ضيف في السياحه /الماجيك

[countess]

[IMG]http://www.***************************/files51/18_04_2012_10a513347664551.png[/IMG] انا من محافظة سوهاج ومقيم بمدينة جرجا وهى من اكبـر مراكز المحافظه مفيش قطـر مبيقفش فيها بيقولوا انها مدينة العلم والعلماء وكانت المحافظه تسمـى بأسمها عام 56 وكانت العاصمه سوهاج بعديها بأربع سنين الآيه اتقلبت :biggrin: بس كفايه رغـى عن البلـد هتغر انا كده :762: نخوش ومن غير مقدمات على المحافظه والمدينه ......... نشتغل شويه جوجل ايرث بقــى :biggrin: ماهى صور البلد مش موجوده فى جوجـل لازم اتصــرف :biggrin: احم احم دى المحافظه على الخريطه ماهى صور البلد مش موجوده فى جوجـل لازم اتصــرف :762: احم احم دى المحافظه على الخريطه واضحه اهى فى خط الدلتا ومصـر تحت مش بعيده اوى عن مصـر :762: واضحه اهى فى خط الدلتا ومصـر تحت [IMG]http://www.***************************/files51/21_04_2012_d8e413350259289.jpg[/IMG] ودرجة الحراره عندنا فى الصيف بيبقى حر احيانا درجة الحراره بتوصل 40 و41 والشتاء بتبقى تقريبا 26 مش فاكر بالظبط لان ليا زمن مش متابع النشره ديه :biggrin: والربيع وسط من 30 لـ 35 كده .. ودى الجامعه بتاعتى فى المحافظه وادى المدينه الجامعيه الى ساكن فيها فى نفس خط الجامعه [IMG]http://www.***************************/files51/21_04_2012_d8e413350259288.jpg[/IMG] ودى بقــى البلد [IMG]http://www.***************************/files51/21_04_2012_d8e413350259285.jpg[/IMG] وادى الساحه الشعبيه اللى بنروحها انا واصحابى :biggrin: [IMG]http://www.***************************/files51/21_04_2012_d8e413350259286.jpg[/IMG] ودا المزلقان البحـرى جنب البيت تقريباً ودا شكله بليل واهم المعالم عندنا بالمحافظهـ عندنا جزيرة الزهور وميدان الثقافه وفندق معروف اسمه الصفـا [IMG]http://www.***************************/files51/21_04_2012_d8e413350259283.jpg[/IMG] وكمان النادى البحـرى [IMG]http://www.***************************/files51/21_04_2012_d8e413350259284.jpg[/IMG] ومراسى المراكب دا على البحــر تقريبا جنب الجامعه للسياح طبعا ومن اهم المساجد بسوهاج مسجد العارف بالله دوول الى عرفتهم فى الفتره اللى كنت فيها فى المحافظه اول ما دخلت الجامعه وبقيت باقعد فى المحافظه .. وطبعا فيه معابد مشهوره سياحيه معبد الملك سيتى الاول ومعبد رمسيس التانى باخميم ومقابر السلامونى ومقابر الحواويش وبالنسبه للمطاعم فيه فى المحافظه اكبر محلات الكشــرى دا مشهوور جدااا اسمه كشــرى جحاا :biggrin: عامل اربع محلات كشـرى فى شارع الثقافه دا اللى روحته فيه تلاته تانين منهم بأشوفه بالصدفه بس مش فاكر فين :biggrin: وللاسف مش لاقيله صورة علشان اجيبها:669: وفيه مطعم التكيه دا جنب الجامعه بالظبط بنجيب منه البيتزا والسندوتشات الشورمات والحاجات ديه .. اما فى بلدنا احنا بقــى فيه مطعم على مرزوق دا جنب المزلقان البحرى اللى فوق دا دا بقـى بتاع الفراخ المشويه والخضراوات والرز والحبشتكنات ديه :biggrin: وكمان فيه مطعم كبير للمأكولات الكبيره بقــى البيتزا والشاورمه والسجق والسوسيس والحاجات ديه جنب الساحه الشعبيه علطول وطبعا فيه محلات الأكلات الشعبيه اكيد الفول والطعميه والبطاطس فى البلد والمحافظه وفيه بردوا مطاعم اكلات اللحوم الفشه والكرشه والمخ والمومبار بس انا مش بحب اكلها الحاجات ديه دول ليهم ناس معينه واحنا مش منهم الحمد لله :079: وللأسف بردوا مش قدرت اجيب صور ليهم اصل البلد مش معروفه على النت:669: ومن نحية تانيه صعب اروح كل مكان ذكرته هنا واصوره بالفون!! عاداتنا وتقاليدنا زى اى مجتمع شرقــى عندنا البنت المسلمه لبسها مش زى بره ولا المحافظه لان فى المحافظه بردوا البنات فى الضياع والجامعه اكبر مثال لدا :biggrin: بس انا مش بتأثر بالحاجات ديه اننى لمتمكن :762: والميزه ان البلد صغيره وتقريبا كل اللى فيها يعرفوا بعــض وتقدر تلفها كلها فى ساعه :biggrin: الزواج عندنا فى البلـد فيه ناس بتعمل الصوان طبعا صوان الفرح :biggrin: بتحب تعمله فى الشارعه بتاعها تلاقى نص الشارع مليان انوار واضاءات والدى جى والساماعات الكبيره بقـى والاغانى واللى معاه حد فى الثانويه يقفل الكتاب ويقعد يسمع :biggrin: واحد جنبنا بالظبط كان مرشح لمجلس الشعب من فتره طويله عمل كده بردوا خلاص بقت عاده عندنا .. وفيه طبعا قاعات افراح كبيره فى البلـد عندنا قاعة ليالى فرح وقاعة مساءى وقاعة نادى الرياضى وقاعة نادى المسلم الصغير دول اكبر اثنين فى البلـد .. وبالنسبه لأعياد الميلاد يعنـى بتبقى حاجه على الضيق فى البيت ونادر اصلا لما حد بيعملهــا انا نفســـى معملتهوش غير مرة واحده وكانت لما كنت فى تانيه اعدادى باين بس مش فى دماغى ولا فى دماغ اى حد .. والاعياد الكبيره بقــى عيد الفطر والاضحـى بتبقى الفسح فى اماكن كتيير زى نادى المسلم الصغير دا فيه تحت كافتريا كبيره للعائلات والجماعات وفوق المراجيح بكل انواعها والمأكولات والايس كريم.. وكمان نادى عروس البحـر دا فيه كافتريا بردوا والمراكب علشان اللى عايز يمشى بمركب .. وفيه ملاهــى فرغـل دا مراجيح بردوا ومأكولات .. وبالنسبالى انا واصحابى يعنى بنروح كافتريا بتبقى جنب نادى المسلم الصغير للشباب بنروح نلاقى كل اللى كانوا فى مدرسة الثانويه اسمها كافى شوب باين مش فاكر الاسم تصدقوا بس فيها شباب بيشربوا الشيشه تفاح والسجاير وكله فل بس انا واصحابى مش بنشربهم ولا ملناش فيهم طبعـا.. امممم مش عارف هاقول ايه تانى بس اعتقد انا كده قولت كل اللى اعرفه عن بلدى ورغييت كتير معلــش ان شاء الله اكون خفيف عليكواا تسلمــى ى سارونه للأستضافه الجميله ديه ويسعدنى اكون ضيف اولى حلقاتكـ خالص احترامــى وتقديــرى طب احمد ابعتلي اللهجه بتاعكتم بسهاج يعني المصطلحات بتاعتكم السوهاجيه )) يلا بالنسبه للهجه بتاعتنا زى مصـر ب حرف الجيم بيتنطق بأسمه مش زى مصـر نطق الجيم خفيفه شويه والقاف بالمثـل انا شغال من دا على دا بحكم تعاملى مع الناس فى الجامعه غالبا بيبقى كلامـى مصـرى علشان يبقى الاسلوب واحد بس مش مصـرى اوى لسه عايز وقت شويه علشان اتعود عليه اكتر:biggrin: انما مع اصحابى والبلد عادى بلهجتنا العاديه مش بيفرق .... امممم مش عارف هاقول ايه تانى بس اعتقد انا كده قولت كل اللى اعرفه عن بلدى ورغييت كتير معلــش ان شاء الله اكون خفيف عليكواا تسلمــى ى سارونه للأستضافه الجميله ديه ويسعدنى اكون ضيف اولى حلقاتكـ خالص احترامــى وتقديــرى Ahmed

[тoкα..♥]

من خدت بآلي من عوجه لسآنك دي ف دروس آلسويتش مآكس
لهجتك مش زي آلقآهرويين خآلص :d
معلومآت حلوة ي آحمد ونآيس رحله
آسمو آي دآ
بزمتك آنت روحت كل آلآمآكن دي ؟ ههههههههههه
تسلمي سآرونتي ع آلفكرة

[شاعر واسير الحب]

رائع جدا الموضوع وضيافة رائعه
اهلا باهل الصعيد واهل السعودية
منورين القسم
ضيف يتمتع بالاخلاق العالية ومحاورة تجيد المحاورة والضيافة اسعدتونا

ههه انت دخلت الديش ولا لسه
بجولك ايه ماخبرش يابوي

ههههههه
اشكركم

[۩۩ سيد الشرقاوي ۩۩]

منور يااابوحميد القسم
منوره يااسااره بالحلقه
الراائعه دي احسنتي الاختيار
اختي الكريمه احمد انسان محترم
وقمه في الاخلاق منور يااحمد
واجاابات جاامده ياغاالي واهلا بيك
وبااهل سوهاااج كلهم ياكبير منوريين

[countess]

توتي >> وشاعرنا و>>> سيد

بشكركم من كل قلبي ع تواجدكم


وبشكر Beauty Soul

ع تصميم الخلفية الروعه دي >>> والبنر >>

ربي يخليك لشبابك يا شابة ))

ويوفقك ونفرح بتخرجك قريب *_^

[countess]

اه نسيت

احمد حاب يتكلم من غير لاسئله الي بعتها

حاب يتكلم براحته زي البيت بيتك ))

واكيد يهمني راحت الضيف )) خليته يتكلم من غير مايكون مقيد بالاسئله

يتكلم ويعرفنا ع سهاج ع طريقته

[۩۩ elMagic ۩۩]

اقتباس المشاركة الأصلية كتبت بواسطة ѕамватека من خدت بآلي من عوجه لسآنك دي ف دروس آلسويتش مآكس لهجتك مش زي آلقآهرويين خآلص :d معلومآت حلوة ي آحمد ونآيس رحله آسمو آي دآ بزمتك آنت روحت كل آلآمآكن دي ؟ ههههههههههه تسلمي سآرونتي ع آلفكرة

هع
دايما جايبه التايهه انتى ما انا قايل انى مش مصـرى مصرى
بس اهو من دا على دا
وبعدين اول درس دا مكنتش عارف اتكلم فيه اساساً
لان كنت تعبان ووضحت دا فى التوبيكـ
نورتيــنى ى حجهـ يلا روحــى خدى لفهـ بمرجيحه حلوه
بس اوعى تدوخـى :biggrin:
نورتيــنى ى توتى

[۩۩ elMagic ۩۩]

اقتباس المشاركة الأصلية كتبت بواسطة شاعر واسير الحب رائع جدا الموضوع وضيافة رائعه اهلا باهل الصعيد واهل السعودية منورين القسم ضيف يتمتع بالاخلاق العالية ومحاورة تجيد المحاورة والضيافة اسعدتونا ههه انت دخلت الديش ولا لسه بجولك ايه ماخبرش يابوي ههههههه اشكركم

هههههههههه
ديش ومخابرش مين
لا يا عم لهجتنا مش توصل للدرجه ديه
نورت استاذ جلال
مودتـــــى

[۩۩ elMagic ۩۩]

اقتباس المشاركة الأصلية كتبت بواسطة سيد الشرقاوي منور يااابوحميد القسم منوره يااسااره بالحلقه الراائعه دي احسنتي الاختيار اختي الكريمه احمد انسان محترم وقمه في الاخلاق منور يااحمد واجاابات جاامده ياغاالي واهلا بيك وبااهل سوهاااج كلهم ياكبير منوريين

دايما منورنى ى ابو السيــد
تسلم يا غااالى لكلامكـ ولذوقكـ
مودتــــــى

[دمعه حائره]

حلقه جميله جدا ونورت يا احمد
بجد معلومات وصور اول مره اشوفها
للصعيد اجدع ناس
واحلى حاجه ان انت واصحابك مش بتشربوا الحاجات دى
شاطرين
ربنا يوفقك وينجحك
يسلمو ساره توبيك هايل ياقمر
تحياتى والتقييم