ليه يا بلدي باتهان فيكي .(تابع للمسابقة الكبرى)

[Lost Pearl]

مش ممكن ازاي الناس دي كدة تقتل و تدبح و تقول و ماله مش مشكلة نحقق ونشوف ايه المعضلة و هم السبب ف كل دة ليه يا بلادي باتهان فيكي ليه اروح اشجع فريقي اموت بيكي ليه امي تبكي عليا و تقول اه يا ولدي و تاني و تقول اه يا بلدي اللي ماتوا ماتوا ليه محدش بقي عارف يقول ايه حتي و انا بكتب مش عارفة هاوصل لايه كلها دايرة بنلف فيها و هم مدوخينا كلاب و عملا و يقولوا مش بايدنا اصله اي ماتش ممكن تحصل فيه احداث شغب و ال ايه مافيش داعي للغضب طب احنا هنغضب طب احنا هنثور و هنرجع حق الدم المهدور ليه يا بلادي باتهان فيكي ليه بتخلينا نلف جواكي مش عارفين نهرب و لا نضرب في الناس اللي فيكي اشوف اخويا يموت برئ و اشوف حاجات تنشف الريق و اما اجي اتكلم يقولوا اصل المجرم طلع برئ !!!! ليه يا بلادي باتهان فيكي ليه تسمحيلهم يشوهوا صورتي ف عنيكي ماتخليش حد يفرق و يشيل ايدي من ايديكي تيجي نتكلم يقولوا ايدي خفية و هم اللي عليهم كل المسئولية و ينزلولنا ناس في العباسية اصلنا عايزين استقرار و هم بيرموا نفسهم في النار البلد عمرها ما هتبقي الدار الا اما احنا نخليها عمار لازم نفكر ... لازم نعقل مش نمشي ورا كل مين قال هاجيب الحق ايش عرفك ما ممكن هو المسئول ليه مش بتفكر ان طرة ورا كل ده ليه مش بتفكر ان المجلس ورا كل ده و لا انت تشتم ف ولاد بلدك و اللي علي الكرسي خلاص ال بيلبوا الندا اعقلها يا مصري و فكر فيها هي حسبة بسيطة و مش عويصة بيقولك كل اللي حصل كان صدف سرقة و سطو و قتل يعني بلا هدف ؟؟؟ و كل الصدف بتطلع في نفس الوقت طب انا طالع علي طرة دلوقت هاجرب اهاجمه و اشوف في امن و لا هاروح علي فشوش و ليه نقول فشوش علي الاقل ابقي اخدت حقي و حق الناس اللي كانت عايشة ف يوم زيي دلوقتي بقت ف قبورها و لا بايدها حاجة ندعي و نقول يا رب ارحمهم و انت كمان يا مصري اعقل و فيدهم بانك تبقي واعي و فاهمهم اه يا بلدي جرحتيني اه يا بلدي حرقتيني اه يا بلدي اه يا بلدي و ثورة تاني نعيد من تاني و ليه ماعيدهاش ادام مسئول اناني ال فاكر الكرسي لازق فيه و هو تلاقيه مش مستحمل بلاويه احنا مش لعبة و لا احنا رخاص دمنا غالي مايروحش برصاص و مهما حصل هاطالب بالقصاص و ننزل التحرير تاني لحد ما نلاقي الخلاص و اللي بيدور من ورانا و احنا مش حاسين احنا شعب طيب و مش بنخون مع ان الخيانة واضحة ف العيون ثورة تاني و ننزل مليون ورا مليون لو يموتونا كلنا هنموت بعزة و كرامة مانمتش بذلة و حقارة يللا يا بلدي تاني نقوم و اعلي رايتك و ارفعها لفوق حتي لو صعبة لازم افوق و احاول حتي لو روحي طلعت فوق و ماتشغلش بالك مين هيحكم و مين و مين ال يعني اما مشينا مبارك كنا عارفين يللا يا مصري قوم و فوق و بايدك بلدك تطلع لفوق ربنا معانا و حسبي الله و نعم الوكيل ف كل مسئول عن اي نقطة دم مصري اهدرت و احنا مش مسامحين قدام ربنا ليوم الدين وليدة اللحظة lost pearl

[۩۩ elMagic ۩۩]

ابدعتى لجين
انتقاء الفاظ مفيش بعد كده
ربنا يحمى هذه البلد من كل ظالم وحاقد وفاسد
يهدف لهدر دم المصرى وهدم هذه البلد
قلم راقى ومميز
دام نبضكـ

[Lost Pearl]

حاجة اخيرة ~ اوعى تصدق : 1- أوعى تصدق ان المصريين بيقتلوا بعض عشان الكوره 2- أوعى تصدق اننا محتاجين قانون طوارئ 3- اوعى تصدق ان الجيش حمى الثوره 4- أوعى تصدق ان أمن الدوله معدش موجود 5- أوعى تصدق ان الشرطه مش متواطئه 6- اوعى تصدق ان الجنزورى هيجيب حق الشهداء 7 - أوعى تصدق خطاب القوات المسلحه اللى هينزل كمان شويه ويقولوا ايادى خفيه بتعبث بأمن الوطن 8- اوعى تصدق ان اللى نزلوا الاستاد وقتلوا اخواتنا دول يهمهم كوره ولا بلد او دول بورسعيديه اساسا بورسعيد بريئة منهم ياااااااااا رب اصلح حال البلد و انتقم من كل ظالم اللهم اضرب الظالمين بالظالمين و اخرجنا منهم سالمين آمييييييييييييين .

[booody99]

بصراحه ابداع ابداع يعني بجد

كلمات في غاية الروعه والجمال وتشبيهات معبره ومؤثره

تسلم ايدك على الموضوع الجميل

وتستحقي الخمس نجوم فعلاً

تقبلي مروري

[رنا هشام]

كلام جميل ي لجين
خرج من قلبك .. ويقال علي لسان كل مصريه وكل مصري
بارك الله فيكِ
اللهم احفظ مصر وشعبهااا من كل سووء

[دمعه حائره]

كلمات رائعه اختى عبرتى عما يجول بخاطر
كل مواطن مصرى
تذوق ألم الفتنه وتجرع مصائب الاحزان
فى فقدان شباب فى عمر الزهور
وبلد على حافة الهاويه تتقطع مابين فرقة ابناءها
وبين مطامع الحكام
مالناش غير الدعاء بكشف الغمه صلاح الاحوال
سلمت اناملك ودام تواجدك الراقى
بالتوفيق ان شاء الله
ودى وتقديرى لكى

[Lost Pearl]

اقتباس المشاركة الأصلية كتبت بواسطة ۩۩ elmagic ۩۩ ابدعتى لجين انتقاء الفاظ مفيش بعد كده ربنا يحمى هذه البلد من كل ظالم وحاقد وفاسد يهدف لهدر دم المصرى وهدم هذه البلد قلم راقى ومميز دام نبضكـ

تسلم و الله يا احمد علي مرورك الجميل

آمين يا رب آمين

تسلم

[صدى الحرمان]

رساله ضمير ببعتها لقائد بلد

وأخيـــــــــرااااا ......البلد بلدنــااا ........ان موتنــا برصاصك

ولادنـــــاا ...ورثنهــااا .....أرضنا في نين عنيناا

رملها نشان علي صدرنا .......معجون بدم شهدناا

وأخيــــراا ...وأنتهاا الكلام

أنــت مـاااشـــــــــــي ...مــاااشــــي........ وولادنـــــاااا عيشنهاااا

ياااقــــــــــــــــــــــائـــــــــد البـلد ؟؟؟؟

ورحم الله كـل شهداء العرب والمسلمين

ورفع البلاء عن شعوب

كـل البلاد العربية المظلومــة

سلمت يداكى سيدتى ودمت بكل خير

[ساحر الأحزان]

جميل كلماتك التى عبرتى فيها بشجن شديد

عن الى بيحصل لينا

ومزعلنا كلنا

فمشاعرنا واحدة وما حدث ادمع اعيننا

جميل انتقائك المؤثر

اتمنى لكى دوام التوفيق

[واد حبيب]

انا نزل التحرير لاهدار دم المشير

واخد حق اخوتنا اللي ماتو علي يد

انا رايح التحرير وشايل روحي علي كتفي

ومعايا دعوه ابويا وامي

روح يا ترجع لينا بنصر يا ترجع لينا بجثت المشير

تسلمي علي موضوعك الجميل

دايما متميزه بموضيعك الجميله

في انتظار جديدك

الحبيب