حلقات برنامج ( نزلت الشارع ولقيت )

[۩۩ سيد الشرقاوي ۩۩]

اول حلقات برنامج
جميله اوي الحلقه اختي
الكريمه ومنوره ضيفتك اختاا
لاست بيلار منوريين وانشاء
الله يكون من اقوي البراامج الموجوده
هنااا

[طمطم]

ميرسي ع مرورك نورتنى

[طمطم]

اقتباس المشاركة الأصلية كتبت بواسطة morshooo بداية موفقة طمطم بس يعنى كترى الاسئلة شوية ^_^ فى انتظار الحلقات القادمة . طبعا لوجى منورة التوبيك والقسم واجابات كويسة منها رغم انها مختصرة

ميرسي ع ردك" مورشو" واوك هكتر الاسئلة :003:

اقتباس المشاركة الأصلية كتبت بواسطة سيد الشرقاوي اول حلقات برنامج جميله اوي الحلقه اختي الكريمه ومنوره ضيفتك اختاا لاست بيلار منوريين وانشاء الله يكون من اقوي البراامج الموجوده هنااا

ميرسي "سيد"ع مرورك وردك الجميل ده

[دمعه حائره]

حلوة فكره البرنامج بس كترى الاسئله شويه
يسلمو طمطم ونورتى يا لوجى
بالتوفيق دايما ياقمرات

[طمطم]

اقتباس المشاركة الأصلية كتبت بواسطة دمعه حائره حلوة فكره البرنامج بس كترى الاسئله شويه يسلمو طمطم ونورتى يا لوجى بالتوفيق دايما ياقمرات

متخافيش سمعت النصيحة الحلقة دى:biggrin:
نورتى ي قمر

[طمطم]

انتظرونى والحلقة الجديدة مع ضيف جامد جدا بكرة

[طمطم]

	ازيكوا ي احلا اعضاء ف الدنيا زى ما تابعتوا معانا الحلقة الاولى من االبرنامج http://forums.msryat.org/msryat335093/ النهاردة معادنا مع الحلقة التانية والعضو اللى معانا النهاردة عضو نشيط ومبدع خاااااصة بالمسابقات بصراحة انا من ساعة ما دخلت المنتدى مش بفوتله اى مسابقة من غير رغى كتير:biggrin: معانا النهاردة . . . . . booody99 ها قولى ايه اخبارك؟ والله تمام الحمدلله ادينا بنخبط في الدنيا والدنيا بتخبط فينا ولكن الحمدلله احنا احسن من غيرنا قولى بقى تحب تشرب او تاكل ايه اهم حاجة عندنا كرم الضيافة :biggrin: اممم كوباية كركديه عشان نروق الدم ههههههههههه ادى الكركديه وانا طلبت 2 -ع حسابى - ههههههه ها بقى قولى ي بوووودى لمحة بسيطة عنك فما لا يقل عن 3 سطور انا عبدالله (اكيد زهقتوا مني ههههههه) بحب المنتدى ده جداً عشان اول منتدى سجلت فيه وبجد حبيته جداً بحب افيد الناس بقدر استطاعتي وبحب الناس تبقى ايد وحده ندخل بقى ف الاسئلة اكيد انك كل يوم بتنزل الشارع وياما شوفت فيه العجب احكيلى عن موقف حصلك ف الشارع ويمكن يكون بسطك؟ مره كنت ماشي ومعايا اختي الصغنونه وواحد كان معدي بالعربيه وكان في ميه في الأرض ومخدش بالو وداس في المايه وغرقني انا واختي فأختي اتخضت وعيطت فأنا كنت لسه ها... هههههههه لكن لقيته وقف وجه واتأسف وجاب لأختي حلاوه (طبعاً كنت مستني يديني كيس شيبسي ولا حاجه ههههههه) لكن والله اتبسطت ان في ناس محترمه كده ههههههههههه طب الحمد لله انه اعتذر :biggrin: بس اكيد برضه اتعرضت لموقف ضايقك؟ هنا في يوم وطني وكنت مره عندي ماتش وراجع تعبان جداً وانا راجع لقيت عربيات كتير وشباب قاعدين يرقصوا واغاني وكده طبعاً قافلين شارع رئيسي هنا لكن شوفت مشهدين لا يمكن انساهم ابداً وبجد بكيت وحده كانت على وشك الولاده وزوجها كان بيترجاهم يخلوه يعدي والست من كتر الألم بتبكي وشخص تاني كان ولده مريض جداً وعايز يلحقه في المستشفى والراجل اغمى عليه ولكن كلنا قولنا مات ولكن الحمدلله وقعدت مده تعبان جداً بجد الناس اللى بتتصرف تصرفات مش مسئولة دى بتستفزنى جدا كويس انك طلبت كركديه ف الاول -الواحد دمه اتحرق-:762: بووودى قولى بصراحة اتخانقت ف الشارع قبل كده؟ ولو اه اتخانقت ليه وايه اللى حصل بعد كده ؟ انا صراحه لا لأني بحب ابقى في حالي ولكن مرتين تقريبا اتخانقت مره كنت بفك بين اتنين وواحد منهم تعمد يضربني فاتخانقت معاه جامد وكان كبير أي نعم اضربت لكن ضربت بردو ههههههههه المره التانيه أظن كانت اختي وصاحبتها وكانوا مستنيني اجي اخدهم بالعربيه فشباب عدوا ورموا عليهم مايه و غرقوهم وانا كنت وراهم فأنا ركبتوهم وروحت وراهم وكان في اشاره وبجد كنت متنرفز جداً فروحت نازل وخبطتله على القزاز فكان بيحسبني بشحت فقالي ربنا يعينك فقولتله لا ثواني بس فجي ينزل قمت خابط راسه في العربيه انا كنت متوقع انهم ينزلوا ويتخانقوا لكن لقيت السواق قطع الاشاره ومشي وووووو وبس هههههههههه هههههههههههه جدع ي بووودى خوفتهم اكيد السؤال الجاى ده بيحصل لكل الناس عايزة اعرف موقف محرج حصلك ف الشارع او حصل لشخص قريب منك وبالبلدى -خلاك ف نص هدومك- يعنى كان نفسك الارض تنشق وتبلعك؟ اممم هو مش في الشارع هو في المسجد كان ابن عمي الصغير جنبي وعملها على نفسه هههههههه قمت انا بعد الصلاه جبت شوية مايه وكبتهم وحلفت منا وخده تاني ههههههههههه :762::762::762::762: احكيلى بقى دلوقتى عن موقف كوميدى حصلك وصدقنى عندنا ف مصر المواقف الكوميدية مبتنتهيش؟ مره كنت انا وصاحبي حبينا نعمل مقلب في تاكسي وقولنا نعمل بتاعت ملك الموت هههههههههه بس الراجل طلع وبيقول انت ملك الموت فبقوله اه بيقولي وانت حابب اوصلك فين قولتله انا جي اقبض روحك قالي ههههههه طب ما تقبضها قولتله طب روح صلي ركعتين وكده قالي طب انزل عشان تصلي بينا يا أبن (تيـــــــــــــــت) ههههههههههههه :762::762::762::762: ايه ده انت طلع ليك ف المقالب وكده :079: -زيي يعنى -انا مكنتش اعرف الاسئلة اللى جاية دى عايزة اجابتها ي ايوة حصل وتحكلنا الموقف محصلش لسه تمام؟ حصلك قبل كده ان فى حد سالك ف الشارع عن مكان وانت معرفتهوش بس اتكسفت تقول انك متعرفش فقولتله اى مكان وخلاص -بتفتى يعنى-؟ اه ههههههه حصلت معايا كان واحد بيسألني عن شارع اول مره اسمعه فقولتله اي مكان وخلاص عشان مستعجل بس بعدها زعلت والله وقولت حرام عليا عمرك رخمت ع حد وهو ماشى ف الشارع والحد ده ضربك او زعقلك؟ لا محصلش قبل كده ُتهت قبل كده ف الشارع ومعرفتش تروح؟ كانت في مكه كنت انا وصاحبي ونزلنا الفندق وطلعنا على الحرم على طول زي الهبل مخدناش اسم الفندق ولا اي حاجه عشان كان نفسنا نروح الحرم وبعدين كنا لوحدنا بس لكن صاحبي كان لمح اسم الشارع وروحنا الحرم وجينا نرجع قعدنا 3 ساعات نلف ومنزلناش الحرم تاني هههههههههههه هههههههه :762:معلش تعيش وتاخد غيرها مرة كنت ماشى ف الشارع او راكب اتوبيس واتسرقت؟ لا صراحه قبل كده حاجة وقعت منك ف الشارع -ساعة مثلا-؟ ولو كده ايه الحاجة دى وكانت غالية عليك ولا لا؟ اه كنت مره ماشي ووقعت مني فلاشه وكانت لسه طالعه وجانت جيالي هديه لما نجحت وتقريباً وقعت ولكن زعلت جداً جداً :yuck: دلوقتى عايزة اسالك عن اكتر مكان بتحب تروحه وليه؟ يمكن مكه بجد بحس ان روحي بترتاح فعلاً مش كلام يارب يكتبهالكم يارب واحبابكم ولكن بحب اروح البحر اوي وبشتاقله جداً بتتشائم منه وبتحس انه -نحس- وليه؟ لا صراحه مفيش مبتحبهوش او بالاصح مش بيعجبك وليه؟ ممكن الاسواق صراحه مش بحبها لأن بحب أطلع مع صحابي وكده ودي مش بتبقى حلوه وبعدين بردو بعضها فيها مناظر انتوا ادرى ههههههههه :762: :762::762::762: قبل النهاية عايزة اسالك بعد كل ده بتحب تنزل الشارع ولا بتنزل غصب عنك لمشوار او للدارسة /للشغل ؟ بصراحه بحب الشارع لو معايا صاحب مش بحب ابقى لوحدي ولكن مهما كان الشارع احسن من البيت السؤال الجاى سؤال خيالى لو ف ايدك القرار انك تلغى الشوارع يعنى المحلات والاسواق والجامعات والمدارس تبقى جوى العماير -العماير هيوسعوها بقى مهم هيلغوا الشوارع- ومحدش ينزل خاااالص هتعمل كده ولا لا؟ صراحه هعمل كده :762: :762:الله عليك ي عبدالله هو ده الكلام واخيرا وليس اخرا ايه رايك ف البرنامج وايه اللى شدك ليه او ايه اللى خلاك تقبل الدعوة؟ بصراحه برنامج جميل جداً بيخلي الواحد يقلب المواجع ههههههه قصدي يجيب مواقف جميله وفكرته صراحه رهيبه وبنتكلم عن حجات بتحصلنا شبه يومياً وطبعاً صراحه انا اتشرفت بدعوتك وصراحه مقدرش اردلك طلب واتسمتعت جداً بالبرنامج ميرسي ي بووودى ربنا يخليك كلمه اخيرة منك لكل اللى هيشوفوا الحلقة؟ احب اقولهم الطريق له حق فأعطوا الطريق حقه واحب أقولهم الشارع هو عنوانا فلازم نهتم بيه وأحب اشكر كل الي شاف الحلقه ويارب تكون اجابات موفقه والف الف شكر على استضافتك ليا وبجد اتشرفت واستمتعت بالأسئله انا اللى كان ليا الشرف ميرسي ليك اتمنى تكون الحلقة عجبتكوا انا عن نفسى الحلقة عجبتنى جدا واتبسطت باستضافتى لبوووودى

[Lost Pearl]

طب مش تقولي انك نزلتي الحلقة :biggrin:

شكرا لكل الناس اللي مرت

نورتو

تسلمي يا طمطم علي الاستضافة

[Lost Pearl]

هههههههههههههههههههههه

حلقة جميلة اوي

و بطل تقول للناس الشوارع غلط

لأن الناس اللي بتعمل كدة بتغيظني اووووي

قول مش عارف :biggrin:

و تعيش و تعمل مقالب يا سيدي

نورت يا عبد الله

تسلمي يا طمطم علي الحلقة الجميلة

[♥..pure]

هههههههههه
حلقهـ جميلهـ جدا مع بودي :d
حابه بس اعلن لبودي انه معتش بيجي موضوع وريني خيالك هيوديك لفين بعد ماا اخدت الشبشب
يعني هو خلاص الشبشب حقق كل امنياتكـ ومعنتش بتيجي تخمن !
بشحت نـآس ههههههههههه
حلقهـ جميله واجـآبـآت نايس منكـ يـ بودي
مجهود موفق منكـ يـ طمطم .,
دوام التـآلق يـ شبـآب .