عجايب الفيس بووك

[mīĐŏ ǺĻ ƒâηâη]

_أسماء البروفايلات
لا تعكس شخصية صاحبها الحقيقية بقدر ما تعكس اضطراباته النفسية ..
"لولا العسولة" و "سوسوالجامدة" و "حمادة الروّش"
...
2_صور البروفايلات:
الولد :بعيدا عن تسقيطه البنطلون والحظاظات الشقيه وشعر الصدر حسين
و قد يصل من الإعجاب بذاته لدرجة تدفعه لعمل "تاج" لكل الناس اللى عنده فى صورته الشخصية !! و لسان حاله يقول "مين فى حلاوتى ميـــــــن .. مين فى جمالى ميـــــــن؟" .

اللى يغيظك بقى .. إنك تلاقى كومنت عالصورة "وااااااااو .. تجنن يا حمادة .. أنت جميل و مقطط .. وشكلك روش فعلا .. ممكن نتعرف ؟"
فيرد حمادة برجولة مـُـفرطة "ثانكس سويتى .. ♥ .. أكيد ممكن نتعرف .. أنا إيزى خالص و أحب أعرف البنات الجامدين اللى زيّك"

أما بالنسبة ل"لولا العسولة"..يا صوره فنانات او صورة لولا الشخصية و هى لابسة فستان سواريه وواضح إنها واخداها و هى رايحة فرح علشان ما صدقت يكون الميك آب مظبوط .. و كله تمام .. يمكن النصيب يجيلها "أونلاين" !


و كالعادة .. تكون الكومنتات "أنتى ازاى حلوة كده ؟ بجد أمورة خالص .. ممكن نتعرف؟"
فترد بحياء شديـــــــــــــــــــد "ميرسى خالص .. أنت حد لذيذ موووووت و دمك شربات .. بس بليز بلاش معاكسة علشان بجد بتكسف


3_الجروبات
منتهى السذاجه
- تحدانى جزائرى أن أجمع مليون مصرى فى جروب واحد .. تحدانى زملكاوى أن أجمع مليون أهلاوى فى جروب واحد .. و أخيرا "تحدانى كائن فضائى أن أجمع سكان الأرض فى جروب واحد" ..
الجروب الرسمى لشباب 6 إبريل الأهلاوية – الجروب الرسمى لمشجعى مانشستر يونايتد اللى عندهم تسلخات ..

انشرها .. الله لا يسيئك

"أقسم بالله العظيم أنى أهلاوى .. و بحب أبو تريكة .. و هبعتها لكل أصحابى .. لاحظ إنك أقسمت .. يعنى خلاص بقيت أهلاوى" >> أحدث طرق تجنيد المشجعين


(ممكن طلب صغير .. صلّى على النبى 10 مرات .. و ابعتها ل10 أشخاص .. و هتسمع خبر حلو الليلة الساعة 10 .. و لو ما بعتهاش يبقى ذنوبك هى اللى منعتك!) .

ملحوظة : لا تفكر أن تناقش المرسل .. لإن رده لن يخرج عن الآتى : (هى وصلتلى كده .. "أحرّفها" يعنى ؟) أو (يا أخى يعنى لو صليت عالنبى هتخسر حاجة؟) أو (كفاية زندقة بقى مليتو البلد .. هو احنا ما اتأهلناش لكاس العالم من شوية..

[توحد ارواح]

ههههههه

استمتعت بقراءته لانى
اممممم
عمرى مش دخلت الفيس
لانى اخرتى المنتدى و بس
مشكور اخى ع التوبيك الجميل
تحيتى

[Aya 7ekaya]

هههههههههههه اه والله بنشوف عجايب

[♥SaRa]

ههههههههههههههههههههههه
اة والله فعلا عجائيب
اهي بلاوي وبتتحدف ع الفيس وعلينا
ههههههههههه دول نكتة
بس بجد تسلم عيونك الي شافتها
وتسلم ايدك الي كتبتها
ههههههههه والله انا ضحكت كتيررررر
تسلم ومشكووووووووورررر بجديا كابو:079:

[روح صامتة]

ههههههههههههههههه )
وربنا موضوع زي الفل ..
الفيس دا احلى حاجة فيه ينفع لكل حاجة ..
دا بتاع كله يعني
تسلم يا كابو ع الموضوع
ارق تحياتي

[۩۩ elMagic ۩۩]

ههههههههههه
فعلا فيه كل دا ومش عارف عاجب الناس فى ايه
انا نادر لما بتدخله ولما بتدخل مش بتفاعل
ممل لأبعد الحدود
تسلم ى برنس على الموضوع

[عندليب سيناء]

موضوع كتير حلو يسلمووووووووو

[اميره شاعره]

توبيك معبر عن الحاجات اللى بتضايقنى عالفيس بووووووك

[قهر الليالي]

اي والله صادق والي يقهر اذا ادلعو موحلو مولايق عليهم
شكرا......

[Arco Baleno]

ماعندي خلفيه عن الفيس
لكن ممتع الموضوع
سلمت يداك اخي