المشير طنطاوى خائن لمصر وشعبها

[النذير]

بسم الله الرحمن الرحيم
المشير طنطاوى خائن ويلعب بالنار ويريد ان يحرق مصر
لمصالح امريكيه اسرائليه وهو من اعوان حسنى مبارك
وله فى سلطه حسنى مبارك 25 سنه حكم للجيش وهو
يد حسنى مبارك وما يفعله المجس العسكرى كله لمصلحه
فلول النظام السابق وهم يستميتون هم وبلطجيتهم لأبقاء
نظام فلول النظام السابق وما ترشح عمر سليمان
واحمد شفيق وعمر موسى ( جاموسه ) الا خيانه
للثوره المصريه وقتلها والاطاحه واهانه لشعب مصر
والمشير طنطاوى اكبر عميل وخائن لمصر وسترون
عن قريب فهو يخاف ان يحكم مصر رجل شريف
ويفضحهم بالكامل ولذلك فهو يطبق قرارت امريكا
وتهريبه واطلاق صراح الجواسيس الأسرائليين
والأمريكان الا خيانه لمصر ولشعبها يا شعب مصر
هؤلاء اعدائكم فأحذروا وفيقوا من سباتكم ونومكم
يكفى ذل وهوان .

[morshooo]

والله دا رائيك الشخصى

وانا من رائيى ان باقى المرشحين والا ليهم اى لزمة

بس ما قولتيش انتى هترشحى مين

انا بعتقد انك مع

حازم حازم مش عارف لية

[مِسكُ الشَهادة]

اللهم إحفظ بلادنامن كل سوء يا الله
وولي علينا الصالح الذي يسعى لرفعتها
وجنبنا الفتن ما ظهر منها وما بطن
أشكرك أختي الكريمة لموضوعك

[ماتركس]

والله احتارنا معا الشعب المصري

الاخوان خايفين من سليمان

السلفيين خايفين من سليمان

يا جماعه انتو خايفين ليه بس اموت واعرف لما سليمان وحش خايفين منه ليه

والا خايفين علشان يكسب منكم الانتخابات وتطلعو من الموالود بلا حمص

علي فكره انا مش سليمان والا عمرو موسي والا شفيق

بس صوره الاخوان خوفهم هما والسلفيين باين اوي انو هيموتو من الخوف

يا جماعه لما انتو متاكدين انكم هتكسبو الانتخابات ليه خوفتو

يلا بقي ادينا متابعين صراع الانتخابات

يلا ربنا معاكم

[شاعر واسير الحب]

الكلام كتير وخالي من الصحة والبيان لما كل هؤلاء خونه ولصوص
طيب نجيب نتانيهو يحكمنا احسن رجل صالح ومبدع في قتل الاطفال وتجسيد الاجساد ودفن الاحياء

طيب سليمان خايفين منه ليه
طيب انتم الشرفاء وكل الناس حرامية
طيب اللي كان عاوز مائة الف كان ايه مش حرامي برضوا
ولا اصحاب الكاميرات كل اللي عاوز يتكلم عاوز الكاميرة مسلطة عليه

انا احترت من الكلام وبصراحة احنا اللي بنضيع البلد بالكلام
الكتير
الجيش هيروح فين
طيب عاجبكم الفوضي الحلوة دي والبلطجة والسرقة والنهب من نتائج الثورة
كل واحد من حقه كان يترشح ولا هم عاوزين يمسكو البلد زي الحزب الوطني
قالوا مش هنرشح رئيس لقد قالوا ولم يصدقوا القول
قالوا شاهدونا بعد شهر من مجلس الشعب وشاهدناهم بيتخانقوا بالمجلس ولم يصدر قرار للان لصالح البلد او مصر غير قرارات مصلجية فقط وانتقام وعنف
وايه المنافق ثلاثة
قالوا ولم يصدقوا وخانوا الامانه
ووعدوا ولم يوفوا

انا لست طرفا لاحخد ولكن حزين علي اللي بيجري بمصر
ارحمونا من الكلام الكتير
سيتم ارسال عدة رؤساء من الخارج لترشيح واحد منهم يحكم مصر بالعصا والخرزانه وساعتها يبوسوا ايدية
وعهد نابليون ليس ببعيد خرجوا معه في المولد النبوي والاخري دعليهم بالاحصنه ودخل الازهر بالحصان
وهللوا له
نحن شعب لايحب الحريه واستخدمناها بطريقة غير حاضرية لاننا لم نعرف قيمة الحرية


اشكركم

[وقار]

ما دليل خيانته تلك هو رايك فحسب

[نسيتك وبادعيلك]

دعونا نتفق على شىء اساسى خلال هذة الفترة الحرجة من تاريخ مصر
الاوهو
نريد ان تجرى فى مصر انتخابات نزيهه يشهد لها العالم بالنزاهه والشفافية وروعه الممارسة
ولا يهمنا من يأتى بة الصندوق من خلالها فكلنا هنضرب لة تعظيم سلام لأنة سيكون اول رئيس بانتخابات نزيهه وسنقف خلفة.
دعونا نتفق حول هذا المطلب الاوحد ونترك خلافاتنا جانبا . لنقاتل لتحقيق ذلك والدفاع عنه والنتيجه لاتهم من الفائز لانها ستكون افراز شعبى حقيقى.

[عاشق المستحيل557]

والله انا لحد دلوقتى مش عارف انتخب مين بجد الصوره مش واضحه ولا علشان احنا فسنه الوله انتخاب ولا فى ايه مالى كنت بحلم يكون لى رائ واحس انه مهم وانى صوتى امانه ودلوقتى لما حلمى اتحقق مش عارف استخدمه او خايف استخدمه
الشيخ بيطلع امه امريكيه وبكرا المحكمه تبراه وتنفى الكلام دا
والعلمانى بنكتشف ان له اصول دينيه
والدينى بنكتشف انه كركتر دينى بس من الداخل الله يستر
تعبت

[doiss]

كلام منطقي لأكثر من سبب ,,,,
عندما حدثت حادثة إغتصاب فتاة العتبة لم يكن التشريع القانوني مغلظ لعقوبة الإغتصاب لذا . لكل حادثة او واقعة تؤثر بالسلب على المجتمع وجب وجود تشريع شديد ومعاقب للمخالف ..
لذا وجب قانون العزل السياسي لأعوان المخلوع ونائبة سليمان الذي خلعته الثورة !
لأن ذلك يندرج تحت إطار فعل إغتصاب مصر من قبيل زعيمها ورجاله وأولهم عمر سليمان ! فوجب تغليظ العقوبة على من هم من مدرسة المغتصب ومن شاركوا بجريمة إغتصاب مصر وهتك عرضها على مرأى ومسمع العالم أجمعين .

النقطة الاخرى ,,
إن كنا نؤمن بالثورة ولا نتوارى خلفها ونكن التاييد للمخلوع فتلك هي الشرعية الثورية على مدار التاريخ بجميع الدول التي حدثت بها ثورات ,
فلم نجد مثلاً بثورة فرنسا نائب المخلوع يترشح !
فلقد تم إعدامهم جميعاً هههههه
نحن شعب طيب ورأفنا بحال المغتصبين وعفونا عنهم ويجب ان يقبلوا ايدي ذلك الشعب ومصر لا ان يعاودوا الكرة لإغتصابها مرة اخرى ! وإلا فليحذر الجميع فالذي تم قنصه بواسطة ميليشيات عمر سليمان ورجال المخلوع كان يقف بجانبه الالاف والمئات وتعتلي صدورهم رغبات غل وانتقام مكــــبوتـــــة :biggrin:

ثالثاً ,,
بشهادة مسئولي إثيوبيا ..
سليمان هو السبب الرئيسي بفشل ملف حوض النيل ,
سليمان هو الراعي الرسمي لتصدير الغاز لإسرائيل ,,
سليمان هو مسئول التعذيب بالوكالة لامريكا واوربا للإسلاميين ..
الغضب قادم ولن يرحم فلا تستفزوا مشاعر الشعب الطيب وتدعموا الثورة المضادة لأنكم ستكونوا اول ضحايها مثلما مثل بجثثنا المجلس والقاها بالزبالة وعرى فتياتنا وقتل وسحل وسجن بدم بارد ,
فلن ننسي عارهم وإغتصابهم لمصر تحت مرأى ومسمع المخنثين ولن نسمح لسليمان بالتواجد وإلتقاط انفاس هواء شعب مصر الطيب ,
:biggrin:
خالص الاحترام ..

[رقة BaNOTa]

واحمد شفيق وعمر موسى ( جاموسه )

لو سمحت مع احترامي لك بلاش نستخدم العبارات والكلام ده في المنتدى
معاك مطق الحريه للتعبير عن رايك الشخصي ولكن بدون التجريح في احد بالافاظ ديه بصرف النظر هو يستحق الكلام ده ولا لا
شكرا