الحلقة الثانيه من برنامج ( من سؤال واحد ) معانا ( A . y . a )

[morshooo]

بسم الله الرحمن الرحيم

اهلا ومرحبا بكم

والحلقة الاولى من برنامجكم

( من سؤال واحد )



فى اعضاء استغربت من اسم البرنامج وفى اعضاء قالولى

بقى فى حد يعمل برنامج ويستضيف عضو فية عشان يسئلة سؤال واحد بس

طبعا فى اسئلة ممكن اجابتها من كلمة واحدة وفى اسئلة ممكن نحتاجلها صفحات وصفحات

ودا هدف البرنامج كل حلقة هستضيف عضو معانا وهسئلة سؤال واحد فقط بس ما تقلقوش

الاجابة على السؤال الى هسئلة اكيد هتحتاج اجابات كتيرة وهتحتاج من الضيف انة يفتحلنا قلبة

ويقولنا اجابتة على السؤال الــ هيتسئلة .

عموما مش هطول عليكم وهنشوف النهاردة الحلقة الاولى

ضيفتى النهاردة واحدة من مبدعى المنتدى صاحبة فكر مميز دائما وصاحبة تواجد مميز

فى المواضيع ليها عالمها الخاص ولها قلمها المميز والدليل انها ( مميزة قسم الاقلام )

معانا النهاردة فى الحلقة الاولى

المتالقة / yasmine refat
مميزة قسم الاقلام

اهلا بيكى معانا



وزى ما كلنا عارفين ان البرنامج من سؤال واحد فقط

فكان دا سؤالى لضيفتى المتالقة

كل واحد فينا بيمر بمراحل فى حياتة كتيرة جدا سواء مواقف ( فرح - حزن - انكسار ) وفى ظل مرورنا بكل المواقف دى بنلاقى اشخاص واقفين بجانبنا لحبهم لنا وقناعتهم بشخصيتنا .

سؤالى :

عايزينك تقوليلنا هتقولى لمين ( شكرا ) مع ذكر اسمائهم وذكر سبب شكرك لهم ؟

ودلوقتى تعالو نشوف رد الضيفة كان اية وهتقول لمين ( شكرا )

سؤال خرافي بصراحة وهياخد وقت ومجهود نفسي ....

أولا :: شكرا لأمي طبعا ( القلب الحنون)

السبب لأنها بجد أجدع أم ( وفي كتير بيحسدوني عليها ) شالت مسؤليتنا لوحدها وتحملت كتير وطلعتنا كلنا متربين وضحت بحجات كثير جدا علشنا وبجد حتى مع الناس أخلاق جدا ( واول ماحد يحصله حاجه بيلجألها بسرعه) مش علشان هي أمي بس هي حد نظيف أوي وطيب أوي لا عمري شفتها حقدت على حد ولا كرهت حد لدرجة أن مواقفها مع بعض الناس بحس فيها ضعف وأنها بتستغل جامد..
غير طبعا لو ذكرت أني متعلقه بها جامد يمكن لتانيه توجيهي وانا بنام في حضنها وهي مدلعاني جامد وبتستحمل مني كتير ... الله يخليها ليه يارب


ثانيا:: لأخويا ( أحمد)

لأنه في طفولتي كان كل دنيتي وتقريبا تعلمت منه حجات كتير ( الحجات البسيطه ) زي طريقة الاكل وكده وهو يمكن الوحيد الي كان بيعيط لما يشوفني تعبانه ( حنين أوي ) للآن بتذكر الالعاب الي كان بيجبلي هي وقعدته معايا علشان أفضفض أما بقى زعلانه وزي كان بيعلمني دروسي ..بقولوا بحبك جدا يا أخويا ..



ثالثا: أخواتي ( مها ومنى وغادة)

لكل واحده معزه خاصه في قلبي ...
مها الي كانت بتتعامل معايا زي عروستها ..
منى الي كانت بتوقف جنبي في اصعب المواقف وشركتني أجن لحظات الحياة علمتني التمرد وعلمتني أكون زي ما أنا عايزه وزي ما أنا بحب
غادة القلب الحنين الي كانت بتفجأني بهدايا في شنطة مدرستي الي بتقف جنب أي حد محتجها وبتضحي الله يسعد قلبها زي مابتسعد قلبنا ..


رابعا: صديقاتي ...


هدى أول صديقه وأخلص صديقه الي بكيت علشاني وكانت بتعمل معايا حجات صراحة متوقعش في حد ممكن يعملها مع حد ( كفاية أنها بتجري ورايا وتسأل وأنا بطنش كتير ) بس بجد ونعم الأخت طيبه وأخلاص وأخلاق الله يخليها ليه

زهراء شخصيه مميزه أكتر واحده فهمتني من جوه ( وده نادر يحصل) برتاح معاها جدا وأنا بتكلم وبقدر أكون على طبيعتي وقفت جنبي وأثبتت أنها نعم الصديقه

مريم .. صديقه يمكن تفرقنا عن بعض لسوء فهم حصل بس كفايه أنها سعت توصلي وترجع الأمور زي ماكانت وكفايه أنها بتحاول توصل لاخباري من وقت لتاني ( وانا مطنشه هههههه بس مش ديما بفصل أحيانا:biggrin


أماني ... من أجمل الشخصيات الي قبلتها يمكن مش من الساهل تتفهم ( لانها دماغ لوحدها ) بس كفايه حنيتها انها بتتذكر تعمل للناس الي بتحبهم حجات حلوه موجوده وقت الشده وحد بجد تقدر تسند عليه وكفايه انها بتفهمني من النظره والحركه ( فقساني اوي )

أمل ::: ( زهرة اللافندر ) تعرف لما تكون مش قريب من حد اوي بس هو بيحبك قوي لدرجة تستغربها لدرجة تخلي يرسلك حجات على الموبايل يفكرك بحجات ممكن تكون نستها ( وتسأل نفسك .. إزاي هو فاكر الحجات دي وإزاي عرفها أصلا) حد كده اول مابيشوفك بيجري عليك ويدور عليك يفضفضلك في الامور الخاصه ويمسح دمعتك لو نزلت مع أني ممكن أكلمها بس مره في الشهر .. أنسانه أقدر أقول عنها ملاااااااااااااااك


نورا... ( البطله ) من اكتر الشخصيات الي اثرت فيا بجد قصة خروجها من مرضها وأصرارها أخلاصها في العمل والتعليم بيخليني أشيل لها أحترام كبير جدا ومعزه وكفاية أنها حد نظيف جداااااااااااااااااااااااا

شهد وبسمه وباسمة ... الصديقات الي مابيكملش يومي الدراسي الا بشفتهم خاصة ( شهد ) لها معزة خاصه لأنها جدعه وخدومه وبتقلي ياياسمين انت بريئه << بحب اوي أما حد يوصفني بدي الصفه

وأخيرا حبيبة قلبي ( الي تعرفت عليها ) من هنا ... ايه ... الجدعه صاحبت صحبتها الي بحكلها كل تفاصيل حياتي وبتستحمل تذمري وجناني .. بتقف جنبي ديما وكفاية قلبها الطيب بحبك اووووووووي يا أيوش



احنا كمان بنشكر الاشخاص الــ ضيفتنا النهاردة قالتلهم

شكرا

لان فعلا يكفى ان اسمهم اطرح علينا رغم عدم معرفتنا بحد فيهم

ولكن من كلام ضيفتنا عنهم اعتقد بيدل على جمال وروعه شخصيتهم

فى النهاية احب اشكر

yasmine refat

على وجودها معانا النهاردة

واتمنى ان وجودها وسؤالى ليها قدر يخرج نوعا ما

حاجا من الــ جواها لجميع الاشخاص الــ زكرتهم

انتظرونى الحلقة القادمة وضيف / ة جديد

تحياتى

mors:003:hooo

[حنـــــون]

حلوه جدا فكره البرنامج
افكارك مميزه دايما يااحمد
الحلقه الاولى موفقه جدا
ضيفه مميزه
واجاباتها ع السؤال وافيه جدا
بالتوفيق ليكى ياياسمين
منتظرين الحلقات الجايه يااحمد
تحياتى للجميع

[dяєαм..|♥]

فكره البرنامج جميله اوى
والحلقه جميله مع عضوه متالقه ومتميزه
شكرا مورشو على مجهودك
منتظرين الحلقه الجايه

[Hearts Whisper]

حلوة اوى فكرة سؤال واحد
بجد وعضوتنا اباحت بالى جواها بطريقة جميلة
تسلم يا مارشوا على الحلقة الجميلة
وعلى ابداعك المستر
فى انتظار الحلقة القادمة

[۩۩ elMagic ۩۩]

دايمـا مميز يا عم احمــد
والبرنامج دا جاامد
نورتينـا ياسمين
بالتوفيق ليكـى ان شاء الله
وربنـا يخليلكـ كل اللى بتحبيهم ويحققلكـ كل ما تتمنيه
مودتــــى

[(اورتيجا&الشبح)]

حلوه اووووي فكرة البرنامج
بس يـ ريت اكون انا اليـ فيـ الحلقه القادمه
هههههههههههههههههههههههههههههه
تح ياتي
^_^

[مشتاقه للجنه]

حلوه أوووى فكرة البرنامج وحلو السؤال والاستضافه

ياسمين ربنا يخليلك مامتك يارب العالمين
ويخلى لكى أخوتك وصديقاتك كلهن ..
وشكراا لكى انك فتحتى لنا قلبك
وشكرا لك أحمد الاستضافه الجميله
تحياتى

[مملكة مصر]

فكره البرنامج جميله اوى
والحلقه جميله مع عضوه متالقه ومتميزه
شكرا مورشو على مجهودك
منتظرين الحلقه الجايه

[ماتركس]

منوره البرنامج يا يااسمين

وربنا يحلي ليكي اصحابك وحبايبك ويديم عليكم كده الخير

موفقه ,,,,

[بحرولكن]

فعلا حلقه جمده جدا

وفعلا مش شرط يكون السؤال واحد

لكن المهم هو السؤال ومدي جوابه

كويس جدا وأستمتع بالاجابات الحلوه

وكمان ما أجمل أن يكون السؤال يأخذ صاحبه لحياه بالكامل

ربما هناك الكثير يكون داخلنا ونحاول أن نفعله

ويأتي أحد ما ويخرج ما بداخلنا ويجعلنا نسرد بدون خوف أو بدون أن نتردد

رائع جدا

ومن تميز إلي تميز مرشو

تحياتي وفي أنتظار ضيف شبيه الضيفه الرائعه

وسؤال جديد

بحرولكن