إيه السبب حد يقولى ؟

[mīĐŏ ǺĻ ƒâηâη]

قسم النقاش والحوار من الاقسام المحببة جدا
ليا لانى بحب جدااا النقاش فلما دخلت القسم
ولقيت مواضيعه كتير فرحت أوى وقولت ايوووة كده اشارك واتناقش بقى
والواحد يبدع مع المناقشين واصحاب العقول الكبيرة الموجودة هنا



فشاركت وشاركت واستنيت مناقشة كاتب الموضوع
لكن اتفاجأت ان كاتب الموضوع بيدخل يرد عليا برد سطحى جدااااااا وهو :

(( شكرا ليك نورتينى تحياتى كلامك صح ميرسى ليكى ))

ردود مثل هذهـ والكـل عـآرفـ طبعـآ

هل ديه الردود بتاعت قسم النقاش ..
هل ديه ردود قسم التحاور وتبادل الاراء ؟!!



فئة قليلة جداا اللى بتناقش ومعدودين
الردود السطحية ديه خلتنى ادخل اقرا مواضيع نقاش وماردش عليها عارفين ليه
لانى قولت اتعب واكتب رد من 10 او 15 سطور ويجى يرد عليا كاتب الموضوع بكلمة شكرا
دا على اساس ان الـ 10 أو 15 سطر دول كانوا ايه بالظبط .. كانوا كلام فاضى يعنى ؟؟!!



حتى بعض المواضيع اللى بتنزل حديثة اصحابها برده بيردوا بالشكر بس
وانا لو داخل عاوز اسمع كلمة شكر هارد واقول
الله موضوع تحفه تسلم الايادى وخلصنا
لكن انا عاوز اناقش مش عاوز ردود سطحية ومش عاوز شكر

لانـ القمـ دهـ غير اى قسم

القسم اسمهـ النقاش والحوآر يعنى مينفعش رد فـى القسمـ دهـ بـآلظبطـ بـآلشكر لانـالموضوع اللى هيتحطـ موش هيكون موضوع عادى لا هتكونـ مشكلهـ بتوجهنـآ

وممكن تكون مشكلهـ مهمهـ بجد

علشانـ كدهـ اتمنـآ ان ردود هذآ القسم تكون آفضل



وفى مواضيع انا عارف ان اصحابها هايردوا عليا
بكلمة نورتينى ومع ذلك دخلت رديت
لكن ليه قولت نخلى الغير يستفاد من ارائنا واحنا نستفيد منهم وممكن نخلى
كاتب الموضوع بكده يغير رأية ويناقش بدل كلمة الشكر ديه



ايه اللى وصلنا لكده ؟!!
ايه اللى خلى قسم النقاش والحوآر ردوده سطحية بالشكل ده ؟؟




ارجو تشاركونى الراى فى الموضوع ده

وعاوزين نلاقى حل

[عاشقة ذكر الله]

ايوة عندك حق احيانا دا بيحصل
بس احيانا الموضوع نفسه مبيبقاش عايز رد كتير
يعنى بتبقى مثلا وجهة نظرك وجهة نظر الكاتب زى بعض
عشان كدا بيرد عليك بالتوافق لانه موافقك
وهو لو موش موافقك ع وجهة نظرك هتلاقيه بيرد عليك
ويناقشك فى وجهة نظرك
واتمنى ان قسم النقاش فعلا بقى احسن من كدا فى جميع النواحى

[ياسمينااا]

فعلا كابو معاك حق احيانا بيحصل الكلام ده
بس احيانا بيكون انت وصاحب الموضوع رايكو واحد
او وجهة نظركو قريبه من بعض فهو هيقول ايه غير انه موافقه
وان شاء الله يبقي القسم احسن من كدا

[عيوشة]

صح عند حق انا برايي موضع النقش حتى لو كان قصيرا يجب ان يكون معناه عميقا

[" عاجز . عن . الشكر "]

السلام عليكم ورحمة الله وبركاتة ..

أخي العزيز تحية طيبة .. بالتأكيد أتفق معك في شىء ولا أتفق في شىء أخر , أتفق معك في ظاهرة إنتشار الردود السطحية , وعدم فتح قنوات للإتصال المباشر لتبادل الفكر والاراء , ولكن لا أتفق مع تعميم هذه الظاهرة , فهناك العديد من الردود تكون الزاميــة أن تأتي علي الشاكلة ( مشكور - نورتني ) .. الخ .
لكن أري أن المٌعقب علي ذلك يكون مُجبراً علي الرد بهذا الأسلوب وبهذه الطريقة المعتادة , لأنه لا مجال للحوار أمامه حيث أنه ما مر بــه هو مجرد رؤية تؤيد كلامة أو نفس وجهة نظره , في هذه الحالة ليس هناك مجال لفتح حوار , وأؤكد من خلال هذا الموضوع علي أنه لإثراء الحــوار وإستمراريته هناك ضوابط وأركان لا يمكن الإستغناء عنــه , وليفتح من يناقش المجـــال للنقاش حتي يري ردوداً وتفاعلاً إيجابياً .. خالص تحياتي

[نــيــرفــانــا]

بص انا بصراحه كمان بتفق معاك ف يحاجه انو فعلا حاجه تعصب ومستفزه

انك تعمل موضوع للنقاش او الحوار و حد يرد عليه شكرا او كلمه قصيره بس كمان في

مواضيع يا كابو بتلزم ده زي لو بنت بتفضفض او واحد بيحيك عن مشكله و انت ساعدتو

طبيعي يرد عليك بشكرا ونورت الموضوع و لو على يا سيدي المواضيع اللي مش بتاخد حقها في الرد


انا رأيي اللي عارف انو هيرد رد قصير و مش هيدي الموضوع حقو ميردش احسن


و تانيا بقا او تالتا مش عارفه بجد تسلم ايديك عالموضوع اللي بجد موجود

و يارب تلاقي اي حل

تقبلـ مروريـ ^_^

[حياتي ذكريات]

والله دي اكتر حآجه بتدآيقني فـ القسم
وكذآ مرة كنت بنبه عليهآ
وبتدي احبآط لأي حد يرد على موضوع رد هآم
هو قسم النقآش طرح ليه ؟!
مش عشآن نحط موآضيع ونتنآقش مع بعض
مش ارد وفـ الآخر يقولي ( شكرآ )
انآ بطبعي بحذف الردود السطحية فـ القسم
بس ردود كآتب الموضوع لسه معملتش كده
عندي امل يتغير الوضع

تسلمي على الموضوع
بالتوفيق يآ قمري

[booody99]

فعلا والله كلامك صح وانا واحد من الناس الي بيعملو كده بس مش اوي بس عارف ليه

ممكن حد يبعتلك موضوع ويقولك علق بالعافيه ولازم مش تحرجه فبتقول اي حاجه وخلاص

موضوعك رائع فعلا ومهم

كل التحيه والتقدير

[ღ Gի๐sτ ღ]

ممممممممممممم
انا زيك بحب ادخل ف نقاش مع الناس عشان يكون فى تبادل اراء وكل واحد يستفيد من التانى
بس انا شايف ان صاحب الموضوع الرد اللى رده عليك عادى يعنى
هو بيقولك كلامك صح ميرسى ليك ,, يعنى هو متناقش معاك لان هو متفق معك فى الرأى
اعتقد دة السبب

عامة اانا اتمنى يكون القسم كلو ردود تناقش وصاحب الموضوع يتناقش مع اصحاب الردود عشان القسم يكون نقاشى فعلا

شكرا ع التوبيك الجميل يا كابو

[.نبض القلوب.]

حلو الكلام
فعلا دا قسم نقاش يعنى
تفاعل جامد من الاعضاء
بس غلبة الردود السطحية هتخلى الموضوع بدون قيمة
تسلم ع سؤالك وجميل طرحك
دمت بكل ود‎ ‎