آنتـمـآئي لـ / بنـآت مصــر ..~

[♥..pure]

الســلآم عـليكم ورحمه الله وبــركــآته
صبــآحكم / مسـآءكم ..} صــحــرا :biggrin:
بصــراحه حـآجه تحـزن والله .. اللي احنــآ فيه دا نسميهـ ايه !! اتحسدنـآ طيب ولا ايه
مش عـآرفه ابتدي منين .. بس يلأ زي مـآ تيجي تيجي ,!
هتكلم عن نفسي .. وتعتبـر نوع من الفضفضة ..~
يــوم مـآ سجلت عـالمنتدى دا مكنتش متحمسة نهـآئي ,
حتى انـآ سجلت ف اكتــوبـر , وبدأت ف تفـآعلي بعدهـآ بشهر ولا حـآجه :/
عـآلم تـآني غريب آنت مش عارفه >> إذا كنت اول مرهـ تسجل ف منتديـآت يعني ,,
فـ البداية , جذبتني مسـآبقـآت طـآرق .. وكنت متحمسه ليهـآ جدا ف البدايه ..
اعتقد اني كملت الـ 100 مشـآركه عشـآن اعرف ابعتله الرسـآله مش اكتر,,
بعدهـآ جذبتني المواضيع والآفكـآر والنقـآشــآت وحـآجه اهم من دا كله وصعب انك تلاقيها ف اي مكـآن
وهي الروح اللي موجودهـ بين الآعضـآء , كميه وفـآء وأخلاص وود وحب , ماشاء الله
استغــربت جدا علفكرهـ , > حتى اتذكر اني سـآلت نور قولتلهـآ
هو انتو تعرفوا بعض !! او شوفتوا بعض قبــل كدا !!
واتفـآجئت انهـآ بتقولي ان معظم الأعضـآء معاملتهم فقط هي المنتدى وليس الخـآص او الميل او الموبيل !!
قولت معقوله في ترابط للدرجه دي ! انهم يشـآركوا بعض ويفرحوا لبعض ويحزنوا لبعض وهما مش عارفين بعض !!
فضولي آخدني آني اتوغــل داخل المكـآن واكون واحدهـ منهم ,
فعلا لقيت نفسي بتشد ليه بطريقه غريبه ,, وممكن أحطه ضمن أولويــآت في حيـآتي ,,
مرت اسـآبيع وشهـور وسنين وانـآ جوا المكـآن دا ,
حصلت مشـآكل كتيــر كـآنت تؤهلني أني اسيبه وابعد عنه ! على رأي المثل @ الباب اللي يجيلك منه الريح سدهـ واستريح !!
بس لقيت نفسي مش عـآرفه اسيبه >> ودا يدل على قمه الوفاء والاخلاص اللي لقيتهم هنا
وان مستحيــل مهمـآ كان الاقيه ف مكـآن تاني ,,
اهـ فعلا دي ناس معرفهـآش ومعرفش اذا كانوا بيخدعوني ولا لأ !! عشـآن دا ورا شـآشه ومعرفش هل دا حقيقه ولا خداع
بجد السنين اللي قعدتهم فيه اكتشفت ف نفسي حـآجـآت كتير مكنتش ظـآهرهـ
بعمل اللي اقدر عليهـ عشـآن ادي احسن مـآ عندي @!
انــآ حبيت المكـآن دا , وبحب النـآس اللي فيه بحلوهم ومرهم !!
مستحيــل أقــدر اخرج براهـ وادي مجهوداتي لموقع تـآني مهمـآ كانت المغريـآت !!
المفروض ان كل واحد عـآرف يعني آيه انتمـآء !!
انت دخلت مكـآن وبينك وبين النآس اللي موجودهـ عشرهـ وفرح وحزن ومشاركات .. الخ
ليه تسيبهم وتروح تبتدي من آول السطـر ف موقع آخــر ! سؤال نفسي حد يجـآوبني عليه !!
لسه عـآيز تعمل علاقـآت جديدهـ وتبني اسمك من اول وجديد !!
ولآ يمكن السلم جـآلك من اخرهـ ! اكيد فـآهمين معنى الجمله دي ,,
انــآ عندي انتمـآء كـآمل لبنـآت مصر ..
ومستحيـل ادي مجهودي لموقع تـآني حتى الفيس ..
لما بنزل عليه خواطري بكون حريصه اني انزلها الآول عالمنتدى
وبعدين احطها عالفيس عشان الاولوليه تكون لبنـآت مصر .. ~ مهمـآ كان لونك , اخضر . برتقالي , ازرق .... لحد الآحمــر !
ليه تضحي بمجهود عملته نـآس اتعرفت عليها وحبيتها , ليه تضحي بمعزتك دي .. ليه !!
ف مسأله الانتمـآء >> اقدر أقول ان المبـآدئ مبتتجزأش ,,
يعني لو معندكش انتمـآء لمنتداكـ ,
مش هيبقا عندكـ انتمـآء لبلدكـ ولا لأهلك ولا لدينك ولا حتى لحبيبك على رأي حنون :d!!
دا من وجهه نظري الخـآصه >.. !
بجد كـآن نفسي أوصل رأيي الخـآص للنـآس اللي هي عارفه نفسهـآ يعني :biggrin:
وكمـآن يكون تشجيع للنـآس اللي معانـآ ,,
يـآريت يكون عندكم انتمـآء فعلا للموقع دا ,,
معلش طولت عليكم ,
وعايزه اختم بحـآجه كدا أفكركم بيها ,,
صورتهـآ بالصدفه اخر يوم ف المنتدى قبل ما اللينك يتغير
عاوزاكم تشوفوا الفرق وتفتكروا ايـآم زمـآن الحلوهـ :biggrin:





ودي صورهـ لآول ما دخلت واللينك كان متغير :biggrin:




تحيــآتي يـ اعز النـآس

[SplendiD SouL]

مادا اللي بقوله في توبيك المشرفين والله ومفيش اي انتماء سجل براحتك بس مش تسرق
نفس فكرة التوبيك ياغشاشه :P
فعلا مفيش اي انتماء وناس مش فاكره اي ذكري حلوه
انا كمان عندي صوره واخدها كنت لوحدي في المنتدي
فالتحيا مصر يابنتي :biggrin:

[♥..pure]

اقتباس المشاركة الأصلية كتبت بواسطة Beauty Soul مادا اللي بقوله في توبيك المشرفين والله ومفيش اي انتماء سجل براحتك بس مش تسرق نفس فكرة التوبيك ياغشاشه :P فعلا مفيش اي انتماء وناس مش فاكره اي ذكري حلوه انا كمان عندي صوره واخدها كنت لوحدي في المنتدي فالتحيا مصر يابنتي :biggrin:

هههههههه
احد احد :d
لأ واللهـ انا وصلي آخبــآر تحزن ان في نـآس راحت منتديـآت تـآنيه
ودا طبعـآ آثــر بالسلب عالتواجد هنـآ .
بس عامة في كمه واحدهـ تتقـآل , انهم " معندهومش آصــل " ..
وللعلم ان الناس دي اصحآبهم بس بجد نزلوا من نظري جدا ,
تحيـآتي لكم بردو
منوراني يـ ايمي

[Lαzєzα]

هعيط كده :d
وبعدين انتى بتحدفى كلام ع مين؟هاه؟ :d
اصلى ى فارما انتى )

[♥..pure]

اقتباس المشاركة الأصلية كتبت بواسطة Lαzєzα هعيط كده :d وبعدين انتى بتحدفى كلام ع مين؟هاه؟ :d اصلى ى فارما انتى )

هههههههه
سبيني يابنتي دا انـآ مقهورهـ والله العظيم
اركن يا عم ابراهيم على جمب :biggrin:
منورهـ يـ بــآشــآ

[مشتاقه للجنه]

اقتباس ولآ يمكن السلم جـآلك من اخرهـ ! اكيد فـآهمين معنى الجمله دي ,,

شكل السلم جالك من الآخر :d

على العموم يا فآرما المصرين عندهم أنتماء
الا قله منهم شارده ودوول لا أنتماء لهم أصلا
وزى ما بيقول المثل الشده بتظهر معادن البشر
ويارب يعود المنتدى كما عهدناه سابقا

[كبرياء رجل]

فارما موضوع مميز
واكيد اي عضو بيخرج لمكان تاني
فهو بيلاقي نفسه مقدرش يتاقلم في الجو ده
حد داخل يعمل علاقات مش يطرح مواضيع ويناقش بطريقه حلوه
ويبقى في ود وتحاب من الجميع
بس في الحدود
بجد قلبتي علينا المواجع بسبب تصوريك للمتواجداين اﻻن
حاجه فعلا تحزن
لما كان الواحد يلاقي المتواجدين اﻻن عدد كان كبير
خاصه الزوار تلاقي في القسم 40 او 50 زائر
دلوقتي لما بيبقى في 3 بيبقى كويس
ان شاء الله المنتدى هيبقى احسن من اﻻول
والناس هترجع تاني
بعد التظبيط كله هيرجع
شكرا على الموضوع فارما
تحياتي لكي

[тoкα..♥]

آنـآ كنت من آلزوآر آلـ 9 دول عشآن كنت فون .. فـآكرة ؟ ههههههههههههه
موضوع جميل ي فوفتي بجد
هجبلك كوبي بقآ من ردي ف توبيك آيمآن عشآن هقول نفس آلكلآم ومعنديش غيرو آقولو آكـيد
آمـسكي كدآ

اقتباس صعب آنسب كل آلنجآحآت آللي وصلتلهآ ف بنآت مصر لـ آي آسم تآني يعني آلمنتدى هنآ ليه آلفضل آلآول وآلآخير في آني آفهم يعني آي منتدى لآنو كآن آول منتدى آسجل فيه وآتفآعل دآنآ لمآ دخلت مكنتش بعرف آزآي آعمل موضوع جديد وآلله ) وبدآت من آلصفر وعرفت كل حآجآ هنآ .. فوتو , فلآش , تنسيق , خوآطر كل حآجآ بمعنى آلكلمه يعني وآكـيد آنتمـآئي ليه بيحتم عليآ آني مش هقدر آدي نفس آلجهد وآلنشآط آللي بديه هنآ فآ آللي رآح مكآن تآني ربنآ يوفقه آكـيد .. بس مش هيلآقي زينآ تآني )

تسلمي ي حبيبي
ويدوم وجودك معآنآ ي رب

[ياسمينااا]

كلام يوجع والله يا فارما
انا مش فاهمه والله ليه بيسيبو المنتدي هنا
ويروحو يشتركو في منتديات تانيه
رغم ان المنتدي هنا اداهم كتير
علمهم واستفادو منه كتير
ليه يسيبوه دلوقتي
المفروض كل واحد ذي ما انتي قلتي يبقي عنده انتماء
وحب ووفاء للمكان اللي قضي فيه وقت كتير واتعلم منه كتير
والله الصوره للمتواجدين الان
بجد حاجه صعبه وتحزن جامد
وان شاء الله المنتدي يرجع ذي الاول
والاعضاء كلهم يرجعو تاني باذن الله

[booody99]

موضوعك رائع أكيد وكلامك بيحصل معانا كلنا

لكن ليه مش نسأل نفسنا ليه بيسيبوا المنتدى ويشوفوا منتدى تاني؟ يعني العيب فينا ولا فيهم؟

أظن الأجابات عديدة ولكن الكل يحتفظ بالإجابة لنفسه

سلمت الأيادي على الطرح الرائع

كل الأحترام والتقدير