انا المرشح الاوفر حظا فى انتخابات الرئاسة

[ساحر الأحزان]

الايام دى بتمر علينا ملتهبة مع التهاب حرارة الجو ودخول الصيف

وفية الى بيكون فى حرارة الجو وفية. الى تحت المكيفات والمرواح

على شان ترطب علية الجو على شان ميخرجش ؟من هدومة بحجة

حرارة الجو ما علينا يمكن دى مقدمة بسيطة للمرحلة الحاسمة لينا

كلنا على شان مرحلة البناء والتطوير؛ الى كلنا بنبص ليها مرحلة الاحلام واليقظة الاحلام الى حلمنا بيها وبننتظر اليوم الى حتحقق
فية وتكون حقيقة ملموسة لكل فئات الشعب الى جرجة زاد,
بزيادة ومحتاج لتضميد جروحة وبعد استبعاد عدد من المرشحين
ودلوقتى فى التصفية عدد محدود غير الاول وكل مرشح بيلف//

على محافظات الجمهورية هو وانصارة وبيعرض برنامجة الانتخابى

على فئات الشعب فى الاماكن الى بيروحها انا حعمل وحعمل
حجوز كل عريس وعروسة وحجيب شقة والخبز حيتوفر
وحشغل كل الشباب وكتير هو الكلام وكتيرة هى الاحلام
واحنا كشعب بتغلب علية العاطفة اكتر من تحكيم العقل لان تحكيم
العقل مطلوب وخصوصا فى القرارات الحاسمة الى بتتوقف عليها مصلحة الوطن وهو فى اهم الاعتبارات الوطن لو خف وقام ووقف على رجلة فدة بايدينا كلنا لان ايد واحدة متصقفش

ما هى المواصفات المطلوبة فى انك بتعطى المرشح دة صوتك؟
هل دة بيعود فى المقام الاول الى تاريخة السياسى فى حياتة؟
يعنى مواقفة الى فاتت ونضالة

ولا بسبب برنامجة الانتخابى الى بيعرضة علينا؟

ولا بسبب الشعارات الى بتخرج علينا كل يوم

فحكم عقلك قبل ما تعطى صوتك واختار المرشح الى حيكون
وسيلة فى نهوض مصر وسبب معانا فى وقوفها

على رجليها مرة تانية وكفاية لحد كدة الوضع الى احنا فية

والفرصة قدامك متاحة بكامل حريتك من غير ضغوط عليك

تحياتى لكم

[فداااااااااااء]

انه موضوع هام جدا ساحر الاحزان وقد اصبت فيما نريد ان يفهمه الجميع

ان اكثر شيء يشعرنى بالضيق الان هو عدم وعى الكثير من الناس بأمور التلاعب فى الالفاظ والوعود من بعض المرشحين

عندما استمع الى مرشح يتلو علينا قصيده من كفاح سوف يحدثه وتطورات تجعلنا نعيش فى رغد ورفاهيه وكأنه يتكلم مع افراد ليس منهم من يعرف امور السياسه ومطلع على الاقتصاد
الرئيس القادم لا اريد منه وعود بل اريد ان يتحدث عن واقع تعيشه الدوله ووفق هذا الوضع سيحاول ان يبذل جهده للاصلاح فى حدود المعقول وليس اغراقنا فى بئر الاحلام كما فعل السابقين لنكتشف بعد ذاك تدهور الامور اكثر من السابق وهذه المرة لن ينفع الندم
فاليحكم الجميع العقل وبلاش شعارات كاذبه والصاق تهم فارغه على الاخرين

شكرا على الطرح الراقى ساحر الاحزان

[ساحر الأحزان]

اقتباس المشاركة الأصلية كتبت بواسطة فداااااااااااء انه موضوع هام جدا ساحر الاحزان وقد اصبت فيما نريد ان يفهمه الجميع ان اكثر شيء يشعرنى بالضيق الان هو عدم وعى الكثير من الناس بأمور التلاعب فى الالفاظ والوعود من بعض المرشحين عندما استمع الى مرشح يتلو علينا قصيده من كفاح سوف يحدثه وتطورات تجعلنا نعيش فى رغد ورفاهيه وكأنه يتكلم مع افراد ليس منهم من يعرف امور السياسه ومطلع على الاقتصاد الرئيس القادم لا اريد منه وعود بل اريد ان يتحدث عن واقع تعيشه الدوله ووفق هذا الوضع سيحاول ان يبذل جهده للاصلاح فى حدود المعقول وليس اغراقنا فى بئر الاحلام كما فعل السابقين لنكتشف بعد ذاك تدهور الامور اكثر من السابق وهذه المرة لن ينفع الندم فاليحكم الجميع العقل وبلاش شعارات كاذبه والصاق تهم فارغه على الاخرين شكرا على الطرح الراقى ساحر الاحزان

العقل مطلوب للحكم

وبلاش تكون الشعارات هى الفيصل

اسعدنى مرورك فداء بجميل ردك

تحياتى

[دمعه حائره]

المطلوب من الرئيس الجديد انه يكون عنده ضمير
انسان عاقل عنده خبره سياسيه كبيره
مش يتهور بقرارات تودى شعبه للدمار
اكيد لازم نقرا البرامج الانتخابيه بتاعتهم كويس
ونجمع معلومات كتير عنهم لحد مانوصل لقرارا صح
وربنا يولى من يصلح
موضوع جميل اخى
موفق دايما

[الأميرة رودي]

فعلا ياساحر مصر دالوقتى محتاجه رجل حكيم وسياسي محنك
والاهم من كده يكون عنده ضمير
الايام دي كل يوم بنسمع برامج للمرشحين
وكل واحد تسمع منه البرنامج بتاعه يحسسك انه هو المناسب للمنصب ف الفتره دي
وان مفيش غيره يصلح ..
والمشكله هنا فى الفئه البسيطه او المحدوده فكريا واللى بتغلب عليها العاطفيه اكتر من العقل
والوعى بالامور السياسيه والمشكله كمان انهم الآغلبيه ..
لكنى اعتقد برده ان الناس بقت فى وعى اكتر من الاول ..
واللى حصل معاهم فى انتخابات مجلس الشعب مش هيتكرر ولآ هتغلب عليهم العاطفه مره أخرى.
واتمنى كده فعلا فى الشعب المصرى الفتره الصعبه دي...
المره دي ولآول مره من 30 سنه بنختار رئيس للجمهوريه يتولى أمورنا .بدون تزوير ولآ لعب ف الاوراق
ونتمنى من الله ان يصلح احوالنا وأحوال بلدنا ونكون معاه لحد مامصر تسترد ريادتها ومكانتها مره تانيه..

موضوع مهم ياساحر وطرح رائـع منك
أحييك عليه

[פﭠة ﺳگـړُھَہّ]

المشكله ان كلو كلام احنا بنسمع فلان وفلان وفلان كل واحد بيقول البرنانمج بتاعه وكل واحد ليه مستشارينه اللى بيقلولو يعمل اى علشان يقدر يفوز فى المعركه الانتخابيه
مش عيب ان الانسان يكون ليه مستشارين ويسألهم ويستفسر منهم لكن العيب انه يقول انه عارف وفاهم وهو مش عارف بالفعل
مصر بتمر بوقت صعب جدا فى اللى تايه واللى مش قادر ياخد قرار وفى اللى بيحاول يفهم وفى اللى بيقول انا هشوف فلان هيدى لصوته لمين وانا هعمل زيو

بس الصوت امانه هتتحاسب عليه لان بصوتنا هندى لواحد منصب يقودنا كلنا

يارب ولى علينا من يصلح

شكرا ليك ساحر على طرح الموضوع

[Words Whisper]

مش مهم أنا عايزة مين وغيري عايز مين

المهم يكون الاختيار ده له أسس

وبتفكير منطقي

وليس انسياقا وراء شعارات أو عواطف أو أحزاب

وأيا كان من سينجح

سأحترمه وأرضى به

مادام هي دي الإرادة الشعبية

الديمقراطية = احترام رأي الأغلبية من الشعب و الرضا به

والمفروض ده يكون رد فعلنا كلنا حتى لو خسر مرشحنا ..

موضوع قيم

تسلم

دمت بحفظ الرحمن ..

[ساحر الأحزان]

اقتباس المشاركة الأصلية كتبت بواسطة دمعه حائره المطلوب من الرئيس الجديد انه يكون عنده ضمير انسان عاقل عنده خبره سياسيه كبيره مش يتهور بقرارات تودى شعبه للدمار اكيد لازم نقرا البرامج الانتخابيه بتاعتهم كويس ونجمع معلومات كتير عنهم لحد مانوصل لقرارا صح وربنا يولى من يصلح موضوع جميل اخى موفق دايما

المهم فى الاختيار

اننا نحكم عقلنا

ونحسن الاختيار

اشكر لكى جميل مرورك

وحسن اهتمامك

تحياتى

[همسه الجوارح]

ان شاء الله هنختار الافضل
ويقدر يواجه الموجه العاليه
والاحداث السريعه
ويرتقى بمستقبل مصر
مشكور اختى
وفى انتظار المزيد

[aNa MaSrY]

:بالنسبه ليا
ف المقام الاول : سماته الشخصيه ونضاله الوطنى
ف المقام التانى : برنامجه الانتخابى
الذى لابد ان يشتمل على
1 الحريه التى يريدهاا الشعب المصرى
2 العداله الاجتماعيه التى ستجعل الجميع يحيا سعداء
2 الكرامه الانسانيه التى افتدقدها المصريين طيله الثلاثون عام الماضيه
ثالثا واخيرا
الاتجاه السياسي للمرشح

لذا قررت ان ارشح السيد حمدين صباحى
لأنى وجدت فيه ما اريد