يا دموعي أرحميني بقى وأهجريني

[أبـكتنــى ذنوبــى]

يا دموعي أرحميني بقى وأهجريني

يا دموعي سيبيني فى حالى عشان أعرف أعيش

يا دموعي كفاية عشان خاطري عشان خاطري ماتحاوليش
مش ح يرجع صدقيني
ولا حد فى الطريق
صدقيني ماتقاوحيش
الدكاترة قالوا كدة



استني ماتحلميش يادموعي كفاية والنبي
قلبي ماعدش عارف يعيش
عارفة انك حاسة بيا
عارفة انه واحشك زي ماواحشني
عارفة انك نفسك تشوفيه أوي
بس خلاص ياحبيبتى
ثلاث شهور عدوا


وح يعدي زيهم قد ما ح نعيش

كتير أو قليل

عارفة انك حزينة على بعد الأمل فى اللي جاي

بس ارجوكي ماتنزليش باتعب منك أوي يا دموعي
وانتى مابتصبرنيش


لوحدي !؟
آه لوحدي طب وماله ما أنا بأقرا أهوه


وبأحاول بأحاول أخرج برة قلبي
برة حزني وهمومي
برة ألمي وابتلائي
برة مكاني وزماني
برة روحي وجروحي

برة نفسي بأحاول أهرب منك يا دموعي


بأحاول أفلفص منك وأعافر

عشان ما تغرقنيش

يمكن ألاقي ضحكة تايهة تحن عليا وتقعد معايا
أضحك معاها يمكن أنساكي وتنسيني
يا دموعي تعبت منك أوي وماعدتش مستحملة
ده انا قلبي داب منك خلاص واتهرى


يا دموعي اسمعي كلامي وإبعدي بقى

يمكن أعرف أعيش

[لحن الحياة]

يااااااااااااااااااااااااااااااااااااه بجد تسلمى

[ساحر الأحزان]

جميلة كلماتك والدموع نعمة من الله

نمسح بها احزاننا

ونفرغ بما فى قلبنا

جميل الموضوع منك

دمتى بكل سعادة

[banouta]

رائع ما نسج على صفحة بيضاء تلون بحروفا من دموع وقلب كاد ينفطر موجوع

نعم لقد كانت الدموع سببا فى راحتنا من حزننا
رغم انها تدل على الالم والوجع
ولكن نحتاج اليها وبشدة كى تصبرنا

ولكن نتمنى ان تبعد عنا لانها دلالة على الحزن
وارجو من الله ان يمنحنا سعادة
تعابير رائعة بتصاوير ما اجملها تجسد نقطة الدمع واثره
اختى لقد ابهرتينى بمواضيعك الراءعة
دمتى بكل خير

[أبـكتنــى ذنوبــى]

شكرا لمروركم على موضوعي

[عندليب سيناء]

يسلمو كتير

[*˛ ˚♥♥* AnoOosha★ *˛ ˚♥♥*]

بجد تحفه يسلموووو

[booody99]

كلمات جميله منك فعلا وربنا يسعدك يارب

كل التحيه والتقدير

[نـــــ غ ـــــــم]

غـآَلِيَتَي..
صَفَحَات تَرْتَقِي بِالْجَمَال الْعَاطِر
لَاعَدَمَنَا رَوْعَة مَجُهُوْدِك
دُمْتِي بِوِد وَكُل الْوَرْد