الهروب من السياسة!!

[SiLver Spectra]

عارفين ,, بدات افكر كدا , ايه الي يخلي شخص مش بيحكم و لا مسؤول يهرب من السياسة ؟
أكيد كلام و مواقف خاطئة ارتكبها و أدرك بعدها إنه أخطأ فيها !

عارفين كمان , في شيوخ و اصحاب دعوى استقالوا من حزب النور و تركوا السياسة و رجعوا للعمل الدعوي
تفتكروا ليه عملوا كدا ؟

تفسيري الشخصي : حس ان السياسة الي بتمثل الواقع مش هي كوكب الأحلام الي في دماغه
افكاره المثالية الي كان متصور ان بقدومه هيقدر يحققها و هتبقى البلد سعيدة و كل يوم قوس القزح يطلع مع الشمس , خلاص بقى الحدود اطبقت و الدنيا باقيت بمبا زي ما بيقولوا , ماعتش في حرامي واحد و لا حالة رشوى و لا أي نوع من الجرائم

لما دخل في السياسة و أخطا في التقدير و جتله النتيجة السلبية من الشعب , زي الانتقاد لمواقفه و لتصرفاته و لتصريحاته و غيره , بدا يحس انه لا يفقه فيها شيء , و كمان بدأ يحس ان وقاره قل
هو راجل شايف انه بيتلكم بلسان الله و رسوله , ماحدش يقدر يغلطه
سياسة ايه بقى الي تخلي اي حد مراهق يغلطني
ملعون ابو السياسة , ياعم أنا شيخ و عايز احافظ على وقاري :biggrin:
خلونا نبعد عن السياسة و مش هنتكلم عنها تاني و هنرجع تاني لكهف الاحلام بتاعنا مش مهم البلد بقى , المهم نرجع نعيش القناة في أزهى عصورها زي زمان :762:

الموقف دا بحد ذاته بيأكدلي اننا فقدنا شيء اسمه اجتهاد و ربط الواقع بالافكار مع ايجاد الوسائل المناسبة لاستحداثها
و بيأكدلي كمان إننا ناس بتحب تعيش في أوهام المثالية

عارفين كمان أنا باقيت بلاحظ ايه ؟
أي واحد عايز يكسب عطف الجمهور , عليه بس انه يداعب مشاعرهم الدينية
الناس هنا مش بتبص على البرامج و لا الفكر و لا هو هيعمل ايه لمصر و ايه الي هيقدر يحققه
الناس هنا بتبص على حد الردة :biggrin:
بما أن اصلا البلد مافيش فيها مشكلة ردة , بس دي حاجه مهمة جدا
أنا بقالي فترة بقول هي مصر حالها مايل ليه ,, أتاري كان ناقصنا حد الردة

و يلا اي مرشح يطلع يطربنا شوية بالشريعة
يساري بقى يميني , اي حد يعجبكم ,,كلو عارف و فاهم مستوى عقليات الشعب و ايه هيكسبه رصيد
فيطلع يطربنا في الشريعة , أو يغني انه كان فقير و جاتله بلهاريسيا و بياكل عالطبلية كل يوم :biggrin:


بس عارفين ,,العيب مش فيهم
العيب فينا
احنا الي سزج,,,,

[ساحر الأحزان]

مهو السياسة غير ما هو متصور هو فاكر انها كلام وخلاص وانة حيبقى مشهورومحدش زية وبيطلع بقى فى التلفاز والجرايد وبيزور الدول

والحياة حتبقى حلوة سياسة يعنى انت عايش فى عالم مش لوحدك

انت مسئول عن امن واستقرار وطن بحالة داخليا وخارجيا ولا حتعيش

منغلق على نفسك ومتعرفش حد وحد يعرفك يمكن انت بتقول اننا شعب

عاطفى وزى ما احنا شفنا لما ارتبط شعار الدين بالترشيح لقيت مرشحين محدش يعرفهم ونجحوا فى الانتخابات

وقبل الانتخابات كانوا مجهولى الهوية ولما لقيم ان الموضوع اطور وكبر

فضلم انهم ينسحبوا

لانك لما تدخل السياسة لازم تكون عارف قواعدها ونصوصها ومش اى

حد يدخل مجال السياسة لانها عالم كبير ومفتوح على الغير

جميل الموضوع القيم

تحياتى

[حبرالقمر]

اولا مرسي على الموضوع لانه بجد حقيقي وناس كتير بقت تهرب من السياسه وده شئ راجعلهم وقرار خاص بيهم وعمره مينقص منهم
اما عن نفسي بشوف ان الهروب ليس حلا ابدا ولكن يوجد بعض المواقف يكون فيهاالهروب نصف الشجاعه ولكنه لن يكون كل الشجاعه
وبالنسبه لان حضرتك شايف ان الناس كل مشكلتها حد الرده
فانا والي بيفكرو زيي مشكلتنا مش فحد الرده مشاكلنا مع مرشح زي د عبدالمنعم ابو الفتوح واحده منها بس انه اسقط حد الرده وبرر موقفه بحاجه اسوأ
ومشكلتنا مع اي حد يمسك البلد مش الرده انه يطبق كل الشرع بلا نقص وبلا تشدد وبلااجبار ولكن الحدود بالاجبار لانها حدود
واكيد بنبص للاصلح وبنبص للمشاريع ومين الي مشروعه احلى ومينفعش نقول احنا حنختار الاقل ضررا لان السم القليل في العسل الكتير برده بيموت ياحد كويس واخطاءه بسيطه غير فادحه
يامابلاها ونروح نبطل صوتنا
ولو طبق الشرع فهو ده الاصلح لمصر واحنا نفسنا مصر تبقى احسن بلد زي ماهوه حلم كل مصري
تحياتي تقبل م ر و ري اختك حبـــــــــــــــــــر القمـــــــــــــــــــر

[Lαzєzα]

كلامك تمام التمام
بس فيه نقطه صغيره عايزه اقولها
مهو احنا بردو اللى مش بنخليهم مش يعرفوا يجتهدوا
بمعنى
فيه شيوخ بجد بحترمها جداااا وبتتكلم ف السياسه
تقدر تقول الى حد ما كلامهم تمام ماعدا شور بعض الاخطاء اللى بحصل منهم
بس مهو اجتهاد ,, سعات صح وسعات غلط
دى اراء سياسيه مش احكام دينيه حرام وحلال
احنا بقى نكون بنسمع للشيخ ده مثلا ,,, واول ميغلط شتايم للصبح
ونقد ومش نقد ,, واهوه الاسلاميين اهم
دول اللى انتوا بتقولوا عليهم فاهمين وهلم جرا
من الشيوخ دى مثلا الشيخ صفوت حجازى ,, الشيخ محمد عبد المقصود
بس كدا
تسلم ايدك بقى

[شاعر الإحساس]

بص يا دكتر طارق ,,

انا متفق معاكـ طبعا ,,,

بس الحكايه من وجهة نظري ايه,,

ان الغلط فينا احنا ,, مش في اي حاجه تانيه ,,

يعني اولا تلاقينا احنا اللي بنقطع في بعض

شيخ يطلع يقول حاجه ,, كله يقول ياعم انت مالك ومال السياسه

روح شوفلك مش عارف ايه ,, وكلاااام كتير,,

طب ياجماعه مانديهم الفرصه ونسمع اجتهادهم ايه

ونفكر ونشوف ونحكم,,

احنا ما بنستناش نفهم,, على طول كلنا فاهمين ونحكم

ودا العيب والغلط,,,


طب يا جماعه ما الدين مرتبط بالسياسه ,,,

دا رأيي ,,, والا ماكنتش الدوله الاسلاميه انتشرت زمان

ماهو بالسياسه والحكمه والتخطيط

ولا دا كان ايييه ,,,,,



ثانيا برضو زي ما انت قولت ,,,

برضو انا ما بلومش الناس بس ,,

ودا انا متفق معاكـ طبعا وبلا شكـ

هو انا شيخ او غيره , بغض النظر يعني ,,

يدخل في السياسه ولما يلاقي هجوم يطلع ويقول ياعم احنا هنرجع احسن

اصل دا مش عارف ايه ,,خلينا في الدين

واللي عايز سياسه يروحلها ؟؟

ازاي يعني ,, هو احنا هنقسمها ,,,

دين لوحدو,,, وسياسه لوحدها

وبعدين اول ما تلاقي بعض النقد وكدا ,,

تروح تقول كدا,,,

طيب ما السياسه معروفه من الاول ,,,

هو دا طريقها ,, لازم تلاقي النقد والقصص والحكاوي

يبقى اللي يدخل فيها يكمل ,,,


بس يرضو العيب مش فيهم وحدهم,, لان طبعا الاساس احنا

لأنعدام الفكر السياسي والثقافه عند المعظم

احنا بنقسم نفسنا ,,,وبنمشي على اللي هو معروف دون الفهم

كلنا اتجمعنا وشلنا نظام ,,,

ودلوقتي كلنا اتفرقنا عشان نجيب نظام ,,

دا ينفع ازايي,, وبأي منطق؟؟


دا يقووول دا ,, ودا يقووول دا ,,

وفلان مش عارف ايه ,, وفلا ن ايه ,,

والمشكله اني مش شايف اغلبيه عامه لحد معين

لا كل جماعه مع نفسهم ,,

فهنا احنا ذاتنا بقينا تايهين ,,,

لحد فعلا ماساعات توصل بينا نقول ياعم زي ماترسي

مش مرشحين حد ,,,فعلا كتير وقدامي حصل دا

ليه عشان الكل بقى تايه ,,

ومفيش فكر سياسي صح يهدي الناس دي ,,

لان زي ما انت عارف مش كل الناس فاهمه سياسه

معظمه بتسوقهم المشاعر والانصياع وخلاص

ودا العيب ,, مش منهم لجهلم ,,,

لا من وسائلنا اللي مفهاش حد حقيقي يقدم الصح

لا هنا تلاقي قناة ايه جايبه مش عارف مين

وقناة ايه جايبه ايه ,, وحورررات ,,

هو طبعا لازم يبقى في روح التنافس ,

دا اوكـ,,

بس مايبقاش اختلاف ,, وتوهان ,,

ومره نقول ومره نرجع في كلامنا ,,

ومره نتردد والحورات دي ,,,,

فحقيقة الانسحاب من السياسه او غيرو

احنا تسببنا فيه بررضو

اموررر واحنا مش عارفين حاجه ,,

طبعا انا بتكلم عن المعظم وليس الكل


بس في الاخر اقووول ,,ربنا يسترها

ويقدم اللي فيه الخير يارب

ويرزقنا بالطريق الصحيح

اللهم اميييين


دكتر طارق,, بصراحه والله بحترم فكرك

وتحليلك وطريقتك,,

ودايما بتابع كل اللي بتقوله في حوراتكـ

لأن بحس ان انت فعلا حد فاهم ,, مش زي كتيرررر

وللأسف اللي ماعندهمش اي فكر سياسي

ودي المشكله اللي الكل بيعاني منها


بجد بحيي فكرك الراقي ,,

اكثر الله من امثالكــ

تحياااتي وتقديري اليكـ


"شـاعر الإحساس"

[شاعر واسير الحب]

اولا شكرا علي الموضوع
الهروب من السياسة اولا احنا اللي خلينا المشايخ يتركون المساج الي ساحات الميدان
احنا اللي شوفنا ان فلان شيخ هو الخطيب فينا
احنا اللي اعطينا ظهرونا الي من يفهمون في السياسة
اعتقدنا بان الشيخ هيحل مشاكلناولكن هو خلق لغير ذلك للدعوة للهداية للدين لتعريفنا مناهجنا الصحيح والطريق السلم
الان لا يتحرك اي واحد مرشح نفسه الا ومعه طقم من العمم وكانهم باب الرئاسة ولهم الاحترام لما بيتكلموا في الدين
لقد فقدت الجعوة كثيرا من المشايخ بسب بعدهم وتدخلوا في السياسة
وقليل رجعوا الي المساجد الي الدعوة لان في السياسة خراب العقول ولكن هم اصلا جائوا لتعمير العقول بالصحيح والكلام الطيب
والادلة كثيرا من زور ومن ادعي ومن هتف للتضليل

واخيرا نحن شعب لايجيد استخدم الحريات ونستخدمها بعبط الحرية لنا نقمة مش نعمة
85 مليون سياسي الان في مصر يتتكلمون ويهتفون يصفقون ولا يدرون لمن يزغرتون
احنا السبب نعيب زماننا والعيب فينا
لك تحيتي

[!دلوعها وكلمتها مسموعة!]

موضوع رائع جدا
يستحق التقيم
لكن موضوع انهم هروب من السياسة فهذا شئ صحيح
والمفروض كانوا يفهموا السياسة كويس وبعدين
يدخلوا يتكلموا فيها
وانا رائي انهم اهل للدعوة
هما ممكن يتكلموا فى السياسة فى حالة انهم يوجهون
كلمة للشعب وتكون لها علاقة بدين والسياسة فى نفس الوقت
لان الاتين مرتبطين بعض
السياسة عوزة حدا يكون لدية الامكانية ليتكم فيها
وصح ان العيب فينا
لان اكثر الشعب تحركة المشاعر والكلام فقط
ولكن يجب ان نفكر بعقولنا حتى تصبح مصر
كما نريد

[الأميرة رودي]

بس عارفين ,,العيب مش فيهم
العيب فينا
احنا الي سزج,,,,

دى الخلآصه يادكتر

بس أرجع وأقولك ان مش كلهم بيستغلو سزاجه الناس
ويدخلو لهم من الناحيه العاطفيه اللى هما عارفين انى دي نقطه ضعفهم..
السلفيين فيهم ناس محترمين جداا حتى فى طريقه تفكيــرهم مش متشددين
ولا متعصبين زى الوجوه اللى شوفناها على جميع القنوات واللى طالعه تغير نظره الناس للحزب بأكلمه ’’ وخلت الناس تكره التفكير السلفى
هما دول صحيح اللى مش فاهمين حاجه وهما دول اللى عاوزين يسيطرو والسلام تحت اسم تطبيق شريعه الله فى الآرض..من غير مايعرفو أى شئ عن السياسه وصدقني لو كانو فضلو زى ماهما وسعو للسلطه وكانو اخدوها فعلا كانو هيبعدونا كل البعد عن مشاكلنا الآساسيه واللى مفروض نسعى لحلها فى الفتره دي
وكنت هتلآقي كل اهتمامهم حوالين حاجات أقل مايقال عنها أنها أبعد بكتير عن مفهوم السياسه ( لمجرد بس انها تطبيق لشرع الله من وجهه نظرهم طبعا ) هتلآقيهم بيفكر اذا كان ختان البنات حرام ولآحلآل ويقعدو يشرعو ليل ونهار فى قضيه زى دي
أو تلآقيهم بيقولك البنت تتجوز من سن كذا والولد من سن كذا حفاظا عليهم وعلى عفتهم ..

دى قضايا ماينفعش نتناقش فيها فى فتره زى دي
بدل مانسعى للعمل والانتاج وتوحد الصفوف بين المصريين
وننزع بقى روح التفرقه اللى لبستنا مره واحده دي وبقى كل واحد فينا له اتجاه ومعارض لغيره ..
محتاجين حاجات كتير مش هيقدر يعملها الآ واحد فاهم
ويارب يطلع عند حسن ظننا الفاهم ده