العدد الاول من مجلة ( عالمنا الخاص ) ( مجلة الابداعات لكل الاعضاء )

[♥..pure]

("فـقـرة " مـن نـبـض الـشـارع " ) بـ عنوان ( تــرمــســك فــ قـرطــاســك ) و مـعانــا ( 住 Timooz 住 ) الاسود :: دودو الاحمر :: فارس بينما كنت استمشى في الشارع ,, لمحت احد المبدعين فـ تركت عيناي كل شئ حولي و تعلقت عليه ثم خفق قلبي فجأأه عمل ايه يعني ؟ ايه خفق دي ؟ شعرت وقتها و انا اراه // كأن عيني لم ترى من قبل مين دي ؟ احسست داخلي بـ احساس مختلف دا آحساس متخلف هههه نعم احببته و تعلق به قلبي و بصوت مرتفع بدون سابق انذار قلت :: اســتـــنى هنـــا يـ عم منشااااااااوي نعم ,, انه هو .. اسم لامع في سماء شارعنا ( عم فارس بتاع الترمس ..! ) ركضت مسرعه متجهه له , انا و فريقي الاعلامي عم فاارس .. ممكن نعرف اسم حضرتك ..!؟ ياخلاشي احلي حاجة فـ الموضوع آنك ركضتي تعرفي لو مركضتيش كنت هركضلك انا بس فـ حتة ناشفة وبعدين ايه الهبل بتقوليلى عم فارس وممكن نعرف آسمك ايه آزاى يعني؟؟ ضاربة ايه ؟ عايزه اسألك سؤال بيلح فـ عقل كل كائن مصري اليومين دول آديني ليه كيس الترمس الصغنون دا بقى بـ جنيه خمسه وسبعين بعد ما كان بـ جنيه و نص ...!؟ اقولك دلوقت الترمس بقة السلعة الوحيدة اللى بتجمع بين اى اتنين عشاق فـ آي حتة وتحت آي ظروف ..والميزة فـ الترمس بقة آنه بيكون شريك فـ معظم المواقف اللى بتنحدر لعدم المفهومية والكتعان التركيزى فـ قوقعة الآنتر لوب بتاع المخ تلاقي البنت من دول لما بتكون غبية آوي ياخدها حبيبها يتمشي بيها ع الكرنيش ويفقع مني قرطاسين تاخد هي قرطاس وهو قرطاس دا شيئ مفهوش نقاش وفـ آثناء تعبية القراطيس طبعاً نص العربية بتتاكل دا شيئ آساسي وياخدو بعضهم ويقعدو فى مكاان منعزل تماماً عن جميع الاتربة المحيطة بالمثلث الآخلاقي وهوب كلمة منها كلمة منه تلاقي المكان اتملي تفافة وانا اسمع الصوت من بعييد دا ياكل ويتوف فى وشها ودي تاكل وتوف فى وشه ودا فـ حد ذاته شيئ مدحرج تماماً ويؤدي لآنهاء القراطيس بمدة لا تقل عن نصف دقيقة ويعيد الشراء مرة آخري لآستكمال التفافة مما ثبت علمياً وبعد درااسة كاملة من كبار آساتذة الترمس والفول النابت آن الترمس هو الحل لتجديد نكهة الفم وتنشيط جهاز التف العصبي عند الآنسان وحل المشاكل الآسرية والشخصية بشكل مبلول ومنتظم عشان كدا ياست الكل سعره بقة فووووق فهمتي حاجة؟؟ و هل شايف ان زياده السعر بـ الطريقه المبالغه دي ,, اثر عليك و على مستواك المادي ..!؟ لاء طبعا دي بقت مستورة وفل وعال العال وبكسب آكتر من الاول كمان ربنا يخللنا وزير الري والصحة بجد عامل آحلي شغل ع الكورنيش وموفرلنا مقاعد كتيرة للشباب وحتى كان في عربية فشار واقفة قصادي وجمب منها بنيكة شاى امر بآزالتهم عشان الناس تعرف تقعد براحتها وكلهم يعملو زي بعض وصرفلي 500 زلوط من الصرف الصحي وفتحلنا البلاعة اللى ع اول الطريق عشان لما العدد يزيد والناس تتفح الترمس البلاليع متتفحش معاها و يـ هل ترى// سؤال يجول بكل الخواطر خواطر ؟ ههههه اطلقت خلاص الترمس >>>>> رايح لفين ..؟! افتحى اى تفتيش فى اى حتى هتعرفي الرد على سؤالك دا هههههه عم فارس .. هنتدخل فـ الخصوصيات شويه تعالى اتفضلي خشي برجلك اليمين ايه سر رفض بنتك "ديحا" لـ كل العرسان الي اتقدمو بعد ما عرفنا ان جالها ما يقارب العريسين و نص ؟؟؟؟ ديحا بنتي من النوع الموشمئز والانف آوي آوي آوي وبتكره اى حاجة وحشة والعرسيين اللى اتقدمولها كانو برضك من الصرف الصحي وهي طول عمرها بتحلم تتجوز حد يعليها لفوووق وكانت حاطة عنيها على شباطة الجزمكي عشان هيلبسها كعب عالي وانا اللى رفضت لآنه عيل صايع وبتاع بنات ولعلمك هو كمان ريحة رجلو مقرفة بس الحب بيعمل المعجزات ويسد منخار اى حد عن الحقيقه و ابنك "شلخوف" ,, ايه سر نجاحه فـ الثانويه بعد 19 سنه سقوط ؟؟ شلخوف سر نجاحو انه اهتم بالرياضة الفترة الاخيرة كان الاول صايع بيشرب سجاير ومقضيها مع شوية عيال صحابو كدا وكان على طول بيسقط جيت فـ يوم مسكتو وقولتله يابنى انا نفسي تطلع حااجة تكون حد مهم فى المجتمع شوفت كرم جابر؟ الشحات مبروك ..ابو تريكة عاوزك نجم يابني قام الواد متآثر بكلامي لآن شلخوف طيب ياحبة عينو الواد وقالى اوعدك يابا آني من انهاردة هكون انسان تاني ..قولتله ربنا معاك ..رجعت تاني يوم البيت لقيته مشغل اغنية النمر الاسود بتاعة آحمد زكي ..وآتقدم آتقدم وحاطت الفوطة على كتفو وعمال يمسح ايده يابني بتعمل ايه ؟؟ قالى يابا مش آنت قولتلي لازم تكون نجم وتلعب اى حاجة ؟ قولتله آة ..قالى آدينى بلعب فى مراخيري اهو آعملك ايه تاني بقااااااا؟ بصراحه فرحت بيه واخدتو بالحضن ودعتلو ربنا يصغرلو صوابعو وميجرحوش ويحققلو كل ما يتمني ودخل مسابقة وطلع الاول فـ العب فـ المراخير ونجح فـ الثناوية بقذاااااااارة تقول ايه للناس الي بتسوء سمعتك و بتأأأأأأأأكد ارتباطك بزوجتك ؟؟؟؟؟؟؟؟؟؟؟؟؟؟ اقولهم اتقو الله آنا مراتي دي عمري ما ارتبط بيها ولا كان فيه بيني وبنها اى علاقة ومكنش فيه اى حاجة بيني وبينها غير كل مودة وآحترام دا حتى عيالي شلخوف وديحا جبتهم بالمسجات بليز كولمييي ولما راحت تولد ولدتها فــ شركة فودافون عشان هى اللى تعبت معانا طول فترة المراسلة والشركة عندكم مفتوحة اللى مش مصدق يسآل ..وعموما فى مثل بيقول ..العارجة تبليك واللى فيها تجيبو فيك آكيد هما ناس وحشة آنا ومراتي طول عمرنا ناس محترمة عمرنا ما لمسنا بعض و ندخل فـ الجد بقى ادخلي بشمال بقة هههه عم فارس ,, الترمس // ماذا يعني لك ..!؟ قصة كفاحي التفاف الترمس حياتى كلها وهو دا الشيئ الوحيد اللى لامستو و يـ ترى .. واخدين بعض عن حب .. ولا ..!؟ انا والترمس روحين فـ زكيبة و عايزين نعرف .. ايه سبب رفضك للشريط الي كنت هتعمله مع الفنان تامر حسني دا طبعا بعد ما نشرت كل الصحف و الاخبار انه اترجاك كتير فيما يفوق الـ 4 دقايق و ربع ؟؟ هاها لاء المعلومة جتلك غلط هو مكنش شريط دا كان ديوتو بس آنا اتنازلت عنه لشاجي حسيت انى لو طلعت مع تامر هلفت الآنظار ليا آكتر منو وهو مهما كان نجم ولي وضعه مع الكتاكيت مش معقول فـ غمضة عين كدا اطلع زى القطر الآشاش ائوش منو المعجبات وبصراحه الراجل تفهم الموضوع واقتنع ورحب بوجهة نظري بكل حب ولحد انهاردة صحاب لما بينزل اسكندرية بيجيلى على عربية الترمس نتفتف سوي و ليه شباب المنطقه بيقولو ان دي كلها محسنات للصوت ؟؟ مش واخد بالي يعني مين محسنات دي؟ تحب تقول ايه لكل بياع ترمس اصيل ...!؟ بس الله الرحمن الرحيم بقول لكل بياع لا تنحرف هههه وراعي ربنا فـ القراطيس لآن آنت وغيرك رمز من رموز الحب فـ المجتمع وبقترح عليهم نعمل منظمة لحقوق بائعي الترمس فـ مصر ويبقة بمثابة اى حزب فـ الدولة وانا مستعد وبقولها امام الكل اني ارشح نفسي بآسمكم فـ البرلمان وبدل ما فـ البلد فيه 100 قاعدة هههه نخليهم مليون قاعدة والناس ترتااااح و ايه مشاريعك الجايه ؟؟ بفكر آعمل سلسلة عربيات المنشاوي يعني اهو نوسع من رزقنا شوية وبدل ما احنا شاغلين فى الترمس بس نشتغل فى الحرنكش والعسلية وغزل البنات والحاجات دي هههه عايزينك تحكيلنا اكتر عن موضوع محل ام هايدي بتاعت الفراخ ..!؟ مسمعهاش ام هايدي اما عليكو اختراعات !!! تقصدي فاطمة المتع بتاعة محل الفراخ اللى ع السريع ؟ ولا حاجة هو كان في بينى وبنها اعجاب ..وتعلثمت وتعلقت وتعفرتت بحبي وكانت بتفكر تدخلني شريك فـ المحل عشان اتجوزها هوب عرفت انا الحكاية هربت بريشي قبل ما ادبس ومن ساعتها بقت بتركض هي فـ المحل بدل الفراخ و فـ نهايه الحوار .. استمتعنا جدا و استفدنا جداااااا >> حديث ادانا عم فارس 3 قراطيس ترمس و تفينا انا و حتحت براحتنا ( فـقـره " رومـانـسـيـات حـتـى الدمـووع " ) بـ عنـووان " هـريـدي & الـبـت ديـدي " تأأليف و اخراج ^_^ :: " ◣ĐěŠèЯT◥ " هريدى بيحب ديدى حب مسبك متبل مهيبر بفيبر بتاكى هع وديدى بتحب هريدى حب حار مولع مشطشط نار فى يوم كدة ديدى بتقلب فى الاذاعة وراحت سمعت اذاعة حموم اف ام وبرنامج انا والبطيخ وهواك وسمعت كلام حب وحركات ويتاع راحت مشاعرها المسبكة اتحركت وكلمت هريدى وصحتة من النوم ديدى :: اصحى يا هريدى هريدى :: اية اصحى لية يابت فى اية ديدى :: انت لية مش بتقولى كلام حب وكلام حلو زى اللى سمعتة على حموم اف ام هريدى :: اية يابت الجو دة انا مش لسة من يومين قايل انك عيونك اوسع من عيون بقرتي وبعدين اية اللى خلاكى تسمعى الواد المسهوك دة ديدى :: بطل هزار انا عاوز ة شعر يحركنى يهزنى هريدى :: شعر اية اللى يهزك دة انا مش بعرف اشيلك ديدى :: ماليش دعوة مش هكلمك غير لما تقولى شعر سلام راح عمنا هريدى ضرب شاى وكتب ليها شعر وكلم ديدى هريدي ::ديدى عملتك شعر اسمعى يابت ياللى حبك بيحرق كل الرمات بحبك يا ديدى يا احلى من بوزو وهريدى انتى حبى ونصيبى وبشرب وراكى بيبسى وهريدى ياحب قلبى الوحيد يا هارتى يا رماتى ياديسك توب قلبى ياعيونى يافرحتى ياموزى يا منجتى ياعسل اسود ياعسل ابيض انت ومافيش غيرك انت ياحب قلبى يا طرحة زرعى يابلاص عمرى ديدى :: وااااااااا هريدى اية الكلام الحلو دة هريدى :: يابت دة كلام طالع من قلبى يا مسمار قلبى بحبك يا ديدى........ بحبك يا هريدى ( فـقـرة " نـحـن عـائـلـه مـصـريـه , ولكن ! ") بـ عنوان " مــامــا حــلــوه ^_^ و مع سؤؤؤؤال ( ليه الأم مدرسه .......؟؟؟؟ ) علشان : بتعلمنا . . . . . الصبر هاولع فيك بعد ما تمشي الضيوف الترقب طيب استني بس لما بابا يرجع البيت وانت تشوف الخيال لما تقع ورقبتك تنكسر ماتجيش تعيطلى العدل بكرة تكبر وتتجوز وتخلف عيال يطلعوا عينك بالضبط زي ما انت بتطلع عيني الغموض لما تكبر وتبقي قدي هتفهم انى بضربك علشان مصلحتك التدين إحنا لقيناك علي باب الجامع (فـقـرة"ولا كـانـك سـمـعـت حـاجـه" ) بـ عنوان " يـامـا فـ الـطـوابـيـر رئـسـااء" و مـعــانــا "dr.pharma" الاحمر :: رفيف الاسود :: دودو بعد ما نهيت حواري مــع عم فارس بتاع الترمس اخدت الفريق الاعلامي بتاعي و طلعنا على هذا المكان الاثري انه عظمه مــصــر هنا تتلاقى جميع الاجناس و الاعمار و الديانات نعم .. فـ يكفي ان تشم رائحه المكان لـ تشعر بدفئ قلبك مهبط الجمال و رمز الدوله انـــــــهــ:: ( طـــابــــور الــعــيــش ) نظر الواد "حتحت" ( المصور بتاعي ) و في ذهول قال : اللحقي يـ دودو مين واقف هناك اخدت الفريق و "جريت" ( مش كل مره هركض بقى ) انها الست رفيف المرشحه المتميزه لـ (( انتخابات الرئاسه )) اوستاذه روفيف .. أيــون يـ دوعـآء :/ سؤال يطرح نفسه ..! طب طلعوا كام ؟ متعرفيش سؤال - سؤال = صفر علفكرهـ الحلفه دي مش هتنجح يا بنتي الناتج طلع صفر بتعملي ايه هــنـــا ....!؟ والله يـ اوخت دعاء .. انا سمعت ان كلام كتير على رغيف العيش والدعك اللي بيتكلموا عليه دا قولت اجي واشوف بعنيتيني ... بس للاسف يارتني ماشوفت .. في هنا حاجات تشيب >> يعني لما تقفي وسط الفرق كداهوت رموش وشعر تبض ويبقا عندك 53 سنه :/ ومحدش يبصلنا و هل نعتبر دا كــ مواكبه لـ احداث الشعب ..!؟ أيوا امال انتي عارفه انا مش بس مركزهـ على رغيف العيش انا سمعت كمان ان في حمى قلاعيه في اسم الله عليكي كدا لؤاخذه ف البهايم نزلت الزريبه نفسها واعدت ادور في شعر البهايم على قراع قراع مش لاقيه حاجه يختي ,, قولت هو مفيش غيرهـ التلفزيون يمسكوا ياختي الجاموسه من هنا ويسؤا سمعتها ويوقفوا حالها كداهوت وما ينوب الفلاح مننا غير انه الجاموسه تعنس جمبه ويفضل حاطط ايدهـ على خدهـ حاجه تموع النفس يا اوختشي واللهـ ,, الناس بقت فاضيه وآرآرهـ أوي ومش بيسيبوا حاجه غير لما يعلقوا عليهآ ,, انا بس عاوزهـ ارد على الاخ اللى بيتكلم على ازمه البنزين دي كمان لأ بقا لازم كمان نتكلم على الحاجات الايجابية بردو من اربع تيام فى عربيه دخلت بنزينه فى العياط ومونت التوكتوك كله الله !! هوا احنا هنقعد بقا نمسك فى العربيات اللى مش لاقيه بنزين وننسى الراجل بتاع العياط ؟؟!!! لا يا جماعة لأه .. البلد دي فيها حكومهـــ وانــيييييييي الحكومه ::::::: ما رأيك فـ العيش ..!؟ انا ماليش ف العيش الشعبي دا مفيش احسن من الكيزر والسن صغير كدا ويتاخد ف قطمه واحدهـ هـل تفضلين الرغيف الي بـ 8 قروش ... ام الي بـ 1 جنيه ؟؟ ابو جنيه طبعا و ايه الفرق بينهم انا مش هتكلم .. انا هسيب الصور هي اللي تتكلم ::::::: ندخل سياسه شويات ندخل يا اوختشي مندخولش ليه سمي وبرجلك اليمين بئه شايفه انك قد المنصب دا و ليه ...!؟ انا سمعت انه طول المنصب 170 وانا يعني 160 هبقا البسله كعب 10 سم وابقي زي الفل هو يعني الطوال احسن مني في ايه .. سيبك انتي من اللي طول النهار يلعب عوقله ويتنططوا دول المهم المتانه بردو ايه مشروعاتك الجديده بعد ما تمسكي الرئاسه ؟؟ 1. اعدام الشخص اللي كان واقف ورا عمر سليمان وذلك للتوصل انه سبب الفتنه بينه وبين جورج القرداحي 2. حبس مسجل خطر أحمد محمود جمعه وذلك لانه بقاله كام يوم واخد اجازته ومش عارفه اتلم عليه ولا عارفه اكلمه 3. ضبط واحضار عم حسن اللي قصادنا وحبسه انفرادي لمدهـ عامين لانه بيطلع كل يوم من ورا الباب بتاعتنا ويخضني ويقعد يضحك نفسي في مرهـ اتجرأ واديله بالشنطه في وشه هههههههههههههه والله بتخض اوي و تردي بـ ايه على منافسك ( حمو كرش ) بعد ما اتهمك بـ الظلم و الديكتاتوريه ..!؟ مش عشان يعني لبست كعب عالي يبقى ظلمت على رأي المثل :> راح وغاب ومجاش شوفتي بقا ازاي مش هنعرف نرضي كل النسانيس اللي ف البلد >> نسانيس جمع انسان ^^ و تردي بـ ايه على اغنيه عمرو دياب "" وحشتيني وحشتيني سنين بعدك على عيني"" ....!!!!!!!!!!!!!!؟؟؟؟؟؟ مش عارفه يا اوختشي والله ايه دا حد قاله يحط السنين على عينه ؟ طب يحطها على كتفه ؟ يحطها في صندوق البريد ... ضافت بيه الدنيا يعني و هل تفتكري ان المشكله تكمن فـ عيون عمرو ؟؟! هي تقريبا في مشكله عندهـ في حرف الـ ع ,, بردو يجيبلك عياله ويقولك قمرين .. قمرين دول ولا عنين .. قلبي بيسـآلني عليه وعشان راح مشوار لاسبانيا كلف تامر حسني بـ عيونه دااااااار .. عيونه دار ازاي يعني ,, على كدا الرموش فسحايه الداار بئه ::::::: هل صحيح الي سمعناه ! و انك عايزه توزعي عدد هائل من لبان ( تشكلس ) بعدد نصف لبانايه لـ كل مواطن لم يتجاوز الـ 9 سنوات ..!؟ الندغ بقا شئ مفتقد بين السنان والدروس اوي بصراحة الواحد زمان وهو تفل كان بياخد بريزه ويجيب 10 لبانات وبيعمل بيها اشكال متنوعه منها البالونه ومنها شكل البرتقاله >> عن نفسي كنت بتفها اول ما حلاوتها تخلص بس بتزود ميول الاتفال زي ما قولتلك واحدهـ مثلا تطلع راقصه باليه او بلدي حسب طموحاتها وقدراتها بئه والتاني يمكن يطلع سوسو وابن امه المهم هتعمل احلى شغل ف البتنجان الاسمر قوليلي رأيك بكل صرااااحه داخل البلد ..::: فـ ( ميدو الحزين) الي بيشتكي عـ الفيـس بـ أكونت ( ميدو المجروح ) ,, انه بقالو شهرين عايش سينجل ...!؟ ميدو دا بيشتغل نفسه يا دوعاء !! تعرفي ان البت مديحه اللي كانت ماشيه معاه من 4 شهور عملت اكونت تاني باسم جرحني وبكي ومن ساعتها وهي بتشتغله انها كمان مجروحه وشغالين اللهم صلي على النبي على الفيس واتشات وكومنتات والحياهـ اشطا يعني ال سينجل ال قريب هعمله بلوك واقوله واد يا ابن امك ياض مسحوق ( كوكولليتو ) الي بيعمل 30% زياده على كل علبه ..!؟ دا بيفور الهدوم وينعم الخدود بالك انتي جربي تحطي عدد 2 بيضه وكوب زبادي طازج + عبوهـ واحدهـ فقط من المسحوق مع التقليب الشديد اوي حتى تصبح عجيبه ناعمه الملمس وافتحي الاوضه وجوزكـ مخمود ومش فايق كدا وقوليله اصحى يا حبيبي عملتلك دانت بالشيكولاته هيصحى ويفتحلك بوقه طبعـآ ,.. اديله معلقه معلقه لحد ما يحصله تسمم وتبقا قضاء وقدر وانا عارفه انتي مؤمنه بالقضاء والقدر .. هيييييييييه دنيا محل ( ام شوكت المزه ) بتاع العصير الي بتديره ام مشائي ..!؟ انا شربت مرهـ من هنـآ لقيت ف العصير صورصار ونمله في وضع مخل ومشائي دا اساسا جيه غلطه ابوهـ مكنش عاوزهـ يخلف من امه ال ايه عشان هي قرعه وهتجيب عيال قرع :: حجج فارغه ولما خلفته بقا هو كان عاوز يسميه مشندي وهي عاوزهـ حمائي الراجل بتاع الصحه محبش يزعلهم وسماهـ مشائي مشروع ( الارنب لـ بيع البطه ) الي هو لا بيبع بط ولا بيبع ارانب ..!؟ دا مشروع فاشل اساسا لأن مفيش غير ارنب مبطط واحد بس والسبب في كدا كانت غلطه عامل في مزرعه حيوانات هو اساسا كان احول ومبيشوفش ومراته قالتله يا فتحي اكشف واعملك نظارهـ قالهآ انا مش فايق ليكي يا وليه اصله كان عليه 1000 جنيه للواد ممدوح الحلاق كان مستلفهم منه اول الشهر وقاله هديهوملك كمان اسبوعين ومن ساعتها وهو مربي دقنه ومش بيروح يحلق عشان ممدوح ميطالبهوش بيهم واساسا ممدوح دا خيخه وبيسمع كلام مراته .. والعمليه دي مش هتكمل عشان فيها ربا والله اعلم بئه فيلم ( ابي فوق الشجره ) ....!؟؟؟؟ والله ابن عاق بصراحه بقاله عشرين سنه سايب ابوهـ فوق متعلق كدا معندوش قلب .. وبكرهـ هيتعمل فيه اللي هو عمله ف ابوهـ بس بقا وقتها ممكن ابنه يزنقه بين الدولاب والسقف عشان يتفطس ويتحنط مكانه شيكولاته ( جالكسي ) الي بـ 4 جنيه ..!؟ لأ انا افضل اللي هي 1.5 عشان الكبيرهـ دي بتضطرني افرق ع اللي حواليا وف الاخر يتبقى ليا حته فتفوته ومش بتقضيني بصراحه اما ام 1.5 بحدفها علطول ومحدش بياخد باله منايفه اصلي يعني ^^ ::::::: تردي بـ ايه على الناس الي بيتهموكي بتزوير الانتخابات لصالحك ؟؟ اقولهم كلا بتا حاشا ولاشا وحماصه كمان صالح مين دا انا معرفوش انا لو عاوزهـ ازور هزور لنفسي عالاقل اما صالح دا انا ولا اعرفه وربنا نفسك الشعب يدلعك بـ ايه ..!؟ عنقود العنب توحفه موت نظارتك الشمس .. جايباها منين ؟؟ لأ دا انا قطعت حتتين من الاشعه بتاعت رجلي وعودين خشب ومسمرت بئه ) و اخيييييرااآآ هل تتوقعي انك تكسبي فـ الانتخابات ؟؟ أنـآ معـآيــآ الولد والشايب والبنت هعمل تمويه بالبنت الاول والشايب كمين وبعدين اقش بالولد خطرهـ انا تعرفي حزب الجرجير بـ كام فـ السووق ...!؟؟؟ ماما بتجيب التلاته بـ جنيه باين وساعات بتنصب على ام سماح وتجيب 4 ( فـقـرة " احـلامـ بـنـات عـايـشـين الـلحـظه " ) بـ عنوان "اتجوزو بنات التيت .. و انا قاعدلكو فـ البيت " بص يـ قلب اختــك .. ايه يعني شقه عـ النيــل !!!! و مهر مليون جنيــه , و شبكه بـ مليون زيهـــم , و نقول مثلا مؤخر "2" مليــــون .. و يكون بقى محترم و بيشتغل اما - دكتور او مهندس او مثلا عميد او وزير الماليه واهلو ناس طيبين و يستحسن يكونو مايتـيـن .. و مثلا رصيد فـ البنك مليــار ,, لا لا كتير : كفايا نص مليار بس بأأسمه , و نـص بـ اســمي و مثلا فيلا فـ مارينـــا .. و يكون بقى مــز و الحاجات التافهه دي .. مهو انا مووش طماعـــه !! يعني عشان اطلب اكتر من كدا .. عشان بردو مووش يتخنق مني مثلا ولا ايــه ؟ اظن مش مستحيل يعني , بس قول يـــــــ رب ( فــقــرة " يـومـيـات شـعـب مـكـافـح " -شــرح) بـ عنوان " كــيــس الــشـيـبـســي " تأليف و اخراج : dodo انهارده يـ حلوين هنيجي نتكلم عن موضوع مهم جدا فـ بلدنا الحبيبه " مــصــر " موضوع يجول بالخواطر و يحمل الغموض و المعناه (( كـــيــس الشـيــبــســي الــمــصــري )) لو لحظنا هنلاقي واحنا بنشتري مثلا , , سواء من " وكاله الحج سوسو ماركت " او " شباشب شوب " تلاقي كيس الشيبسي كبـيييير كدا و منفوخ و تجيب بقى واحد حجم عائلي و تضيع تحويشه العمر " 4 جنيه و نص " >> بس يلا تطلع البيت بقى و انت مظبط كوبايه عصير كدا وفاتح التي في على ميلودي و لا روتانا و عايش بقى مع الافلام الرومانسيه .. " ابراهيم الابيض " ,, " اعدام ميت " تمد ايدك كدا تاخد كيس الشيبسي و نفسك بقى رايحه على الجبنه المتبله ولا الكاتشب تمسك الكيس و تفتحه // تبص تلاقي خمس تسع . . شيبسيات كدا فـ الكيس طبعا هتتعصب و ! اه يـ ( * جزء من النص مفقود * ) هو السيليكون كمان وصل للشيبسي يـ جمااااعه استهدو بالله كدا بس المشكله مــش فييييك ولا فـ كيس الشيبسي ولا فـ الشركه المصنعه ولا فـ الدوله المنتجه ولا فـ الحج سوسو ولا فـ احمد السقا ولا زكي و لا روتانا او ميلودي بـ اختصــار شديـــد المشكله فـ " مـــحــي " بشكر ( فارس & رفيف ) و فـ النهايهـ :::::> ( شكر خآآآص جدآآآآ لـ "ĐěŠèЯT"..) :: الي ساعدني فـ عمل الصفحه ) يـ رب تعجبكم .. و تبقى كدا فرفوشه و عسوله و اموره و بـ فيونكه مـ الجنب و موش اكون طولت كــان مــعــكــم d o d o مـن امــام مـقـر " مجله عآآلمنا الخآآص"

[doiss]

اية دة !
اية الجمال دة !
انا اتصدمت والله لما شوفت المجلة وجمالها :biggrin:
كمية مجهود فيها رهيبة والابداع فوق الوصف والله الواحد يفتخر ان فية ناس عندها المواهب والافكار والطاقة الابداعية اللي عندكم دية ,
تسلم ايد يا مورشو تنظيم رائع ورفيف طول عمرك مبدعه فوق الوصف .
وطبعاً اقل شيء يقدم ليكم على العدد الرائع والمجهود الذي بذلتموه والذي لا يضاهي إبداعكم ,
وهو إستحقاقكم 200 مشاركة كتعبير رمزي وامتنان من الادارة وتحفيز لإستمراركم بهذا العمل المميز .

[booody99]

بصراحة أبداع وفوق الأبداع كمان فعلاً

مجلة بجد دسمة ومليانة بصراحة بمجهودكم فعلاً

شغل جبار ويارب ما ننحرم منك ولا من أبداعكم

تسلم أيدك على التنظيم وتسلم أيد كل الي شارك فعلاً

كل الأحترام والتقدير

[тoкα..♥]

وآنآ حآجزة مكآني هنـآ
ليآ بآك

[حنـــــون]

بجد ابداااااااااااااااااع
طبعا المجله اسبيشيال عشان وجودى :762:
بهزر اكيد هههههه
مجهود جبار من احمد ومنك طبعا يارفيف مش عارفين
يابت نودى جمايلك فين << هيدر الهمسات جبااااااار:biggrin:
تسيق ومواهب بجد فوق الوصف
احلى حاجه ان كل دا حاجه فى المجله من مواهب المشتركين نفسهم
مبسوطه ان العدد نزل بنفس الشكل والتنظم الى توقعته
تسلمى يارفيفوا لمجهودك انتى واحمد
وعقبال العدد التانى بئه ^*
تحياتى للجميع

[۩۩ elMagic ۩۩]

ايه الجمال دا
لا بجــد مجهود عالى رفيف واحمــد
فقرات كلها جميله
وتم تحميل الاستايلات والاشكال يا رفيف
الاسكرابز معانا:003:
أصلــى من يومكــ ى جميــل ولا نقول عنقود عنب :biggrin:
وكمان فقرة دودو
دماااغ عاليا وفارس وحكايته مع الترمس والتوف :762:
دوام التألق والابداع
فى انتظار العدد اللى جاى
مودتــى

[S n i p e R]

مورشو :

شغل عالي جدا يا كبير

والتعب باين عليه

مجهوداتك مميزة

ولقاء ناجح جدا

لكن للاسف متاخر

ضياء :

عجبتني جدا الحكمة دي

فعلا فقرة جميلة جدا

حنون :

ايه يا ماما الجمال ده

مكنتش اعرف انك كاتبة حلوة اوي كدا

وكلامك صح الصح

قلم مميز وكلمات معبرة

زهرة الشتاء :

فقرة جميلة

وبداية موفقة في العدد الاول

وبتتكلمي ف موضوع حاسس ومهم جدا

لوست بيرل :

نقاش مهم جدا

وف محله الحقيقة

بداية موفقة

شاعرة الرومانسية :

ابدااااااااااااااااااااع بمعنى كلمة ابداع يا شاعرتنا

معزوفة شعرية من اجمل ما يكون

سلمت اناملك

ساحر الاحزان :

اتفق معك في محور النقاش جدا

فعلا موضوع في الصميم

لكن معجبنيش المثال الاخير ده خالص

البت مش مغفلة قصدي طيبة

انما هي اللى اذنبت في حق نفسها وابنها

عمرها ما هتكون ضحية او القانون خدعها

انما هي الجاني

رومانتك جيرل وبسملة :

بصراحة موهوبين بمعنى الكلمة

رسومات هايلة بجد

تنم على رسامة عاااالية اوي في المستوى

فعلا بصراحة ملاقيش فيهم غلطة

وتصوير فوتوغرافي مميز جدا

ولقطات اجمل ما يكون

فارما :

درس مبسط وجميل

اتفضلي التطبيق

[IMG]http://www.***************************/files50/03_04_2012_a2a813334574801.gif[/IMG]

وشكرا ليكي

دودو :

بجد انا اكتر واحد شاهد على تعبك في الفقرة دي

وطبعا مش هضحك دلوقتى

لاني ضحكت لما فطست من كتر الضحك قبل كدا

استمري يا دعاء في الشغل العالي ده

تحياتى لفريق العمل كله

الله ينور عليكو بجد

[شاعرة الرومانسيه]

[]أحمد والغاليه رفيف

لم اتوقع ابدا ان المجله بالجمال ده

كل الفقرات ممتازه ورائعه

بالتوفيق فى الأعداد القادم

[Hearts Whisper]

وآآآآآآآآآآآآآآآآآآآآآآآآآآآآو رآئعة حلوة آوى آوى
آحييييييييييييييييييييييكم على آلمجهود آلرآئع ده

[ساحر الأحزان]

حقيقى مجلة روعة

وفى منتهى الجمال والتوضيح والمجهود واضح منكم

والفقرات جميلة جدا

ولو قلنا مش حنقدر نوفيكم حققكم

والتقييم بسيط علية

اتمنى لكم دوام التوفيق