الصحاب دول...أحلى حاجة في الدنيا

[laroz]

الصحاب دول...أحلى حاجة في الدنيا
♥♥♥
-صحبتي اللي مش بتزعل مني لو قولتلها غووووري

-صحبتي اللي ممكن تتصل بيا و مردش عليها و أقولها أيييوة أنا
شوفت و محبتش أرد...مزااااجي...تقولي طب هتردي غصب عنك

-صحبتي اللي ممكن تطب عليا في أي لحظة حتى لو قابلتها
بشبشب حمام-و دة العادي- :d

-صحبتي اللي مزهقاني في حياتي و مع ذلك مش بتهون عليّا لما ألاقيها مضايقة

-صحبتي اللي ممكن تقعد بالأيام متعبرنيش و أول ما تتصل بيا أشتمها ألاقيها هي اللي بتشتمني إني مش بسأل

-صحبتي اللي بتعرف إني مضايقة من ضحكتي !!

-صحبتي اللي بتعرف إني مضايقة من غير ما تشوفني ♥

-صحبتي اللي ممكن تخليني أضحك حتى لو شايلة هموم الدنيا كلها

-صحبتي اللي ممكن تتصل بيا الساعة 2 بالليل علشان تقولي عاملة إيه =))

-صحبتي اللي لما بتكون مخبية عليا حاجة و أول ما تبص في عيني تموت من الضحك و تقررر بكل حاجة

-صحبتي اللي بتدعيلي بظهر الغيب ♥

-صحبتي اللي مهما بعدنا....برضه فاكرين بعض

-صحبتي اللي بنتخانق مع بعض في الشارع و ممكن نفرج الناس علينا و بعدين نضحك و نمشي-إيه المتخلفين دول =))

-صحبتي اللي لو باكل كيس شيبسي ممكن ألاقيها طلعالي من الكيس

-صحبتي اللي كل ما مامتها تعمل الأكل اللي بحبه تجيبلي منه ♥

صحبتـــــــــــ♥ــــــي اللي بحبها
.

[طمطم]

موضوع رائع

[-esraa-]

تسلم ايديك بس 1 من مليون اللي يكون كدا *_*

[بسمة العمر]

دى وحدة من ملاين اللى بتكون كدا

بس انا احب اكون ديما زى كدا

مش وصف فى نفسى لانى انا كدا واتربيت كدا

موضوع جميل

ربنا يخليلى صحباتى ولا يحرمنى منهم

تسلم الايادى

[نورا ❤]

-صحبتي اللي مش بتزعل مني لو قولتلها غووووري


هههههههههه

بجدتوبيك رائع
تسلم ايدك يا قمر

تحياتي ليكي

[*دموع القمر*]

الصحاب دول نعمه بجد وحاجه جميله جدا
بس هتقولو مش كل الصحاب هقولكو ايوه
بس الاغلبيه وفى صحاب تحسيهم اكتر من الاخوات
بيكونو بمعنى الكلمه وتقولى عليها دى صاحبه بجد
وتقدرى تتئتمنيها على اسرارك وبيكونو معاكى فى الافراح والاحزان
يعنى انا عن نفسى عندى اصحاب كده مع بعض لينا اكتر من 7 سنين
وكل واحده فينا بتعامل التانيه زى اختها واكتر وبنكون مع بعض
فى الافراح وفى الاحزان ربنا يخليهوملى
موضوعك قيم جدا
سلمت اناملك
تابع للمسابقه

[امير الظل]

الله لا يغير عليكم عيني عليكم باردة ههههههههههه

[Ŝmilể Ḿőøn]

فعلا الصحا ب دول احلى حاجه فى الدنيا
وكما قالوا قديما
الصديق عند الضيق

ففى اى موقف ممكن تلاقى الصحاب صحبك اللى مش بيزعل منك ولا بيضايق من اى حاجه بتعملها فيه

ربنا يوعدنا بصحاب كويسين يا رب

تابع للمسابقه