رجل وامرأة (متجدد)

[Ranoo]

انا موضوعى فكرته بسيطة وجميلة فى نفس الوقت
انا متحمسة لها اوى
اولا اسم التوبيك (رجل)و(امرأة)
هدفنا هنا نعرف بعض اكتر بس مش بالشكل العادى

الهدف هو كيفية التعامل مع كلا الطرفين
ازاى افهم كلام اللى قدامى مش مجرد ترجمة حرفيه له
بل معرفة المعنى الخفى منه

ازاى استمع واهتم واحب وافكر واتصرف واتكلم
ازاى تكون نظرتى كليه للطرف الاخر سواء رجل او مراة


والفكرة كالتالى:...........


انى بقتبس مقولات شهيرة من كتاب جميل درسته وعجبنى
وخاص جدا بموضوعنا ألا وهو...
((الرجال من المريخ والنساء من الزهرة))

اللى سبق وقرأ الكتاب ده لازم يعرف انه مش للازواج فقط ولكن لكل الرجال وكل النساء
مهما كانت طبيعة علاقتهم



انا بعرض كل يوم جزء وهو انى باخد فكرةواجعلها سبب للحوار
وبتحدث عنها بإستفاضةولكن فى سطور قليلة
بعرض فكرة الكاتب وجملة مقتبسة من الكتاب
وبعدين بعرض رائى وتحليلى السوسيولوجى لها


وبعد عرض ثلاث أجزاء من الموضوع
بفتح باب الحوار والمناقشة للاعضاء

وهو انى بختار عضوين (رجل)و(إمرأة)
وبطلب من كل واحد منهم يقولى رائيه فى الى عرضته من وجهة نظره واهتمامته
ممكن تناقشونى او تعارضونى
وكل واحد منهم يقول فكرته وايه اكتر حاجة بيتمناها من الطرف الاخر
يعنى ادم هيقول اكتر شىء بيحتاجه لما يجى يتعامل من حواء
وكذلك بالمثل من حواء تجاه ادم





وبعد ما ينتهى الحوار بين ادم وحواء
وقتها هنتوصل للنقطة مشتركة وممكن هما يختاروا ازاى اكمل التوبيك
بفكر يحبوا نتكلم عنها ...


واكيد مش هنسى باقى الاعضاء
انه هيكون فى وقت مخصص لهم بعد الانتهاء من الاعضاء اللى اختارتهم
فى التعبير عن رائيهم ومناقشتى
والوقت ده بحدده حسب اتجاه الموضوع


(( انا هنا هتكلم عن كل حاجة وفى اى حاجة** هفكر واتكلم بصوت عالى ** هعبر عن رائى واراء كتاب عالميين** هقتبس من كتابات مشهورة ** وهقول رائى بصراحة*** هستقبل مناقشات وإعتراضات *** بس فى الاخر هنوصل للنقطة واحدة **__________

وهى ازاى اقدر اتعامل مع الطرف الاخر
ازاى نفهم بعض
ازاى نبتعد عن الخلافات والحدية
ازاى اعبر عن اللى جوايا بطرق مناسبة
ازاى اشوف ادم على طبيعته
وازاى ادم يشوف حواء على طبيعتها
ازاى نلاقى نقاط مشتركة فى الحياة الاساسية مابينا
ازاى اقدر اوصل لأدم/حواء طرق الحوار المطلوبة

[بسمة العمر]

جميل موضوعك روعه

تسلم الايادى

[عندليب سيناء]

موضوع كتير حلو يسلموووووووووو

[Ranoo]

الرجال من المريخ والنساء من الزهرة
ده احدى كتاب الطبيب الامريكى جون جراى


موضوعى جاى من هنا .......وهو ازاى تتعامل مع الطرف الاخر

ازاى يكون التعامل بين الاخ والاخت
بين الام واالاب
بين الزوج والزوجة
بين الزميل والزميلة

(( من الاخر كده))
بين الرجل والمرأة مهما كانت طبيعة علاقتهم
الكتاب ده فيه وصف مرح وخيالى للرجال والنساء

لكن انا هتناول الموضوع من ناحية مختلفة

كل واحد منا له صفات وطبائع تختلف من شخص لأخر وده لانه فى فروق فردية

فـ اكيدفى اختلاف بين الرجال والنساء فى الطبائع.....



اول قاعدة فى كيفية التعامل مع الطرف الاخر.......

_______________________________________
((1)) انصت جيدا لمحدثك واعطيه من وقتك ولا تبخل
________________________________________


اول حاجة اتعلمتها فى مجال دراستى وهى اساس دراستى


الملاحظة.... التحليل.... التفسير.... النتائج

يعنى مش اول ما اشوف اتنين بيتخانقوا والاقى واحد منهم بيعلى صوته اقول ده غلطان وهو السبب .....الخ

البعض هيعترض معايا ويقولى كلامك غلط

تعالوا نبصلها من زاوية تانية....




ياترى قبل ما تنصب نفسك حكم على الطرفين دول
انت عرفت اسباب المشكلة....
ولو المشكلة حصلت قدامك ... يارتى انت عارف طبيعة طرفى المشكلة (الشخصين)

ولو انت شايف انه واحد منهم مالوش حق فى اللى عمله
ياترى انت عرفت ايه الاسباب اللى دفعته انه يتعصب ولو لمجرد سبب بسيط





المرأة عندما تشتكى لزوجها ,لحبيبها ,لأخوها....... فهلا لا تريد حل لمشكلتها
فهى بحاجة الى إنصات واهتمام ورعايه

لكن من ناحية اخرى ان الرجل يحتاج الى التشجيع لينصت
والرجل بطبعه لايحب اخذ النصح من احد لان هذا يجعله يشعر بضعفه




المرأة دائما تشتكى من ان الرجل لا يستمع لها ... وان استمع لمشكلتها فانه يبادر بإبداء الحلول دون الاهتمام فى حين ان ماتحتاجه المرأة هو الحنان والتعاطف والاهتمام والاستماع والتفهم


ويشتكى الرجل من المرأة فى انها تحاول ان تغييره ونصحه ..><
إن المرأة تعتقد أنها مسؤولة عن حفظه و احتوائه و إرشاده و تطويره , و بذلك يصبح هو محور حياتها , و رغم أن الرجل يخبرها عشرات المرات بأنه لا يحتاج إلى نصائحها إلا أنها تصر و تقدم له النصائح ,
هي تشعر أنها تساعده بينما هو يشعر أنها تحاول التحكم فيه




يتبع.........

[Sєяєєη●•ʚɞ]

عجبنى الكتآب
انتى ناوية كل يوم تنزلى منه جزء ولا ايه نظآمك ..؟!
علشآن لو كدة هثبتهولك لفترة لانة مفيد فعلآ
هنتظر ردك الأول

عجبنى الجزء ده

المرأة دائما تشتكى من ان الرجل لا يستمع لها ... وان استمع لمشكلتها فانه يبادر بإبداء الحلول دون الاهتمام فى حين ان ماتحتاجه المرأة هو الحنان والتعاطف والاهتمام والاستماع والتفهم

ويشتكى الرجل من المرأة فى انها تحاول ان تغييره ونصحه ..><
إن المرأة تعتقد أنها مسؤولة عن حفظه و احتوائه و إرشاده و تطويره , و بذلك يصبح هو محور حياتها , و رغم أن الرجل يخبرها عشرات المرات بأنه لا يحتاج إلى نصائحها إلا أنها تصر و تقدم له النصائح ,
هي تشعر أنها تساعده بينما هو يشعر أنها تحاول التحكم فيه

""
"
فعلآ المرأة بتحتآج للى يسمعهآ ويتفهمهآ
ولمآ بتحآول تنصح الرجل بتكون من خوفهآ عليه انما هو بيشوفهآ تحكم ..!!
عجبنى الكتآب لانة بيحآكى الوآقع وبحب الكتب اللى من النوعية دي
لان فى رأيى لو فهم الرجل طبيعه المرأة كويس وهى فهمت طبيعته ،،
مستوى التفاهم هيزيد بينهم لان هيكون لكل منهم سبب منطقى لتصرفات الاخر
وهيتعآملوآ مع بعض ع أساس فهم كل منهم لطبيعه وشخصيه الأخر
وهيكون كل طرف مش محتآج يقدم مبررآت لتصرفآته ،،
بشكرك ع الافادة
فـ إنتظار مزيدك م المواضيع المفيدة فى القسم
...

[Sєяєєη●•ʚɞ]

تصدقى مآ أخدش بآلى من كلمة متجدد
طآلما كدة
تم تثبيت الموضوع لفترة بشرط التفآعل فيه والأستمرار
تآبعى الردود ونزلى الاجزاء
وبالتوفيق
..

[مشتاقه للجنه]

كتاب جميل يا قمرايه

دائما الرجل يريد والمرأه تنفذ ما يريد
لو وجد لغة الحوار ممكن يكون هناك مساحه أفضل
المرأه دائما تبحث عن الحنان ولو بكلمه

احلى خمس نجوك

متابعين معاكى

[Ranoo]

اقتباس المشاركة الأصلية كتبت بواسطة sereen عجبنى الكتآب انتى ناوية كل يوم تنزلى منه جزء ولا ايه نظآمك ..؟! علشآن لو كدة هثبتهولك لفترة لانة مفيد فعلآ هنتظر ردك الأول عجبنى الجزء ده المرأة دائما تشتكى من ان الرجل لا يستمع لها ... وان استمع لمشكلتها فانه يبادر بإبداء الحلول دون الاهتمام فى حين ان ماتحتاجه المرأة هو الحنان والتعاطف والاهتمام والاستماع والتفهم ويشتكى الرجل من المرأة فى انها تحاول ان تغييره ونصحه ..>< إن المرأة تعتقد أنها مسؤولة عن حفظه و احتوائه و إرشاده و تطويره , و بذلك يصبح هو محور حياتها , و رغم أن الرجل يخبرها عشرات المرات بأنه لا يحتاج إلى نصائحها إلا أنها تصر و تقدم له النصائح , هي تشعر أنها تساعده بينما هو يشعر أنها تحاول التحكم فيه "" " فعلآ المرأة بتحتآج للى يسمعهآ ويتفهمهآ ولمآ بتحآول تنصح الرجل بتكون من خوفهآ عليه انما هو بيشوفهآ تحكم ..!! عجبنى الكتآب لانة بيحآكى الوآقع وبحب الكتب اللى من النوعية دي لان فى رأيى لو فهم الرجل طبيعه المرأة كويس وهى فهمت طبيعته ،، مستوى التفاهم هيزيد بينهم لان هيكون لكل منهم سبب منطقى لتصرفات الاخر وهيتعآملوآ مع بعض ع أساس فهم كل منهم لطبيعه وشخصيه الأخر وهيكون كل طرف مش محتآج يقدم مبررآت لتصرفآته ،، بشكرك ع الافادة فـ إنتظار مزيدك م المواضيع المفيدة فى القسم ...

ميرسى كتير ياقمر
وانشاء الله بحاول يكون فيه معلومات تفيد
ويكون سبيل للحوار


انا فعلا ناوية انزل كل يوم جزء
بس مش هعتمد كليا على الكتاب
انا واخدة فكرته وبحكم انى درسته هضيف عليه
يعنى بقتبس منه جزء

وبزيد عليه بحكم دراستى
وكمان فى جزء للاعضاء للى حابب يشارك
كجزء من الحوار والثقافة العامة
واتمنى يكون زى مانا عايزة وللافضل ونفيد بشىء جميل

[Ranoo]

اقتباس المشاركة الأصلية كتبت بواسطة مشتاقه للجنه كتاب جميل يا قمرايه دائما الرجل يريد والمرأه تنفذ ما يريد لو وجد لغة الحوار ممكن يكون هناك مساحه أفضل المرأه دائما تبحث عن الحنان ولو بكلمه احلى خمس نجوك متابعين معاكى

مشاركتك كتير بتحمسنى للإستمرار
يسلموا مشتاقة اجلنة على تواجدك
وان شاء الله تلاقوا كل اللى يفيد
وكمان انا بستفاد
منورتينى كتير ويسلموا للتقييم

[Ranoo]

اقتباس المشاركة الأصلية كتبت بواسطة sereen تصدقى مآ أخدش بآلى من كلمة متجدد طآلما كدة تم تثبيت الموضوع لفترة بشرط التفآعل فيه والأستمرار تآبعى الردود ونزلى الاجزاء وبالتوفيق ..

ولايهمك ياقمر يسلموا
من عيونى
جارى تحضير الجزء الثانى
وفى انتظار تفاعلكم وباقى الاعضاء