أول حلقـات بـرنامج عينى عليك .. D: .. مع Mo7aMaD 3aLa2

[∫ αʟм ∫]

الســلـام عليـكم ورحمـه الله وبـركاته
بعد ما عرفتـكم ع البرنامج ده عينى عليك .. D:
حبيت استضيف المشرف الكميل ته Mo7aMaD 3aLa2
ونشوف اللقاء وبعـد كده نكمل بقى

لأول بقى ياقمرى

مين اللى عليهـ/ ــا العين؟:biggrin:
aya
مشرفة قسم الصور سابقاً

واذكرى سبب اختيارك ليهـ / ــا؟؟
يعتبر هى اول واحدة اتعرفت عليها فـ المنتدى وبقينا علطول فى تواصل حتى فـ الفترة اللى كنت منقطع فيها عن المنتدى

اوصف العضو/ة ده بكلمات بسيطة بدون مجاملة اوتجريح
والاهم الصراحة؟؟
شخصية مرحة دمها خفيف ومثقفة ورومانسية ودماغها ناشفة :biggrin:

وايه مدى علاقتك بيهـ / ــا يعنى معرفة شخصية ولا متابعة لمشاركاته؟
لا معرفة خلال النت فقط طبعاً ,, لكن علاقة قوية بـ صديقة احترمها واقدرها

عاوزينك تجبلنا موضوع ليها عجبك طريقة طرحها ليه

وطريقة حوارها مع الاعضاء؟؟

كان ليها افكار مميزة جدا فى قسم الصور زى برنامج كرسى التصوير
•·.·°¯`·.·• كرسي التصوير •·.·°¯`·.·•

وكمان تلت ردود ليها عجبوك ؟؟

ردها فـ الاستضافة هنا عجبنى جداً
الحلقة الثانيه من برنامج ( من سؤال واحد ) معانا ( A . y . a )

والرد دة

اقتباس ايه اكثر شي يجذبك بشخصية اي حد تتعاملو معاه سواء دي شخصية بنت او ولاد ؟ زي ما قولت قبل كده لو بنت ماتكونش بنت تافهة لان للاسف اغلب البنات تافهين دلوقتي لو ولد يكون راجل بمعنى الكلمة مش على البطاقة بس لان للأسف الاغلب على البطاقة بس برضو دلوقتي xD

و الرد دة

اقتباس هههههههههههههههههههه طول عمرك مش بتحبه يا عيلاء xD ميرسي على الصورة =)

هههههههه ,, قصدها على تامر حسنى
كانت بتموت فية من سنتين كدة :biggrin:
بس دلوقتى كبرت وعقلتP:
وبقت تموت فـ محمد منير )

وايه اللى عجبك فى الموضوع والردود؟؟
والله آية ليها افكار كانت مميزة جدا وبتعمل شغل عالى خصوصا وهى مشرفة
ودة كان بيعجبنى فى مواضيعها عموماً
اما الردو فـ تلاقى العقلانية والهزار وطبعا الدماغ الناشفة بتفرض نفسها بقوة :biggrin:

عاوزة بقى تعليق على مشاركة او بعض المشاركات ليها

اللى شايفة انها مكانش موفقة فيها

وكان ايه الافضل ليها تذكره او تركز عليه فى المشاركات دى من وجهة نظرك؟؟
عمر سعيد :: أنا "اليساري المغفل" الذي يدعم أبو الفتوح
المقالة دى بصراحة كانت بتهاجم حمدين صباحى لمجرد المهاجمة
يعنى خلينا نعترف ان ابو الفتوح كان عضو فى الجماعة لمدة طويلة ولما تركها مش لانة فجأة اصبح لا يؤمن بفكرها وانما لانة خالف قرار الجماعة بعدم الترشح واترشح للرئاسة
اما حمدين فـ فى اكتر من موقف وحديث أكد انة يأخذ حسنات الفكر الناصرى وهو اكثر مدنية طبعاً من ابو الفتوح وأكثر شعبية ايضاً بدليل الاصوات اللى حصدها فـ الانتخابات
والمقالة كانت تحمل اتهامات باطلة بخصوص الصاق مساوئ الحكم العسكرى لحمدين لمجرد تأثرة بحسنات الفكر الناصرى
وطبعاً المقالة دى اترد عليها بمقالة محترمة
إسلام الكلحي: إلى اليساري "المغفل" الذي يدعم أبو الفتوح

ومش هفكرك تانى الصراحة اساسى وبلاش دبلوماسية :762:

هههههههههههه صراحة اهو :biggrin:

اكيد بيكون فى بعض الانطباعات لشخصيات قبل ما نتعامل معاها
ايه الانطباع الغالب اللى وصلك عنها وهل اتغير بعد التعامل ولا لأ؟؟

اة كان عندى انطباع عنها بانها شخصية جد علطول
خصوصا انة كنا بنحتك ببعض كتير فى قسم النقاش
بس بعد التعامل لقيتها بتهزر عادى زينا :biggrin:
ودمها خفيف جدا علفكرة
كنت كمان مديها أكبر من سنها من خلال الكلام اللى كان بيدور بينا على المنتدى

ايه وجه النقد اللى توجه ليها فى جانبين
تواجدها كمشرفه وعضوة بالنسبة لمواضيعها ومشاركاتها؟؟


فى اثناء وجودها كـ مشرفة مفيش اى نقد ,, انا شايف انة كانت بتقوم بدورها على اكمل وجة
اما بعد تركـ الاشراف قلت كتير نسبة تواجدها فـ المنتدى


والجانب التانى تعاملاتها مع الغير؟؟


تعاملاتها حاليا محمدودة فـ المنتدى وميعرفهاش غير الناس القدامى
زمان كان تعاملها دايماً أكيد يغلب علية الاحترام والزوق والعند أحيانا :biggrin:
لكن هى مجملا شخصية ودودة وطيبة

Have Fun :biggrin:

وده كـان حوارنــا مع موحمـد :biggrin:
طبعـا هو شلنى عقبال ما رد على الاسئله بس يلا ^_^
كـان منور والله :biggrin:

أنتظـرونى مع ضيف جـديد بقن :biggrin:

[۩۩ elMagic ۩۩]

جميله جدا فكـره التوبيكـ
مجهود مميز يا رودى
نورت يا محمد الحلقهـ
وآيه شخصيه مرحهـ ومحبوبه من الجميع
يدوم التميز والنشاط يا روضهـ
مودتــــــى

[نقاء القلب]

حلقه جمييييله اوى ^^

ومحمد منور الحقه باجوبته ,,

ومجهود عالى منك ي سكره

[PrinCesS Gege]

حلقه جميلة جدا

منور يا محمد

ف انتظار الضيف التانى يا قمر

بالتوفيق ان شاء الله

تقبلى مرورى

[نورا ❤]

حلقة جامده مع شخصية محترمة زي محمد
منور باجاباته الجميلة..
تحياتي ليكوو

[ŌиĹч.Ḿё]

حوآر جميل ,, رودى
وآجآبآت جميله من علآء
بالتوفيق ليكم
ودى

[SiLver Spectra]

اقتباس شخصية مرحة دمها خفيف ومثقفة ورومانسية ودماغها ناشفة :biggrin:

نسيت تقول كمان انها اسكندرانية متعصبة )

[A . y . a]

انا فيه ناس بعتولي قالولي اسمك موجود هنا فا فتحت لقيتني في اول سؤال قولت ماشي

السؤال اللي بعده ماشي اللي بعد بعده ماشي .. بعدين اكتشفت ان الموضوع كله عليا )

شعور جميل لما يكون موضوع كامل عنك كده :biggrin:

اولا : عيلاء بجد انسان محترم و كويس جدااا ومن الناس اللي انا اتشرفت بمعرفتهم هنا واتمنى صداقتنا تدوم على طول =)

تانياً : ميرسي جدا يا عيلاء على كل كلامك بجد .. اي نعم كل شوية تقول ان دماغي ناشفة واني عنيدة بس دي الحقيقة فا هعديها )

وبالنسبة للمقالة اللي مش عجبتك فا هيا مش بتهاجم حمدين ولا حاجة بس هيا بتوضح ان زي ما فيه سلبيات في ابو الفتوح فا فيه كمان سلبيات في حمدين بس جت فترة الناس كلها مركزة على سلبيات ابو الفتوح بس

بالذات مؤيدين حمدين مع ان مؤيدين فتوح ماكانوش بيركزوا على سلبيات حمدين بالعكس ! فا المقالة بتوضح بس ان زي ما ابو الفتوح فيه سلبيات فا حمدين كمان مش ملاك يعني :biggrin:

وبس كده xD

ميرسي مرة تانية يا عيلاء بجد وانت من الحاجات اللي انا كسبتها في المنتدى انت وكل اصحابي اللي اتعرفت عليهم هنا .. شكرا اسديكي :biggrin:

وميرسي على التوبيك والفكرة الجميلة يا رودي

[Lost Pearl]

منور الحلقة يا محمد

و شكل آية من كلامك بنت عسولة اوي

قولها ترجع تشارك معانا بقي :biggrin:

نورت اساحبي


رودي تسلمي ع البرنامج الجميل و ف انتظار الحلقات الجاية

[Lαzєzα]

نايس حلقه
ؤربنا يديم الود بينكم بقى
تسلم الايادى