يارب انت المستعان

[أبـكتنــى ذنوبــى]

وكأن كل ده بيحصل والقدر بيرتبه عشان أثبت على موقفى اكتر سواء بالرفض لشئ او بالموافقة على شئ آخر

ه

يمكن كل ده بجد ربنا رتبه عشان اعرف اعيش بعد كدة ومافيش حاجة تضايقنى من ناحية الموضوع ده

يمكن كل اللى حصل من اول ما اتخرجت كان عشان كدة

وعشان اصبر واقول يارب

وعشان امشى فى الطريق اللى ربنا اخترهولى

وكأن كل شئ حصل من الاول خالص كان اكنى ماشية وقدامى طريقين ونفسى فى طريق منهم اوى اوى اوى

وبعدين ألاقى الكل واقفلى ويقولى بلاش .. خدى الطريق التانى احسنلك

كل شئ قالى كدة .. وكل حد .. حتى الظروف والملابسات

حتى التفاصيل البسيطة اوى

حتى الاحلام او المنامات اللى بشوفها

او حد يشوفهالى

حتى احلام بابا عنى

حتى سطور كل كتاب بقراه

حتى آيات القرآن

حتى صوتى المخنوق فى التليفون

حتى افكارى قبل ما انام

حتى اللى بشوفه حواليا

حتى الخنقة اللى انا فيها دلوقتى والقهرة اللى جوايا

كأن كل ده حصل عشان اعرف ان كل شئ بأمر ربنا بس مش عشان اسباب الدنيا خالص

لان ربنا اللى خلق الناس والدنيا وكل شئ

وربنا قادر على كل شئ

يارب .. انت العالم بحالى وغنى عن سؤالى

يارب انت عالم باللى حيكون

يارب صبرنى وعوضنى خير يارب

يارب انت بس اللى عالم بالخوف اللى جوايا والقلق

والرهبة الشديدة

والرعب

والدموع اللى جوايا ونفسها تطلع دلوقتى على هيئة صرخات مدوية

يارب انا عارفة ان اللى انا فيه دلوقتى ده إبتلاء كبير

يارب انجح فى الإبتلاء ده وتبقى راضى عنى

وابقى اختارت سكتك وطريقك وقدرك

يارب ده اللى يهمنى يارب

يارب ياقادر على كل شئ نجحنى فى إبتلائك يارب

يارب

يارب افرغ عليا صبرا واهدينى لسبل الرشاد

وطمن قلبى واهديه للى فيه الخير

يارب أعينى وقوينى على اللى جاى يارب

اللهم انت فى نحورهم وابعد عنى شرورهم وافوض امرى إليك

يارب إهدى عليا الناس اللى عايشه معاهم وصبرنى عليهم

يارب اللهم آمين

[بسمة العمر]

الله سبحانة وتعالى اذا اراد شئ قال له كون فيكون
الكون كولة ماشى بامر منو
لازم احنا نؤمن بدة
وربنا ديما بيحب يختبر عبيدة بس اهم حاجة اللى ينجح فى اختبارة هو دة
المؤمن الصادق
تسلم الايادى

[نـــــ غ ـــــــم]

اللهم امين ياارب العامين


سلمت يمينك يالغاليه جعلكى الله من اهل اليمين

دمتى ودام نبض قلبك

خالص تحيااااتى