موسوعة عن المعجنات و السندوتشات والاكلات السريعة

[El_Magic]

موسوعة عن المعجنات و الساندوتشات و الاكلات السريعة Pate a choux بالنسبة للمقادير 20 غرام من السكر 80 غرام من الزبدة ملح ,1فاني ربع لتر من الماء 180 غرام من الدقيق 3 البيضات نعملو الزبدة والماء والسكر ,فاني ,ملح فكاسرول ونديروهم فوق نار مهيييلة حتى الغليان نزولو الكاسرول من فوق البوطة ونضيفو الدقيق مرة واحدة ونردوه فوق البوطة وحنا كنحركو بملعقة خشبية حتى مايبقاش يلصق لينا الخليط نجمعوه بهاد الشكل نحيدو الكاسرول من فوق العافية ونضيفو البيض شوية بشوية خاص نحصلو على خليط ثقييل نديرو الخليط فالجيب الحلواني ونخرجو الشكل اللي بغينا ندهنوهم بالبيض مخلط مع نيسكافي وندخلوهم للفرن وبالنسبة للتزين عمرتهم بالكريم باتسيير وزينت من الفوق بالشوكولا والسكر باودر وهاذو كذلك عمرتهم بالكريم باتسيير بعد ماضفت ليه منكه الفراولة وهذا شكلهم النهائي مربعات التونة وفطيرة التفاح الوصفة ماخوذة من عند الاخت ناني بالنسبة للعجينة نسرحو العجينة ونديرو فيها الحشوية اللي هي عبارة عن بصلة وفلفلة مقطعة مربعات صغار نطيبوها فقليل من الزيت ملح ابزار وقزبور ومعدنوس ملي طيب نضيفو ليها التونة نضيفو قطع الفروماج نقطعوهم وندهنوهم بالبيض ونيسكافي ونرشوهم بالزنجلان وندخلوهم للفرن وهذا شكلهم النهائي وهادي فطيرة التفاح بنفس العجينة وهي كذلك للاخت ناني نسرحو العجينة مزيان نقطعوها ونديرو ليها اشرطة فالجوانب نذهنوها بالكريم باتسيير ونزينوها من الفوق بالتفاح نرشو الوجه بملعقة من السكر مخلطة مع الفاني والقرفة ونحطو على الوجة قطع من الزبدة وندخلوها للفرن وهذا شكلها بعد الطياب Brioche a la creme patissier et au chocolat مقادير العجين بيضة واحدة 3معالق من الزيت كاس الا ربع من السكر ملعقتين من الزبدة قبصة ملح ملعقة كبيرة من خميرة معجونة كاس ونصف من الحليب الدافئ واخيرا الدقيق حسب الخليط نخلطو جميع العناصر حتى نحصلو على عجين رطب ونخليوها ترتاح من نصف ساعة الى 45 دقيقة ناخدو كويرات صغار ونديرو قليل من الكريمة وقطع الشوكولا ونحاولو نسدوها جيدا ونستفوهم فصينية الفرن نخليوهم يخمرو تقريبا 45 دقيقة ندهنوهم بالبيض ونيسكافيه وندخلوهم للفرن بعد ماطابو نزينو الوجه بالسكر كلاصي نفس العجينة عملت منها كرواصة Brioche salée هاد الوصفة ماخودة من بلوك صديقتي خذيجة وكلمة رائعة قليلة فحقها تستحق فعلا التطبيق بالنسبة لمقادير العجين دقيق 2ملاعق من الزبدة 3ملاعق من الزيت ملعقة من السكر ملح,ابزار,الزعتر حليب دافئ للعجين تقريبا مقدار كاس ونصف ملعقة من خميرة العجين نخلطو الكل جيدا ونغطيوها ونخليوها تخمر هاهي بعد ماخمرات نصاوبو الحشوة نقطعو البصلة والفلفلة وشوية الزيت ونخليوهم حتى يذبالو من بعد نضيفو ليهم الطماطم وقزبور ومعدنوس ملح ابزار تحميرة واخيرا الطماطم المركزة ملي طيب وتبرد نضيفو ليها علبة التونة ونحركو الكل جيدا ناخذو العجينة نديرو منها كويرات ونبسطوها نحطو طرف ديال الفروماج وقليل من الحشوة ونسدوها مزيان حتى نكملو ونحطوها فمول الفرن ونخليوها تخمر ملي خمرات دهنتها بالبيض مخلط مع نيسكافي ورشيت عليها الزنجلان ودخلتها للفرن هاهي ملي طابت كيف خرجتها من الفرن رشيتها بالفروماج وهي مازال سخونة وهذا شكل اخر ديال نفس العجينة والحشوة الصور توضح الطريقة ساندويتش سريع التحضير اولا ناخذو الفلفل والبصل ونديروهم يطيبو فشوية الزيت ,ملح وابزار ناخذو الكفتة ونديرو ليها التوابل ديالها ونطيبوها ناخذو الخبز العربي نسرحوه ونحطو عليه البصل الفلفلة والكفتة نضيفو قطع الفروماج واخيرا نديروهم فالة البانيني وهاهوما واجدين رافقتهم بالفريت كيش بالطون بالنسبة لمقادير العجين حاجتنا ل بيضة واحدة 100 غرام من الزبذة 1خميرة الحلوى ملح 200 غرام من الدقيق او اكثر حتى تجمع لينا العجينة كنخلطو جميع العناصر السابقة ونجمعو العجينة وممكن نضيفو ليها الزعتر كيبقا اختياري اللي مابغاهش بلاش نسرحو العجينة ونديروها فمول مذهون نتكوها بالفورشيط ونذخلوها للفرن حتى طيب مزيان ونوجدو الحشوة ديال الكيش خديت الفطر,علبة التونة,الذرة,4 البضات قزبر ومعدنوس واخيرا 4ملاعق من الحليب نخلطو الكل جيدا ونخويوه فوق الكيش من بعد مايطيب من لتحت كنخرجوه ونحكو عليه الفروماج ونذخلوه عاود يطيب من الفوق وهاهو الكيش بعد ماطاب بيتزا بالكفتة مقادير لاباط غانحتاجو 1دانون بدون سكر بيضة واحدة ملح نصف كاس الزيت 1خميرة الحلوى والدقيق باش نجمعو العجينة نخلطو جميع العناصر ونخليو الدقيق والخميرة هوما الاخرين وهاهي العجينة ملي جمعناها نذهنو المول بالزيت ونسرحو فيه العجينة ونتكوها بالفورشيط باش ماتنفخش لينا نصاوبو لاصوص طوماط نااخذو مطيشة نحكوها ونزيدو ليها التوابل ملح ابزار تحميرة وزيت واخيرا نزيدو ليها الطماطم المركزة ناخذو الفلفلة ونقطعوها دوائر صغيرة ونطيبوها شوية فالزيت ملح وابزار نسرحو لاصوص على لاباط ونرشوها بالزعتر كيبقا اختياري الى مابغيناهش بلاش ثم الفلفل واخيرا الكفتة بعد مانكونو درنا ليها التوابل الخاصة بيها ندخلوها طيب من لتحث بعد ماطابت من لتحث كانحكو عليها الفروماج وندخلوها عاود طيب من الفوق ويذوب ليها الفروماج وهاهي واجدة كدا انتهت الموسوعة يارب تكون عجبتكم

[MoNa LeZa]

الوصفات جميله
والموسوعه رائعه
وفيها وصفات حلووووه اووووى
تسلم ايدكـ
ومجهود رائع
بالتوفيق
تحياتى
~~
~

[سارة بنت مصر]

مشكوووووور والله يعطيك الف عافيه

[El_Magic]

شكرا لمروركم على موضوعي وهذا شرف لي ووسام على صدري

[╯ Princess ╭]

مجهود مميز منك

تسلم ايدك