الكوارع والممبار

[PrinCesS Gege]

اتفضل يا نهر الكوارع والممبار اللى طلبتهم

وسورى على التأخير لسه شايفه الطلب ناو

الكواااارع وفته الكوارع


اول حاجه تغسلها بدقيق وملح للاحتياط

تضع التوابل التاليه

2عود قرفه(دارسين)

ورق لورا

قرنفل(مسمار)

فلفل اسود

ملح

جنزبيل ناعم رشه خفيفه

بصله مقطعه اربعه


الطريقه

نضع الحله على نار بداخلها ماء لحد الغليان وبعدين نضيف الكوارع مع كل التوابل السابقه



تترك على النااااااار حوالى من ساعتين الى ثلاثه ساعات حسب الحجم

تعالو نجهز الفته

وبعدين تحمس العيش البلدى المقطع مع ملعقه سمنه بلدى و2 فص ثوم مهروس تتحمس اما على النار او فى الفرن




وبعدين نسخن الطاسه ونضع فيها ملعقه سمنه وبعدين الثوم مع رشه خفيفه كسبره ناعمه

حتى يحمر الثوم وبعدين نضيف 2 ملعقه خل وبعده كده نضيف الطماطم المعصوره حوالى حبتين
حتى تتسبك

ناخد 2 ملعقه من الصلصه نضفها على العيش المحمص ونقلبهاااااا وبعدين نضيف شوربه الكوااااارع



نغطيها ونتركها جانبا لمده بسيطه حتى يتشرب العيش من الشربه
ونغطى طبق الفته بالارز الابيض
وباقى الصلصه مع شويه شوربه(كبشه فقط)نغليها مع بعض ونضفها فوق الارز


الكوارع طبعا استوت كويس علشان تكون لذيذه نطلعها من الشوربه ونصفيها وبعدين نحمرها
فى 2 ملعقه سمنه بلدى



وده شكلها النهااائى يا رب تعجبكم

.................................................. .................................................. ........
.................................................. .................................................. .........

دلوقتى هنعمل الممبار او الامعااااء
بعد الغسيل والكحت والنقع فى الملح والخل


الحشوه تختلف من شخص لاخر فى الممبار الضانى ان يدخل فى الحشو لحمه مفرووووومه وقليل من الطماطم المقطعه مكعبات

انما فى الممبار البقرى
خليط من الطماطم المسبكه او صلصه
بصل مقطع
شبت+بقدونس+كسبره+فلفل اخضر
ارز مصرى غير منقوع
طماطم مقطعه مكعبات صغيره
زيت
شطه+ملح+فلفل+اى توافل تفضليها على خلطه المحشى

(((كيلو نصف ممبار معها حوالى 3 كيلو ارز))




نخلط كل المكونات مع بعضها ونبتدى فى حشو الممبار بعد تقطيعه الى الطول المناااسب


طبعا ده جزء من الممبار

نضعه فى الماء المغلى مع اضافه الملح




نتركه حتى ينضج تقريبا ساعه الا ربع
نطلع الممبار من الحله ونحطه فى مصفى حتى ينشف تماماا من الماااااااااااء
مهمه الخطوه دى علشان التحمير


نحمر الممبار فى زيت ساخن من كل الجوااااااااانب حتى يكتسب اللون الذهبى
ونطلعه على ورق مطبخ حتى يمتص الزيت الزااائد
وده شكله النهائى




بالهنا وشفا

^_^

[نهر النيل]

ما شاء الله
لا انا كده اعترفت انك طباخه ممتازه
وبسحب كلامي لما قلت طبخه نص كم شكلي
هههههههههههه
حقيقي
روعه روعه روعه
مجهود ولا احلى
ووصفات ولا اطعم
ياسلام لو حقيقيه بئا وتعزميني وتعزمي المنتدى
مؤكد يكون اروع كتير
يارب ما اتحرم منك برنسيس ولا من ذوقك ولا من تقديرك
وحقيقي انا متشكر كتير للعزومه الجامده دي
دي وليمه مفتخره
يالله كل يوم حاجه كده
وريني نشاطك هنا
ميرسي كتير برنسيس
طبعا اعلى تقييم
ميرسي جدا



*****

[jasmean]

شكراا علي الطبخه

بس انا بصراحه مش بحبهم خالص

ياسمين

[PrinCesS Gege]

اقتباس المشاركة الأصلية كتبت بواسطة نهر النيل ما شاء الله لا انا كده اعترفت انك طباخه ممتازه وبسحب كلامي لما قلت طبخه نص كم شكلي هههههههههههه حقيقي روعه روعه روعه مجهود ولا احلى ووصفات ولا اطعم ياسلام لو حقيقيه بئا وتعزميني وتعزمي المنتدى مؤكد يكون اروع كتير يارب ما اتحرم منك برنسيس ولا من ذوقك ولا من تقديرك وحقيقي انا متشكر كتير للعزومه الجامده دي دي وليمه مفتخره يالله كل يوم حاجه كده وريني نشاطك هنا ميرسي كتير برنسيس طبعا اعلى تقييم ميرسي جدا *****

هههههههههههههه لا متسحبش كلامك انا اصلا مبعرفش اطبخ بوصف بس :biggrin::biggrin:

انت تؤمر اعزمكوا عاتى بس احجزوا سراير ف المستشفى بقا قبل ما تيجوا تاكلو :762::762:

العفو يا باشا

ميرسى ليك

نورت

[PrinCesS Gege]

اقتباس المشاركة الأصلية كتبت بواسطة حمره الخجل شكراا علي الطبخه بس انا بصراحه مش بحبهم خالص ياسمين

ميرسى يا قمر على المرور

نورتى

وانا كمان مبحبهاش بس دا طلب :445:

[القمر الباكي]

الله الله يابرنس

شكل الاكلة دي هايلة
نفسي من زمان اذوق الحمام المحشي المصري
هنا بسورية الاكلة دي مش موجودة
تعرفي تعمليها؟؟
وممكن لو تعرفي تنزليهالي ياقمر؟؟

[PrinCesS Gege]

اقتباس المشاركة الأصلية كتبت بواسطة chocolate lady الله الله يابرنس شكل الاكلة دي هايلة نفسي من زمان اذوق الحمام المحشي المصري هنا بسورية الاكلة دي مش موجودة تعرفي تعمليها؟؟ وممكن لو تعرفي تنزليهالي ياقمر؟؟

ميرسى يا قمر على المرور

ومن عنيا هبقى انزلك وصفه الحمام المحشى انتى تؤمرى

نورتى

[~♥ Queen sozan♥~]

تسلم ايديكـــ
موضوع قيمــــ
وان شاء الله موفقة

تحياتى
soma

[شاعر واسير الحب]

شكرا علي المجهود الرائع

شكرا علي الاكلة الجامدة فين الفتـــــــــــه
تسلم الايادي
دمت بخير