لفظ أنفاسه الأخيره ,,,,,,,,,,, أمااااااااااااااااامي

[أجمل سعوديه]

قلب المرء قائلة له
إن الحياة دقائق وثواني
فارفع لنفسك بعد موتك ذكرها
فالذكر للإنسان عُمرٌ ثاني
...................................... أحمـد شوقي

الموضوع غير ومثل ما يقولـون الكتاب باين من عنوانه
بس قبل ما أدخل في موضوعي حبيت أسئـل سؤال بسيط .. فكـرت انت بكـرا عايش أو لا ؟

اوكيه بأجل جواب السؤال لنهاية موضوعي وبدخل في السالفه على طول .. طبعاْ انا اشتغـل في أحدى الشركات الكبيره في الجبيل بقسم الصيانه الكهربائيه وكل سنتيـن يصير شيء اسمه شاتـداون (Shutdown) في المصنع اللي اشتغـل فيه ويكون تقريباْ مدته شهر ونداوم من 6 الصباح الى 6 الليل حتى في الخميس والجمعه
ومثل ماقلت بحكم اني في قسم الصيانه فيكون الضغط علينا كبير مره والاعمال تكون صعبه وانت ملزم انك تخلص جميع الاعمال خلال هالشهر لان الإنتاج للمصنع لازم يبدأ بعد شهـر !
ولأن المصنع كبير فـ تم تقسيم فريق الصيانه الى 4 فرق .. كل فريق يغطي منطقه في المصنع ( منطقة الفرن والشحن ، منطقة المصنع ، منطقة الضغط العالي ، منطقة النهايه والتسليم ) وانا كنت سوبرفايـزر على فريق منطقة الفرن والشحن وهي منطقه حساسه مره للمصنع .. طبعاْ الفرن اللي عندنا ضخم جداْ ودرجة حرارته 1200 درجه مئويه !!
لي تقريباْ ثلاث سنوات في الشركه ومعرفتي في الشباب اللي في الصيانه صارت قويه حيل وكل يوم تزيد لدرجة اننا صرنا مثل العايله الوحده .. لكن من بدا هـ الشاتداون صرنا مانشوف بعض الا في بداية الدوام ونهايته .. يعني في الوقت اللي تفتح فيه مكتبك وتقفله .
بعد اسبوع من بدايـة الشاتداون وانا جالس اشتغل على احدى كبايـن الكهرباء صار انقطاع مفاجيء ولحظي للكهرباء وبعدها اشتغل انذار الحريق في المصنع .. لحظتها فسرت الامور بان انقطاع الكهرباء كان من جهة شركة الكهرباء وبأن جهاز الانذار بسبب واحد يدخن في احد هالمكاتب فماخذيت الامور بجديه وقمت اكمل شغلي مع فريقي .. فجأه قمت اسمع اصوات تجي من جهة المصنع وواضح ان فيه شيء صاير .. طلعت من المحطه الكهربائيه اللي كنت اشتغل فيها وشفت العالم قاعدته تسوي عمليه اخلاء في المصنع .. يعني ما يقارب الـ 2000 موظف قاعدين يركضون من كل جهـه !! وانا متجه لمنطقة التجمع سألت واحد من قسم الانتاج وشـ السالفه ؟ قال صاير انفجار كهربائي في منطقة الضغط العالي وفيه واحد قاعد يحترق هناك !!
لاشعورياْ رحت اركض جهـة منطقة الضغط العالي وفي راسي صور اخوياي هناك ادعي بسلامتهم وليكون واحد منهم هناك صارله شيء .. وصلت المنطقة وترددنا في فتح الباب .. خفت من المنظر اللي بشوفه .. لكن تجرأنا وفتحنا الباب وكانت المنطقه ملياااانه دخان من الانفجار وصعب انك تشوف شيء ! رفعت صوتي وسألت اذا كان في احد موجود ؟ وقمت انادي بأسماء اخوياي اللي في منطقة الضغط العالي ! رد علي واحد من الداخل وقال فيه شخص ملقى على الارض وبحاجه للمساعده ؟ قربت شوي علشان تتضح الرؤيه وليتني ما قربت .. آآآآآآآآآآه منظر مستحيل انساه او ينمسح من ذاكرتي رجل ملقى على الارض ومحترق بشكل كامل وصاير مثل قطعة القماش ويخرج صوت ونين من الالم .. جلست مندهش وانا اشوفه وتجمدت في مكاني لحد ما حسيت باني خلاص مستحيل اتنفس من قوة الدخان .. خرجت من المنطقه وانا شبه منتهـي من المنظر ومن ضيق التنفس .. اللي دخل معاي المنطقه قال بأنه ما وجد أحد من الشباب وبان الرجل اللي كان ملقـى هو موظف في شركه متعاقده معانا وجايين يأدون بعض الاعمال الكهربائيه خلال الشاتداون .
جاء الاسعاف وطالبونا بالرحيل من المنطقه و والتوجه لنقطة التجمع وهناك شفت الشباب اللي مغطين منطقة الضغط العالي وكانوا تحت تأثير الصدمه بأنهم كانوا المفترض يكونون هناك لكنهم قرروا قبلها بفتره ان ياخذو بريك ويطلعون من المنطقه .
نتيجة الحادث كانت خطأ من الشخص بأنه لامس مسار كهربائي بقوه 13.8 الف فولت ومجرد ملامسة هالمسار صار جسم الرجل هو المكمل للدائره الكهربائيه وهالتيار مر في جسد الرجال وحصل الانفجار او مايسمى بـ الومضه الكهربائيه .. توفي في ذلك الحادث شخصين واصيب ثلاثه بحروق من الدرجه الثانيه والثالثه !!
بعدهـا جلست افكر مره ومرتيـن وثلاث ,, كان من الممكـن اني اكـون متواجد بهـ المنطقه وقت الحادث !! يا الله شعور مخيف ، هل فعلاْ استعديـت لهـ اللحظه ؟ هل استعديـت لمفارقة هـ الدنيا والاهـل والاحباب والاصحاب ؟ وشـ اللي بيبقى معاي بعد رحيلي ؟ جوالي الايفون ، ساعـتي الماركـه ؟ فلوسي ، اخوياي ؟ ولا شيء من هذولا بيرحل معي .. محد باقي معاي الا عملي في الدنيا ، ويا يلعب دور معاي او يكون ضدي !
طيب انت وشـ سويت ؟ لازالت عندك الفرصه .. يكون بعلمك كل دقيقه لك في هالحياه هي فرصه لك بان يكون الشيء الوحيد الراحل معك هو منقذك واقصد هنا عملك الصالح .
طبعاْ انا ماقول خلاص لا تستانس بالحياه ! بالعكس لنفسك عليك حق فلها واستانس بس في اساسيات في الدين لا تحاول تتهاون وفيها وحافظ عليها قدر الامكان مثل الصلاه ، بر الوالدين ، الكلمه الطيبه .. الخ .
صعبه العب دور الناصح لان اخطائي وشـ كثرها لكن اللي صار وشفته ذاك اليوم متأكد انه بيغير وقد غير اشياء في حياتي واتنمى انه يغير اشياء في حياتكم .. طبعاْ للأفضـل .

ارجـع لـ سؤالي اللي كتبته في بداية الموضوع .. انت بكـرا عايش أو لا ؟ .. اتوقع الجواب صار واضح للكـل .. وكما قبل :
إعمل لدنياك كأنك تعيش أبدا و اعمل لآخرتك كأنك تموت غدا

إنتهـى

[ساحر الأحزان]

موضوع قيم منك

ولا احد يضمن الى متى يعيش

وكم ظل فى عمرة

فاللهم احسن خاتمنا

موضوع قيم منك

دمتى بكل خير

[عاشق المستحيل557]

لو علم كل منا ووعى جيدا هذه القصه لما اضاع لحظه من عمره الا فى طاعه الله
اللهم ارحم من مات منهم واشفى من اصيب واهدنا جميعا
مررت من هنا

[أجمل سعوديه]

اسعدني تواااااااااجدكم









لاعدمناااااااااااااكم

[mīĐŏ ǺĻ ƒâηâη]

اختيار قيم منكـ
وتوضيح جيد
تسلم آيدكـ ع مجهـودكـ
ننتظر المزيد منكـ

[booody99]

فــعلاً موضوع رائــع جــداً وقــيم

سلمت الأيادي على الطرح المميز

ويـــارب دوام الأبــــداع والتـــميز

كــل التــقـديـر والأحتـــرام

[رنا هشام]

جزاك الله خيـر لجمــآل طرحــك
وجعله في موازين حسناتك
آنآر الله قلبك بالآيمآن وطآعة الرحمن
دمتي بحفظ الخالــق ,,~