حملة الموسوعات الرمضانية لعام2012 +البداية

[Sєяєєη●•ʚɞ]

كل سنة وإنتم طيبين أخبار ثانى يوم صيام ايه ؟ كتير أوي بنكسل ونتحجج بأننا مش هنقدر نلتزم بس مانعرفش اننا لو بدأنا بنية صافيه للتقرب من ربنا هنلاقى ربنا ساعدنا وعنا أنا اول واحدة فيكم اترددت انزل الحمله السنادى بالرغم انها نجحت جدا السنة اللى فاتت بس بالرغم من الظروف اللى انا فيها لان ماما عامله عمليه ( ادعولها من فضلكم ) إلا انى صممت انى انزل حمله السنادى وقلت ان شاء الله ربنا هيعينى بالرغم انى منزلاها متأخر فأنا هبدأ وبمدلكم ايدى علشان نعمل كلنا حاجة مع بعض تنفعنا فى اخرتنا يلا نتشجع واشتركوا معايا ومش تترددوا بالظروف لاننا لو فكرنا فى ظروفنا هنتردد ومش هنعمل حاجة خالص وأولكم أنا ' ' ' مانيجى فعلا نخلى رمضان دة احسن رمضان فى حياتنا :::star: تعالوآ نحط ادينا فى ايد بعض ونساعد بعض فى الخير :::star: تعالوآ نستفيد من قاعدتنا على النت بحاجة تزود حسنتنا :::star: تعالوآ مانكسلش عن فعل الخير ونتسارع على الحسنات :::star: تعالوا بلاش نتحجج ونقول هنكون مش فاضين فى رمضان ومش هنقدر نلتزم :::star: تعالوا نتغلب على نفسنا وعلى الشيطان ونبدأ بجد :star: :star: :star: ' ' تعـالوآ شاركوا معايا فى الحملة دي الحملة السنادى مختلفة عن السنة اللى فاتت فى موسوعاتها الحملة دى ببساطة عبارة عن 7 موسوعآت:sly: 1 موسوعه سنن النبى هنتعلم كل يوم سنة جديدة من سنن سيدنا محمد 2 موسوعة أخلاق المسلم والاداب الاسلامية هنتعلم كل يوم خلق جديد واداب اسلامية 3 موسوعة نساء مسلمات هنتعرف على قصص اهم النساء التى ذكرت فى القران وفى قصص الانبياء وادوارهم 4 موسوعة زوجات الرسول هنتعرف على زوجات الرسول وطريقة زواجهم بالرسول 5 موسوعة العبادات هنتعرف على اهم العبادات الاسلامية كالزكاة والصلاة والصيام 6 موسوعه فتاوى رمضانية هنتعرف على اهم الفتاوى الرمضانية 7 موسوعة اسرار الاعجاز فى القران والسنة هنتعرف على بعض الاعجازات الموجودة فى القران والسنة شرح الحملة:sly: كل عضو او اتنين (ع حسب العدد اللى هيشترك ) هيشتركوا فى موسوعه ينزلوها لمدة ال30 يوم يعنى كل يوم هينزلوا منها جزء >> يعنى لو اتنين اشتركوا فى موسوعه يبقى كل واحد هينزلها ف يوم كل اللى هتعملوة انى هوزع على كل واحد الرابط بتاع موسوعته ويحط كوبى وبست منها كل يوم منها.. مهمتة انة يقسم الموضوعات الموجودة فى الرابط ع 30 يوم وينزل منها وفى روابط متقسمة لوحدها..ريحتكم خالص اهو يعنى الموضوع مش مجهد يعنى الموسوعه مش هتاخد منكم 10 دقايق رد و10 زيهم تقروا وتردوا ع باقى الموسوعات اللى فى الحمله شروط الحملة:sly: 1 الالتزام ثم الالتزام بالدخول يوميا طول شهر رمضان ولو ربع ساعه تحط موسوعتك وترد على الموسوعات الاخرى دة اهم شرط لازم اللى يشترك يكون جدى فعلا لاخر الحملة مش مجرد يحجز مكان وخلاص ملحوظة : لو كنتم اتنين فى الموسوعه هتريحوا بعض (كل واحد يوم) بس المهم ان الموسوعه يوميا هينزل فيها جزء لو فرضنا ان حد جاله ظروف قهرية وماقدرش يدخل فى يوم هنراعية بس بشرط انةتانى يوم ينزل الجزئين مع بعض بتواريخ كل يوم (بس يعرفنى قبلها) :star: :star: :star: :star: 2 كل يوم هتنزل فيه جزء من الموسوعه هتكتب التاريخ الخاص بكل يوم مثلاموسوعه نساء مسلمات هتقول التاريخ 1 رمضان 1433 العنوان : ماشطة فرعون :star: :star: 3 الرد يوميا على كل الموسوعات المشتركة معاك فى الحملة (هنردعلى بعض ياجماعه وندخل موسوعات بعض دة شرط ضرورى).. والرد يبين استفاتك ومتفاعله مع صاحب الموضوع وتقرأ فعلا لان الهدف الاساسى هو الاستفادة :star: :star: 4 ضرورى جدا وشرط مهم هحاسب علية فى التقييم : لازم كل الموسوعات تنزل بالنهار يعنى قبل المغرب علشان ناخد الثواب واحنا صايمين بعد المغرب فطار وصلاة فالموسوعات كلها لازم تنزل قبل المغرب وبالنسبة للرد عليهاممكن تردوا بعد المغرب عادى بس فى خلال اليوم :star: :star: 5 تقسم الموسوعه بحيث يكون كل يوم جزء صغير منها (مش ألاقيكم كاتبين صفحات لازم يكون جزء صغير اوى علشان الناس تقرأ وماتزهقش وراعوا ان كل واحد فيكم هيقرأ السبع موسوعات ويرد ).. الاهتمام بالموسوعه وتنظيمها بيفتح النفس وبيساعد الاعضاء انهم يتابعوها وكل دة بيكون فى التقييم :star: :star: التقييم:star::star::star::star::star: هتابع معاكم يوم بيوم وهيكون فيه تقييم كل 10 ايام للمجهود والالتزام والتميز هيكون فيه شهادات تقدير ، مشاركات تحميسيه ووسام الحملة فى التقييم النهائى خالص هينزل توبيك للتقييم لوحدة وطبعا قبل كل دة كفاية الثواب اللى احنا بندور عليه انا هاخد معاكم موسوعه بس مش هدخل نفسى فى التقييم طريقة الاشتراك:sly: مطلوب 13 عضو كل اتنين فى موسوعه (انا منهم) ادخل قول انا مشترك فى الموسوعه الفلانية وسيب الباقى عليا وهقولكم تعملوا ايه بالضبط الاشتراك لمدةيومين بس النهاردة وبكرة وهنبدأ ان شاء الله على طول بالموسوعات اللى اكتملت سواء العدد اكتمل او لا وعندى امل انى هلاقى ناس كتير مش هتكسل عن الخير فإلحق مكان وماتترددش ابدأوا معايا وربنا يعينى ويعنكم بس بلاش تكسلوا وتخلوا نفسكم تتحجج الموضوع مش هياخد منكم ربع ساعه

[Sєяєєη●•ʚɞ]

اختارت انا الموسوعه دى انا وواحدة معايا


موسوعة اسرار الاعجاز فى القران والسنة

[الملكة كيلوباترا]

يااااه اخيرا حملة الموسوعات اتعملت تانى
انا مبسوطة انك عملتى الحملة تانى ياسيرو
واحب اقول ان انا مشتركة فى موسوعة زوجات الرسول
^^

[м a я a м]

جميل ي سيرين ربناّ يجاّزيكى عليه كل خير
ويشفى ماّمتك باّذن الله ،،
وانا حشترك فى موسوعه سنن النبى ان شاء
تسلمى ع المجهود ي رب ،،

[ملكة الهدوء]

فكره جميله اوى بارك الله فيكى وجعله فى ميزان حسناتك

والف سلامه على مامتك وباذن الله تقوم بلاسلامه وتكون فى احسن حال

ونا باذن الله اشترك فى

4


موسوعة زوجات الرسول

[Sєяєєη●•ʚɞ]

اقتباس المشاركة الأصلية كتبت بواسطة girl stump يااااه اخيرا حملة الموسوعات اتعملت تانى انا مبسوطة انك عملتى الحملة تانى ياسيرو واحب اقول ان انا مشتركة فى موسوعة زوجات الرسول ^^

نورتنى جدا والله ..وانتى كنتى من مشتركين الحمله السنة اللى فاتت وكان شغلك حلو
اوك انتى كدة فى موسوعه زوجات الرسول ويلا روحى شدى واحدة صاحبتك معاكى

[Sєяєєη●•ʚɞ]

اقتباس المشاركة الأصلية كتبت بواسطة м a я a м جميل ي سيرين ربناّ يجاّزيكى عليه كل خير ويشفى ماّمتك باّذن الله ،، وانا حشترك فى موسوعه سنن النبى ان شاء تسلمى ع المجهود ي رب ،،

آمين يارب
فرحتينى والله يامرام بإشتراكك ..انتى اشتركتى فى اتصميم جوائز الحمله السنة اللى فاتت
اوك انتى كدة فى موسوعه سنن النبى ولو تعرفى واحدة صاحبتك اجرى بسرعه وشديها
..

[أمَيـرة بنــظرتـى]

حلوة اوى ي سيرين
تسلملنـآ أفكـآرك ي سوكرآآ
وربنـآ يشفى مامتك بأذن الله وترجع
احسن من الاول و انا مع رآمـآ فى سنن النبى
منتحرمش ,, تحيتى =)

[Sєяєєη●•ʚɞ]

اقتباس المشاركة الأصلية كتبت بواسطة ملكة الهدوء فكره جميله اوى بارك الله فيكى وجعله فى ميزان حسناتك والف سلامه على مامتك وباذن الله تقوم بلاسلامه وتكون فى احسن حال ونا باذن الله اشترك فى 4 موسوعة زوجات الرسول

الله يسلمك ..امين يارب
نورتينى طبعا باشتراكك ..وشديلك واحدة صاحبتك معاكى ولو مافيش هنوفق راسين من المشتركين فى الموسوعه طبعا :biggrin:
نورتينى كتير

[Sєяєєη●•ʚɞ]

اقتباس المشاركة الأصلية كتبت بواسطة sugаЯ حلوة اوى ي سيرين تسلملنـآ أفكـآرك ي سوكرآآ وربنـآ يشفى مامتك بأذن الله وترجع احسن من الاول و انا مع رآمـآ فى سنن النبى منتحرمش ,, تحيتى =)

آمين ..تسلميلى ياحبيبتى
خلاص انتى ومرام كدة اسرة واحدة مع بعضيكم فى الموسوعه
حاسة ان الصيام قلب معايا ع تهيس ليه ههههههههه
نورتينى