حلقات برنامج ( نجوم المنتدى )

[morshooo]

اقتباس المشاركة الأصلية كتبت بواسطة احضان الحبايب فكره رائعه .. و منتظرين ضربة البداية ..

اشكرك على التواجد الرائع

تحياتى لمرورك المميز

[♥..ᗩпo]

مآشآْ الله عليك يآمورشو
بجد مجهود مميز وعآلي منك
وبانتظآر اول نجم ~

_______

[Silver Flower]

فكره حلوه
بالتوفيق ان شالله

[عاشقة الهدوء]

لا بجد فكره جااامده جدا يا أحمد

ومش جديد عليك التميز فى أنتظار أول حلقه

ربنا يوفقك ويحفظك

[beauty angel]

فكرة جميلة يامورشوووو
فى انتظار تنفيذها وأول الضيوف ،،
ويلكم باكـ
بالتوفيق ان شاء الله

[countess]

مافي شي جديد كابير من يومك > منتظرين

~~~~~~~~

[حنـــــون]

افكارك مميزه دايما يااحمد
برنامج جميل
منتظرين اول حلقه موفق دايما ^^

[morshooo]

بسم الله الرحمن الرحيم اهلا ومرحبا بكم وأولى حلقات برنامجكم ( نجوم المنتدى ) زى ما اعلنت من قبل ان هيتم استضافه مشرفين الاقسام عشان نتعرف عليهم ونقرب منهم ونحاول نعرف بداية دخولهم المنتدى كان فعلا تركيزهم على الاقسام المشرفين عليها والا لا ونحاول ناخد منهم نصيحة عشان الاعضاء الجداد يحاولو يوصلو لمراحل ومناصب افضل فى المنتدى . النهاردة معانا ضيفة متميزة جدا جدا دائما متالقة بتواجدها فى المنتدى . انا شخصيا من اكثر المعجبين بقلمها واسلوبها بالمنتدى معانا المتالقة دائما beauty angel مراقبة الأقسام العامة اهلا بيكى تعالو بسرعه بقى نشوف الحوار الى حصل مع ضيفتى ونشوف قالت اية فى برنامجنا النهاردة س / فى البداية اهلا بيكى فى برنامج ( نجوم المنتدى ) ؟ أهلا بيك ياأحمـــد س / هل تستحقى لقب ( نجمة المنتدى ) من وجهة نظرك ؟ لية ؟ لا ، أنا بعتبر نفسى زى أى عضو هنا كل عضو فينا بيكون فى فترة نجم المنتدى بنشاطه وتميزهـ ويجى عليه فترة يغيب ويختفى مهما كان مجهودهـ واضح ومميز نتيجه ظروف الحياهـ وكلنا بلا أستثناء بنمر بكدهـ يعنى اى عضو هنا فى فترة تميزهـ ونشاطهـ بيكون هو نجم المنتدى مش شخص معين ،، فــلا داعى للألقاب س / فى بداية دخولك المنتدى كنتى مهتمة بالقسم العام والا مكنش فى دماغك ؟ لا خالص مكنتش مهتمة بالقسم العام ،، ولا كنت مهتمة بقسم معين فى الأول كنت بحب أشاركـ فى معظم الأقسام كل شوية تلاقينى فى قسم أكتر الاقسام الى كنت بحبها قسم الأقلام والنقاش والاسلاميات واليوميات .. أبـــــدا مكنتش بحب القسم العام حتى طارق لما عرض عليا الاشراف هو الى أقترح عليا القسم العام وكنت مترددة فى الاول وقتها كنت بأفضل النقاش لكن دعاء كانت لسه ماسكة أشرافه لكن دلوقتى الحمد لله كويس أنهـ أقنعنى وقتها بالقسم العام ^^ س / اية سبب حبك للقسم العام ؟ مكنتش بحبه فى الأول أول الى حببنى فيه وجود أسيل وسيرين معايا فى الاشراف كمان بعد كدهـ حبيت القسم نفسه وحبيت وجودى فيه هو قسم مرن وبسيط و ليه أعضائه بمعنى أنه فى أقسام دائما مشرفيها بيشتكوا من أنها تقريبا شبه مهجورة مفيش أعضاء بيدخلوها أصلا الحمد لله دى مش موجودة أبــدا فى القسم العام على طول فيه أعضاء بيشاركوا فيه وبينشطوهـ بالمواضيع والردود ويمكن دى من مميزات القسم العام س / يمكن انتى محظوظة انك مشرفة على اهم قسم بالمنتدى اية رائيك فى القسم العام حاليا ؟ القسم حاليا أختلف عن الأول 180 درجــة آهـ ممكن يتأثر فى فترات بسبب غيابى او غياب أحد المشرفين لما بنكون موجودين بنحاول نعمل الى علينا طبعا زى باقيه الاقسام كل فترة بيكون محتاج افكار ومسابقات جديدة تنشطه لكن الحمد لله رآضيه الى حد ما عن وضعه دلوقتى س / من وجهة نظرى ان القسم العام هو القسم الوحيد الى فية ظلم للاعضاء بسبب كثرة المواضيع محاولتوش تشوفو حل لحكاية اخفاء المواضيع ونقلها للصفحات الاخرى بسبب كثرتهم ؟ طبعا لازم يحصل ظلم للأعضاء لما تلاقى أن عضو واحد منزل حوالى 6 مواضيع فى يوم واحد علشان كدهـ طلبنا من طارق يطبق خاصيه موضوعين فقط للعضو فى اليوم الواحد !! و فعلا كان طبقها فى القسم وأنا والمشرفين بنحذف فى المواضيع المكررة على قد مانقدر وبنمنع رفع المواضيع القديمة ونبهنا فى قوانين القسم أنه ممنوع أكتر من موضوعين فى اليوم للعضو واى عضو بيزود عن كدهـ بنحذف المواضيع الزيادة علشان مش نظلم باقى الاعضاء فعــلا حاولنا كتيــر لكن لا حياه لمن تنادى ،، واضح أنها طبيعه القسم لانه فى الاغلب بيعتمد على المواضيع المنقولة ومفيش أسهل من الكوبى والبيست س / اية المشاكل الى بتواجهك فى أدارة القسم ؟ ادارة القسم الحمد لله أتعودت عليهـ خلاص بقيت عِشرة أنا والقسم العام ^^ ما أكثر حذف ونقل المواضيع خلاص أتعودنا عليها لكن يمكن أصعب حاجة ممكن تواجهنى أنا وسيرين زى باقي الاقسام فى فترات بيجلنا فيها احباط مثلا لما نعمل فكرة جديدة ومش نلاقى عليها أقبال من الأعضاء أو نقعد لفترة من غير فكرة جديدة تنشط القسم س / انا حابب ارجعك لبداية دخولك المنتدى وخاصة القسم العام حابب تكلمينا عن الفترة دى ؟ بدايه دخولى المنتدى قبل الاشراف كان بالنسبالى زى اى قسم يمكن مكنتش بدخله كتير أو بشارك فيه عادى من فترة لفترة ، كان ليا اقسام تانية كنت بفضلها وبشارك فيها وكان اشرافى عليه صدفه زى ماوضحت فوق لكن بعد مسكت الأشراف عليه بدأت معاناتى مع القسم العام تقريبا كان شبهـ ميت بجد كان معايا اتنين مشرفين مكنوش بيدخلوا خالص فى الفترة دى وكان القسم بالنسبالى ممل جدا مفيش أكتر من العمل الرقابى حذف ونقل مجرد عمل روتينى مش أكتر بعد فترة لما أسيل وسيرين مسكوا معايا الأشراف ممكن أقولك بجد القسم أختلف تماما فى الأول كان عندنا نفس الشعور تجاهـ القسم احنا التلاته بدأنا نتعاون مع بعض بشكل كبير ونتناقش بخصوص القسم وهنقدر نعمل فيه ايه ونغير فى ايه عملنا افكار جديدة ومسابقات اى فكرة كانت واحدة مننا تنزلها كنا بنقسم الأدوار بينا وبنفذها احنا التلاته مع بعض س / فاكرة مين كان مميز فى القسم العام والا مش فاكرة ؟ كل فترة بيكون فى أعضاء جديدة مميزة فى القسم بيشاركوا فيهـ باءستمرار ونشاطهم بيكون واضح فيه كان فى مثلا بنت السعودية دلعها غير - حر اليدين Queen of love - نبيل البصراوى ملاك الصمت - رنين - أحمد العليمى - زهرة الشتاء كان فى كتير طبعا مش عايزة أنسى حد .. س / قولى للاعضاء الجدد نصيحة انتى كنتى متبعاها فى بداية دخولك المنتدى ؟ مفيش حاجة معينه كنت متبعها فى بدايه دخولى المنتدى لكن اى مكان جديد الانسان بيدخله بيكون حابب انه يثبت نفسه فيه وعلشان تثبت نفسك هنا وتوصل للتميز لازم يكون فى نشاط ومجهود واضح - مشاركات وردود قيمة وتقبل الرأى والرأى الأخر - وأهم شىء احترام متبادل مع الجميع أسلوبك مع الغير بيعكس شخصيتكـ س / لو قولتلك قوليلنا مين الاعضاء المميزين فى قسمك فى الفترة الحاليا ؟ حاليا من الأعضاء المميزين فى القسم عازف على جدار القمر - Jockey Zahra - lost pearl نــ غ ـــم - رنا هشام - ساحر الأحزان ومن انشط الأعضاء فى القسم بيشاركوا فيه ومتابعينه باءستمرار العصفورة الأنيقة - سيد الشرقاوى- غزاوية وأفتخر س / اية الجديد الى بتفكرى فية بخصوص قسمك مع باقى مشرفين القسم ؟ حاليا لسه مش بنفكر سوا فى حاجة جديدة سيرين الأيام دى مش بتدخل وميروو لسه ماسك الاشراف من فترة قليله احنا دائما مركزين فى القسم على الاهتمام والرقى بالمواضيع والردود الفترة الى فاتت القسم أتأثر بسبب غيابى أنا وسيرين وده ظهر فى التقييم الأخير للقسم ، لما رجعت حاولت أرجع مسابقة خاصه بالردود كانت موجودة قبل كده فى القسم علشان ننشطه شويه وكانت أتوقفت بسبب فترة غيابى وفى مسابقه مستمرة على طول ومتجددة خاصه بالمواضيع المميزة فى القسم ،، كل الجديد الى بفكر فيه ان شاء الله لما سيرين ترجع بالسلامة نعمل حملة قويه كدهـ فى القسم زى حملة المفتش كرومبو كانت نشطت القسم جامد وشارك فيها أعضاء كتير وان شاء الله اى فكرة جديدة هنشترك فيها احنا التلاته وربنا يسهل س / فى تعاون بين المشرفين والا بتتفجئو بأتخاذ القرارات ؟ يمكن من أفضل مميزات القسم العام كان وجود سيرين واسيل معايا الحمد لله كنا متعاونين جــداااااا احنا التلاته الى حببنا بعض فى القسم ، كنا متعاونين مع بعض بشكل كبير حتى القسم كان السبب أننا قربنا من بعض جدا ممكن نقعد نكلم بعض ساعات على الميل أنا وسيرين بنفكر فى حاجة جديدة ننفذها فى القسم اى فكرة كانت واحدة مننا تنزلها كنا على طول نقسم الأدوار بينا وبنفذها احنا التلاته سوا الحمد لله عمرنا ما أختلافنا فى طريقة ادراة اى شىء فى القسم ولا فجأنا بعض بأى قرار كان حد فينا مش موافق عليه ولسه أنا وسيرين الحمد لله كدهـ لحد دلوقتى ، أسيل للأسف مش بقت بتدخل خالص زى الأول فخرجت من الأشراف ، لكن جه ميرو مكانها وأن شاء الله ناويين اى فكرة ننفذها هيبقى فى تعاون بينا احنا التلاته برضو فى القسم زى اسيل قبل كدهـ بالظبط مفيش اى فرق س / تحبى تقولى اية لاعضاء منتدى بنات مصر بخصوص القسم العام ؟ ان شاء الله نكون بنعمل الى علينا فى القسم وتكونوا راضين عن أدائنا فيهـ احنا بنحاول على قد مانقدر نعمل اى شىء يجذبكوا للقسم العام ويغير فكرة معظم الأعضاء عنه انه المواضيع فيه كتير ومكررة بالعكس رغم ان معظم مواضيعه منقوله الا أن فعلا فى أقلام بتظهر فيه من خلال نشاطها وردودها القيمة وبتثبت نفسها وبالنسبة للأعضاء الى مش بتدخل القسم العام تعــــــالوا زرونا :biggrin: وأن شاء الله تغيروا فكرتوا عن القسم س / اخيرا اية رائيك فى توبيك ( نجوم المنتدى ) ؟ حلوة الفكرة وطريقة الحوار كالعادة يامورشـــــدى وكنت سعيدة بوجودى هنا ^_^ وبكدا بتنتهى حلقتنا النهاردة اتمنى البرنامج ينال اعجابكم انتظرونى الحلقة القادمة مع المتألق دائما ساحر الاحزان تحياتى morshooo

[عاشقة الهدوء]

حوار أنيق وقيم جدا مع المتألقه والرائعه أيه

أمتعتينا بااجابتك المتزنه والقسم العام من أحب

الآقسام على قلبى ودايما بحب أشارك فيه

من ردود وموضوعااات وبستفيد كتير من المواضيع

الى بتنزل فيه هيه صحيح بتبقى أغلبها

منقوله لكن بلاحظ أن فيه أعضاء ما شاء الله عليهم

كاتبين مواضيع من مجهودهم نورتى الحلقه ياحببتى

وبتمنالك التوفيق دائما والرقى فى قسمك وفى حياتك

خاصه اللهم أمين وموووفق دائما يا أحمد حلقه رااائعه

ومتميزه ربنا يحفظك وأجمل خمس نجوم

[احضان الحبايب]

حلقه جميله جدا ياحمد ..
و بيوتي انجل اجاباتها جميله و رزينه..
ضربة بداية موفقه
منتظرين الحلقه القادمه