اجب بصراحة

[بسمة العمر]

السلام عليكم ورحمة الله وبركاته

هناك الكثير من الأسئلة المتعلقة بالرجل التي تشغل بال المرأة العربية، لدى لا بد من مناقشة هذه الأسئلة، و عليك يا عزيزي آدم أن تجيب بصراحة….

لنبدأ مع الأسئلة

لماذا تقول للفتاة بأنك تحبها ،و حين تنوي الزواج تبحث عن غيرها؟


لماذا تغش أيها الرجل المرأة الصادقة وتغرم بالكاذبة؟

لماذا باستطاعتك التخلي عن حبيبتك في سبيل تحقيق احد المصالح، في الوقت الذي تفعل هي المستحيل للبقاء بقربك؟

لماذا تتحدث عن خصوصياتك الزوجية مع الغرباء؟ أليس في ذلك إهانة لزوجتك؟

لماذا تحب ان تمزج بين العلاقات، و لا تفضل اختيار واحدة لتمضي معها ما تبقى منحياتك؟

كم عدد أرقام البنات اللاتي تخدعهن بكلماتك الكاذبة و المزيفة في هاتفك؟

مازالت قائمة الأسئلة طويلة… لكن نكتفي بهذا القدر ونتمنى أن تجيب بصراحة، فالجميع في انتظار الاجوبة

[فداااااااااااء]

تفتكرى هيجاوبوا بصراحه بسوووم ولا هيخلعوا هههههههههههه

مستينه أشوف رائيهم وإجاباتهم

[بسمة العمر]

على فكرة فداء انا جبتلهم اسئله قبل كدا

بس ما جاوبم دخلو اتفرجم وخرجم

وادينا منتظرين

[رنا هشام]

في آنتظار آجوبتهم

[فداااااااااااء]

ههههههههههههههههههههههههههههه والله ضحكتينى بسمه
يعنى هما بيهربوا فى الواقع وعلى الورق كمان ونعم هههههههههههه

بس ما تفقديش الامل يمكن يمكن يمكن ثلاث مرات يمكن يطلع واحد منهم يجاوب
يللا الله يبعت هههههههههههههههه

[بسمة العمر]

هههههههههههه
لا متخفيش المرادى لو اطريت هوزع عليه الرابط

لازم يجاوبم لازم اجبارى

[Lost Pearl]

طب ما توزعي الرابط بقي يا بسمة :biggrin:

مجهود حلو

و اما نشوف هيجاوبوا و لا !!

[morshooo]

فى البداية احب اشكرك على الدعوة

واشكرك على الاسئلة الجميلة جدا

طبعا انا هجاوب على الاسئلة

ولكن قبل ما اجاوب حابب اقول حاجا

الاسئلة دى مش منطبقة على الشباب فقط

ولكن عليكم ايضا ( البنات )

واتمنى انتو كمان تدخولو تردو عليها لان زى ما فى ولد بيخدع البنات

فى بنات كتير ايضا بتخدع الشباب ودى حاجا طبيعية مش غريبة والا حاجا

اقتباس لماذا تقول للفتاة بأنك تحبها ،و حين تنوي الزواج تبحث عن غيرها؟

بصى انا لية تعليق بسيط على السؤال اكيد لو انا بحبها زى ما بتقولى فى السؤال

يبقى خلاص اول بنت هشوفها قدامى اول لما اقول يا جواز اكيد هتكون هى

واعتقد مفيش حد هيحب بنت ووقت الزواج يشوف غيرها انا عن نفسى

اكيد لو فى الموقف دا اكيد هرتبط بالبنت البحبها لكن مش هحب بنت

قبل الزواج وهرتبط ببنت اخرى بعد الزواج .

اقتباس لماذا تغش أيها الرجل المرأة الصادقة وتغرم بالكاذبة؟

اى شاب فينا بتيجى علية فترة بيبقى مش فاهم حاجا يعنى لا عارف يعنى

اية حب والا يعرف يعنى اية ارتباط وممكن لو بنت سلمت علية

مجرد سلام يقول انا بحبها وعندة استعداد انة يروح يقولها انا بحبك

مش شرط انى احب بنت بتكذب عليا لان اكيد كل دا بيبان فى اى وقت من الاوقات

الواحد بيحس ان فعلا البنت دى بتلعب وبتضيع وقت وخلاص

وممكن ساعتها انا كمان العب بيها وهضيع وقت معاها لانى متاكد ان الموضوع كلام فارغ بالنسبالنا

اقتباس لماذا باستطاعتك التخلي عن حبيبتك في سبيل تحقيق احد المصالح، في الوقت الذي تفعل هي المستحيل للبقاء بقربك؟

السؤال دا يمكن فية تحامل كبير جدا لان الشخص دا اكيد مش طبيعى

يعنى انا مش هحب بنت وعشان مصلحة ليا اسيبها صعب شويتين

الموضوع دا واعتقد انة مستحيل معايا وبعدين صعب الواحد يشوف

بنت بتعمل كل حاجا عشانة ويسبها بسهولة كدا وانا مقتنع جدا بحاجا

ان الواحد يرتبط ببنت بتحبة اكتر ما هو بيحبها

اقتباس لماذا تتحدث عن خصوصياتك الزوجية مع الغرباء؟ أليس في ذلك إهانة لزوجتك؟

اى خصوصيات تقصدى لو تقصدى الخصوصيات الجماعية بين الزوجين

اعتقد مفيش واحد هيروح يقول لصحبة

انا امبارح كنت مع مراتى وعملنا جماع مع بعض ويحكيلة على التفاصيل

ولو حصل بيبقى كلام عشوائى بينهم واكيد دا بيحصل بين البنات كمان

فكدا برضو هى كمان بتهين زوجها .

اقتباس لماذا تحب ان تمزج بين العلاقات، و لا تفضل اختيار واحدة لتمضي معها ما تبقى منحياتك؟

الكلام دا قبل الزواج بيحصل لان الواحد زى ما قولتلك فوق بيبقى

فى فترة بتعدى علية مش عارف هو بيحب مين وحابب يكمل مع مين

لكن اول لما بيلاقى البنت خلاص الموضوع بيبقى سهل علية وبيبقى

فية اهتمام بينهم فخلاص صعب انة يجرى ورا بنت تانية .

اقتباس كم عدد أرقام البنات اللاتي تخدعهن بكلماتك الكاذبة و المزيفة في هاتفك؟

على موبيالى اكيد فى ارقام بنات ولكن عمرى ما سجلت رقم بنت

عشان اخدعها او اكذب عليها واكيد فى ارقام بنات معانا فى المنتدى

انا واخد ارقامهم وبنكلم بعض لكن .

زى ما قولتلك مفيش اى رقم بسجلة او بطلبة من بنت بقصد انى

اخدعها .

الاسئلة كانت جميلة جدا

وهسحلكم فى قسم حواء وانزلكم اسئلة زى دى

بس استنى عليا :762:

[بسمة العمر]

ماشى احمد منتظرين يلا

ما تتاخر

[واد حبيب]

ينفع اهرب ولا مفيش مكان للهروب
الحبيب