انا وحبيبى تحت المطر ....!!!

[∂αнмє]

أاإحـــ؛؛ـــــمـــ ×× أاإحـــ؛؛ـــمــ

صّـِبـٍِّاٍِحٍِّـٍِ\مٍِّـسٍِّـاٍِءٍِ الٍِّخيرٍِ عٍِّـلـيٍِّـكٍِّـمـٍِ جٍِـمٍِّـيٍِعـاٍِ

* ونقول كان يا ما كان من سالف العصر والاوان


انهاردة يوم الاجازة .. امى مسافرة رايحة لخالتى


صحيت من النوم الصبح .. طبعا قومت غسلت وشى وكمان سنانى

وبعد كده فطرت .. وعملت كوباية النسكافية عشان الواحد يصحصح كدة

شغلت اللاب وعملت الكوكاتيل المظبوط وقولت بقا نحب شوية

رحت اتصلت بحبيبى .. عامله ايه يا قمر حياتى

يا شرايين قلبى من جوه ... وحشتينى بشدة

طبعا وبعد 3 ساعات من الحب لحد ما قلبى اتكطع وكأنو اتخرط عليه بصلة

اتفقنا على اننا نخرج ... طبعا انا روحت اظبت نفسى بقاااا

دخلت اخدت الشور التمام .... وبعت الهدوم عند المكوجى ( دى زتونة كدب ) محدش يفضحنى بس

اه ولمعت الشوز طبعا دة اهم حاجه فى الخروجة دى ... عشان اصلا من سيمات الشاب

المتحضر الشيك ان تكون الجزمة متلمعة ايه اخر حاجه

يلا ماعلينا ... ايوه مين على الباب ... ايه يا عم المكوه بقالها سنتين عندكم

حمد الله على سلامة الوصول ... اخدت الهدوم وقلت اغير بقا

طبعا غيرت وقولت اسرح شعرى .. جيبت الجيل وقولت يلا انشله محدش حوش

وعملت الاسبيكى التمام .. اوباااااااا التليفون بقالو ساعة بيرن يا ترى مين

تؤتؤتؤتؤ حبيبى ... ولما رديت .....اخ خ خ خ انا نسيت الميعاد وبقالها سنة

مستنيانى ... ثوانى يا حبيبى وجاى على طول

طبعا نزلت بقا بسرعة لحسن كدة الميعاد هيطير ... قولت بقا اركب تاكسى

حتة نزاها بقا مع اننا فى اخر الشهر والحكاية انتو فاهمين الباقى

يلا انشاله محدحوش وبرضه عشان الاتيكيت كمان وادينى وصلت الحمد لله

يلا تعالى اركبى ... وركبت التاكسى طبعا سعتين بصالح فيها على التأخير

هـ نروح فين .. طبعا حبيبى ميعرفش حكاية اخر الشهر دى خالص مفكرانى

عفريت الفانوس دة بتاع شبيك لبيك انا واللى فى جيبى بين ايديك

المهم قاعدت تقولى نروح مش عارف فين اقولها لاء دى زحمة

وتقولى نروح فى مكان تانى اخترع اى اختراع عشان اهرب ... ما هو انا ياروح

وشكلى كنت هاغسل الاطباق وانظف المحل .. يا اما اهرب من الكلام وخلاص

طبعا انا جاتلى فكرة عبقارية .. قولتلها ايه رايك نطلع على البحر .. عشان انا من اسكندرية

قولت فى بالى البحر مكان رومنسى وبرضه مش هاخسر حاجه اهو ببلاش

ديتها هاجيب ..اتنين كيس ترمس وله بطاطا وله درة مشوووى اهى كلها حاجات على قد الايد

المهم اقنعتها بعد عذاب .. عشان اصلا الجو برد ... سورى نسيت اقولكم احنا فى الشتااا

وهيا كانت خايفة .. ان الدنيا تشتى علينا .. طبعا اقتنعت بوجه نظرى ..لانى مقنع جداّ حتى اسألوها

ورحنا عندنا فـ .......... سر دة طبعا قعدنا والحمد لله وفضلنا نتكلم مع بعض ونفكر فى المستقبل

وفى العيال اللى هنجبهم .. وهنسميهم ايه وهندخلهم مدارس ايه ....... والخ الخ كلام الناس

المتجوزين انتو سيد العارفين ... وكان قلبى حاسس لقيت الدنيااا بتبرق وبترعد كمان

قولت يا ساتر استر يا رب طبعا هيا شافت المنظر .. وقالتلى اروح ونبى ودينى عند امى

ومكملتش الكلمة .... وراحت الدنيا عاليها واطيها وماقلكوش على الشتا سيول

طبعا انا من غير تفكير رحت سايبها وجريت دخلت تحت حتة مفهاش مطر .. عشان الجل بقاا

طبعا هيا جت تجرى تستخبى جنبى بعد ما بقت خلاص شوربة .. وطبعا زعلت منى

وبتقولى كدة تسبنى وتجرى ... دة احنا من شوية كنا خلاص قربنا نجيب المأذون هناا

طبعا انا بلعت لسااانى ومش عارف ارد ... بس طبعا انا هاسكت عيب مايصحش

طبعا قولتلها انا كنت بدور على مكان نستخبه فيه .. وكلمتين كده

طبعا استنينا ... لحد ما المطر خلاص وقولتلها يلا بينا وشوفو الحظ الـ...........

واحنا ماشين فى نص السكة .... الدنيا شتت تانى ... ياااخرابى اللحقينى ياما

طبعا انا اتغرقت ... فا أستسلمت واخدت ايديها ومشيت تحت المطر وبقينا خلاص

مقلقوش على المنظر بقا تخيلوه انتو ...........!!!!!



ادى كل الحكاية .... استنونا المره اللى جايه والله اعلم فين


باااااااااااااااااى



:sml7:

[What do u think of u]

هههههه مجالكوش برد:‏d‏ حلوة القصة دي مستية الباقي

[∂αнмє]

ههههههههه

برد بس ده انا قاعدت راقد فى السرير اسبوعين

يلا اهو يوم وراح لحالو

[انا دنيته وهو حياتى]

ههههههههههههههه
تعرف ان انا لما روحت جبت الدهب بتاع الشبكه وكده
اليوم ده كان مطر بردك وكان يوم ههههههه

[انا دنيته وهو حياتى]

ههههههههههههههه
معجبتنيش اد الحته دى

طبعا انا من غير تفكير رحت سايبها وجريت دخلت تحت حتة مفهاش مطر .. عشان الجل بقاا

يعنى انت خايف ع الجل يا راجل انتا حرام عليك ههههههههه

[CAN _ 7LM]

ههههههههههههه
تصدق انا نسيت ان الموضوع عن المطر ^^
حلوه القصه

[♡I Love my life~~]

هههههههههههههههههههههه جميله

[ملك الحزينة]

هههههههههه

جامده اووي

سلمت ايدك