مشكلة عند كل الاطفال لو تحبى تعرفى الحل اتفضلى

[مامت رودى]

السلام عليكم




اية اخباركو
قبل اى كلام بصراحة
انا شفت موضوع دة فى مكان تانى وعجبنى
قولت لازم اجيبة هنا
هى مشكلة موجودة فى كل بيت
عند كل الاطفال (العند)
معلش طولت عليكو
اسبكو مع المشكلة




بنتى عندها سنتين بتعند جدا معايا اوقات كتير بطنشها
بس اوقات بتعمل غلط مبقدرش اسكت واعاقبها بس لالاسف مش بتستجيب برضه
ليه يعنى مثلا كنت حاطة الغدا فجات بتبصلى وحاطة ايدها ف طبق الرز فكشرتلها
لانى عارفة انها هتعمل الغلط وبالرغم انها شافت رد فعلى انى متضايقة مهتمتش وملت ايدها
رز ورمته على الارض والغريبة تحسى انها مستنية تشوف رد فعلى ضربتها "مش بضربها الا للضرورة
"وقولتلها لمى الرز رفضت خالص طلعاتها بره الاوضة وقفلت الباب سبتها لوحدها كانت بتصرخ جامد
فتحتلها وقولتلها لمى الرز رفضت تانى تلمه امسك ايدها والم الرز معاها ابدا مش عايزة تلمه ابدا ادى موقف



ردا على أم آية >>>>

العند عند الأطفال معناه عدم سماع الكلام وعمل اللى احنا عاوزينه
والأطفال العنيدين بعتبرهم ذوى شخصيات قوية وبيبأوا عاوزين يكون لهم
شخصية قياديه، بس ده طبعا ما يمنعش ابدا انى اوجه وافرض رأييى عليه .

بالنسبة لموقفك مع بنتك :

انتى عارفة انها هاتحط ايدها وتعند ..
يبأه ما تحاوليش تدخلى معاها فى مواقف عند ،،
يعنى نسيها الموقف ..

ازاى ؟

1-الفتى انتباهها لأى شيء مثلا ..
اديها معلقة ملونة مثلا ..
2- اصبري عليها لما تيجي تاكلى وكررى كلامك ليها .
3-لما تيجى تعمل غلط عقابها انها تقوم من على الأكل وماتزعأيش ولا تضربى..

تجنبى أكترإثارة أكتر من موقف، بتزود العند >>>



وبعدين انتى زعقتى لبنتك وعارفة انها هتعند ،
يبأه ماتثيريش مواقف عند زيادة بأمرك ليها بلم الرز ..
لاء لميه انتى وامنعيها تاكل معاكم دقيقتين مثلا..
وبعدين رجعيها (أنا عارفة ان الأكل معاها هيكون مزعج ،بس معلش لحد ما تقدرى تغيري السلوك ده ).
وماتخافيش ما فيش حد بيموت من الجوع ، أنا عارفة بردو ان كونك هاتقوميها من الكل بيكون صعب على الام
بس بردو ده لمصلحتها نمش كل قسوة بتكون وحشة للطفل ، لاء
فى قسوة بتكون مفيدة جدا وبتجيب نتايج ايجابيه معاه .

انواع العقاب للى فى سن بنتك :



1- قعديها فى اوضة لمدة دقيقتين فقط ، والأوضة تكون منورة ..
ويا ريت العقاب ده ما يكنش على طول ..
يعنى نوعى وخلى مرة
2- كرسي العقاب ومرة تانية
3- حرمانها من القعده معاكم على الأكل..
وعلى حسب كل موقف بتعمله بتعاقبى عقاب شكل عشان العقاب ما يفقدش فاعليته
كل ما بتنوعى في العقاب كل ما بتقدرى تأثرى على بنتك افضل .



ضوابط للعقاب >>>




طب طبعا ما ينفعش تعاقبى وتسيبيها لأنك كده بتألميها بسبب تصرفها ،
لكن لسه مافهمتش هى ليه اتعاقبت ،لأن الطفل بينسي بسرعه وبيحتاج نكرر له كتيييييير أوى
بعد ما تخلص عقابها خديها على رجلك وعرفيها انك متضايقه منها عشان كذا وكذا ..
ولو بدأت تتحسن ولو تحسن بسيط سقفى لها وشجعيها عشان تستمر .
[/center]

[احزان ملكه]

الله عليكي موضوع رائع وطرح اروع وبجد مشكله موجوده في كل بيت ومع اغلب الاطفال ويارب الحلول اللى ذكرتيها تجيب نتيجه مع عند الاطفال امين يارب تسلمي يا قمر

[fankosha]

شكرا على الافادة