مذكرات صعيدى اول مرة ينزل مصر بدون اقتباس (الحلقة الاولى)

[mahmoud300000]

محمد من بلد كفر ترمس واول مرة ينزل مصر عشان الدراسة ولابس الجلابية والقبقاب واللاسة وشايل القفص وراكب القطر ونزل وهو بيدور على ابن عمته على
وهو واقف جالوا واحد ببنطلون وقميص وقاله ازيك يامحمد انا على
محمد خده بالحضن وهو بيقول
ازيك ياعلى ياابن استيته والله مصر غيرتك ياولة لوامك تشوف القيافة اللى انتا فيها تطب ساكتة ولوابوك يعرف ياولة حلاوتك دى يبيع حتتين الارض ويجى يقعد حداك
قاله على يللا بينا يامحمد وبلاش تجيب اسم امىقدام الناس
محمد ليه ياعلى دى حتى امك دى ست كاملة وحلوة اى والله دايما كنت اسمع ابوك يقول استيتة دى فرسة
وخرجوا من باب المحطة محمد شاف ستات حلوة وقف وهو بيتفرج وعلى يقوله مالك
قاله ايه الحريم الحلوة ياواد ياعلى دى حريم زى القشطة مش الغفر اللى فى بلدنا
بالك ياوله دول زى الحريم اللى بيجوا على التلفزيون اللى جابه العمدة
عارف ياوله لونزلوا عندنا البلد هيجننوا الرجالة ياوله
على خلاص احنا فى الشارع يامحمد
معلش ياعلى هو الواحد بيشوف القشطة كل يوم بيقابل التفاح كل شجرة
دى قشطة ياولة يالهوى على اللى لابسينه ياولة
وليه شايلين حتة قماش من الفستنا ياولة مافيش عندهم هدوم
على دى الموضة يامحمد
امال ليه حدانا فى البلد مافيش موضة غفير لابس اسود فى اسود
الظاهر ياوله انى هحب مصر اوى
وهما ماشيين محمد شاف شابين بيعاكسوا بنتين وبيزنقوا عليهم وبيدايقوهم
ايه ياعلى الوله الللى ماعندوش دم اللى بيضايق القمر ده
على احنا مالناش دعوه يامحمد
ازاى ياوله امال الرجاله اتخلقت ليه
وراح رايح على الشابين ومسك واحد فيهم وهو بيقوله
مش عيب ياوله اللى بتعمله ده مش عيب تعاكس البنت هو انتا ماحداكش اخوات بنات وبعدين هى مش بلعاك
الشاب وانتا مالك
محمد تصدق انك كمان قليل الادب ولسانك وسخ ياوله
الشاب لاانتا زودتها ورفع ايدها هيضرب محمد
محمد مسك ايده وضربه بونية واضطر على يدخل
والاتنين راحوا القسم
الظابط بيسالهم ايه بقى اللى حصل
الشابين
احنا كنا ماشيين لقينا الاتنين دول بيضربونا
الظابط بيضربوكم كدا وبس
وانتوا ضربتوهم ليه
محمد ياباشا الوله ده كداب
دول كانوا بيعاكسوا البنات وبيدايقوهم
الظابط وانتا مالك انتا فتوه يعنى
والظابط عملهم حبس اربعة ايام
وعلى يقوله ينفع كدا اديك ورطتنا فى حبس
ماتقلقش ياولد بتصل بخالك اللواء حسين وهيجى يخرجنا
ودخل ايده فى جيبه وطلع التليفون
حسين اهو ابن فتيحه
طلب الرقم
وبص لعلى وهو بيقول ايه ده
على فى ايه
فى واحده بتتكلم وبتقولى اخدنا رصيدكم
على تلاقيها بتاعت الشركة
محمد هم كمان عينوا فى الشركة حريم صوتها حلو
تصدق ياوله انا هقعد اتصل عشان اسمع صوتها
اللى اخترع التليفون ده واحد كان بيفهم
واحد من المساجين بيقوله عايزين ننام
محمد ماتنام هو انا قاعد على راسك
وفجاه اتلم المساجين حواليهم
وبدا فصل اخر من القصة
تابعونا
الكاتب محمود محمد احمد
لطلب نسخ قصص
حب الى الابد
قصص قصيرة
الفارس الابيض
جلوبيوس
الثائر الاتصال على الرقم

ممنوع وضع رقم الهاتف

الإدارة