ومعانا الناشط السياسى ( ......... )

[morshooo]

بسم الله الرحمن الرحيم

السياسة بقت على عينك يا تاجر عجبنى جدا الوضع السياسى فى مصر

بصراحة وبجد وبأمانة وضع جميل جدا لدرجة انى مبقتش بشوف اى برنامج سياسى

لسبب واحد ان كل البرامج لو شوفنا هنلاقى الضيوف هما هما مش بيتغيرو

بقالنا سنة وتقريبا شهر ونص البرامج مش بتستضيف غير هما

20 واحد بيلفو على البرامج كلها يعنى بالصدفة من يومين واحد كان فى برنامج

هالة سرحان صاحبة اقوى البرامج الفنية قصدى السياسية معلش اصل انا لسة

متأثر بــ ( هالة شو ) ^^ المهم كانت جايبة ضيف من الـــ 20 ضيف بتوع البرامج

فقالها انة لازم يمشى عشان وراء معاد بعيد عنكم بعديها بشوية بقلب بالصدفة

طلع ان المعاد المهم بتاعه كان على قناة تانية فى برنامج تانى :biggrin:

لا والجميل بقى اية دلوقتى يجبولك واحد تسول او رد سجون وتلاقى مكتوب تحت اسمة

الناشط السياسى يكون اتصور مع زميلة صورتين فى التحرير زى ما كلنا عاملنة ساعتها

يقوم منزلينلك صورة ويقولك دا ناشط سياسى .

والله حاجا تفرح والجميل برضو اية بقى .

مقدمى البرامج عاملين فيها فاهمين جدا ومفيش زيهم والـــ اية قلبهم على الشعب

الله يرحم ايامك يا حسحس لما كنت رئيس والكلام الــ كانو بيقولوة فيك :762:

دا كانو ساعات بيقولو عليك ( بابا ) والا شوزى كانت ( ماما ) .

وكنتو ساعتها قلبكم على مصر وشعبها وكانت قصائد المدح نازلة عليكم زى الفل

من الاعلاميين قبل الشعب دلوقتى خلاص صدقت الست ( نجأة ) لما قالت

كل شيء راح راح وانتهى

تصدقو بالله لو حسنى رجع تانى رئيس الجمهورية كل مقدمى البرامج الفاشلة دى

هيرجعو يمدحو تانى فى حسحس وشوزى

نصيحة : انا بنصحكم لو عايزين تتفرجو على برنامج سياسى مفيش غيرة ( تيفة ) على الفراعين

اهو على الاقل دا بنضحك واحنا بنسمعه مش بنقعد مبلمين زى ما بيحصل فى البرامج التانية .

اخيرا : ياريت حد يقولى الناس الــ بتظهر فى البرامج الفاشلة دى حد فيهم كان لية اى دور فى ثورة يناير

والشباب الــ فعلا قام بالثورة ممكن حد يقولى راحو فين دلوقتى .

[قلم بلا حبر]

الطبيعى انى ماليش بالمسميات ولا بالالقاب

انا ليا دعوه باللى الشخص ده بيقوله ,, وايه براهيته وادلته على كلامه ده

ايا كان صفته اياكان لقبه ايا كان لبسه

انا فى الاخير اسمى مشاهد ,,, ولو عايز التسميه الصحيحه ,, انا متلقى

وبسهوله جدا اقدر افرز الكلام اللى ليه هدف من الكلام المرسل اللى من غير ادله

وشئ طبيعى ان حد بيظهر فى اى مكان لازم تكون ليه صفه

انت لو بتكلم صاحبك على التليفون وحد من البيت سألك انت بتكلم مين ,,, حتقوله ده واحد صاحبى

بصرف النظر عن ان لفظ صاحبى بيحتمل حاجات كتير مختلفه فى جوهرها ,, فممكن يكون صاحب بمعنى صديق ,, وممكن يكون صاحب بمعنى زميل ,, وممكن يكون صاحب بمعنى معرفه مش اكتر

المهم ان اى انسان لازم يكون ليه صفه يتقدم بيها وجرب وحاول تقدمنى او تقدم نفسك فى اى مكان او لاى حد من غير ما تنسب لنفسك صفه

انا هنا لو حستضيفك فى برنامج فى المنتدى حقول ,, موروشو مشرف قسم اليوميات

فطبيعى ان شاب طالع يتكلم فى برنامج ان تكون صفته ما بين ناشط سياسى (( وعلى هى لفظ يفيد العموم مش لقب شخصى ))

او نقول من شباب الثوره ,,, وكلها اى المسميات مش حتفرق معايا لو انا ركزت بس فى اللى عايز يقوله الانسان ده


شكل البرامج من كترها خنقتك وخلتك تكتب الموضوع ده

بس لازم تكبر مخك شويه وتحاول تستوعب كل اللى بيحصل ,, انا عارف ان الاغلبيه ملت لاننا بصراحه كنا مرتاحين لا كنا بننتخب ولا حد بياخد بصوتنا ولا لينا دعوه بعجز داخلى ولا خارجى ولا دستور ولا الكلام ده كله

بس اعتبر ان ده كله تمهيد مش لحياه كويسه ليك خليها لاولادك ,, مش دايما بنقول عايزين نأمن مستقبل اولادنا (( مع اختلافى فى الطريقه ))

اهو خلينا نأمن مستقبلهم بشكل افضل من اننا نسيبلهم فلوس او اراضى او عمارات

سيبلهم بلد تحترمهم ويحققوا فيها اقصى نجاح لو هما ناجحين وتساعدهم على الوصول لطريق النجاح لو هم مش ناجحين

بالتوفيق

تحياااااااااااااااااااااتى"""""""""""

[نسيتك وبادعيلك]

نعم صدقت لقد جاء كل مدعى وفاجر ليرتدى رداء الثوار
وهو شحما ولحما فل من الفلول المشئومة
اما شباب الثورة الحقيقى فدمائة تغلى وتفور من محاولات سرقة الثورة ومحاولة انتاج النظام السابق
وكل شرفاء الوطن كرهوا برامج التوك شو المشوهه معظمها كذب ووجوه سرعان ماتلبس القناع الجديد
ولكى الله يامصر وستنجح الثورة رغم مانرى لان الله أراد فمن سيمنع!!!
تحية لما كتبت أخى

[ساحر الأحزان]

دة مش اسمة ناشط سياسى دة اسمة كعب داير وكل حلقة ليها سعر

يقول كلام فى القناة دى

وبعد شوية يكرر نفس الكلام على شان ياخد نصيبة

زى محللى الكورة تلاقيهم هنا شوية

وفى القناة دى شوية

ونفس الكلام ونفس التحليل

وما بيتغير

جميل موضوعك

دمت بكل خير

[ساحرة الليل]

زى ماكلة قلك كدة بس بالنسبة لشباب الثورة هما اول يوم فى الثورة وبقيت الايام ثلاث اربعهم مضروبين اققصد مزورين والثورة اتكروتت وكرسى الرئاسة بقى لاء طفل عايز يلعب والشعب زى كل مرة هينزل لونزل اصلا يختار الرئيس هيحتار مواش عارف مين بيضحك علية ومين بيئلف ومين صادق كلة بقا زى المخاليط وكلة بمية وش

[مشتاقه للجنه]

وده الهدف انهم مقربين أغلب الاستوديهات بتاعة القنوات من بعض
تيسيرا على الضيوف الافاضل !!
والله من بعد الثوره الشعب المصرى كله بقوا نشطاء بالسياسه
ربنا يعينا بجد

[طمطم]

والله عندك حق ي مورشو
انا ساعات بحس انهم ممثلين من كتر ما بشوفهم طول النهار والليل ع التليفزيون
لا دول بقى اشهر منهم كمان
واللى بيعجبنى اوى انهم يقولولك احنا اللى عملنا الثورة وتلاقيه عندة حاجة وستين سنة ويقولك انا من شباب الثورة
بجد موضوع تحفة ي مورشو
تحياتى

[بسمة العمر]

والله عندك حق يا احمد

كل ما نقلب على قناة تانى يوم نلاقى نفس الضيف على قناة تانى

وزى ما قولت وخدينها كعب داير

الله يرحم ايام حسنى كانو الزى زى الفيران

مبيعملوش شئ غير انهم يمدحو فيه طول اليوم

اليومين دول بيمدحو فى نفسهم وفى اللى عملوة مع الثوار

اللى عملو الثورة بجد ما تو هما دول اصحاب الثورة اللى ضحو باروحهم علشان البلد

يلا بق نقول ايه فوضى

تسلم الايادى احمد

[morshooo]

اقتباس المشاركة الأصلية كتبت بواسطة قلم بلا حبر الطبيعى انى ماليش بالمسميات ولا بالالقاب انا ليا دعوه باللى الشخص ده بيقوله ,, وايه براهيته وادلته على كلامه ده ايا كان صفته اياكان لقبه ايا كان لبسه انا فى الاخير اسمى مشاهد ,,, ولو عايز التسميه الصحيحه ,, انا متلقى وبسهوله جدا اقدر افرز الكلام اللى ليه هدف من الكلام المرسل اللى من غير ادله وشئ طبيعى ان حد بيظهر فى اى مكان لازم تكون ليه صفه انت لو بتكلم صاحبك على التليفون وحد من البيت سألك انت بتكلم مين ,,, حتقوله ده واحد صاحبى بصرف النظر عن ان لفظ صاحبى بيحتمل حاجات كتير مختلفه فى جوهرها ,, فممكن يكون صاحب بمعنى صديق ,, وممكن يكون صاحب بمعنى زميل ,, وممكن يكون صاحب بمعنى معرفه مش اكتر المهم ان اى انسان لازم يكون ليه صفه يتقدم بيها وجرب وحاول تقدمنى او تقدم نفسك فى اى مكان او لاى حد من غير ما تنسب لنفسك صفه انا هنا لو حستضيفك فى برنامج فى المنتدى حقول ,, موروشو مشرف قسم اليوميات فطبيعى ان شاب طالع يتكلم فى برنامج ان تكون صفته ما بين ناشط سياسى (( وعلى هى لفظ يفيد العموم مش لقب شخصى )) او نقول من شباب الثوره ,,, وكلها اى المسميات مش حتفرق معايا لو انا ركزت بس فى اللى عايز يقوله الانسان ده شكل البرامج من كترها خنقتك وخلتك تكتب الموضوع ده بس لازم تكبر مخك شويه وتحاول تستوعب كل اللى بيحصل ,, انا عارف ان الاغلبيه ملت لاننا بصراحه كنا مرتاحين لا كنا بننتخب ولا حد بياخد بصوتنا ولا لينا دعوه بعجز داخلى ولا خارجى ولا دستور ولا الكلام ده كله بس اعتبر ان ده كله تمهيد مش لحياه كويسه ليك خليها لاولادك ,, مش دايما بنقول عايزين نأمن مستقبل اولادنا (( مع اختلافى فى الطريقه )) اهو خلينا نأمن مستقبلهم بشكل افضل من اننا نسيبلهم فلوس او اراضى او عمارات سيبلهم بلد تحترمهم ويحققوا فيها اقصى نجاح لو هما ناجحين وتساعدهم على الوصول لطريق النجاح لو هم مش ناجحين بالتوفيق تحياااااااااااااااااااااتى"""""""""""

انا معاك ان دى مسميات

بس طريقة العرض الــ انا كمتلقى ليها

انا شايف ان كلة بيضحك على كلة

ودا الــ بكلم فية المفروض انى اقعد اشاهد اى برنامج سياسى

او اى برنامج بيكلم عن البلد ابقى قاعد ومقتنع بكلام الناس دى

انا اتحدى اى مواطن مصرى بيشاهد اى برنامج من برامج الهلس دى

انة مقتنع بالــ بيتقال ^_^

وبعدين لو الثورة اتعملت عشان ولادنا يبقى برضو علية العوض

[همسه الجوارح]

والله انا كمان زهقت
ومابقتش اتابع بسبب اننا بقينا زى الفلم الحمضان
اللى كل يوم بيتعرض
اختيار قيم اخى احمد
احترامى