حكايه قلب

[الأميرة رودي]

بزعل أوى لما يكون فيه حد بحبه وقريبه منه جدا وصداقه مفيش أروع ولا أنقى من كده وفجأه الاقيني بعرف حاجه معينه عنه عن طريق الصدفه رغم انى معاه كتاب مفتــوح بيعرف كل شئ عني أول بأول حتى انفاسي اكتشف ســر يخصه باستنتاج بسيط وربط أحداث معينه ببعضها بدون اى محاوله او جهد مني لكشف السر ده بس حقيقي صعبت عليا نفسي انا مش زعلآنه بس قررت أبدأ اتعامل بنفس الطريقه مش كل حاجه تتحكي ومش لآزم نبقى كتاب مفتــوح فضفضه ليليه~

[الأميرة رودي]

جــرح الناس غايه عند البعض احساس ميت جواهم مجــرد دقات ف القلب عشان يكمل ايامه وسنينه ف الحياه إنما يدق لفرحه حد من اصدقاءه أو لـ مواساه شخص حزين أو لـ بكاء طفل استحاله لما تقابل شخص فى مشوارك بـ الحياه ووسط الزحمه اللى بنعيشها كل يوم والقدر يجمعك بيه من وسط المئات اللى بتقابلهم ,, ويكتبه لك صديق تحس ان ربنا عوضك عن حاجات كتير كانت ناقصاك فى الدنيا وخلاص بدأت تبتسملك عشان البسمه على وشه بمليون بسمه تانيه وفجــأه زي مامتعودين من الدنيا على المفاجئـات ( الغير سارة) غالبا تلاقي صديقك ده كان بيرسملك البسمه على وشه وصدق فى تظراته وهو مش قادر حتى يكون صادق مع نفسه ضعيـف ,, مهموم من نفسه ,, مش قادر يحقق الابتسامه لروحه بيدمر قوته وقوه اللى حواليه وجوده شـــر على نفسـه وعلى اقرب الناس ليه تحس وقتها ان القوه اللى بتدمر دي هى قوتك انت فتقول ياريتني ماعرفته ولا قبلته ولا كنت من بين المئات اختارته ولكن القدر .. ترجع تبتسم ابتسامه جديده ( المره دي على نفسك وعلى لعب القدر بيك) وتقولها بصوت مخنوق بعد ماابتسمت .. طلعت الصوره بالمقلوب ..!!

[الأميرة رودي]

مش هقدر أدخل المنتدى بشكل مستمر اليومين دول
لانى خلاص مسافره يوم الاتنين..
وبعد مااسافر مش عارفه هقدر ادخل المنتدى امتى..
هاخدلي فتره عما اتلاقونى منتظمه ف الدخول بس اكيد من وقت للتاني هـطمن عليكم

التحضير للسفر ده مش سهل خالص ومحتاج دماغ رايقه
وانا للاسف دماغى فيها مليون حاجه..
-----
رووكه . مــروه حبيبتى غايبه بقالها كام يوم لآنها مسافره البلد وعندهم فرح
عقبال فرحها هى وكل البنات يارب
المنتدى وحش من غيرها
انا وهبه بنكون زي الاختين اليتامى وهى مش موجوده
لما ترجع ان شاء الله هتنزل نتيجه المسابقه الل اتأخرنات فيها دي
-------

[الأميرة رودي]

مبسوطه انى أخيــرا هسافر فى وقت الحج وهـ حج أنا وزوجي وأخويا ربنا يتقبها مننا فيه ناس كتير فى بالي ادعيلهم ف المكان الطاهر ده بس مش هعرفهم انى دعيتلهم برده..غلاسه كده ------- اى حد زعلان من رودي أو ساره الانسانه مش يزعل مني وبتأسفله بجد من قلبي عشان ربنا يتقبل مني حجتي وياعالم بقى هنتجمع تانى امتى.. ------ خدو بالكو من بعضكو ومش تفتحو الباب لآي حد يخبط أشوفكم على خيــر أحبابي

[الأميرة رودي]

أشتقت لـ أمي
اشتقت لـ يدها وهى تمررها بين خصلات شعري..
وكأني مازلت طفله برفق تداعبني
.بعد فراقها أصابتني شيخوخه بـ عمـرٍ أخـر
ملأ الشيب رأسي
شعرت بأننى تعديت الـ 90 من عمـري..
أشتقت لـ كل شئ كانت تصنعه من أجل سعادتي
أشتقت لدعواتٍ لم تكف عنها يومـا الى ان ألقت ربها راضيه مرضيه.
أِشتقت كثيــرا لـ طقوس كنت أفعلها من أجل ان أرى البسمه على شفتيها.
أًصبحت لآ اشعر بحلاوه الآشياء
ما كنت أتمناها مُسبـقا..أصبح كأي شيئا آخر .
رحمـه الله على من كانت وستظل أجمل ماهداني الله ثم أوجعني..

[الأميرة رودي]

[الأميرة رودي]

حزينه جدا
ماليش نصيب فى الحج السنادي
بعد ماحضرت نفسي واستعديت نفسيا للحدث الجميل ده
بعدين حصلت ظروف للمره التالته تأجل من سفري
خيــرأكيد ..
الله المستعان

[الأميرة رودي]

عجبونى من صفحه رووكه ع الفيس

[الأميرة رودي]

[الأميرة رودي]

عارفين لما تكون قاعد مع ناس
مجموعه أصدقاء على اقارب
وفجأه تلاقي حد فيهم يقول كلمه
بقصد او بدون قصـد الله أعلم .. المهم هو أحرجك بالكلمه دي
مع انه أصلا أقرب حد ليك فى الموجودين
فكانت كلمه غير متوقعه
بقيت مش عارف ترد عليه تقوله ايه
بس قررت تنسحب من المكان لمكان تاني قريب منهم فيه ناس مش بتحبهم ولا بترتاح فيهم
ومع ذلك المكان ده لقيت فيه ترحيب واحترام
وحسيت ان الناس اللى انت مش بتحبهم دول بيقدروك ويحترموك أكتر من حبايبك

ده اسمه ايه ؟؟