مطلوب رئيس(قصيدة جماعية لقسم الابداعات)

[دمعه حائره]

مطلوب رئيس مطلوب رئيس في الحق جبار صوته أعلي من قولة لاء بإنكسار عنده كرامة متتوزنش ولا تترهنش علي قرار عينه علي مصر وأمنها بيحبها عاشق لها وولادها نوارة الأمل ليهم مكان عايزين رئيس عكس اللي كان جدع شهم دمه حر أبن بلد أصيل مش خرع ودهل عينه مليانة لابيطاطي ولا بيخر كرامتة من كرامة أقل مصري وراسه مرفوعه علي الكل مصر عنده فوق الكل ميكونش خلصان بيمد رجل والتانية تقوله حرام ده السكر هلكني والضغط بهدلني والمستخبي كمان لاشاب متهور ولا شايب متعور ولا جي من قندهار مطلوب رئيس عارف قيمة مصر واهلها لايجى يوم يسرقها وينهب خيرارضها مطلوب رئيس مننا عارف ايه مطالبنا واذاى يداوى جرحنا مطلوب رئيس يكون واحد مننا مطلوب رئيس يحس بجوعنا وهمنا ياخد حقوقنا من الديابة المسعورين ويحبنا مطلوب رئيس يكون فى عهدة عزنا يقدر يحافظ على كرامتنا ومجدنا مطلوب رئيس عالم فقية يقدر يحررارضنا من الى باعو دمنا بأرخص تمن مطـلـوب رئيس مفيش فروق لا بين غنى ولا بين فقير وآحد مننا ويكـون بيحبنـآ مطـلـوب رئيس يدينا حقوقنـآ وميسرقناش يحـكم بينا وميظلمناش يخـآف علينا وميخدعنـآش مطلوب رئيس يكـون زيى الرسول يدق كـل الابواب ويسـآل عن كـل الناس فى حد عاطـل ولا خلاص سـآعتهـآ بس والله العظيم هينوبه ثواب والشعب يزعل فعلآ لـو يـوم غـآب عـآيـزين رئيس يكـون حسيس ميقعدشى يبنى فى قصور والشعب عايش فى جحور عايزين رئيس يحب مصر وبيخاف عليها ويحميها بجد وتبقى معاه أقوى وأحلى ويبنى ويعمر فيها ويعليها لسابع سما مش يوطيها لسابع أرض مطلوب رئيس جمهورية مُحنك في العقل حكيم في العدل أمين تكوان المنهج للصالحين مُهيم علي منهج رسول الله وعلي التراث القديم واحد مننا فريد يعرف معنى الوطن العظيم مطلوب رئيس بحكمته يعلا الوطن يحترم حلف اليمين يكون بسيط ويكون امين ويكون لبلادنا حارس امين رئيس يحس بشعبه فقير كان او مسكين يرجع مصر الحديثة زى ما كانت من سنين يحيى امة مغمور بجهل عتم حياة ملايين يعيش شعبه عزيز يكون ربه هو المعين مش يستنى المعونة من ارض الغدارين رئيس سياسه مش متشدد بالدين عينه علي الوطن بألف عين عادل عالم ان الكل سواسية من طين لا يبيت شاب قال لأ سجين ولا ينزل دمعة ام ويبيت اب حزين مطلوب رئيس بيخاف ربنا عن يقين عارف إنه شايفه في كل حركة شمال كانت او يمين مش مخاوي مصلحتة ولا راسم علي جبينه حكايتة وكدبه فاح وظلمه صاح من جبروتة وجوع بدايتة وشهوة الإنتقام مطلوب رئيس علي مية بيضا بجد شريف بجد نضيف طبيعي مش مغسول بالصابون والليف رئيس حقيقي مش تزييف لاصفقة عملتة ولا فرقة جابتة ولا ريري ولا زيزي ولا شعبولا ولا ابو الليف مطلوب رئيس عالم وفاهم القضيه مايكون غرضه كرسى ومنصب وغيه مايبيع بلاده وبيه تكون بلدنا عفيه وونكون معاه تحت راية بلدنا القويه والف صرخه فى وش العدو واى كلمه راضيه وبايده هنكمل سوا المشوار ونكون لكل الامه احسن هديه عايزين رئيس يكون قلبه حديد ياخد بشعبة ومايخلهمش عبيد يعيشو اسياد مرفوعى الهمم ياخد بتار الشهيد ويرد له اعتبارة رئيس له ضمير مش غاوى تدميرى مصر مش محتاجة رئيس ليبرالي ولا اخوانى ولا سلفي مصر محتاجة رئيس يحس بشبابنا الغلبان مايخلى فينا عاطل ولا فقران ولا بلطجى يقول هات يرفع علينا غارته كلما اراد يحمينا ويعطينا الأمن والأمان مصر محتاجة رئيس بعدله يحفظها ليس بِكلماتٍ ولا مقالات يكون بقوة ناصر وعدله لشعبها ويحميها بمكر ودهاء السادات اللهم أجعل أعدلهم من يرأسها مصر جفت من كثرة السرقات مطلوب رئيس ينشر بينا الرخاء ويخلى الشعب يتنمى للولاء يبنى ويرفع رايات النصر والزخر ويعمر الصحارى بواسطة شباب العصر يحكم بكتاب الله ولا يخاف ولا يهاب ويعزل من الوزارة كل حرامى كذاب يرسم خطى ثابتة للامام ويجعل الحكومة فى خدمة جميع المواطنين ويفضى على المحسوبية والتدلييس ويرفع شعار أنا الرئيس مطلوب رئيس مطلوب رئيس ومنين نجيب ياناس ياهوو مايكونش غريب يكوون معانا ويكوون قريب يخاف علينا مايكون خسيس ياناس ياعالم مطلوب رئيس مطلوب رئيس يعني اداره للحكمه واعي بكل شطاره يكون هدانا ويكون اناره يصون كرامه بكل اصاله حرام علينا وتكون خساره نعيد حكايتنا بكل مراراه دا يومنا جمعه ,,, وعدى خميس ياناس ياعالم مطلوب رئيس عاوزين رئيس زى بن الخطاب يخبط على الباب ويسأل عن الاحوال عاوزين رئيس زى بن عبد العزيز بيراعى دينه ويخاف من العزيز مطلوب رئيس يعلي اسم مصر ويرفع علمنا عالي يرفع راسنا بين كل الامم لايوم نتذل ولا يوم يوطلنا حس مطلوب رئيس يرجعنا قواد الامم مطلوب رئيس يخلينا نصلي في الاقصى و الحرم من غير قيود وحدود ودول مطلوب رئيس رايه راينا ولما يتكلم يعرف انه بيعبر عننا مطلوب رئيس اهم مافيه بيخاف من ربنا يخاف يوم الحساب يتسال عننا مطلوب رئيس لالبرالي ولا اسيس مطلوب رئيس يعلي الجنيه الرخيص مطلوب رئيس يرجع ولادناالي في الغربه اترموا ياما اتلامو وياما اتهانو ويامه بكوا لما يوفرلهم اكل وشرب وقميص نظيف لما يوفرلهم لكل يوم رغيف مطلوب رئيس شرب من الحنفيه وغنا بلادي بلادي على لسانه احلى اغنيه مطلوب رئيس يكون رايه راينا وهمه همنا وحلمه حلمنا مطلوب رئيس يحزن معانا فحزننا ويهيص معانا وقت مانهيص مطلوب رئيس عادي زي شخص عادي ماشي فشارع فزقاق فحاره ديقه بهدوم مش جديده ولا قديمه متقطعه بيتفسح وبياكل جيلاتي وبيمشي فكل مكان وبيصلي ويصوم ويعيد برده عادي يوم شرب من النيل يوم غنا لمصر وللوطن الجميل يوم حس بحبها فقلبه وخلاه هوه الدليل مطلوب رئيس ياكل الجعان ويغني الغلبان ويدفي طفل نام بردان مطلوب حاكم يوري عدل الاسلام والعيش بالدين في سلام مطلوب رئيس يعبر عن الاسلام مطلوب رئيس يكون زي عمر زي ابو بكر زي عثمان يسمعنا يوم من نادي ونقله مش عجبنا حاجه فبلادي واهم حاجه يكون رئيس دمنا عليه مش رخيص تصفيق حاد عايزين رئيس يكون دمنا عليه مش رخيص ولا عمة سيقاه ولا حبة بلاليص مطلوب رئيس قصيدة جماعية بقلم أعضاء منتدى بنات مصر فتحى عيسى كريم عاصم ابتسامة الزهر طبيب الهوى حتتة سكره كـkuboـابو ,,همس القلوب ,, قوة أنثي !دلوعها وكلمتها مسموعة! فارس الكلمة " قيثارة الصمت " الورده الحمرا شاعر الإحساس حبرالقمر دمعه حائره

[دمعه حائره]

بشكر كل الاخوة الاعضاء على مشاركتهم فى القصيدة
الفكرة الاصليه هنــــــــــــا
وكل واحد فينا عبر عن اللى جواة
واللى عاوزة يكون فى رئيس مصر القادم
وكلنا بنتمنى لمصر السلامه
وربنا يولى من يصلح
بالتوفيق دايما للجميع ان شاء الله

[الأميرة رودي]

صدقتــو فى كل حرف ..
تكلمتو بلسان حالنا
وتمنيتو كل مايتمناه كل مصرى يحب وطنه ويعشق ترابها
ويتمنى لها الخير وتوليه من يصلح ..

أعزائى : شكرا من القلب لروعه القصيده
رغم اختلآف القافيه الآ أنها معبــره صادقه
نابعه ليست فقط من قلوبكم وانما هى من قلوبنا معكم..
وكنت اتمنى وجودى فى هذا العمل الجماعى الجميل
موفقين دايما يارب

شكــرا دمعه على مجهودك الرائــع
تسلم ايدك

[طبيب الهوى]

الله الله الله



الله على الروعة



لم أتخيل أنها ستكون بهذا الجمال والتلقائية



تعبير بسيط تلقائي نابع من قلوب الأعضاء



أختي دمعة حائرة



ميرسي على الفكرة الجميلة



ميرسي على مجهودك في تنسيقها لتخرج لنا بهذا الجمال



ميرسي لنشاطك الكبير في القسم والمنتدى



الله يحفظك ويرعاكِ




تحياتي وودي وورودي




طبيب الهوى

[مهندسه بغداد]

والله

تحتار الاقلام

والقلوب بالوصف

دمتم لنا بالف خير

تحيتي

[Hearts Whisper]

الله جميلة اوى مكنتش متخيله انها هتكون بالجمال ده
تسلمى يا عيونى

[حبرالقمر]

ليه مش اتكتب اسمي يادمعه انا جيالك استعدي هههههههههههههههه تحفه بجد الفكره وانا على فكره كاتبه ابقي حطي اسمي والا حعملكم مظاهره هنا في القسم
الفكره جميله وتسلم اديكي ياقمر على التجميعه ديه

[دمعه حائره]

هههههه
معلش حبيبتى حطيته اوعى,, والمظاهرات مش ناقصين
اتحط اسم مكرر بداله واتلخبط النت كان وحش جدا
شكرا ياقمر على مشاركاتك فى القصيدة

[شظايا عمر]

صراحه القصيده طلعت رائعه

شهدت اماني كل منا في الرئيس الجديد

عبرت وبصدق عن احاسيسنا وحلامنا جميعا

قصيده صراحة اشكر كل من شارك بها

جميله جميله بل فاقت الوصف

ادام الله تجمعنا في هذه القصايد يارب

مشكوره يا دمعه علي مجهودك العالي

ونشاطك المميز ,,, اسعدك الله دوما

خالص تقديري وتحياتي للجميع

[شاعر الإحساس]

ماشاء الله بجد

القصيده بعد ما تتحط عليها لمسة دمعه حائره

في التنظيم والخلفيات والتجميع بتظهر اكتر اكيد

وظهرت قيمة الاقلام المشاركه هنا

ماشاء الله رائعه بجد فعلا


كل الشكر لمن شارك هنا

وعبر عن رأيه في الرئيس

تحيااتي لكل الاقلام المميزه هنا


وكل الشكر للراقيه شمس المنتدى لمجهودها

والذي دوما يفيض ويفيض

دومتم بكل خيرررر يارب



"شـاعر الإحسـاس"