خليك زي البطاطس المحمره

[اهلاويه موت]

عارفين ليه البطاطس المحمره هية الاكلة
الوحيدة اللي اجتمع الناس كلهم علي حبها ؟

1- البطاطس المحمرة لما بتتقلي في الزيت بتبقي عادة مقرمشة من برة
و طرية من جوة -
عشان كدة لما حد يعمل معاك موقف سخن اوي
ماتعملهوش وحش اوي ..
ايوة حاسسه انك زعلان منه و خد موقف
بس خلي قلبك ابيض و وطري
"طيب يعني " مش ناشف و سامح
عشان ربنا بيسامح البطاطس المحمرة

2-البطاطس المحمرة تلاقيها عند ماكدونالدز ( فرينش فرايس)
و برضه تلاقيها عند بتاع الفول والطعميه

يعني انت كمان خليك زي البطاطساية
ماتتكبرش علي حد وصاحب كل الناس غني او فقير

3-البطاطس المحمرة بتتقدم مع حاجات كتير :
مايونيز , كاتشب ,صالصات مختلفة و ساعات كمان طحينة
بس بتفضل في الاخر اسمها بطااااطس
-يعني مهما اتعرضت لثقافات و بيئات مختلفة احتفظ دايما بشخصيتك المستقلة
و طريقة تربيتك و خلي الناس هية اللي تتاثر بيك

4-البطاطس برضوا ممكن تبقي شيبسي
و هي اول حاجة بنفكر فيها لما بنحس بالجوع و احنا برة البيت
- ساعد الناس دايما و خليك اول واحد ييجي علي بالهم لما يقعوا في مشكلة خليك جدع زي "الشيبسي"


5-البطاطس المحمرة لو اتهرست بتبقي بارضه طعمها حلو
و ممكن نسميها "بطاطس بيوريه"

-مهما الدنيا تهرس و تبهدل فيك خليك شخص كويس و لذيذ


عشان تبقي محبوب من كل الناس :
خليك بطاطس

[shrOok]

ما اروع هذا الموضوع
يعجز لسانى عن شكرك لهذا الطرح المميز
تحياتى
shrOok

[اهلاويه موت]

شكرا لمرورك على موضوعي

[teakwboy]

ماشاء الله على البطاطس المحمره حلوه كتير

[اميره شاعره]

موضووووووووووووووووووووووع مميز يسلموووووووووووو

[براءة حلم]

ههههه روعه والبطاطس عرفنا قدرها

[اهلاويه موت]

اقتباس المشاركة الأصلية كتبت بواسطة teakwboy ماشاء الله على البطاطس المحمره حلوه كتير

شكرا لمرورك على موضوعي

[اهلاويه موت]

اقتباس المشاركة الأصلية كتبت بواسطة اميره شاعره موضووووووووووووووووووووووع مميز يسلموووووووووووو

شكرا لمرورك على موضوعي

[اهلاويه موت]

اقتباس المشاركة الأصلية كتبت بواسطة براءة حلم ههههه روعه والبطاطس عرفنا قدرها

شكرا لمرورك على موضوعي