هاتطبخى إية النهاردة مع مشتاقة للجنة

[دمعه حائره]

صباح الخير يا ساره ازيك عامله ايه انا جايه اشرب معاكى النسكافيه واشوف اخبارك ايه؟ صباح النور أتفضلى البيت كله نور أحلى نسكافيه مع انى سايبه تلات مواضيع عاوزين ردود بس قولت ارتاح شويه:1eye: أيوه أتفضلى شوكوليت وكيك وسيبك شويه من الشغل هههههه ياختى عليكى كلك زوق وهنا صاحيه ولا نايمه البنت دى وحشتنى بشكل:sml2: لا لسه نايمه تسلمى يا قمرايه تسلمى ع السؤال وهاتطبخى ايه النهاردة؟ والله لسه مش عارفه بفكر أعمل بمبار هاتنزلى السوق النهاردة ولا لا؟ ان شاء الله بصى انا ماليش فى مشوار السوق ده ماتبقى تجيبيلى معاكى شوية بقدونس بس كده من عيونى اجيب لكى بقدونس سهله خالص شاطرة فى المطبخ اكترولا شغل البيت العادى دلوقتى بقيت ممتازه بالمطبخ قوليلى مين علمك الطبخ ماما وأختى الكبيره ربنا يخلوهم ليا وكان عندك كام سنه وقتها لا بعد الجواز أتمكنت أكتر ايه اول طبخه عملتيها لوحدك؟ لوحدى بصراحه عمرى ما عملت حاجه قبل الجواز لوحدى علشان الدراسه والمذاكره والامتحانات وكده بس بعد ما أتجوزت مجبره ع الوقوف لوحدى والله فاكره كنت عايزه أعمل لوبيا اللى هى ناشفه دى :biggrin: سبكت الطماطم واللحمه كويس وروحت حطه اللوبيا دى فوقهم وهى ناشفه كما هى .. ياترى طلعت مظبوطه ولا اخدتى تقليس يومها من البيت كله؟ التريقه اللى أخدها يوميها تكفى سنه :762: هههههه وهيا ناشفه جديده دى يا سارة ولازم سنه على مااستوت اللوبيا:biggrin: بتطبخى بالزيوت ولا السمنه؟ بالاتنين مع بعض والملح والبهارات والشطه بتحبيهم كتير ولا خفيف؟ كتييير جداا ايه اكتر الاكلات شاطرة فيها وبتطلع مظبوطه معاكى؟ لا دلوقتى كل الاكلات ممتازه فيها يلا قوليلى الطبخه بتاعتك هاتعمليها ازاى وبالصور أعملكم بمبار محشى المقادير : كيلو بمبار مغسول كويس بالخل والملح طماطم - بصل بقدونس ونعناع - رز مصرى توابل تقطع الخضره البقدونس يعنى بعد غسيله جيدا ونضع عليه الطماطم والبصل المقطع ثم الارز نبدء بحشو البمبار بالخلطه السابقه محتاج حبة صبر شكله بعد الحشو نغلى مياه على نار متوسطه ولابد من التأكد من الغليان ثم نسقط البمبار واحد واحد بسرعه ونتركه على النار حوالى ساعه من الزمن ونضع مع المياه ورق اللورا والملح وأخيراا نخرجه ونحمره ويقدم ساخن مع كمونيه جميله قوى الوصفه تسلم ايدك ياقمر اقوم انا بئا عشان اتأخرت آه نسيت عندك شوية ملح لحسن خلص من عندى:biggrin: يا منه الملح خلص :762: بعد كل ده خلص طيب هاتى واحدة مومبار:1eye: شكرا ع الاستضافه نورتينا وجوعتينا مانتحرمش منك يا قمرايه وبكدة ينتهى لقاءنا النهاردة مع مشتاقه للجنة اللى علمتنا ازاى نعمل مومبار انتظرونا فى حلقه وطبخة جديدة مع ضيفه جديدة

[شاعر الإحساس]

صباااح الخيييررر عليكم

حد يعمل ممبار على الفطار كدا

ههههههههههههه

ولا دا بايت من امبارح اكيييد


مشتاقه للجنه ,,,صدقت مالقت دمعه

وهاتي بقدونس ,, وكمان ملح

كنتي قولتيلها هاتي ممبار جاهز احسن ماتجهزي

هههههههههه


حلقه جميييله بجد ,,

ومشتاقه للجنه بجد شخص خلوووق وراقي

وروحها جميله واجابتها راقيه

وطريقتها ووصفتها سهله وبسيطه

نورتينا بجد ,, شكرا ليكي


وشكرا لدمعه حـائره,,

اللي دايما مجوعانا بضيوفها اللي مابنشوف منهم شي

غير الوصفاااات

هههههههههه


بجد تسلمي على الحلقه دي

ومجهود عالي منك


كل الشكر ليكووو

دومتم بكل خيرررر

تحياااتي وتقديري واحترامي


"شـاعر الإحسـاس"

[شظايا عمر]

حلقه رائعه مع عضوه رائعه

وطباخه ماهره

افدينا والله بعمل المبار

شرح جميل منك

مشكوره يا دمعه علي الحلقه الجميله

وعلي استضافتك لشخصيه ماهره بارعه

ومشكوره مشتاقه للجنه

علي تعليمك لينا وشرحك الجميل

[همسه الجوارح]

حلوه اللوبيا الناشفه دى
لا ده لو معاهم
هخليكى تنتحرى مش يتريقوا عليكى
يالهوووووووووووووى
بس عسل بجد
ولا المبار ياصباحو محشي
تسلم ايدك ياقمر
ربنا يخليك هنا
تسلمى منه ع الاستضافه
فى انتظار ضيفه جديده

[Lαzєzα]

الله عليكى ى ام هنا
شكلك شاطره ماشاء الله
بحب الممبار انا ,, جوعتينى :d
تسلم ايدك

[ياسمينااا]

حلقه جميله جدا
ومشتاقه منوره الحلقه
بس في حد يعمل اللوبيه وهي ناشفه كداههههههههه
عاوزه دمعه تجيبلك البقدونس
شكلك كدا مش بتروحي السوق ولا ايه
انا كنت ذيك كدا بس لما اتجوزت بقي
بقيت اروح غصب عني بقي امال منين اللي هيروح ههههههههه
ومشتاقه باين عليها طباخه ماهره
بما اني بحب البمبار جدا فانت جوعتني ههههههههههه
تسلم ايدك يا قمر
ومجهود مميز منك يا دمعه
ودي وتقديري

[عاشقة الهدوء]

الله الله على المنبار وجماله بموت أنا فى الكرشه والمنبار ياحلاوتهم هههههههههه

وعينى بقه من فنجان الشيكولت ده يامنه مليش دعوه أتأخرت النهارد كنت هشربه

منك فى الكواليس هههههههههه لا بجد حلقه جميله مع ضيفه غنيه عن التعريف

خلوقه ورقيقه وحنونه ربنا يحميها يارب ويخليها لينا وميحرمناش منها أبدا

وطلعت ست بيت شاطره وعسوله المنبار ده يامنه مش أى حد يعمله عاااوز حد

فنان وعنده صبر هههههههه وساره ماشاء الله نورتى ياحببتى وأسعدتونا

بالحلقه والحوار الرااائع (منه ) (ساره ) أحترااامى لكم وأجمل تقييم

[Pr.Jolinar]

ممبار ؟
ملقيتيش غير الممبار ؟ :biggrin:
بس حلوة اللوبيا الناشفة دي
أصلا مش بحب اللوبيا بكل حالتها
بس شكلي ححبها على ايدك :biggrin:
تسلم إيدكوا إنتوا الإتنين
|~

[jasmean]

ضيفه جميله اووووي

وموضوع اجمل

بس انتي جوعتيني كده ينفع
تسلم ايدك علي الطبخه الجميله دي

[مملكة مصر]

حلقه رائعه مع عضوه رائعه

وطباخه ماهره

افدينا والله بعمل المبار

شرح جميل منك