تورتة بالفراولة

[ملاك صعبة الإمتلاك]

دي تورتة الفرولة اللذيذه جدا...سهله جدا ومش محتاجه تزيين بكيس
الكريمة..وطعمها وريحتها زي الجاهز بالظبط واحلي.هسيبكو مع الصور الاول..

وعلي فكره التارت ده تارت كريم تشيز

المقادير...

5 بيضات
1 معلقه كبيرة خل (ابيض عادي)
نص كيلو دقيق سبونج (من عند محل مستلزمات الحلواني..وده بيدي نتيجه روعه ومش غالي)
1 فانليا
نص كوب ماء
كيلو فروله للتزيين والصوص +3 معالق كبيره سكر
4 اظرف كريمه شانتيه او ربع كيلو كريمه بودر
لبن علشان الكريمه
1 جيلي فروله
نص كوب سفن اب او شربات او عصير كمبوت (اللي موجود)
نص كوب مكسرات مطحونه او 7 بسكوتات نشادر او بسكوت ساده لتزيين الجوانب

الطريقـــــــــــه

هتسخني الفرن وتبتدي في بوله عميقه تضربي ال5 بيضات +الفانليا
+معلقه الخل لمده دقيقه وبعدين تضيفي نص كوب الماء..وتضربي دقيقه كمان وبعد كده تضيفي
النص كيلو دقيق الاسبونج(خالي بالك انتي مش
هتحتاجي اي سكر او بيكنج بودر او محسن او اي حاجه غير اللي انا كتباها لان الدقيق
الاسبونج بيبقه فيه كل ده..هو بجد بيوفر لان النص كيلو تقريبا ب6...والله روعه)
هتكملي ضرب لمده 5 دقايق لغايه لما الكيكه يبقه لونها
فاتح وتبقه عامله زي الكريمه.هتدهني صنيه مقاس 26 تقريبا بسمنه او زبده خفيف
وتحطي شويه دقيق صغيرين عليها وترمي الزياده (تبطني الصنيه) وتحطي الخليط
في الصنيه وعلي الفرن الساخن ت.تخليه عالي شويه لمده 5 دقايق وبعدين تهدي
شويه يعني يبقه وسط.وماتفتحيش عليها قبل نص ساعه.واختبري السوا
بانك تغرسي سكينه رفيعه في وسطها لو طلعت نظيفه يبقه
تمام اما لو فيها عجين يبقه تهدي النار وتكملي سوي لغايه ماتستوي.
بعد كده بتاخديها من الفرن وتقلبيها علي طبق تخليها تبرد.
وبتقسميها 3 بالسكينه المشرشره.
الفروله بناخد نصها (اللي شكلها مش منتظم والصغيريين) ونحطهم في الخلاط
مع سكر بدون ماء ونظربهم وبعدين بنديها غلوه علي النار وتدوب نص الجيلي
في ربع كوبايه ماء مغلي ونظيفه للصوص بعد مانشيله من علي النار. ونسبها تبرد.وناخد اول
طبقه في الكيك (القاعده) ونسقيها بشويه شربات او سفن اب وبعدين نحط كميه
من الكريمه ونفردها وبعدين نحط 3 معالق من صوص الفرولهونحط الطبقه التانيه
وهاكذا لغايه مانخلص الطبقات كلها لكن اخر طبقه قبل مانحط الكريمه
بسكينه حاميه هنشيك الاجناب بتاعة التورته(اوعي ترميها..اديها للاولاد )
ووزعي الكريمه علي الاجناب كمان..وزيني الجوانب بالبسكويت المطحون او المكسرات المطحونه
وابتدي رصي الفروله زي الصوره كده
وبعدين حطي شويه صوص من بتاع الفروله ونصبه في النص وممكن نخليه بنزل
وممكن النص التاني من الجيلي دوبيه في ربه كوم مايه مغليه وضيفي عليه معلقه عسل
لو فيه ولمعي بيه الفروله (اختياري).طبعا حطي التورته في التلاجه كام ساعه قبل التقديم.

وبالهنا والشفا ويارب تعجبكم يارب.
ودي صوره من فوق ليها

[Ŗăήćy]

شكلها لذيذه جدا
تسلمى يــــآقمر

[Princess Noda]

تسلم الايادى
مجهود رائع

[~♥ Queen sozan♥~]

تسلمــ ايدكـــ .. موضوع قيم منك ورائع ..

.. ومنتظرين الجديد

تحياتى ليكــ

soma

[P R ! M O]

*_*
:
:
:

تسلمى ع الطريقه

مجهودك مميز

[shrOok]

مشكووووورة يا قمر
تحيتى

[سارة بنت مصر]

مشكوووووور والله يعطيك الف عافيه