إيــــه ذنـــب الـــورد يدبــــل [مسابقه شاعر المنتدي ]

[Şα3Đ..♥]

ايه ذنب الورد ده يدبل
وشاب يهتف صوته ما يوصل
وليه حلمنا بس ما يكمل
والارض دمنا يرويها
هتفنا قلنا علو الصوت
وكل مانهتف بنلاقي سكوت
بيقول مفيش الا الموت
بيهد امالنا بيمحيها
وشيخ سنه فوق السبعين
نفسه ف يومين كويسين
يعيشهم حر وميموتش سجين
ف الارض اللي كبر فيها
وطفله بتتعلم الكلام
منعوها تتكلم يا حرام
كانت بتحلم من زمان
بارض آمنه تحتويها
الطفله دي ايه ذنبها
طلعه تنادي امها
بصوت عالي بتقولها
ارجعي ملناش مكان فيها
وطفل بيسال والده
اللي بيغلطو يتعاقبو
اشمعنا دول لما غلطوا
طُلٌعوا حراميها حاميها
اه يابلد يوم ما تنضف
شعبها بكلمه يضعف
وكلامه يطلع مزيف
وهو ف الاصل شاريها
والله لو ما لحقنا نفوق
لاالكلب علي صحبه يفوق
دي الميه بتخلي الشقوق
قنوات كبيره بتجري فيها
غصب عننا نصحي ونعقل
لاجل حلمنا ما يكمل
وصوتنا للعالم ده كله يوصل
وارضنا نقدر نحميها

[دمعه حائره]

كلمات جميله دايما تأتينا بالروائع
وماينبض به قلب الشعب المصرى
تسلم اخى تحياتى وتقديرى لك
وهانقله الخواطر المسابقه هناك
اتمنالك التوفيق دايما

[واد حبيب]

كلمات في قمه الجمال والروعه
تسلم يدك علي كلماتك الجميله
دايما مبدع بكلماتك واحساسك العالي
بتوفيق لك ان شاء الله
الحبيب

[شاعر الإحساس]

محمـــ د ســـ عد

صرخه قويه بحروف اقوى

للتعبير عن حال صاب الوطن ,,,,

وتعبير عن ما نراه يوميا في ظل هذه الظروف,,,


وصف حال الكل صغيرا وكبيرا,,

ومعاناتهم في ظل الظروف الراهنه ,,,

فحقا كنت خير كاتب يلقي بالتعبير عن الحاله ,,


اعاد اللهم بلادنا وجميع البلاد العربيه الى استقرارها وامانها

واعاد الجياة الطبيعيه لاهلها الكرام,,,

اللهم اميييين يارب ,,,



ايها الخلوق قلمك وتعبيراتك واسلوبك السلس

اعتلى على رأسهم قلمك ,,, ليعبروا في الاخير عن شخصك

فقالوا الكثير عنك ,,,


ادام الله تواجدك ونبض حروفك

دومت بكل ود ,,, وخير

خااالص تقديري وتحياااتي



"شــاعر الإحســاس"

[MĺŔǾ]

كلمات جميله رائعه خرجت أكيد من قلم مبدع راقي

كتير راق لي ما كتبت دامك مبدع

تقبل مروري المتواضع بين صفحاتك الغاليه

[الأميرة رودي]

كلمات جميله محمد

قلما ثائرا و ثورته ضد الظلم

اشتقنا جميعا ليوم تشرق فيه شمس صباح تضئ سماء مصر بالحريه

وتشع فينا العزه والكرامه الانسانيه

خاطره ولآ اروع اخى

لك منى أرق التحيات واعطرها

[عاشقة الهدوء]

كلماااات جميله يااامحمد ومتقنه

ومشاااعر نبيله منك ومؤثره

كتبتها بنبض قلبك وشعورك المرهف تجاه بلدك

وعبرت بها بأجمل التعبير موووفق أن شاء الله

ويارب يصلح حال مصر ويصلح شبابها ربنا يحفظك

[DR.SMA]

جميله يا محمد
كتبت بروح الثوره والشعب
تقديري
بالتوفيق ..

[حنـــــون]

بجد جميله اوووووووى يامحمد
كلمات معبره جدا عن الوضع الحالى
دوام الابداع والتميز
موفق دايما

[شاعرة الرومانسيه]

الله على الجمال

وعلى الحروف وهى تتغنى برقه ودلال

اوقفتنى حروفك مرات

كى استمتع بكل جمال

اعترف اننى عاجزة عن الرد بما هو يقال

أعزرنى إن التزمت الصمت هاهنا

فالصمت فى محراب الجمال جمال

ودى واحتراااااامى