجتماعى واقعى وبيشده الاحداث اللى بتشابه الامر الوقع من هنا بقا فى وعى اكبر بقت الناس بتفكر فى العواقب والامثله كتير مسموعه ومقرواه ومرئيه احنا بقينا نشوف بعنينا امثله كتير ع ارض الواقع مختلف والفلوس مابقتش دلوقتى تقيم صاحبها لان فى شباب مشاء الله يمتلك من الاخلاق ومعانى الرجوله المختلفه واصل كريم افضل بكتير من واحد مش معروف اصله ولا فصله بس معه فلوس ممكن فى لحظه تتبخر وتبقى مالهاش اى لزوم وممكن تكون من طرق غير مشروعه فتصبح نار تلتهم كل مان يقترب اليها انا عن نفسي هختار اللى ترتاحله نفسي ويقبله قلبى مايهمنيش معه ولا ممعهوش واهلى اكيد بيفكروا فى اللى يسعدنى ويطمنوا عليا معه الرد ده من موضوع خلف اسوار النيابه اقتباس قضيه كانت ومازالت يتابع احداثها المواطن المصر وينتظر الحكم فيها بالعدل فان اتى يوم وتحقق العدل ارتفع صوت الحق وعلت اعلام الوطن العربى مش بس مصــــــــــــــــر اشكرك اخى ع السرد الرائع بالتوفيق ان شاء الله همسه شايفه فى تغيير فى مصر بعد الثورة وهل مع استمرار التظاهر والاعتصامات بصراحه لو فى تغير هيكون ردى للاسوء التغير مش بس قضاء على نظام وتظاهر وضرب وسحل قوات وانظمه التغير فى البناء شوفوى تونس هدمت النظام وبدات بالتغير الجزرى فى الدوله وبدات صح احنا بقا عملنا ايه الجريمه معدلها زاد الامن تقريبا انعدم التلوث معده بقا 200% الخروج عن الشرع والقانون بقى ملحوظ المخالفات فى البناء على الاراضى الزراعيه بقت الارض كلها مبانى قوليلى ايه الحاجه الوحيده اللى اتغيرت صح الهدم والحرق والضرب هو ده التغير نفسي مصر تقف بجد تبنى بجد وكما قال رحمه الله عليه الشيخ الفاضل الشعراوى الثائر الحق هو الذ يثور ليهدم الفساد ثم يهدا ليبنى الامجاد) احنا ثورنا بقالنا سنه ولسه مابناش ولا طوبه لحد دلوقتى ربنا يستر ع اللى جاى وانتى بتردى على المواضيع بيختلف ردك على الشاب والبنت ولا بتبصى للكلمات فقط لا مش يفرق معايه ولاد ولا بنات المهم الموضوع يكون جميل لو خاطرة ماعجبتكيش ممكن تنقدى ولا بتفضلى الخروج بدون تعليق بصى ياختى النقد بيدايق اى انسان وخصوصا قدام الناس انا لو معجبنيش موضوع بفضل الخروج فى صمت لو اعرف الكاتب شخصيا هبعتله على الخاص يكون افضل جولة فى مواضيعك وانا بلف فى مواضيعك شفت الموضوع ده حبى يختلــــــــــــف عن كل النساء كلمات فى منتهى الرومانسيه ايه خلاكى تكتبى الخاطره دى وتفتكرى يا همسه لسه فى حب بالشكل ده ولو نجحت علاقه حب مين فى الطرفين بيكون السبب اكيد لسه فى مشاعر جميله وحب حقيقى انا كتبتها بدون ترتيب يعنى وليده اللحظه لو نجحت العلاقه بتبقى من الصدق والاخلاص لو فى اخلاص بين الطرفين اكيد هتنجح ده الاساسى والموضوع ده محدش حاسس بيا ايه وصل همسه للحاله دى وهل حسيتى فعلا انك وحيدة ومحدش حاسس بيكى انا مريت بظروف صعبه كتير برغم ان ناس كتير حولى لكن ماحستش ان حد فيهم حاسس بالالم وجرحى الموضوع ده فى هذا المساء هل فكرة الصفحات المكشوفه فكره ناجحه نوعا ما يعنى مش قوى ومريحه فعلا للكاتب؟ حسب احتياج الكاتب للبوح عن ماداخله وهل بتكتبى فيهاكل اللى فى بالك؟ احيانا اهتميت بها فتره ولكن اهملتها فى الفتره الاخيره بسبب الظروف الصحيه ولا مازال هناك صفحات مخفيه عند همسه؟ مازال فى صفحات كثيره لم ابوح بها حتى الان الموضوع ده صرخات حنين العنوان لفت نظرى فى حنين بيصرخ؟ اكيد الحنين احد عناصر الكيان وجوده بيداخلنا بيشعر بكل الالم فيصرخ صرخات غير مسموعه وايه الهمك لكتابة الموضوع ده يعنى الشوق الكمين بداخلى لمن احب ونفسي يسمعه عاوزين نعرف ازاى همسه بتفكر فى المستقبل المستقبل بيد الله وحده وهو احق منى فى تدبرى فهو جدير بيه وايه نفسها تحققه سواء فى حياتها الخاصه او داخل المنتدى؟ الاحلام والامنيات كلها تكون مثاليه بوجود من نحب واسره ناجحه وابناء صالحه داخل المنتدى بحلم بوجود كل واحد فى مكانه محقق كل امنياتته نفسك تبقى اديبه مشهورة؟ ياريت ده حلم الطفوله جولة فى اهتماماتك داخل المنتدى همسه اول مابدأ نشاطك كان فى قسم النقاش والشعر لكن دلوقتى ركزتى على قلم الاعضاء والابداعات ياترى ايه السبب انا الاول فى قسم الخواطر كنت بدور ع الكلمه الحلوه الجميله ويمكن اكون اغلب مواضيعى فى الاول منقوله من مواقع تانيه كنت بخاف اكتب من مواضيعى علشان ماتعجبش حد واحس بالاحباط المهم بعد حصولى ع التميز قرر ان مواضيعى تكون بتاعتى انا لوحدى وقسم الخواطر والشعر بقى مخلوط من المنقول والمكتوب من ابداعات الاعضاء اما قسم الابداعات واقلام القسمين المعروف عنهم عدم النقل والنقاس اهو بنشارك فى المواضيع اللى تستحق النقاش والاراء الجميله واى قسم مفضل عندك اكتر اهو الاقسام اللى بمارس فيها نشاطى وبلاقى نفسي فيها مين اكتر الاعضاء مقربين ليكى كل من يهتم بمواضيعى فهو قريب منى مين من الاعضاء اللى بتحرصى على متابعة مواضيعهم دمعه حائره السفينه واد حبيب ساحر الاحزان سيد الشرقاوى حسام الشاعر رحال بلا عنوان وبسمه العمر وكتير بصراحه بحب مواضيعهم مين اكتر شاعر مفضل عندك؟ كل المتواجدين مفضلين عندى بلا تحديد مين العضو او العضوة اللى حاسه بغيابه ومفتقده وجوده وتحبى توجهيله رساله همسه الجوارح اقولها ارجعى بقا كفايه لو اتعرض عليكى الاشراف تختارى اى قسم الابداعات ايه رائيك فى قسم الابداعات؟ زى الفل بما فيه من كتاب واداريين وايه مش عاجبك فيه مافيش وتقترحى ايه نضيفه للقسم؟ تزويد المسابقات للتنافس وازاهار المواهب يعنى لزم يكون فى مسابقه اسبوعيه ياريت تقدمى نصيحه للاعضاء الجدد انهم ماييداقهوش بسرعه وانهم يتفاعلو مع الجميع وهيلاقوا الجو المناسب لكل واحد فيهم ونصيحه تانيه لمشرفى الابداعات ربنا يقويهم لما تسيرو له ايه رائيك فى البرنامج وليه قبلتى الدعوة برنامج جميل جدااا وقبلت لان دمعه حائــــره طلبت همسه الجوارح تقول حاضــــــــر نتمنى تكتبى لينا بيتين او اكثر شعر او نثراول مره ينزلوا نفسي اتوه وسط البشر واضيع داخل خيوط القمر واسبح وسط امواج البحر واطير فوق اغصان الشجر المس بايدى اطراف الجبال وامسك باطرافى اطراف الرمال واضحك بصوت عالى رنان ولا يهمنى صخب انسان واشعر بدفئ الليالى والحنان واضم النسيم فى صدرى واحير الجميع فى امرى وازين ربيع ايام واطير وسط احلامى وارسم البسمه فوق شفاتى والغى الاه من قاموس حياتى وازيل الدمع من فوق وجناتى حلمى بسيط غالى مرسوم فوق النجم العالى حلمى اكون انسان بلا جرح بلا احزان اتمنى اكون ضيفه خفيفه ع الجميع احترامى وتقديرى ليكى حببتى بنشكرك على قبول الدعوة همسه وطبعا كنتى ضيفه خفيفه ونورتينا ونتمنى ليكى مذيد من النجاح والابداعات انا اللى بشكرك ياقمر على الاهتمام احترامــــــــــــى

[عازف على جدار القمر]

	دمعه حائره .. الرائعه وهمسة الجوارح .. الرائعه وتوبيك ولا اروع من شخصيتان رائعتان ومحترمتان ومتميزتان مش جديد منكم يارب دايما مؤكد اعلى تقييم ليكم لروحكما الورد

[واد حبيب]

بسم الله ما شاء الله حوار جميل جدااا يا دمعه

مع عضوه متميزه جداا وموضيعها في قمه الجمال العالي

عجبني جدااا اسلوب الحوار واجابه همسه جميله

ان شاء الله ترجع تاني زي الاول وتنور المنتدي

وعلي الله مترجعش قسم الخواطر تاني احظرها من المنتدي هههههههه

تقبلو مني كل احترام وتقدير

الحبيب

[game010]

بجد حلقة جميلة جدا جدا جدا
واجابات روعة من شخصية مميزة
وبرنامج جميل جدا
فى انتظار الحلقات القادمة
ودى وتقديرى واحترامى

[فارس الكلمة]

دمعه حائره
فعلا كانت جولة مميزة حيث كانت ضيفتك مميزة
نعم هى همسة الجوارح
تتمتع بأسلوب رقيق وجميل
تستطيع أن تصوغ قلمها وتخرج أجمل المواضيع
إستمتعنا بتلك الحلقة وفرحنا بالتجاول بين هذه المذكرات
فعلا مذكرات مبدعة
تقبلا مرورى ودمتم بكل الخير
دمعه
ننتظر المذكرة القادمة مع مبدع أخر

[ساحر الأحزان]

جميلة الحلقة دمعة مع همس الجوارح

عضوة ذات حضور مميز

ونشاطها واضح فى كثير من الاقسام

اتمنى لها ولكى دوام التوفيق

تحياتى لكم

[╯ Princess ╭]

جولة حلوة جدااا تسلم ايدك

نورتينا يا همسة

ننتظر القادم

[Dr.nano]

حـــــــــــــــــوار جميل اوي منك يا دمعه

وإجابات حلوة من همسه

صاحبة القلم الأنيق

تسلم ايدك يا دمعه


تحياتي

[banouta]

وكأن الابداع يترسخ فيكن اخواتى

بجد يا دمعة حائرة ابداعك راقى وفكرة البرنامج هايلة جدا

بجد انا استمتعت بقراءة الاسئلة
وبسم الله ما شاء الله عليكى يا همسة

قد ايه عقلك ناضج
قد ايه انتى انسانة ذوق وهايلة

بجد بتمنالكو كل خير

تسلمى يا دمعةحائرة على الجولة الجميلة

دمتم بخير

[شاعر واسير الحب]

اللهم صلي علي النبي
دمعه ابدعتي همسة الجوارح نوتينا
يااااه حوار شيق استمتعنا به مع محاورة جاااااادة ورائعه في اسئلتها واجادت وابدعت
ومع ضيفة لطيفة في اجابتها طيبه الكلام ردودها طبيعية
ابدعتم في اخراج حلقة جميلة وحوار رائع
دمتم لنا بخير