ينفع كده ؟! " مسابقة ملوك العاميه "

[ناجي نعيم]

فاكره الطريق يمّة بيبان حارة النصيب
توهناه سوا
ساعة تلمي اديكي عني لتسرقي الليل
من نجوم متشعلقين بيه في السما
مديت اديا البردانين فوق السما.
عرّيت جمالها فنوّرت مستسلمه
يادي الكسوف !
مكسوف أدينى لفَكّرك بالروج ساعتها اما سرح
فـِ سنين ملامحي العطشانين
غرّقتي ليه كل السنين بالشكل ده
ينفع كده ؟
سايبه الشفايف محرومين ليه م الغرق
طب قربي

فاكره اما شديتك هنا في الحته دي
جمب القدر
فجريتى عني لتترمي في حضن السكك
لجل اما اتوه في اليُتم عنك وانتظر
حضنك يرجعلي الطفوله اتغربت
لحظات تطوف بالعمر دهر
اليُتم مُر ..إياكي تاني تيتميني وتهربي

فاكره اما نسّينا الزمن يحسبلنا ضحك الساعات
يحسبلنا فرح الغُنا من جوه قلبينا حكايات
هو احنا قال بينّا حكايات ؟

فاكره امّا ....
مين راح تفتكر ؟
دبلت قصايدك كلها تنده لروح ساكنه الصور
والصوره باشت م الدموع
مش ناويه تيجى واسمعك آخر قصيده كتبتها
ولا انتى مش ناويه الرجوع
وادي القدر عمال بيضحك علو حسه
الليله انا ونخ الجدع
الليله انا وزال الوجع
الليله نولتيهْ شبع من بعد جوع
ينفع كده ؟




.
.
..
.
..
.
ناجي
^_^

[دمعه حائره]

كلمات جميله اسلوبك مميز جعل من صفحاتك
لوحه جميله تبهر كل من يمر بها
سلمت اناملك واتمنالك التوفيق ان شاء الله
تحياتى وتقديرى

[ساحر الأحزان]

جميلة كلماتك اخى العزيز

فى عتابك

وفى كلامك الجميل

جميل اختيارك

اتمنى لك دوام التوفيق

[قلب وكلمات]

أخي ناجي


تسلم اديك كلمات جميلة


تسلم اديك بالتوفيق ان شاء الله في المسابق


خالص تحياتي


* قلب * وكلمات *

[ناجي نعيم]

شكرا لمرورك الراقي
وتشريفكم الجميل
نورتوووووووووونى والله

[DR.SMA]

كلمات جميله
واسلوب مميز
تقديري
بالتوفيق ,,