الشباب والبمبى المسخسخ !!

[noosa]

اللون البمبى معروف دايما انه لون بناتى


ومعظم البنات بتحبه اوى



ودايما بيكون موجود فى لبسهم













(سيبك من الموزة وخليك فى الموضوع اللى انا تعبت فيه )



واللون ده موجود فى حاجات كتيرة فى حياتهم



زى الأكسسوارات والموبايل والاب توب والعربيه وحاجات غيرها كتير اوى



واى حاجه من الحاجات دى اول ما بنشوفها بنقول عليها انها بناتى


وطبعا مينفعش ان الولد يكزن مثلا راكب عربيه بمبى او ماسك موبايل بمبى















لكن المشكله بقا ان اللون ده نزل موضه للشباب فى الفترة الأخيرة


ونزلت مجموعه كبيرة من التيشيرتات باللون ده وفى شباب كتير بيشتروها وبيلبسوها عادى جدا















وفى شباب بيعتبروا ان مجرد انه يقرب من اللون ده يبقى كده عيب اوى وهو كده بيقلل من رجولته



والسؤال هنا بقا



انت ممكن تلبس اللون ده عادى ولا هتقول انه لون بناتى ومينفعش ان الشباب يلبسوه



وسؤال للبنات :



لما بتشوفى ولد لابس اللون ده ايه بيكون رد فعلك ؟؟؟



يعنى عادى جدا زيه زى اى لون ولا ان كده الشاب ده لمؤاخذه يعنى مايع وبيلبس الوان بناتى













وسؤال تالت بقا بالمرة ( الأسئله كترت معلش )



هل اساسا الألوان فيها بناتى وشبابى وممكن يكون فيه الوان للبنات والوان للشباب ولا الكلام ده مش صح والألوان كلها زى بعضها ؟؟؟



يلا بقا ردوا عليا وناقشونى

[$ بنوتة زى العسل $]

بصى ياقمر ااولا الموضوع حلو
ثانيا اللون الورد طبعا للبنات بس مافيش مانع لو الشاب لبسة بس ميبقاش كل هدومة بمبى يعنى
انا رئى عادى لما الولد يلبس بمبى بس زى ماقولت مش فى كل حاجة

[noosa]

تسلمي يا قمر علي المرور انا رايي يكون البمبي شوية علي لون الكرفتة علي القميص خطوط بسيطة بس مش اوي زي البنات كلوا

[الهنوف]

اقووول عليه بنيه ... وعيب .. افآ ... .. بس .. خلاصت ..الالوان

[noosa]

تسلمي يا جميل علي المرور

[فولدمورت]

طبعا انا لو قتلونى بسكينة مش ممكن افكر انى استعمل اى شىء باللون دة
لأن طباعنا قالت ان اللون دة للبنات و بيليق عليهم
و انا اصلا مش هطيق نفسى فيه
و اى ولد هشوفه فيه هظن فيه سوء
تسلمى على التوبيك يا نوسة

[noosa]

تسلم بجد علي التعليق الحلو ده والمرور الي نور الصفحة

[عاشق الجمال]

طبعاً كلامك صح يا نوسة
هناك فصل فى الألوان واللبس مش صلطة ههههههههه
زى ما بنشوف الأيام ده
ربنا يسترها وما نشفش الرجالة بتلبس الجيبة زى الهنود فى السوديى شفتهم بعينى وتعجبت كتير
وبيصلوا بالجيبة فى المسجد
والمشكلة مش بتنزل منهم هههههههههه

[noosa]

ههههههههههههههههههههه دش مش جيبة لاني اعرف الهنود دي عبارة عن زي الملاية او الفوطة بيربطوها تحت اللبس وبيصلوا لانهم ليهم ربطة معينة مش بتخليها تنزل فهمتني يا عاشق والمواطنين بردوا بعضهم بيعمل كدة الي هما البدو وتسلم علي المرور الي نور الصفحة

[سمسمة2008]

موضوع زى العسل ضحكنى فى العرض
دمك شربات يانوسة هههههههههههههههه
بس هو موضوع مهم جدا وجميل جدااااااا
انا ياستى مش باحترم ابدا الولد اللى الاقيه لابس بمبى
ياخبر ابيض يعنى هو يلبس ابيض طيب انا البس ايه بقى
منظره مستفز اوى بصراحة
واكيد طبعا فى الوان خاصة للبنات ومش بتنفع غير عليهم
ولو لبسها ولد تحسيه مش طبيعى
ميرسى ياقمراية على الموضوع والطرح الجميل
وفى انتظار جديدك
تحياتى