حلقات برنامج ( تخبيط )

[عاشقة ذكر الله]

حلقة جميييلة منك كبرياء

والاسئلة جميلة واجابات سيلفر عفوية جدا

نورت الحلقة سيلفر سبكترا

[بنت الاكابر]

الحلقه تحفه
والاجابات جميله جدا
موتتنى من الضحك
واضح انك بتحب البنات حب زايد شويه
بس ردودك واضحه وعفويه
مجهود رائع

[كل سنه وانت طيب]

ماينفعش ف السيما حضرتك الحلقه هههههههه بهزر موضوع روعه

[ღ Gի๐sτ ღ]

حـلـقة حلوة جدا
الاسئلة كويسة
والاجابات جميلة اوى من فلاور
شكرا ع الحلقة ي كبرياء
منورة يا فلاور

[شاعر واسير الحب]

حلقة جميلة
منور طارق وردود متخبطة في بعضها برافوا
اجدت الردود

شكرا كبرياء علي الحلقة
امتعتونا
وعرفنا حاجات جديدة
شكرا

[كبرياء رجل]

	اهلا وسهلا بكم وحلقه جديده من برنامج تخبيط وبين راي واخر في مشاكل مجتماعتنا بين الرجل والمراه معانا عضو وقور في قلوب الاعضاء له مكانه خاصه باحترام الاخرين وبتميز هدوئه نشيط ببرامجه واستضافاته منورنا النهارده شاعر واسير الحب / البنت اللي بتقصر شعرها وهل هذا يقلل من جمال المرأه ؟ اولا هو تقليد .. اما البنت الملتزمة لا تعرف هذا الكلام واكيد بيقلل من جمالها وتتشبه بالرجال غير ان هناك قصات خلت العصعوصة بقت عروسة / البنت اللي بتلبس ضيق او قصير ؟ راجع للتربية في البيت من سمح لها بالخروج كدا اقول بيت متسيب / من تضع مكياج بطريقه ملفته ؟ اكيد عندها نقص وبتكملة في الميكاج عشان الناس تنظر ليها وان كان الجمال في الفطرة / الكعب العالي ؟ واحدة غاوية تعذب نفسها تحت بند الموضة وهي اصلا ممكن تكون مش عارفه تلبس وتمشي بيه ولكن التقليد وتعذيب روحها ولو جوزها قالها البسي الكعب العالي كانت رفضت وعملت مشكلة ولكن القرار هنا ليها فخليها تتعذب / كان قديما زمن الرجل ( سي السيد) والان اصبح زمن المراه ما تعليقك ؟ لا اللي يقول كدا غلطان الرجل هو الرجل الرجال قوامين علي النساء ... في كل شئ المرأة صوت ونفس متحرك ولكن عند الجد تقولك فين الرجالة وتستعين بيهم / هل فعلا المراه اخدت من حقها من اهتمام في يومنا المعاصر ؟

	اسلاميا اخذت حقها كل حقوق المراة الان بيستعينوا بيها في كل المؤتمرات حاجة حلوة موجودة كدا ولكن هناك من يستعينوا بيهم ولهم ارائهم وفعلا في يومنا المعاصر اخذت حقها تلاقيها في مهن كتيرة / اختار وظائف لا تصلح للمراه ؟ عامل بناء ....لانها لاتجيد البناء بلطجية في موقف ..ولكن ممكن تكون طعم لصيد انسان ونهبه / لو في امراه وظيفتها جزاره ايه تعليقك ؟ فيه فعلا بتوع الفشة والكرشة والرجلين والرأس معلمة حابكة الفوطه وفي ايدها السيجارة وصوتها العالي ولا تعرف تمشي من جوارهم لفظاعة الريحة والارف / هل هناك من الوظائف التي تقلل من انوثه المراه ؟ بنشوفها الان مصارعه واكيد تفقد انوثتها / الرجيم وعمليات التجميل ؟ الرجيم مطلوب باسلوبه العلمي بس تبطل تأكل المحشي وكذلك التجميل ما احلاة جمال القلوب احسن من جمال الوجوة / هل الرقص فن ام اغراء ؟ اي رقص تقصد هناك رقص قائم علي الربح ففيه الاغراء وهز الوسط وفي نهايه الوصلة بتحمد ربها انها اقدمت احلي وصلة هز وسط وصدر وهناك رقص البالية هو فن وليس هناك به اغراء الا اذا ارادوا وعاوزين يكون فيه اغراء / ليه المراه لما تحزن تصوت ولما تفرح تزغرت ليه مش الراجل مثلا ؟ هي كدا بتصوت عمال علي بطال حتي في الفرح تلاقيها بتبكي قال ايه بتبكي دموع الفرح هو حزن وخلاص / قالوا المرأه سريعه الزعل وقالوا ايضا بان باقل الكلمات تصالحها ؟ العاطفه عندها زايدة وقلبها بيحن بسرعه وتفكيرها لمخطط قابل التنفيذ ان كيدهن عظيم احترس ولا يغرنك التصالح بسرعه / وكان شئ لم يكن هل هو تسامح ام حب ام ماذا ؟ هو ليس حب ولكن هي فكرت ازاي هتاخذ حقها بس لابد من التصالح بس كون حريص بقي بعد كدا من الافعال من سم الفئران .. من ساطور والشنطة السودة وانت نائم :762: / لماذا دائما قلب المرأه يتحكم بعقلها ؟ طبع فيهم المراة بتتحرك بقلبها اكتر وكل هواجسها نابعه من قلبها مش بعلققها ولو شغلت القلب مع العقل الدنيا هتخرب كفايه علينا قلبها الحنين اوي / المرأه والمرايا واصبحت كخيالها ؟ المرأة لازم تشوف نفسها في المرآة قبل الخروج ولكن لاتنظر لنفسها في ساعات الزروة لما ترجع الي البيت ولما الميكياج يسيح والكحل عامل خط اسود علي خدودها زي نهر النيل :762: / ايه رائيك في الستات المسنات من يضعون احمر الشفايف ومكياج وملابس غير ملائمه لسنهم ويعتقدون انفسهم ما زالوا صغار ؟ في خاطرهم هوس ياليت الشباب يعود وتسألها علي سنها بتضحك واسنانه مافيش وترد علي ليه انا صغيرة انت فاكر اني كبيرة لأ لا بس الظروف اللي انا فيها وبيحبوا يدلعوا نفسهم شويه بعكس الرجل ولا همه حاجة تخرب تعمر في النهاية هو الرجل / ايه رئيك في البنت اللي بتقلد الولد في لبسه وفي حركاته وسلوك حياته ؟ مرفوضة في المجتمع / من الممكن ان تجيب المرأه عن اي سوال الا اذا سالتها عن عمرها ؟ هي عاوز تكون صغيرة ولو كانت سنها كبير بتحب تكون علي الشاشة علي طول وفي الكادر التصويري :biggrin: / رئيك في المرأه التي ترضع طفلها امام الناس ولا تستر نفسها ؟ قليل جدا لما بنشوف وهم قليل الخبرة في الحياة وان كانت بتضع يدها علي صدرها ولكن اغلبهم بيستروا انفسهم عند الرضاعة / االمرأه المتسلطه ؟ لعنه وخرابة بيوت وتحب نفسها عن بيتها وتفضل نفسها عن اهلها وتتكلم عن نفسها كتتير وبصوت الرجل وعنيدة وتحب نفسها / قيل وقال عن الحموات وما يسببونه من مشاكل ؟ مش كل الحموات هناك من تتاخذ زوج بنتها ابنا لها وهناك الخوف علي بنتها فتكون حريصة علي تحفيظ بنتها الروغتمات الحمواية لخراب البيوت المستعجلة فتخرب علي بنتها مع العلم انها خايفة عليها ولكن العقل فين ؟ / ايه رايك في البنات الرغايه ( الرطاطه) ؟ بكره الرغايه تتكلم في موضوع وتدخل في موضوع تاني بدون داعي عشان عاوزة توصلك معلومة عنها او اهلها وتخرج من الموضوع هههه وتدير نفسها بضحكة وكرشه في الراس وتدخل تاني في موضوع بعيد عن اي اللي انت كنت فيه وفي النهاية تسيبك محتاس زي خالتي بامبة الرغاية ................. ... / نروح للراجل / الرجل الذي لا يتحمل المسئوليه ؟ رجل لايعد من الرجال ولكن رجل هش لا يعتمد عليه اصلا والست هنا خير منه / الرجل الذي يخجل ؟ الخجل مطلوب ولكن بحساب واللي يخجل من بنت عمة ما يخلفش / رجل دموعه سريعه وهل دموعك سريعه ؟ رجل ممكن يكون حساس اكتر من اللازم / هل من الممكن انك تتزوج اثنان ؟ كفايه ياعم واحد بس تكون حسب المواصفات مؤدبة مدتينة تعرف قيمة البيوت اخلاق ودين / الشاب الذي يعاكس الفتيات وهل حدث وعاكست قبل كده ؟ شاب مستهتر ممكن ان تكون المعاكسة لاختبار البنت وممكن لكيفية التعرف عليها بس بيكون بادب ولكن الحمد الله انا في حالي / لماذا في بعض المجتمعات العربيه هناك تفرقه بين الولد والبنت ؟ من زمان طبع مورث فينا ولكن بعد سعاد حسني ماغنت ليهم البنت زي الولد خلاص بقي هههه:biggrin: / ما هو عيوب الرجل ؟ العيوب تختلف من رجل الي رجل :biggrin: هناك من يجري وراء النساء رجل شهواني خليه يقع ويتعلم صح وهناك رجل بيجمع المال وناسي بيته مع اننهم هم الوارثون ومال الكنزي للنزهي خليه يجري ويجمع وكتير وعيب الرجل التسخيف من كلام المرأة و الإهتمام بالسطحيات من الأمور / حنان الرجل هل هو مكتسب من المرأه ؟ حنان الرجل ناتج عن تعاليمة الدينية وتربيه اهله من الاول / وهل هناك من السيدات من يرفضون حنان الرجل ؟ كتير عاوزة سي السيد الولد الحمش ولما ييجي الولد الحمش ترفض لا هي عاوز استايل لما تضغط عليه ينور وينفذ الاوامر / ماذا تعني لك كلمه رجل ؟ كلمة رجل لها معاني كتير الاعتماد عليه حمال الاقسية رِجَالٌ صَدَقُوا مَا عَاهَدُوا اللَّهَ عَلَيْهِ الراجل مش بس بكلمته , الراجل برعايته لبيته واسرته / الراجل اللي زوجته بتلبس ضيق وقصير وعادي ؟ مش راجل لانه رضي ان تكون مراته سينما ومنظر متحرك للغير وفي النهاية مش هيفيض حاجة ليه يبص عليها :biggrin: / وهل عندما تتزوج ان شاء الله مراتك هتمشي على الموضه ولا ايه النظام ؟ مش علي الموضة الملابس التي توجد اي عورة لها مش تزمد ولكن اناعاوز كدا واكيد هي برضوا هتكون كدا وهنكون متفقين اكيد والطيور علي اشكالها تقع / ما هي نقطه ضعف الرجل ؟ اتكلمنا عنها وان هنا نقول في غرفة النوم اكيد هيسمع كلام مراتة اكتر :biggrin: شكرا اخي علي الدعوة انا اشكرك اخي على قبول الدعوه واسعدني تواجدك المميز والجميل دمت بكل خير ورقي وتميز تحياتي انتظرونا وحلقه قادمه من برنامج ( تخبيط ) شكرا اخي علي الدعوة

[عاشقة الهدوء]

/ هل من الممكن انك تتزوج اثنان ؟
كفايه ياعم واحد بس تكون حسب المواصفات
مؤدبة مدتينة تعرف قيمة البيوت
اخلاق ودين


يااااه بجد بجد لازم أجبلك عروووسه يا أستاذ جلال وأجوزك زى ما جوزت سامى وطارق كده وسترتهم ههههههه

حلقه وحووار رااائع ومتألق وأجااابات متزنه ومتميزه منك يا أستاذ جلال

نورت الحلقه بجد ربنا يبارك فيك ويحفظك وتسلم ياسامى حلقه موووفقه

ومتألقه كالعاده ربنا يسعدك وأجمل تقييم للحلقه القيمه

[♥..pure]

اقتباس / الكعب العالي ؟ واحدة غاوية تعذب نفسها تحت بند الموضة وهي اصلا ممكن تكون مش عارفه تلبس وتمشي بيه ولكن التقليد وتعذيب روحها ولو جوزها قالها البسي الكعب العالي كانت رفضت وعملت مشكلة ولكن القرار هنا ليها فخليها تتعذب

مين قـآلكـ أنه عذاب يـ أستاذ جلال !!
مجرد انهآ تتعود مرهـ واتينن عليهـ مش بتعرف تلبس فلات تاني اصلا
الرجل بتتعو د عليه وممكن تجري بيه ومعندهاش اي مشكلهـ
مش عذاب علفكرهـ :d
منور الحلقه يا غالي ..
اجـآبـآت عاقلهـ ومتزنهـ .. بحييكـ عليهـآ ..
تقبل مروري ..

[شاعر واسير الحب]

اقتباس المشاركة الأصلية كتبت بواسطة عاشقة الهدوء / هل من الممكن انك تتزوج اثنان ؟ كفايه ياعم واحد بس تكون حسب المواصفات مؤدبة مدتينة تعرف قيمة البيوت اخلاق ودين يااااه بجد بجد لازم أجبلك عروووسه يا أستاذ جلال وأجوزك زى ما جوزت سامى وطارق كده وسترتهم ههههههه حلقه وحووار رااائع ومتألق وأجااابات متزنه ومتميزه منك يا أستاذ جلال نورت الحلقه بجد ربنا يبارك فيك ويحفظك وتسلم ياسامى حلقه موووفقه ومتألقه كالعاده ربنا يسعدك وأجمل تقييم للحلقه القيمه

اشكرك عاشقة الهدوء
منور الصفحة اشكرك علي تعبك معانا
ياست الكل انا عاوزها حسب مواصفات الايزو هههههههههههههه
بس تكون خارج جماعه جمالات واعوانها

اشكرك ولك تقديري واحترامي

[شاعر واسير الحب]

اقتباس المشاركة الأصلية كتبت بواسطة dr.pharma مين قـآلكـ أنه عذاب يـ أستاذ جلال !! مجرد انهآ تتعود مرهـ واتينن عليهـ مش بتعرف تلبس فلات تاني اصلا الرجل بتتعو د عليه وممكن تجري بيه ومعندهاش اي مشكلهـ مش عذاب علفكرهـ :d منور الحلقه يا غالي .. اجـآبـآت عاقلهـ ومتزنهـ .. بحييكـ عليهـآ .. تقبل مروري ..

اشكرك رفيف علي الحضور والمرور

يابختيهم .. احلي حاجة لماتمشي تك توك تك توك
تلبس كعب وتجري كمان اكيد بتدرب تدريب في البيت
بس انا شفت واحد الكعب انكسر منها كانت شايله التانية ومش عارفة تروح فين
شاورت لها علي اقرب محل راحت خعلت الفردة التانية ومشيت حافية حتي محل الاحذية
اشكرك علي المرور
ولك تحيتي وتقديري واحترامي