مسابقه كل يوم صفحة من القران

[رقة BaNOTa]

السلام عليكم ورحمةالله وبركاته

منورين كلكم

عندي فكرة مسابقه
ان احنا نقرأ كل يوم صفحة من القران الكريم

حتى لانهجره كما امرنا الله عز وجل

الطريقه
ان المسابقه هتستمر الشهر الي فاضل قبل رمضان

وان شاء الله نكمل في رمضان
الطريقه
كل عضو مشترك هيدخل يقول ان قرأ الصفحه رقم كذاا
طبعا ده متروك لضميره
وكمان يدخل اكبر عدد من الاعضاء في المسابقه
وعشان نتاكد كل عضو هيشترك هيحطلنا اللينك بتاع الملف الشخصي
للعضو الي هيدخل المسابقه

وبكدا هنكون بنشجع كل المنتدى انهم يقروا كتاب الله
بطريقه محفزه

وكمان هيكون في اسئله يوميا على الصفحة الي تم قرأتها

وهنحدد اننا نقرأ من العشر الاواخر من القران عشان الي كان حافظ حاجه يرجعها :biggrin:

وفي اخر الشهر هنشوف مين العضو الي كان ملتزم كل يوم يقرا صفحة من القران
ودخل اكبر قدر من الاعضاء في المسابقه

وفي رمضان نكمل بس يجوائز اخرى

وهنديله 200
مشاركه ووسام المركز الاول وشهادة تقدير
والمركز الثاني 100 مشاركه وشهادة تقدير

المركز الثالث50 مشاركه وشهادة تقدير


ياريت الادارة توافق ع المسابقه ولها الاجر والثواب
عشن منبقاش بنمسك القران في رمضان بس
ونهجره طول السنه


في رعاية الله

[Words Whisper]

هي حلوة فكرة المسابقة

وممكن كمان يبقى انه تحددوا أجزاء مع بعض تُقرأ

وبعدين تحطي أسئلة فيها سؤالين ولا ثلاثة بس متعلقين بالصفحات اللي قُرِأت

وبكده كمان يكون قراءة و بحث في معاني وأسباب نزول وكده ..

تسلمي

ودمتِ بحفظ الرحمن ..

[۩۩ elMagic ۩۩]

جميله جدا الفكــره
زى نظام رمضان اللى فات
موضوع آيه بيوتى كات كان جميل جداا
جزاكـى الله كل خيـر يا بسنت
وفكــره اسماء جميله جداا
لو ينفع تتطبق هيبقى تمام اكتــر
بالتوفيق ان شاء الله
مودتـــــى

[رقة BaNOTa]

اقتباس المشاركة الأصلية كتبت بواسطة words whisper هي حلوة فكرة المسابقة وممكن كمان يبقى انه تحددوا أجزاء مع بعض تُقرأ وبعدين تحطي أسئلة فيها سؤالين ولا ثلاثة بس متعلقين بالصفحات اللي قُرِأت وبكده كمان يكون قراءة و بحث في معاني وأسباب نزول وكده .. تسلمي ودمتِ بحفظ الرحمن ..

فكره جميله اوي
وان شاءالله هحطها في المسابقه

تسلميلي ياقمر

[رقة BaNOTa]

اقتباس المشاركة الأصلية كتبت بواسطة ۩۩ elmagic ۩۩ جميله جدا الفكــره زى نظام رمضان اللى فات موضوع آيه بيوتى كات كان جميل جداا جزاكـى الله كل خيـر يا بسنت وفكــره اسماء جميله جداا لو ينفع تتطبق هيبقى تمام اكتــر بالتوفيق ان شاء الله مودتـــــى

اه طبعا كانت فكره جميله م ايه بيوتي
بس انا حبيت ابدأها من قبل رمضان بشكل جديد

واكيد هطبق الي قالته اسماء

منور ياابو حميد

[SiLver Spectra]

يعني لو رفضت هيبقى عليه اثم ههههه
بصي ,,انا ما اقدرش اعمل مسابقة من الهوا
اقول هنشوف مين هيكتم نفسه اكتر واحد و يكتب هو قدر يكتمه كام ثانية
و بعدين اقول كل واحد و ضميره!
او مسابقة مين هيصلي الفجر ,,الخ
فكرة المسابقة دي يعني تنافس واضح و شريف للجميع و من خلاله بنقيم و بندي للافضل جوائز

مسابقات القرآن دي لازم يكون فيها مباشرة
زيها زي الاسئلة العامة
اني امسك مايك و اجيلك لحاد عندك او نجيبك في استوديو و نختبر معلوماتك و نشوفك عارف أو لأ
لكن اني اسألك على منتدى طب ما انت هتروح لجوجل و كوبي و بيست و هتجيب الاجابة
يبقى ايه المميز في العملية الي على اساسه هكرمك فيها !

أعتقد المسابقة اتعملت قبل كدا و مش مشي حالها
و عامة الفترة القادمة مش هنقبل اي مسابقات غير قائمة على المجهود و المنافسة الشفافة الواضحة
معلش الفكرة مرفوضة

[Sh2wA]

هى الفكرة حلوة وجميلة جدا
بس اكيد يعنى مش الكل حيتابع معاكى وكل واحد وضميره بكااّ
بالتوفيق فى مسابقات اخرى
احتراااامى :
شاهينور

[رقة BaNOTa]

اقتباس المشاركة الأصلية كتبت بواسطة SiLver Spectra يعني لو رفضت هيبقى عليه اثم ههههه بصي ,,انا ما اقدرش اعمل مسابقة من الهوا اقول هنشوف مين هيكتم نفسه اكتر واحد و يكتب هو قدر يكتمه كام ثانية و بعدين اقول كل واحد و ضميره! او مسابقة مين هيصلي الفجر ,,الخ فكرة المسابقة دي يعني تنافس واضح و شريف للجميع و من خلاله بنقيم و بندي للافضل جوائز مسابقات القرآن دي لازم يكون فيها مباشرة زيها زي الاسئلة العامة اني امسك مايك و اجيلك لحاد عندك او نجيبك في استوديو و نختبر معلوماتك و نشوفك عارف أو لأ لكن اني اسألك على منتدى طب ما انت هتروح لجوجل و كوبي و بيست و هتجيب الاجابة يبقى ايه المميز في العملية الي على اساسه هكرمك فيها ! أعتقد المسابقة اتعملت قبل كدا و مش مشي حالها و عامة الفترة القادمة مش هنقبل اي مسابقات غير قائمة على المجهود و المنافسة الشفافة الواضحة معلش الفكرة مرفوضة

اولا كدا يعني محدش هيعرف يجبب الاجوبه من جوجل لاني مش هسئل اسئله عن موضوع الايات

لكن هسئل مثلا
عيزه ثلاث كلمات فيهم ادغام بغنه
كده يعني في التجويد
وبعدين لوهترفض عشن الاسئله
انا ممكن الغي فكرة الاسئلة اصلا ده كان اقتراح من عضوه وانا ضفته لانه عجبني

ويبقى الحكايه القراءة فقط
زي فكرة رمضان الي فاتت
وانتا بتقول مامشاش حالها ازاي ده بقا
ودي كانت مسابقه ناجحه جدااا

قولي بقا اعتراضك ايه دلوقتي
حراام عليكو بتوفقوا ع مسابقات الاغاني وبترفضوا القران :biggrin:
فين جماعه الاخوان دلوقتي :079:

الله يسهلك ياعم طارق

[♥..ᗩпo]

فكره حلوووة آوي يآقمر
جزآك الله خير وجعله من موآزين اعمآلك : )

[SiLver Spectra]

مش هينفع للاسف نعمل مسابقات ضمائر
حاولي تفكري في فكرة يكون فيها مجهود و شفافية في المنافسة