::: فعاليات المنتدى :::

أهلا وسهلا بك إلى منتديات بنات مصر.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.

آخر 12 مواضيع
اتغير
الكاتـب : ana aboodya - آخر مشاركة : واد حبيب - مشاركات : 2 -
:::::: زهره رضا ::::::
الكاتـب : زهره رضا - مشاركات : 24 -
نعمل معاه اي ده
الكاتـب : زهره رضا - آخر مشاركة : د/ عبد الله - مشاركات : 2 -
عضوه جديده
الكاتـب : زهره رضا - آخر مشاركة : د/ عبد الله - مشاركات : 4 -
اوعي تفتكر اني نسيت
الكاتـب : واد حبيب - آخر مشاركة : دمعه حائره - مشاركات : 2 -
يا قلبي مالك ومالها (واد حبيب & همس الرحيل )
الكاتـب : واد حبيب - آخر مشاركة : دمعه حائره - مشاركات : 5 -
القاء القبض على مؤسس صفحة احنا اسفين ياريس
الكاتـب : سيناا - آخر مشاركة : واد حبيب - مشاركات : 2 -
برقيه مؤرجحه بين اللقاء والوداع
الكاتـب : ياسر عبد الباقي - آخر مشاركة : عاشق ولهان - مشاركات : 4 -
اعضاء المنتدى الكارهين لنجاح المنتدى هـ/م
الكاتـب : سيناا - آخر مشاركة : دمعه حائره - مشاركات : 17 -
الطف بقلبي
الكاتـب : *فجر الاسلام* - آخر مشاركة : دمعه حائره - مشاركات : 6 -
ملك جبال الاحزان...Happy Birthday
الكاتـب : Arco Baleno - آخر مشاركة : دمعه حائره - مشاركات : 18 -
النهايه
الكاتـب : عاشق ولهان - آخر مشاركة : دمعه حائره - مشاركات : 7 -

 
 
LinkBack أدوات الموضوع انواع عرض الموضوع
قديم منذ /04-27-2012, 07:01 PM   #1

❀۩سأموت ُولن تموت عقيدتي ۩ ❀

۞๑ ๑خالد البنا۞๑ ๑

 

 رقم العضوية : 70388
 تاريخ التسجيل : May 2011
 الجنس : ~ رجل
 المكان : تركيا ... إسطنبول
 المشاركات : 12,852
 الحكمة المفضلة : أملي أن يرض َ الله عني
 النقاط : مِسكُ الشَهادة has a reputation beyond reputeمِسكُ الشَهادة has a reputation beyond reputeمِسكُ الشَهادة has a reputation beyond reputeمِسكُ الشَهادة has a reputation beyond reputeمِسكُ الشَهادة has a reputation beyond reputeمِسكُ الشَهادة has a reputation beyond reputeمِسكُ الشَهادة has a reputation beyond reputeمِسكُ الشَهادة has a reputation beyond reputeمِسكُ الشَهادة has a reputation beyond reputeمِسكُ الشَهادة has a reputation beyond reputeمِسكُ الشَهادة has a reputation beyond repute
 درجة التقييم : 3412670
 قوة التقييم : 1707

مِسكُ الشَهادة غير متواجد حالياً

أوسمة العضو
افتراضي حلقة جديدة من برنامج ( وجهة نظر) مع المتألق ( kinglion)

[SIZE=4]


كما عودناكم في برنامجكم
( وجهة نظر )
طابت لنا الدنيا بإرض بلادنا
والكل يعلم اننا نهواها
الشعب يا مصر الحبيبة قد رنا
للمجد دوما مُحلقا ً بسماها
طاف بنا قارب الاخوة في الله
والمحبة للجميع ليلتقي في
هذة الحلقة الرائعة
أخا ً عزيزا ً نفتخر به وبتواجده
بيننا ومعنا ورفيقا ً لدربنا
إنه الأخ المتميز :_
( kinglion )

والذي دار الحوار معه حول

( قضايا متعددة )

تنويه هذة الحلقة كأي حلقات سابقة
تعرض وجهة نظر صاحبها وليس بالضرورة
ان يتفق الكل معها ولكن نتمنى ان
تُحترم كما يتم إحترام كافة وجهات النظر الأخرى
التي نتفق او نختلف معها









القسم الاول

إhhاسمك :_
محمد



بلدك :_
مصر



حكمة ترددها كثيرا ً :_
والله يا خالد تقدر تقول كده حكمتين
الأولى
إذا دعتك قدرتك على ظلم الناس فتذكر قدرة الله عليك

الثانية
إذا ضربت فأوجع فإن الملامة واحدة




القسم الثاني :_

من أنت بإيجاز ؟
عبد فقير إلى الله أتمنى رضا ربى وأهلى



كيف تعرفت ع منتديات بنات مصر ؟
من جوجل



هل كنت تتوقع أن تحدث ثورة في مصر ؟
بصراحة كنت متوقع تحصل ثورة لكن مش
بالطريقة دى خالص وده لأكثر من سبب بصراحة

السبب الأول أن الناس وصلت لمرحلة جوع
فظيع وصراع عشان رغيف العيش ويمكن كلنا
شفنا ده بعنينا والطوابير والناس اللى كانت بتموت بعضها

ثانى سبب أنعدام الكرامة
يعنى الانسان بيشوف ان لا ليه كرامة جوه
البلد ولا بره البلد والغريب بيكون ليه كرامة أكتر من إى حد

ثالث سبب البطالة يعنى شاب بيدرس ويجد
ويجتهد وفى الاخر يقبل
بأى شغل حتى لو مش مناسب للمؤهل بتاعه

رابع سبب تفشى الظلم فى البلد وجبروت
الدخليه يعنى مواطن كده ماشى فى حاله
شكله معجبش الظابط يروح قابض عليه
وجوابات الأعتقال مفتوحه على البحرى وانت
فاهم كده كويس

بص يا خالد لو قعدنا نعد مع بعض المؤشرات
اللى بتقول أن كان
حيحصل حاجه حنلاقيها كتيرة اوى

بس عشان الحق محدش كان متوقع تحصل
بالشكل ده ولا بالطريقة دى أبدا

ثورتنا شىء عظيم اوى لانها حصلت فى
جميع محافظات مصر وبنفس الأصرار




كيف تفسر الفوز الكبير الذي حققه الإسلاميون
في الإنتخابات البرلمانية السابقة ؟

فى الحقيقة يا خالد بلاش نقول إسلاميون لأن
كلنا مسلمين بس توجهتنا مختلفه
فخلينا نقول التيار الإسلامى زى ما الكل بيسميه
فأنا مش حقولك فوز انا بقول أكتساح لأن ده المسمى الطبيعى للى حصل
وده لأسباب كتيره على فكرة
أهمها أن فى قدرة كبيرة جدا على الجمع والحشد والتنظيم

غير كده ليهم قاعدة عريضة فى المجتمع المصرى

والشعب المصرى بطبعه بيميل للتدين


ونحن عندما طرحنا الاسلاميون اكيد
نعني التيار الاسلامي
فكل اسلامي مسلم
وليس كل مسلم اسلامي
بكل تأكيد يا غالي






لمن لا يعرف الإسلاميون ... من أنتم في سطور؟
والله يا خالد عن نفسى انا لا أتبع إى تيار سياسى أو حزبى
لكن ليا توجهات وأفكار فلو حابب أتكلم عن نفسى مفيش مانع



ونحن نقصد الفكر وليس الاشخاص يا غالي
لاننا جميعا ننتمي لديننا الحنيف
ولمصرنا الغالية بكافة اطياف شعبنا






برأيك لماذا كل هذة الهجمة الإعلامية ع التيار الإسلامي
بعد فوزه في الإنتخابات ؟

انا حقولك ليه يا خالد وعايزك انت تشوف اللى بين السطور

دلوقتى لما يكون فيه أكتساح غير
متوقع وناس بتقولك الشريعة والحدود
والدين لازم هنا يجبلك كل شىء وحش
فيهم عشان يقلل شعبيتهم

وحديك مثال صغير اوى

فى عندك مثلا حزب النور فيه
ناس متعلمة جدا وعلى ثقافه
عاليه جدا وتفكير مش متشدد
ومش متعصب وفاهمين كويس
حزب النور مظهرش الناس دى
وانا مش فاهم ايه الأسباب فى
كده بصراحة وليه مخلاش الناس دى وجهة ليه

يجى الأعلام يجيب واحد بجد
انا شفت ليه كام لقاء كنت حكسر
التلفزيون من الغيظ عبد المنعم الشحات
الراجل ده الأعلام أصطاده مش
عشان هو بيحبه وله يعنى عاشق
جماله لا عشان لقى فيه التعصب
وبيقدر يستدرجه بسهوله
فهو ركز عليه اوى عشان يشوه
فى باقى الحزب لأن لما واحد يقولى
حهد مثلا أبو الهول وله حهد الأهرامات شىء طبعا مش مقبول

طبعا كل ده لتوجهات تانيه وقيس
بقى على باقى التيار الإسلامى الكلام ده





ما وجهة نظرك من اللجنة التأسيسية للدستور ؟
لو عايز رأى الشخصى فى الموضوع ده
المفروض الدستور يكون عن طريق ناس مختصه
وفاهمه هى بتعمل أيه لأن ده دستور دولة والمفروض
يكون فيه توافق بين الجميع وأرتضاء كامل على
اللجنة اللى حتعمله من شتى طوائف الشعب المصرى






من تعتقد سيفوز في الإنتخابات الرئاسية القادمة ولماذا ؟
والله يا خالد صعب جدا حاليا تتكهن مين حيفوز







هناك من يقول أن حزبي الحرية والعدالة و النور
يريدان أن يهيمنان ع الحياة السياسية في مصر
كيف تفسر ذلك ؟

كل حزب بيتمنى يعمل ده
وان يكون ليه الهيمنة على الساحة السياسية







موقفك من الذين يطالبون بحل البرلمان الذي إنتخبه الشعب ؟

بصراحة بقعد أضحك عليهم اوى
تعرف ليه يا خالد
لأن البرلمان اللى بيطالبوا بحله ده الشعب
اللى مختاره وله لازم يعنى الكون يلف
حسب دماغهم هما وبس
خزعبلات سيبك انت من الكلام ده يا خالد







مع كل هذة الهجمة الإعلامية ع التيار الإسلامي بعد
فوزه ف الإنتخابات البرلمانية إستمر فوزه بقوة
في الإتحادات الطلابية ونقابات المهندسين والأطباء
وغيرها الكثير ...بماذا تفسر ذلك ؟

والله يا خالد تقدر تقول ده رد على كل حد أدعى أن
الشعب المصرى جاهل وأنه بأزازة زيت وكيلو
سكر أنتخب التيار الإسلامى
طيب اهو أكبر دليل على أن ده كلام هابط
ان النقابات كلها ناس متعلمة ومش بصمجيه
زمع ذلك برضه التيار الإسلامى مكتسح
يبقى ياترى ده ليه
جهل برضه ؟؟؟؟
يمكن إى حد مش ماشى حسب تفكيرهم جاهل







هناك من يُشبه التيار الإسلامي الذي جاء برغبة
من الشعب بالحزب الوطني الذي جاء بالرغم عن الشعب
كيف تنظر لذلك الأمر ؟

تقدر تقول كده يا خالد نظرتى للناس
اللى بتشبه التشبيه ده نظرة مشفقه بصراحة
لأن اللى مش قادر يفرق بين رغبه الشعب نفسه لما يختار
وبين أن شىء يفرض على الشعب غصب عنه
يبقى انسان عديم البصيرة
بالبلدى عديم النظر يعنى عايز يلبس نضاره





عندما فاز الإسلاميون وصف الشعب
بالجهل ..فلو فاز غيرهم هل سيوصف بذلك برأيك ؟

تعرف السؤال ده نقدر نقول كده سؤال بين التلت
خشبات وجووووووووووول جميل اوى
رغم أنى من فترة كبيرة جدا ليا تحفظات شديدة
على الأخوان والنهج اللى كانوا بيتبعوه
إلا أنى شديد السعادة على السيطرة الإسلامية

ندخل بقى فى الموضوع
بص يا خلوده طبعا لو الصورة أتقلبت
حيتقال عكس كده خد عندك بقى
الشعب المصرى واعى وفاهم
الشعب المصرى عرف يختار لأول مره فى حياته
الشعب المصرى شعب ذو إرادة
وشعارات كبيرة وكتيرة

بس لأن أتت الرياح بما لا تشتهى الأنفس لازم يتقال كده

هما أدعوا أن الشعب المصرى جاهل وعشان كده ده حصل

طيب مش هو ده الشعب الجاهل
برضه اللى خرج فى الشوارع يوم 25
يناير ومخدش بإى محايلات فى خطابات
المخلوع وكان شايف اللعبه كويس

طيب مش هو ده نفس الشعب
اللى وقف فى جميع ميادين مصر وقال يسقط النظام

مش ده الشعب اللى سال دمه فى
الشوارع لحد لما الأرض أرتوت

بص يا خالد خلينا نحسبها بالعقل كده
وشوف لو كلامى غلط قولى انت غلط عادى يعنى

نقول يا سيدى 50 % من الشعب
المصرى جهله ومش بيفهموا ومتعصبين على تيار أسلامى

حيتبقى 50 % نقول دول نسبه
لناس المتعلمه والمثقفة واللى
بتفهم واللى هى يعنى خلاص مفيش منها

واخد بالك قسمنا البلد نصين
أهو نص البلد جهله ياعم ولا تزعل

مجلس الشعب كام مقعد 508 عضو صح
منهم 498 بالأنتخابات 10 بالتعيين صح يا خالد

332 فى القوائم الحزبية 166 فردى صح كده

نيجى بقى نشوف الأخوان والنور
خدو كام فى المية من مجلس الشعب تقريبا الأخوان 46% والنور 23 %
مش حنحسب معاهم ياعم لا
حزب الأصالة ولا البناء والتنمية مع انهم تبع التيار الإسلامى

يبقى دول كام يا خالد 69 %
حيتبقى كام 31%

ده على ايه على كل الأحزاب
اللى باقيه يعنى ليبراليين على
علمانيين على كله كوكتيل فى بعضه

يعنى لما نقول نص الشعب
جاهل طب والنص التانى منتخبكوش
ليه ده انتم مش قادرين توصلوا حتى
للـ 50% عشان تقولوا الشعب جاهل

يا راجل دى خيبه والله

طولت عليك شويه معلش









لو كان الشعب المصري ( جاهلا ً) بإختياره التيار الإسلامي
فهل شعوب المغرب وليبيا وتونس و****************** ( جاهلين أيضا ً)
لإختيارهم نفس التيار بنفس الشعبية الكبيرة ؟


بص يا خالد مش فيه مثل زمان
كنا بنسمعه فى المدارس يقولك حجة البليد مسح السابورة

اهو ده بقى اللى حاصل لازم الفاشل يعلق فشله على إى حاجه

يا خالد حيقولوا ليبيا المغرب ******************
تونس دول برضه اغبيه يا اخى حتتعب والله مع الناس دى

عارف المشكله انك تنادى بشىء
وانت أصلا مش بتعمله يعنى قعدنا
نقول ديموقراطية ومش عارف ايه
والشعب يقول كلمته ولما يقولها نقولوا
جاهل وأزازة زيت وعلبه صلصة وكيس مكرونه

طيب ماهو الشعب الجاهل ده لو اختارك
مكنتش حتقول كده وإى حد كان قالك
الشعب جاهل كنا زمانا سمعنا البدع وتتقسم
على الربابه كمان على أغانى الريس متقال ويا متولى يا جرجاوى








أنت َ كمؤيد للشيخ حازم أبو إسماعيل ...
كيف تُفسر إستبعاده من الإنتخابات ؟
وشعبيته الواسعة التي لمسناها ع أرض
الواقع ؟


والله يا خالد انا مش حخبى عليك
انا كنت بأيد الراجل ده جدا لأن البرنامج
بتاعه كان عاجبنى جدا وكنت شايفه تفكيره
معتدل نوعاً ما وكان قادر يكسب الناس
فعلا وكان الواحد متوسم فيه خير بصراحة
لكن موضوع القضية وأستبعاده ده
انا من رأى أنه صحيح والدته أمريكية
والموضوع مش مدبر لسبب واحد بس

المفروض كان طعن فى صحة الأوراق
ورفع قضية عارف لو خد الخطوة دى
كنت حصدق أن الكلام مش صح بس سكوته يؤخذ عليه

بصراحه يا خالد أنا لو مكانه
وفعلا ده مدبر لايمكن كنت حسكت
حرفع قضيه وأطعن وأخرب الدنيا ما
دمت على حق بس السكوت ده مريب

الأخطر أن فى ناس مش قادرة تصدق
ده وخلى بالك ده حيكون فى رقبه الشيخ
حازم لو سالت قطرة دم بسببه لأنه يا
يطلع يدافع عن نفسه بحق وبالقانون
يا أما يعتذر للناس دى ويفض الكلام ده كله




ما رأيك الشخصي بكل من :_
1_ د. عبد المنعم أبو الفتوح

بصراحة الدكتور ابو الفتوح راجل محترم
جدا وليه قبول عند ناس كتيرة جدا وبرضه
عنده طريقة الوصول للناس وافكاره كويسه

2_ د. محمد سليم العوا

بصراحة انا مش من مؤيدى العوا لان
ليه بعض المواقف كده عن شخصى
مش مرتحلها يعنى مواقفه مع المجلس
العسكرى مواقفه فى الملف الأيرانى
رغم أنه قال أنه لن يسمح بالمد الشيعى
فى مصر بس ده مجرد كلام
بصراحه مش مرتاحله ههههههههههههه







عزل كل من اللواء عمر سليمان
وأحمد شفيق ومرتضى منصور
هل برأيك يعتبر إقصاء سياسي
أم عقاب بسيط لإرتباطهم بالنظام السابق ؟

ده اقل واجب يا خالد أنت بتقول أيه بس
بس أنا سمعت أن أحمد شفيق رجع ونزل بالفعل فى قوائم الأنتخابات

رغم أنى مع أن إى شخص تقلد منصب
فى عهد النظام السابق يحرم من إى
مناصب فى الدوله لمدة عشر سنين وده
أقل شىء لحد لما ينضف شويه حتى مينفعش
نمسكه محولجى سكه حديد



نعم عاد الفريق شفيق من جديد







منع تصدير الغاز لإسرائيل ...هل أنت َ
مع ذلك أم لا ولماذا ؟

ايوه طبعا مع منع التصدير لإسرائيل
يا خالد الناس مش لاقيه الغاز وسعر الغاز وصل
لأرقام فلكيه عندكم فى القاهره على ما أسمع
يعنى المفروض يكفوا الشعب الأول بعدين يفكروا
فى التصدير ولو فكروا ميكنش لإسرائيل يا راجل
قول نفتح المعبر لأهلنا فى غزة مش ندى غاز لأولاد شارون







هل أنت مع إلغاء معاهدة ( السلام ) مع إسرائيل ؟
بصراحة وبكل صدق وبقلب خالص لله نفسى
نفسى نلغيها فعلا ونجهز نفسنا ونزحف
للقدس حتى لو موتنا نموت على أعتابها
وده مش كلام شعارات والله يا خالد
وصدقنى ملايين المصريين يتمنوها وغيرنا
كتير من الشعوب العربيه برضه يتمنوها

بس لما ربنا يريد أكيد حيحصل ونتمنى يكون لينا عمر ونحضر اللحظه دى








برأيك ... ما الذي ينقصنا
في الوقت الراهن كمصريين ؟

اللى ينقصنا حجات كتيرة اوى
ان الناس تتغير من جواها
شوف بعد الثورة كده الرشاوى زى ما هى
الظلم برضه زى ما هو

ناقصنا أننا نطهر قلوبنا شويه ونتعامل بما يرضى الله

ينقصنا نراعى ربنا يا خالد
ده اللى ناقصنا فعلا








رسالة لكل من :_

الشعب المصري العظيم
أحذر مما هو قادم وكن مستعد
دائما لأن هناك أيدى تلعب فى الخفاء وأعتقد
حيكون فيه سيناريو للأستيلاء على السلطة

لكن شعب مصر عظيم بشبابه ولن يسمح
أن يسرق مرة أخرى فالشعب المصرى من
أقوى الشعوب وأذكاها على الأطلاق


فلسطين الحبيبة
أصمدى أيتها الغاليه فقد وصمنا بالعار على
تركك ذبيحه تنزفين فأنينك يصم الأذان ولكن
حكامنا سدوا أذانهم عنكى

ولكن بعون الله قادمون


الثورة السورية المجيدة
ندعوا لكم بالنصر والثبات على العلوى الشيعى بشار الفأر وزبانيته
لا تبقوا منهم أحداً
دافعوا بكل قوتكم عن أعراضكم عن أموالكم عن أبنائكم ونسائكم
أصمدوا وصابروا وأبشروا بنصر الله
قلوبنا معكم أيها الأحرار

ونعتذر عن تخاذلنا فى نصرتكم
فحالكم مثل حال الذبيحة فلسطين
تذبحون وتعانون وحدكم والعرب
والحكام نيام فى المكيفات
لكم النصر بعون الله

للاعضاء في منتديات بنات مصر ؟
أحترم الكثير منكم وأقدره
وأحبكم جميعاً
وأتمنى لكم الخير دوماً

اشكرك اخي لقبول طلبنا
نتشرف بك

الشكر ليك أخى الحبيب خالد
وشرف لى أن أكون أحد ضيوفك [/SI
ZE]







 
قديم منذ /04-27-2012, 07:08 PM   #2

 

 رقم العضوية : 50632
 تاريخ التسجيل : Jun 2010
 الجنس : ~ رجل
 المكان : مصر حبيبتي
 المشاركات : 39,419
 الحكمة المفضلة : ان فعلت شىء يسعد غيرك فلا تحزن ولا تنتظر المقابل لصنعك
 النقاط : ساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond repute
 درجة التقييم : 1787334
 قوة التقييم : 894

ساحر الأحزان غير متواجد حالياً

 

 

 

 

 

أوسمة العضو
افتراضي

حلقة جميلة خالد مع كنج

صاحب القلم المميز

وتكلم فى الموضوع بطريقة متزنة وواعية

والمرشحون كثيرون

ولكن نتمنى ان يصل من يستحق

لان مصلحة الوطن اهم شىء لنا

تحياتى لكم

على تلك الحلقة المميزة







 
قديم منذ /04-27-2012, 07:19 PM   #3

مشرفة قسم آدم سابقا

 

 رقم العضوية : 32154
 تاريخ التسجيل : Oct 2009
 الجنس : ~ أنثى
 المشاركات : 8,068
 النقاط : ملكة الهدوء has a reputation beyond reputeملكة الهدوء has a reputation beyond reputeملكة الهدوء has a reputation beyond reputeملكة الهدوء has a reputation beyond reputeملكة الهدوء has a reputation beyond reputeملكة الهدوء has a reputation beyond reputeملكة الهدوء has a reputation beyond reputeملكة الهدوء has a reputation beyond reputeملكة الهدوء has a reputation beyond reputeملكة الهدوء has a reputation beyond reputeملكة الهدوء has a reputation beyond repute
 درجة التقييم : 34702
 قوة التقييم : 18

ملكة الهدوء غير متواجد حالياً

أوسمة العضو
افتراضي

حلقه جميله اوى

وضيف جميل واجااته اجمل

يسلموا الايادى

وبنتظار المزيد من حللقاتك







 
قديم منذ /04-27-2012, 07:20 PM   #4

عضو ذهبي

 

 رقم العضوية : 832
 تاريخ التسجيل : Mar 2008
 العمر : 31
 الجنس : ~ أنثى
 المكان : cairo
 المشاركات : 1,965
 الحكمة المفضلة : قال شكسبير : عندما تبكي المرأة تتحطم مقاومة الرجل .
 النقاط : سهرالليالى will become famous soon enough
 درجة التقييم : 60
 قوة التقييم : 0

سهرالليالى غير متواجد حالياً

أوسمة العضو
افتراضي

ما شاء الله
استاذ محمد حماسى جدا و متميز
كمان مثقف و على درايه باهم اسباب الثورات
اراء جميله و منيقه عن مرشحى الرئاسه
بجد حلو جدا
استاذ خالد
طريقة رائعه فى الطرح و الاستفسارات
تقبل خالص مرورى
ودى و تقديرى و احترامى







 
قديم منذ /04-27-2012, 08:35 PM   #5

نائب ادارى سابقا
 

 رقم العضوية : 73695
 تاريخ التسجيل : Aug 2011
 العمر : 25
 الجنس : ~ بنوتة
 المكان : مصر
 المشاركات : 31,942
 الحكمة المفضلة : Caring tires me , So .. I WONT care
 النقاط : Lost Pearl has a reputation beyond reputeLost Pearl has a reputation beyond reputeLost Pearl has a reputation beyond reputeLost Pearl has a reputation beyond reputeLost Pearl has a reputation beyond reputeLost Pearl has a reputation beyond reputeLost Pearl has a reputation beyond reputeLost Pearl has a reputation beyond reputeLost Pearl has a reputation beyond reputeLost Pearl has a reputation beyond reputeLost Pearl has a reputation beyond repute
 درجة التقييم : 2321329
 قوة التقييم : 1161

Lost Pearl غير متواجد حالياً

أوسمة العضو
افتراضي

حلقة حلوة اوي بجد

محمد منور اكيد و وجهة نظر جميلة و تحترم

تسلم و ربنا يوفقك دايما

و عجبني تحليلك لموقف الشيخ خازم ابو اسماعيل

و للأسف اللجنة رجعت احمد شفيق بعد ما هم بنفسهم كانوا شالوه

ربنا يستر و الانتخابات مش تتزور بقي لأن الوضع مابقاش تمام

تسلم يا خالد علي جهدك

و ف انتظار الحلقات الجاية







 
قديم منذ /04-27-2012, 08:54 PM   #6

http://up2.banatmisr.com//uploads/images/banat-d30071fdfc.gif

مشرفة سابقة

 

 رقم العضوية : 23348
 تاريخ التسجيل : Jun 2009
 العمر : 27
 الجنس : ~ أنثى
 المكان : ام الدنيا
 المشاركات : 21,800
 الحكمة المفضلة : - المصيبة ليس في ظلم الأشرار بل في صمت الأخيار.
 النقاط : همسه الجوارح has a reputation beyond reputeهمسه الجوارح has a reputation beyond reputeهمسه الجوارح has a reputation beyond reputeهمسه الجوارح has a reputation beyond reputeهمسه الجوارح has a reputation beyond reputeهمسه الجوارح has a reputation beyond reputeهمسه الجوارح has a reputation beyond reputeهمسه الجوارح has a reputation beyond reputeهمسه الجوارح has a reputation beyond reputeهمسه الجوارح has a reputation beyond reputeهمسه الجوارح has a reputation beyond repute
 درجة التقييم : 161525
 قوة التقييم : 81

همسه الجوارح غير متواجد حالياً

أوسمة العضو
افتراضي

تجمع نجمين من سماء المنتدى
اخونا محمد بارائه وافكار المتميزه
وثقافته العاليه
والنجم الجميل خاد البنا
منورنا باجمل الحلقات
احترامى للجميع







 
قديم منذ /04-27-2012, 09:57 PM   #7

الإدارة العامة سابقا

 

 رقم العضوية : 55979
 تاريخ التسجيل : Oct 2010
 الجنس : ~ أنثى
 المكان : مصـــــــــر
 المشاركات : 74,331
 الحكمة المفضلة : وما من كاتب إلا سيبلى ...ويبقي الدهر ما كتبت يداه فلا تكتب بكفك غير شيء...يسرك في القيامة أن تراه
 النقاط : دمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond repute
 درجة التقييم : 14967105
 قوة التقييم : 7484

دمعه حائره غير متواجد حالياً

 

 

 

 

 

MY MmS

أوسمة العضو
افتراضي

حلقه جميله ونورت البرنامج اخى محمد
ووجهة نظرك تحترم اكيد
وربنا يولى من يصلح
موفقين دايما اخوانى







 
قديم منذ /04-28-2012, 12:31 AM   #8

مشرفة همس القوافي سابقا

ღقلـــم ينــزف الاحساسღ

 

 رقم العضوية : 28854
 تاريخ التسجيل : Aug 2009
 الجنس : ~ أنثى
 المكان : قلب العراق
 المشاركات : 6,534
 الحكمة المفضلة : أن دعتك قدرتك يوماً على ظلم الناس فتذكر قدره الله عليك
 النقاط : مهندسه بغداد has a reputation beyond reputeمهندسه بغداد has a reputation beyond reputeمهندسه بغداد has a reputation beyond reputeمهندسه بغداد has a reputation beyond reputeمهندسه بغداد has a reputation beyond reputeمهندسه بغداد has a reputation beyond reputeمهندسه بغداد has a reputation beyond reputeمهندسه بغداد has a reputation beyond reputeمهندسه بغداد has a reputation beyond reputeمهندسه بغداد has a reputation beyond reputeمهندسه بغداد has a reputation beyond repute
 درجة التقييم : 22177
 قوة التقييم : 12

مهندسه بغداد غير متواجد حالياً

أوسمة العضو
افتراضي

أخي الفاضل

خالد حلقه رائعه

وانت وضيفك

كُنتم في غايه الروعه

تقبلوا تواجدي

تحيتي







 
قديم منذ /04-28-2012, 01:15 AM   #9

مشرفة الاسلاميات والمكتبات سابقا

نور الإيمان

 

 رقم العضوية : 76161
 تاريخ التسجيل : Oct 2011
 الجنس : ~ أنثى
 المشاركات : 9,116
 الحكمة المفضلة : متى أقحطت العين من البكاء من خشية الله ، فاعلم أن قحطها من قسوة القلب
 النقاط : سارية فى درب الرسول has a reputation beyond reputeسارية فى درب الرسول has a reputation beyond reputeسارية فى درب الرسول has a reputation beyond reputeسارية فى درب الرسول has a reputation beyond reputeسارية فى درب الرسول has a reputation beyond reputeسارية فى درب الرسول has a reputation beyond reputeسارية فى درب الرسول has a reputation beyond reputeسارية فى درب الرسول has a reputation beyond reputeسارية فى درب الرسول has a reputation beyond reputeسارية فى درب الرسول has a reputation beyond reputeسارية فى درب الرسول has a reputation beyond repute
 درجة التقييم : 59626
 قوة التقييم : 30

سارية فى درب الرسول غير متواجد حالياً

أوسمة العضو
افتراضي



هل أنت مع إلغاء معاهدة ( السلام ) مع إسرائيل ؟
بصراحة وبكل صدق وبقلب خالص لله نفسى
نفسى نلغيها فعلا ونجهز نفسنا ونزحف
للقدس حتى لو موتنا نموت على أعتابها
وده مش كلام شعارات والله يا خالد
وصدقنى ملايين المصريين يتمنوها وغيرنا
كتير من الشعوب العربيه برضه يتمنوها

**********

نعم اخى جميعنا نتمناها ونتمنى ان تحدث الصحوه الجهاديه
يكفى خذلان وانكسار طول تلك الحقبه الزمنيه التى قضيناها
بعدين عن الدفاع عن ارضنا فالقدس ارض لجميع المسلمين بل اارض الاديان السماويه وندعوا الله ان يحيينا حتى نرى اقصنا حرا

اخى مسك الشهاده

حلقه وحوار رائع جدا وكعادتك تحسن اختيار الاسئله

والاخ كينج من الاعضاء الذين ييملكون احترام جميع الاعضاء
وصاحب قلم وفكر جميعنا نحترمه ونقدره

حياكم الله بكل خير وبارك فيكم







 
قديم منذ /04-28-2012, 01:39 AM   #10

مشرفة الحياة الزوجية سابقا

هبه الله

 

 رقم العضوية : 46313
 تاريخ التسجيل : Apr 2010
 الجنس : ~ بنوتة
 المكان : مصر حببتى يارب احفظها وأجعلها دائما بلدا أمنا وارزقها الاصلاح والفلاح يأرحم الراحمين
 المشاركات : 13,662
 الحكمة المفضلة : (ليس على المريض حرج ؟؟؟ )
 النقاط : عاشقة الهدوء has a reputation beyond reputeعاشقة الهدوء has a reputation beyond reputeعاشقة الهدوء has a reputation beyond reputeعاشقة الهدوء has a reputation beyond reputeعاشقة الهدوء has a reputation beyond reputeعاشقة الهدوء has a reputation beyond reputeعاشقة الهدوء has a reputation beyond reputeعاشقة الهدوء has a reputation beyond reputeعاشقة الهدوء has a reputation beyond reputeعاشقة الهدوء has a reputation beyond reputeعاشقة الهدوء has a reputation beyond repute
 درجة التقييم : 3208520
 قوة التقييم : 1605

عاشقة الهدوء غير متواجد حالياً

أوسمة العضو
افتراضي

الله ينور ياخااالد بجد حلقه ممتازه وراااائعه بكل المقااييس

حورا متألق منك وضيف غنى عن التعريف الآخ الغالى محمد

أسعدتنا وشرفتنا حقااا بأجابتك الواعيه والمتزنه والصااائبه والقيمه

وأعجبنى ردك الرااائع والمتميز على هذا السؤااال بالتحديد

كيف تفسر الفوز الكبير الذي حققه الإسلاميون
في الإنتخابات البرلمانية السابقة ؟
فى الحقيقة يا خالد بلاش نقول إسلاميون لأن
كلنا مسلمين بس توجهتنا مختلفه
فخلينا نقول التيار الإسلامى زى ما الكل بيسميه
فأنا مش حقولك فوز انا بقول أكتساح لأن ده المسمى الطبيعى للى حصل
وده لأسباب كتيره على فكرة
أهمها أن فى قدرة كبيرة جدا على الجمع والحشد والتنظيم

غير كده ليهم قاعدة عريضة فى المجتمع المصرى

والشعب المصرى بطبعه بيميل للتدين

بجد أسعدتونا بحواركم المتألق خالد ومحمد ربنا يبارك فيكم أخوتى

ويحفظكم ويكثر من أمثالكم اللهم أمين ولا أزكيكم على الخااالق

تسلم على الدعوه الراقيه ياخالد ومتميز داائما لكما أحتراامى وأجمل تقييم







 
 

الكلمات الدلالية (Tags)
المتألق, برنامج, حلقة, جديدة, kinglion, وجهة, نظر


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
حلقة جديدة من برنامج وجهة نظر مع المتألقة بنت قطر مِسكُ الشَهادة أرشيف برامج اليوميات 22 08-13-2012 10:51 AM
حلقة جديدة من برنامج ((( من القاهرة ))) مع المتألق ((( game010))) مِسكُ الشَهادة قسم مناقشة المواضيع المتداوله والمنقوله 7 11-19-2011 07:10 PM
حلقة جديدة من برنامج ((( شخصية وموقف ))) مع المتألق (((SilveR SnipeR ))) مِسكُ الشَهادة منتدى الشخصيات التاريخيه 22 11-18-2011 01:16 AM
حلقة جديدة من برنامج ( من القاهرة ) مع المتألق ( كبرياء رجل ) مِسكُ الشَهادة قسم مناقشة المواضيع المتداوله والمنقوله 14 11-17-2011 11:19 PM


الساعة الآن 06:28 AM


Powered by vBulletin® Version 3.8.7
Copyright ©2000 - 2019, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w