يوم فى التحرير مع game010 , خارج عن القانون

[game010]

السلام عليكم
ازيكم
شباب / بنات

انا هحكى ليكم يوم الاحد 26/2/2011
اتقبلنا انا و محمد عكاشة
فى الميدان (ميدان التحرير)
طبعاً هو اتصل بيا يوم الجمعة وقلى نتقابل والاحد وكده
وطبعاً قبل اليوم ده اتفقنا يجى 4 مرات ولا حاجة كده
والمشروع يفشل فى النهاية
المهم
.
.
.
.
جاء يوم الاحد
اتصل بيا على الساعه 3 العصر كده
وانا كنت لسه بخرج التلفون من جيبى علشان اتصل بيه
كان هو بيرن عليا المهم هو (وفر طبعاً)هع:biggrin:
المهم جاءت لحظة الانطلاق من المنزل
وانا نازل لقيت واحد صحبى عامل حدثة وكده وقفت معاه شوية لغاية موصلتوا البيت واطمنت عليه
وبعد كده ركبت العربية قلت اروح بيها رجعت فى كلام ركنتها عن المترو وركبت المترو علشان قلت ممكن يكون الميدان زحمة لكن طلع العكس!!
المهم هو اتصل بيا قبل ما اركب المترو قلى انت فين قلت ليه انا رايح اركب المترو اهو قلى تمام وانا كمان قربت اوصل
وبعدين وصلت الحمدلله التحرير بسلام
واتصلت بيه انت فين يا عكاشة قلى انا عند الصنية
قال هتلاقينى عن معرض الصور هتلاقينى لابس جاكت بنى كده
روحت انا دخلت وهو طلع من جنبى يبص عليا بره
طبعاً انا كنت لسه معرفهوش خالص
المهم دخلت المعرض واتصلت تانى بيه انت فين قلى انا بره طلعت بره واتقبلنا وسلمت عليه واخدته بالاحضان وكده
واتمشينا شوية لغاية ما وصلنا عند شلبى بتاع الحواشى
واكلنا اتنين حواشى وحاجة ساقعة هناك
وبعد كده اتمشينا تانى لغاية قويدار
وضربنا اتنين ايس تمام

وبعدين اتمشينا واحنا بنأكل الايس كريم لغاية كوبرى قصر النيل
وقفنا نتكلم شوية وكده
وبعدين رجعنا تانى الميدان وبعد كده كل واحد راح على بيتوا بسلام و امان
ملحوظة

احنا تقريباً اتكلمانا على نص الناس الى فى المنتدى
وقعدنا نجيب فى سيرتهم بقى وكده وانتوا فهمين بقى
هههههههه:biggrin::biggrin: هع

اشوفكم على خير ان شاءالله
تحياتى ....
محمد اسماعيل
محمد عكاشة

[♥..pure]

سؤال نبيهـ يـ ابو اسمـآعيل ..
انتو كنتو راحين تاكلوا ولا تتقابلوا ؟! :762:
حواوشي وايس كريم ف السقعه دي حرااام عليكم :biggrin:
هي اللي ف الصورهـ دي اللي لابسه جـآكت بني دي عكـآشه .. !! :762:
المهم تكونو جبتو ف سيرتنـآ بالخيــر
يـلا هنيـآلكم بئه :/
واتلحلحو يـ بنات مصر بئه .. كل يوم واحد يجي يقول انـآ قابلت فلان وبتاع
بكرهـ حد يجي يقـآبلني بئه :762:
وانـآ اوعدكم اني مش هـآجي ف المعـآد .. أصل أنـآ بنكسف :1eye:

[فــــــــــرح]

احساس جميل اوي اما تقابل حد
كنت بتعرفه بالكلمات بس ..~

ربنا يجعل اللي بينكم عمار ديما
وبالف هنا وشفا عالحووشي والايس

[حنـــــون]

يوم جميل يارب
دايما متجمعين على الخير
بس ماجبتلوش ايس كريم ليه انا
كماااااااااااااان ههههههههه

[game010]

اقتباس المشاركة الأصلية كتبت بواسطة dr.pharma سؤال نبيهـ يـ ابو اسمـآعيل .. انتو كنتو راحين تاكلوا ولا تتقابلوا ؟! :762: حواوشي وايس كريم ف السقعه دي حرااام عليكم :biggrin: هي اللي ف الصورهـ دي اللي لابسه جـآكت بني دي عكـآشه .. !! :762: المهم تكونو جبتو ف سيرتنـآ بالخيــر يـلا هنيـآلكم بئه :/ واتلحلحو يـ بنات مصر بئه .. كل يوم واحد يجي يقول انـآ قابلت فلان وبتاع بكرهـ حد يجي يقـآبلني بئه :762: وانـآ اوعدكم اني مش هـآجي ف المعـآد .. أصل أنـآ بنكسف :1eye:

هههههههههه
شوفتى ازاى بالمرة بقى
وبصراحة انا مكنتش اتغديت سعتها
ههههههههه
اكيد مش عكاشة
مش هتيجى
ودى تبقى ايه بقى ندالة يعنى هههههههههه

[game010]

اقتباس المشاركة الأصلية كتبت بواسطة فــــــــــرح احساس جميل اوي اما تقابل حد كنت بتعرفه بالكلمات بس ..~ ربنا يجعل اللي بينكم عمار ديما وبالف هنا وشفا عالحووشي والايس

فعلاً احساس جميل جداً
وكمان محمد طلع انسان محترم زى ما هو فى المنتدى هنا
امين يارب
كان طعم الحواوشى حلووووووووا اووووووووى

[game010]

اقتباس المشاركة الأصلية كتبت بواسطة حنـــــون يوم جميل يارب دايما متجمعين على الخير بس ماجبتلوش ايس كريم ليه انا كماااااااااااااان ههههههههه

شكراً ليكى يا حنون
امين يارب دايماً
ههههههههه المرة الى جاية
ههههههههههه

[booody99]

ههههههههههه هو بصراحه يوم حلو وممتع

تسلم ايدك على الموضوع الجميل

كل الاحترام والتقدير

[مهندسه بغداد]

ادام الله الرفقه

والاخوه

تحيتي

[ĶǎnDO̳̿uChǎ ツ]

اقتباس وبعد كده اتمشينا تانى لغاية قويدار

قويدر دا تووووووووووحفهـ >> فكرتني بـ الي مضى ^_^

- - -

هههههههههههههههههه

بجد يوم زي اللوز يـ محمد انت و محمد

و توبيك عـسـل زيكم

عوكش و محمد ,, من الناس الي فعلا شرف ليا اني اعرفهم =))

شخصياات محترمه و عسوله >> الطيور على اشكالها تقع ( مظبطاكم اهووو )

الموووهم

ربنا يخليكم لبعض ,,

و عقبال كدا المقابله الي بعدها

بس انا زعلانه منك جدا يـ عوكش >>> كدا بردو تاكل ايس كريم و ميهونش عليك تجيبلي واحد

اخس اخس اخس >> لا ريـلي اخس

طب كنت قول البت دودو اختي المسكينه معندهاش قويدر فـ ابوظبي افتكرها بـ واحد ^_^

و موضوع تجيبو فـ سيرتنا فـ دا لازـزم يعني

قولولي بقى جيبتو سيرتي ولا ...

و قولتو ايه نصيا و حرفيا و الانكار مش هيفيد الوقت عدا

هــع

يخربيت رخامتي

ما كفايا رغي بقى

>>>> و كــــــل مـــقــابـــلـــه و انـــتـــــو طـــيـــبـــيـــن )